Botë

Sulme vdekjeprurëse ruse në Ukrainë

Published

2 years ago

October 22, 2024

UBTnews

Tre civilë janë vrarë në orët e para të 22 tetorit gjatë sulmeve ruse me dronë në rajonin verilindor ukrainas të Sumit, që gjendet në kufi me Rusinë, tha administrata rajonale përmes një njoftimin në Telegram.

Zyrtarët thanë po ashtu se sistemet ukrainase të mbrojtjes ajrore kanë rrëzuar më shumë se 25 dronë mbi rajonin Sumi.

Ndërkaq, autoritetet në dy rajone ruse kanë raportuar se dronët ukrainas kanë shënjestruar tre distileri të alkoolit.

Në rajonin Tambov, në juglindje të Moskës, një sulm me dron nxiti zjarr në distilerinë e metanolit Biokhim, tha guvernatori rajonal Maxim Yegorov, përmes një postimi në Telegram.

Biokhim është një prej prodhuesve më të vjetër të Rusisë dhe kompania prodhon “produkte të rëndësisë strategjike për shtetin”, kryesisht etanol, thuhet në ueb-faqen e kompanisë.

Në rajonin Tula, në jug të Moskës, dronët ukrainas kanë goditur distileri të alkoolit, në një Efremov dhe një në Luzhkovski, sipas guvernatorit rajonal, Dmitry Milyaev. Ai shtoi se nuk ka viktima nga këto sulme të kryera nga Ukraina.

Ndërkaq, Ministria ruse e Mbrojtjes, tha se sistemet e mbrojtjes ajrore kanë rrëzuar 18 dronë gjatë natës.

Rusia ka nisur pushtimin e Ukrainës në shkurt të vitit 2022 dhe që atëherë sulmon vazhdimisht me një sërë lloje armësh Ukrainën./REL/

Aktualitet

Shpërthimi në një minierë në Kinë lë të vdekur të paktën 90 persona

Published

9 hours ago

May 23, 2026

UBTNews

Të paktën 90 persona kanë humbur jetën si pasojë e një shpërthimi në një minierë qymyri në provincën Shanxi, në veri të Kinës, raportojnë mediat shtetërore kineze.

Sipas autoriteteve, shpërthimi i gazit ndodhi të premten në mbrëmje, në kohën kur brenda minierës Liushenyu ndodheshin 247 punëtorë. Mbi 100 prej tyre janë shpëtuar të gjallë, ndërsa ekipet e emergjencës po vazhdojnë kërkimet për personat e tjerë.

Kjo ngjarje po konsiderohet si aksidenti më i rëndë minerar në Kinë që nga viti 2009.

Presidenti i Kinës, Xi Jinping, kërkoi angazhim maksimal për shpëtimin e të mbijetuarve dhe trajtimin e të lënduarve. Ai po ashtu bëri thirrje për hetim të plotë të rastit dhe për përgjegjësi ndaj personave që mund të kenë ndikuar në këtë tragjedi.

Mediat shtetërore raportojnë se 27 persona po marrin trajtim mjekësor në spital. Njëri prej tyre ndodhet në gjendje kritike, ndërsa të tjerët kanë lëndime më të lehta. Dyshohet se shumica janë prekur nga gazrat toksikë të liruar pas shpërthimit.

Autoritetet kineze kanë ndaluar disa pjesëtarë të menaxhmentit të minierës, ndërsa shkaku i saktë i shpërthimit ende nuk është konfirmuar. Raportohet se niveli i monoksidit të karbonit në minierë kishte kaluar kufijtë e lejuar para aksidentit.

Aktualitet

Sulm me dronë në Luhansk: katër të vrarë dhe dhjetëra fëmijë të plagosur

Published

2 days ago

May 22, 2026

UBTNews

Të paktën katër persona janë vrarë dhe 35 fëmijë janë plagosur pas një sulmi me dronë ukrainas në një konvikt studentor në rajonin e Luhansk, që kontrollohet nga Rusia.

Sipas autoriteteve ruse, në ndërtesë po flinin 86 adoleshentë të moshës 14 deri në 18 vjeç kur ndodhi sulmi. Zyrtarët rusë thanë se ekipet e shpëtimit po vazhdojnë kërkimet për persona të bllokuar nën rrënoja.

Ukrainë po vazhdon përpjekjet për të rimarrë kontrollin e Luhanskut, një nga rajonet që Rusi e shpalli pjesë të saj në vitin 2022.

Aktualitet

Marco Rubio: Kuba paraqet “kërcënim për sigurinë kombëtare” të SHBA-së

Published

2 days ago

May 22, 2026

UBTNews

Sekretari amerikan i Shtetit, Marco Rubio, ka deklaruar se Kuba përbën “kërcënim për sigurinë kombëtare” të Shtetet e Bashkuara të Amerikës dhe se një marrëveshje paqësore mes palëve nuk duket shumë e mundshme.

Deklaratat e tij vijnë një ditë pasi SHBA ngriti akuza ndaj ish-presidentit kuban Raúl Castro për një incident të vitit 1996, ku u rrëzuan dy avionë dhe humbën jetën shtetas amerikanë.

Rubio tha se Uashingtoni preferon zgjidhje diplomatike, por paralajmëroi se presidenti Donald Trump ka të drejtë të mbrojë vendin nga çdo kërcënim.

Nga ana tjetër, ministri i Jashtëm i Kubës, Bruno Rodríguez, i hodhi poshtë akuzat duke i quajtur “gënjeshtra” dhe duke akuzuar SHBA-në për presion dhe “agresion të ashpër” ndaj Kubës.

Tensionet mes dy vendeve janë rritur, ndërsa Kuba po përballet edhe me krizë karburanti, mungesa ushqimesh dhe ndërprerje të energjisë.

Aktualitet

Republikanët shtyjnë votimin për kufizimin e Trumpit ndaj Iranit

Published

2 days ago

May 22, 2026

UBTNews

Udhëheqësit republikanë në Dhomën e Përfaqësuesve të SHBA-së shtynë votimin për një rezolutë që do të kufizonte kompetencat e presidentit Donald Trump për veprime ushtarake ndaj Iranit, pasi rrezikonin ta humbnin votën për shkak të mungesës së mbështetjes së mjaftueshme.

Rezoluta, e propozuar nga kongresmeni demokrat Gregory Meeks, synon që presidenti të mos ndërmarrë aksione ushtarake kundër Iranit pa miratimin e Kongresit.

Demokratët akuzuan republikanët për “lojë politike”, duke thënë se rezoluta do të kalonte me mbështetje dypartiake. Ndërkohë, Senati amerikan ka avancuar një masë të ngjashme gjatë kësaj jave.

Trump, nga ana tjetër, deklaroi se veprimet e SHBA-së ndaj Iranit janë “shumë popullore”, duke argumentuar se lidhen me kërcënimin nga armët bërthamore.

/CNN/