Gjashtë gra janë vrarë brenda vetëm pesë javësh në Suedi, duke ringjallur debate në lidhje me dhunën në familje në një vend që zakonisht vlerësohet për barazi gjinore.

Vdekjet përfshijnë tri rajone dhe tre breza, por pothuajse në të gjitha rastet ka pasur një fije të përbashkët: arrestimin e njeriut me të cilin kishin pasur një marrëdhënie të ngushtë.

Dy nga vrasjet ndodhën në mes të ditës: një në një qendër rurale të qytetit në jug të vendit, një tjetër në një tren dhe stacion autobusi në Linkoping.

Në Flemingsberg, një periferi e Stokholmit, një grua u godit me thikë në apartamentin që ndante me katër fëmijë të vegjël. Personi që u arrestua nën dyshimet për vrasjen e saj, është dikush që thuhet se e njihte mirë.

“Mendoj se duhet të nxirret në sipërfaqe më shumë kjo dhunë ndaj grave, sepse nuk është në rregull”, thotë Kristian Jansson, 51-vjeçar, i cili ishte duke bërë pazar në Flemingsberg me vajzën e tij 18-vjeçare Emma-Louise.

Adoleshentja thotë se vrasjet e fundit kanë ngritur shqetësime rreth sigurisë së grave në zonë, ku ajo rrallë del vetëm. “Unë nuk jam aq e sigurt … Sepse kaq shumë njerëz që mund të vrasin këtu”, deklaroi ajo.

Vala e fundit e vrasjeve vjen mes shqetësimeve në rritje për dhunën ndaj grave në Suedi, një shtet që prej kohësh ka mbajtur reputacionin si një nga vendet më të sigurta dhe më të barabarta gjinore në botë.

Në vitin 2020, 16 mijë e 461 raste dhune ndaj grave u raportuan në një marrëdhënie të ngushtë në Suedi. Kjo është një rritje prej 15.4% nga viti 2019.

Cilat janë reagimet e qeverisë?

Ministrja suedeze e barazisë gjinore, Marta Stenevi, thotë se ajo është “e tmerruar dhe e mërzitur” nga dhuna e fundit, por jo e befasuar. “Në shumë mënyra kemi arritur mjaft larg në barazinë gjinore në Suedi, por ende jetojmë me strukturat në shoqëri që shtypin gratë”, thotë ajo.

Dy javë më parë ajo vendosi bisedime ndër-partiake për këtë çështje, pasi politikanë nga i gjithë spektri dënuan vrasjet e fundit dhe lobuan për veprim më të ashpër.

Në fund të këtij muaji, një komision i ri do të paraqesë një përditësim të planit, i cili pritet të përfshijë dënime më të gjata me burg dhe një rritje në përdorimin e urdhrave elektronikë të etiketimit dhe ndalimit.

Nuk ka gjasa të përballet me kundërshtimin në parlament, megjithëse nuk do të shkojë aq larg sa disa parti kishin shpresuar.

Sipas policisë, oficerët tashmë kanë prioritet luftimin e sulmeve ndaj grave dhe fëmijëve, me një investim me 350 staf shtesë të punësuar për të trajtuar këto lloj krimesh. Sipas tyre, dënimet penale janë vetëm një “pikë fillestare”.

Një pikë kryesore politike është nëse dhuna e fundit duhet të lidhet me valën e fundit të imigracionit të Suedisë. Policia suedeze nuk regjistron të dyshuar kriminalë sipas përkatësisë etnike, por prokurorët thonë se disa nga burrat që përballen me gjyqin kanë prejardhje jo-suedeze, dhe kjo është përdorur si municion nga partitë anti-imigrim.

Në një debat televiziv të udhëheqësit të partisë, javën e kaluar, kreu i demokratëve nacionalistë të Suedisë, Jimmie Akesson bëri thirrje për një goditje ndaj asaj që ai përshkroi si “vlera të importuara” që sanksionon dhunën ndaj grave.

Ministrja e Suedisë për Barazinë Gjinore, Marta Stenevi thotë se Suedia ka një problem me të ashtuquajturat “krime nderi”, të cilat janë kryer për të mbrojtur ose ruajtur reputacionin e supozuar të një familjeje ose një komuniteti të gjerë. Por ajo beson se etiketimi i dhunës ndaj grave si “çështje e emigrantëve me të vërtetë, me të vërtetë e zvogëlon problemin”, duke e përshkruar dhunën ndaj grave si “të rrënjosur thellë” në të gjithë shoqërinë suedeze./UBTNews

(Arjeta Ibishi, studente në Media dhe Komunikim në UBT)