Lajmet

Sulmet ajrore izraelite vrasin 32 civilë në shkolla dhe shtëpi në Gaza

Published

1 year ago

August 8, 2024

Betim Gashi

Të paktën 32 civilë, përfshirë fëmijë, u vranë sot kur avionët luftarakë izraelitë bombarduan dy shkolla që strehonin familje të zhvendosura në qytetin lindor të Gazës, si dhe disa shtëpi në Khan Younis dhe në Rripin qendror të Gazës.

Në qytetin e Gazës, avionët sulmuan me raketa Shkollën Abdul Fattah Hamoud dhe Shkollën Al-Zahra, duke vrarë të paktën 15 civilë të pafajshëm. Të dyja shkollat shërbejnë si strehimore për dhjetëra familje të zhvendosura nga gjenocidi izraelit.

Shoqëria Palestineze e Gjysmëhënës së Kuqe raportoi se viktimat, duke përfshirë disa individë të plagosur rëndë, u transportuan në Spitalin Arab Al-Ahli në qytetin e Gazës.

Njëkohësisht, punonjësit e shpëtimit raportuan se kishin marrë tetë trupa nga një sulm ajror në kampin e refugjatëve Bureij, Gaza qendrore, dhe gjashtë të tjerë nga një shtëpi në lindje të qytetit të Qarara në provincën Khan Younis. Tre persona të tjerë u konfirmuan të vrarë pas një sulmi ajror në lagjen Zaytoun, në juglindje të qytetit të Gazës.

Agresioni i vazhdueshëm izraelit në Gaza që nga 7 tetori 2023, deri më tani ka rezultuar në 39,699 viktima të dokumentuara palestineze, kryesisht gra dhe fëmijë, përveç 91,722 të plagosurve. Mijëra viktima mbeten të bllokuar nën rrënoja, të paarritshme për ekipet e emergjencës dhe të mbrojtjes civile për shkak të sulmeve./UBTNews/

Lajmet

Gjithçka gati për startin e Ligës së Kampionëve 2025/26

Published

2 hours ago

September 15, 2025

UBT News

Liga e Kampionëve e UEFA-s, kompeticioni më prestigjioz për klube në futbollin evropian, rikthehet këtë javë me një tjetër sezon që pritet të sjellë emocione dhe duele të zjarrta mes skuadrave më të mira të kontinentit.

Sezoni 2024/25 solli për herë të parë formatin e ri të garës, duke hequr fazën klasike të grupeve dhe duke e zëvendësuar atë me një ligë me 36 ekipe, secila me nga tetë ndeshje.

Nga kjo fazë u kualifikuan 24 ekipe në raundet eliminatore, derisa finalja u luajt në Allianz Arena ku PSG dominoi Interin me një fitore historike 5-0 triumfi më i thellë në historinë e finales së Champions League.

Edhe këtë vit, do të zhvillohen 144 ndeshje gjatë tetë javëve të fazës së ligës.

Tetë ekipet më të mira kalojnë direkt në fazën e 1/16-ve, ndërsa skuadrat nga vendi i 9-të deri në të 24-tin do të luajnë play-off për t’u kualifikuar më tej. Finalja e madhe do të luhet në Puskás Arena të Budapestit, më 30 maj 2026.

Sezoni i ri i Ligës së Kampionëve premton spektakël, surpriza dhe emocione deri në finalen e madhe të Budapestit./S.K/KP/

Lajmet

Gjendet pa shenja jete një person në Prishtinë

Published

3 hours ago

September 15, 2025

UBTnews

Policia e Kosovës njofton se dje është gjetur pa shenja jete në banesën e saj grua në Prishtinë.

Sipas raportit të policisë, me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

“Prishtinë/ 14.09.2025 – 10:58. Është gjetur pa shenja jete në banesën e saj viktima femër kosovare. Njësitet policore dhe ekipi mjekësor kanë dal në vendin e ngjarjes, ku edhe është konstatuar vdekja e viktimës. Me vendim të prokurorit, trupi i pajetë i viktimës është dërguar në IML për obduksion”, thuhet në njoftimin e Policisë./D.B/KP

Aktualitet

26 vjet nga Beteja e Kaqandollit

Published

4 hours ago

September 15, 2025

UBT News

Sot bëhen 26 vjet nga beteja e Kaqandollit dhe ishte njëra ndër betejat më të lavdishme të Ushtrisë Çlirimtare të Kosovës.

Beteja e Kaqandollit, ishte beteja e parë frontale në Llap që e zhvilloi UÇK-ja kundër forcave serbe.

Gjatë kësaj beteje treditore nga radhët e UÇK-ës ranë 7 dëshmorë të Ushtrisë Çlirimtare të Kosovës: Bekim Maliqi, Bekim Lushaku, Naim Zhegrova, Fadil Sejdiu, Habib Zeka, Islam Rekaliu dhe Selim Rekaliu./S.K/KP/

Aktualitet

Papa shpreh shqetësime rreth pabarazive ekonomike, përmend edhe Elon Musk

Published

5 hours ago

September 15, 2025

UBT News

Papa Françesku, i njohur si Leo XIV në librin e ri të intervistave, ka shprehur shqetësime të thella rreth pabarazive ekonomike globale, duke përmendur drejtpërdrejt Elon Musk dhe mundësinë që ai të bëhet trilioneri i parë në botë.

Papa thekson se nëse arritja e këtij statusi është e vetmja gjë me vlerë sot, atëherë jemi në telashe.

“Lexova lajmin se Elon Musk do të bëhet trilioneri i parë në botë. Çfarë do të thotë kjo dhe për çfarë bëhet fjalë? Nëse kjo është e vetmja gjë me vlerë sot, atëherë jemi në telashe.”, tha ai.

Këto komente vijnë në kuadër të një interviste të gjatë për librin “León XIV: qyteti i botës, misioneri i shekullit XXI”, ku Papa diskuton një sërë temash, duke përfshirë nevojën për paqe, rolin e OKB-së, dhe sfidat e demokracisë.

Papa Leo XIV vë në dukje hendekun gjithnjë e në rritje midis niveleve të të ardhurave të klasës punëtore dhe atyre të më të pasurve, duke krahasuar fitimet e drejtorëve ekzekutivë të sotëm me ato të punëtorëve, të cilat sipas tij, janë gjashtëqind herë më të mëdha. Ai gjithashtu shpreh rezerva për demokracinë si një zgjidhje universale, duke sugjeruar se demokracia nuk është domosdoshmërisht një zgjidhje e përsosur për gjithçka.

Duke folur për konfliktin në Ukrainë, Papa u bëri thirrje aktorëve të ndryshëm të ushtrojnë presion për t’i dhënë fund luftës dhe për të gjetur mënyra paqësore për zgjidhjen e mosmarrëveshjeve, transmeton RTSH.

Pastaj Leo XIV shton drejtpërdrejt: “Njerëzit duhet të zgjohen dhe të thonë: ka një mënyrë tjetër për ta bërë këtë”, domethënë, t’i japin fund konfliktit midis Rusisë dhe Ukrainës”.

“Unë besoj se aktorë të ndryshëm duhet të ushtrojnë presion të mjaftueshëm që palët në konflikt të thonë: mjaft, le të gjejmë një mënyrë tjetër për të zgjidhur mosmarrëveshjet tona.”

Ai gjithashtu pranoi se ende ka shumë për të mësuar në rolin e tij si Papë, veçanërisht në aspektin e udhëheqjes botërore.

Në fund të intervistës, Papa shprehu mbështetjen e tij për Perunë në Kupën e Botës, megjithëse është tifoz i Italisë./S.K/KP/