Lajmet

Studiuesit prezantojnë zgjidhje inovative në Konferencën Ndërkombëtare për Inxhinierinë e Energjisë Efiçiente

Published

on

Konferenca Ndërkombëtare e Inxhinierisë së Energjisë Efiçiente mbledh ekspertë dhe studiues nga fusha e energjetikës për të diskutuar teknologjitë më të fundit dhe praktikat inovative në efikasitetin e energjisë. Pjesëmarrësit prezantojnë punime që fokusohen në sistemet inteligjente, energjinë e ripërtëritshme, menaxhimin e energjisë dhe integrimin e teknologjive digjitale për të përmirësuar performancën e rrjeteve energjetike.

Qëllimi i konferencës është të nxisë shkëmbimin e ideve dhe të forcojë bashkëpunimin ndërkombëtar në drejtim të një tranzicioni të qëndrueshëm energjetik, duke adresuar sfidat aktuale si reduktimi i humbjeve të energjisë, integrimi i burimeve të rinovueshme dhe përdorimi i inteligjencës artificiale në prognozimin e kërkesës për energji.

Sesioni i Parë

Chair: Armend Ymeri
Co-chair: Agron Bislimi

  • “Short and Medium-Term Electricity Load Forecasting Using Machine Learning Models: A Case Study for Tirana”, Agresa Qosja
  • “Research on the Concentration of PM₁₀, PM₂.₅ Particulate Matter and NO₂, O₃, SO₂, CO Gases in the City of Peja”,Shkumbin Shala, Mentor Shala, Shpresa Thaqi
  • “Integration of Intelligent Systems in Civil Installations”,Avni Alidemaj, Arbnor Lekaj
  • “Cogeneration of Energy”, Marigona Krasniqi
  • “Evaluating the Role of Transformer Aging in Active Energy Losses for a Sustainable Energy Transition in Kosovo’s 110/x kV Transmission Network”,Kjani Guri, Kadri Kadriu

Sesioni i Dytë

Chair: Vehebi Sofiu
Co-chair: Nexhmi Krasniqi

  • “SF₆-Free Solutions: Blue GIS and Clean Air in MV/HV Power Systems”, Armend Ymeri, Diamant Gashi, Nexhmi Krasniqi
  • “Digital Technologies for Modernizing Coal-Based Power Systems in Kosovo”, Agron Bislimi, Arbesa Nikaj
  • “The Role of Coal in the Implementation of the Green Transition Agenda in Kosovo”, Nexhmi Krasniqi, Armend Ymeri
  • “Utilization of Fruit and Vegetable Waste for Biomass and Biogas Production”, Hyrije Koraqi
  • “The Impact of Smart Grid Technologies on the Efficiency of Electricity Distribution Networks”,Vehebi Sofiu, Armend Ymeri, Nexhmi Krasniqi, Sami Gashi
  • “The Utilization of Solar Radiation for Electricity and Heating in Kosovo”,Gazmend Krasniqi

Vendi

UBT lanson Global Virtual Campus, një model i ri i arsimit pa kufij

Published

on

By

UBT ka lansuar zyrtarisht konceptin më të ri inovativ në fushën e arsimit, Global Virtual Campus, një platformë që synon të transformojë mënyrën se si ofrohet edukimi në nivel global, përmes partneritetit strategjik me EON Reality.

Rektori i UBT-së, Prof. Dr. Edmond Hajrizi, theksoi se ky model është një hap të rëndësishëm drejt së ardhmes së arsimit gjithëpërfshirës dhe të qasshëm për të gjithë.

Në këtë kontekst, Global Virtual Campus është një koncept dhe model i ri, modeli i së ardhmes, që mundëson ofrimin e të njëjtës përmbajtje dhe të njëjtës cilësi kudo në botë, me të njëjtin potencial dhe përvojë, pa humbur kohë dhe me kosto të përballueshme për të gjithë. Pra, kjo qasje e aksesueshmërisë dhe përballueshmërisë, kudo dhe në çdo kohë, është thelbi i Global Virtual Campus, të cilin po e ofrojmë përmes partneritetit tonë me EON”, u shpreh Rektori Hajrizi.

Rektori Hajrizi deklaroi se UBT ka një përvojë të gjatë dhe të suksesshme në arsimin e lartë, duke u renditur ndër institucionet më të vlerësuara globalisht në fusha kyçe si inovacioni, qëndrueshmëria, ndërmarrësia dhe shkenca.

Ai nënvizoi se institucioni njihet për standarde të larta cilësie dhe është i akredituar nga mekanizma ndërkombëtarë, përfshirë British Accreditation Council, si dhe gëzon një validim të fortë në raport me sistemin amerikan të arsimit.

“Ne besojmë fuqishëm në rëndësinë e kontaktit njerëzor dhe bashkëpunimit fizik, por në të njëjtën kohë duhet të shfrytëzojmë maksimalisht potencialin që ofron inteligjenca artificiale për të rritur cilësinë dhe për të zgjeruar qasjen në arsim”, u shpreh Rektori Hajrizi.

Një nga shtyllat kryesore të këtij transformimi është integrimi i inteligjencës artificiale dhe teknologjive të avancuara të vizualizimit në procesin mësimor. Sipas Hajrizi, përvoja e gjatë e partneritetit me platforma inovative si EON ka mundësuar ndërtimin e një sistemi që garanton cilësi të lartë të mësimdhënies, pavarësisht vendndodhjes së studentëve.

Global Virtual Campus synon të ofrojë përmbajtje dhe standard të njëjtë edukimi kudo në botë, duke eliminuar barrierat gjeografike dhe kohore, dhe duke hapur një epokë të re të arsimit global.

Video e plotë

Continue Reading

Lajmet

Kryesia dështon të miratojë rendin e ditës: Mospajtime për rezolutën e luftës

Published

on

By

Mbledhja e Kryesisë së Kuvendit ka përfunduar pa një pajtim për rendin e ditës të seancës së radhës, pas mospajtimeve mes partive politike për pozicionimin e rezolutës për mbrojtjen e të vërtetës historike të luftës.

PDK-ja, e mbështetur edhe nga opozita tjetër, ka insistuar që kjo rezolutë të jetë pika e parë e rendit të ditës për seancën e së premtes. Në anën tjetër, Lëvizja Vetëvendosje ka propozuar që ajo të trajtohet si pikë e fundit, duke kërkuar një dakordim më të gjerë paraprak.

Për shkak të kësaj bllokade, rendi i ditës pritet të miratohet në fillim të seancës plenare. Përveç rezolutës për luftën, në agjendë janë edhe katër marrëveshje ndërkombëtare, votimi për anëtarin e Këshillit Prokurorial, si dhe debati për rritjen e çmimit të naftës.

Continue Reading

Lajmet

Kurti pret drejtoren e NATO-s: FSK po përgatitet për mision në Gazë

Published

on

By

Kryeministri Albin Kurti ka pritur sot drejtoren e NATO-s për Operacione, Charlotte Hallengren, me të cilën ka diskutuar për thellimin e bashkëpunimit dhe sigurinë në vend.

Gjatë takimit, Kurti falënderoi aleancën veri-atlantike për rolin e saj në stabilitetin e Kosovës, ndërsa kërkoi më shumë mundësi trajnimi për pjesëtarët e FSK-së në institucionet e NATO-s.

Kryeministri njoftoi se Forca e Sigurisë së Kosovës, pas sukseseve në disa misione ndërkombëtare, aktualisht po përgatitet për të zbarkuar në Gazë, si pjesë e Forcës Ndërkombëtare Stabilizuese.

“Kryeministri Kurti tha se Forca e Sigurisë së Kosovës ka demonstruar performancë të lartë në misionet ndërkombëtare, përfshirë bashkëzbarkimet në Kuvajt, Belize dhe Ishujt Falkland, si dhe misionin në Turqi. Ndërsa, shtoi se aktualisht është duke u përgatitur për misionin në Gaza, si pjesë e Forcës Ndërkombëtare Stabilizuese. Ndërsa, përmendi edhe trajnimet për personelin ukrainas për deminim dhe misione të kërkim-shpëtimit”, thuhet në komunikatën e Zyrës së Kryeministrit.

Nga ana tjetër, zyrtarja e lartë e NATO-s vlerësoi lart këtë vendim dhe falënderoi Kosovën për bashkërendimin e ngushtë me aleancën në rrugën drejt integrimit.

 

Continue Reading

Lajmet

Vdes një punëtor në vendin e punës në Strellc të Deçanit, një tjetër i lënduar

Published

on

By

Një aksident fatal në vendin e punës ka ndodhur mesditën e sotme në fshatin Strellc të Ulët të Deçanit, ku si pasojë e lëndimeve ka vdekur një punëtor dhe një tjetër ka mbetur i lënduar.

Lajmi është konfirmuar nga Policia Rajonale e Pejës, sipas së cilës ngjarja ka ndodhur rreth orës 14:00 në një punëtori druri, ku disa materiale kanë rënë mbi dy punëtorët. Viktimat u dërguan menjëherë në Emergjencën e Spitalit të Pejës, ku mjekët konstatuan vdekjen e njërit prej tyre.

Njësitet kompetente kanë dalë në vendin e ngjarjes dhe po punojnë për zbardhjen e plotë të rrethanave të këtij rasti.

Continue Reading

Të kërkuara