Lajmet

Sulm me armë pranë një shkolle në SHBA, plagosen gjashtë fëmijë

Viktimat u qëlluan me armë zjarri pasditen e djeshme, rreth orës 18:00 (me orën lokale), një oborrin e një shkolle.

Published

on

Shtatë persona, gjashtë prej tyre fëmijë dhe një grua, nëna e njërit prej fëmijëve, janë plagosur në një rrugë në verilindje të Filadelfias, në Pensilvani.

Viktimat u qëlluan me armë zjarri pasditen e djeshme, rreth orës 18:00 (me orën lokale), një oborrin e një shkolle.

Sipas raportimeve nga mediat e huaja, mësohet u transportuan gjashtë persona në spitalet e zonës, pesë fëmijë të moshës 2-vjeçare, 13, 15 17 dhe dy 16-vjeçarë dhe një grua 31-vjeçare, e cila u qëllua dy herë dhe është në gjendje të qëndrueshme.

Vajza 2-vjeçare u qëllua me një plumb në kofshën e majtë, tha policia. Një djalë 13-vjeçar është qëlluar me plumb në dorë. 15-vjeçari është qëlluar me dy plumba në gjoks. Njëri prej 16-vjeçarëve është qëlluar me plumb në krah, ndërsa tjetri u qëllua një herë në krahun e djathtë dhe një herë në kofshën e djathtë. Një 17-vjeçar ka pësuar një plagë në kofshë.

“Si vetë prind, e kuptoj frikën e njerëzve”, tha shefi i policisë së Filadelfias, pa dhënë detaje se kush hapi zjarr dhe pse.

Në SHBA është kthyer në një problem madhor përhapja e gjerë e armëve të zjarrit dhe lehtësinë me të cilën amerikanët mund të kenë akses në to.

Vendi ka më shumë armë se banorë, një në tre të rritur zotëron të paktën një armë dhe një në dy jeton në një familje me të paktën një armë.

Në krahasim me vendet e tjera të zhvilluara, në SHBA numri më i lartë i vdekjeve vjen si pasojë e sulmeve me armë nga 40 mijë deri në 50 mijë vrasje në vit.

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara