

Lajmet
Stuhitë në Evropë: Fëmijë mes të vdekurve në Francë, Austri dhe Itali
Vdekjet u raportuan në Itali, Austri dhe në ishullin francez të Korsikës.
Published
3 years agoon
By
UBT newsStuhitë e fuqishme kanë goditur zona të Evropës qendrore dhe jugore, duke vrarë të paktën 12 persona, përfshirë tre fëmijë.
Vdekjet, shumica nga rënia e pemëve, u raportuan në Itali, Austri dhe në ishullin francez të Korsikës.
Stuhitë pasojnë javë të të nxehtit dhe thatësirës në pjesën më të madhe të kontinentit.
Në Korsikë, erërat që frynë deri në 224 km/h shkulën pemët dhe dëmtuan shtëpitë. Autoritetet atje thanë se një vajzë 13-vjeçare u vra nga një pemë që u rrëzua në një kamping.
Një burrë 46-vjeçar vdiq në një incident të ngjashëm dhe një grua rreth të 70-tave u vra kur makina e saj u godit nga çatia e shkëputur e një kasolleje.
Dy persona të tjerë, një peshkatar, 62 vjeç dhe një kajakere, 60 vjeç, vdiqën në det.
Ministri i Brendshë, Gerald Darmanin, i cili mbërriti në Korsikë të enjten, tha se 20 persona ishin plagosur – katër prej tyre në gjendje të rëndë.
Pothuajse 13,000 njerëz u evakuuan nga disa kampingje të enjten në mbrëmje dhe u strehuan në ndërtesa publike, përpara dëmeve të tjera të cilat po priten të ndodhin.
Dëshmitarët e stuhive thanë se ato ishin krejtësisht të papritura dhe se atyre nuk iu kishte dhënë asnjë paralajmërim.
Në kontinentin francez, disa zona jugore u goditën nga ndërprerjet e energjisë dhe rrugët u përmbytën në Marsejë.
Në Austri dy vajza të moshës katër dhe tetë vjeç u vranë pranë një liqeni në Carinthia.
Më vonë, tre gra u raportuan se kishin vdekur në provincën e Austrisë së Poshtme, gjithashtu si pasojë e rënies së një peme.
Zyrtarët thanë se 13 persona ishin plagosur, duke përfshirë pesë fëmijë.
Ndërkohë në Itali, një burrë dhe një grua u vranë nga rrëzimi i pemëve në incidente të veçanta në rajonin e Toskanës.
Por në Italinë jugore vazhdoi vala e të nxehtit, me temperatura deri në 40 gradë Celsius të regjistruara në Siçili. Përtej Detit Mesdhe në Algjeri, të paktën 38 njerëz kanë vdekur nga zjarret në pyje.
Ngjarjet ekstreme të motit, duke përfshirë valët e të nxehtit dhe stuhitë, janë bërë më intensive dhe më të shpeshta vitet e fundit për shkak të ndryshimeve klimatike të shkaktuara nga njerëzit./UBTNews/
Lajmet
Sveçla: Aksioni në Kaçanik po vazhdon, ka arrestime të reja
Published
8 hours agoon
April 25, 2025By
UBTnews
Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.
Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.
“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.
Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.
“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.
Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.
Ky informacion është konfirmuar për KosovaPress nga zëdhënësi i Policisë së Kosovës, Baki Kelani.
“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.
Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.
Lajmet
KEK-u njofton se ka përfunduar me sukses riparimin e njësisë B1: Gjendja është stabile
Published
8 hours agoon
April 25, 2025By
UBTnews
Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.
“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.
Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.
“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.
Lajmet
Vazhdojnë regjistrimet në UBT International Smart Schools – Shkollat më inovative të mesme në vend
Published
9 hours agoon
April 25, 2025By
UBTnews
Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.
UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.
Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:
• Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
• Gjimnazi Natyror – Për ata që kanë pasion për shkencat natyrore dhe kërkimin shkencor.
• Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
• Asistent Dentar
• Bashkëpunëtor Profesional i Infermierisë
• Teknik i Farmacisë
• Teknik i Laboratorit Mjekësor
• Teknik i Optikës – Opticient
Formimi i liderëve të së nesërmes nis në UBT International Smart Schools
UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!
Për më shumë informata dhe aplikim: https://ubt.school/
046 332 233
Lajmet
Duda Balje: Nuk ndryshojmë qëndrim për koalicion me Vetëvendosjen
Published
10 hours agoon
April 25, 2025By
UBTNews
Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.
“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.
Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.
“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

UBT organizon diskutim të nivelit të lartë mbi sundimin e ligjit dhe reformat në sistemin gjyqësor shqiptar

Kina prodhon edhe “Rolls Royce-in për të varfrit”

Selena Gomez: Rrënjët e mia kanë ndikuar në gjithë jetën time

Tragjedi në pistën e skive, vdes në moshën 18-vjeçare ylli i ri francez Margot Simond

UBT nënshkruan marrëveshje bashkëpunimi me Universitetin “Abdullah Gül” nga Turqia

Witkoff dhe Putin diskutojnë një propozim për paqe

Ndikimi i luftës tregtare të SHBA-së, Xi shpall planin për ekonominë kineze

Von der Leyen mund të bisedojë me Trump në Romë

Ulen ndjeshëm pritshmëritë për eksportet mes luftës tregtare të Trump
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore