Lajmet

Studimi: Ata që luajnë video-lojëra janë vendimmarrës më të mirë!

Studimi zbulon se lojtarët e këtyre lojërave, shfaqin aftësi superiore vendimmarrëse sensoro-motorike.

Published

on

Studiuesit nga Universiteti Shtetëror i Xhorxhias në SHBA kanë zbuluar një mënyrë për të pasur një vendimmarrje më të mirë mbi shumë gjëra. Mjafton të luani më shumë video-lojëra në celularin apo kompjuterin tuaj.

Në krahasim me ata që nuk luajnë rregullisht me këto video-lojëra, studimi i ri zbulon se lojtarët e zakonshëm të këtyre lojërave, shfaqin aftësi superiore vendimmarrëse sensoro-motorike. Por jo vetëm kaq, lojtarët duket se kanë më shumë aktivitet në rajonet kryesore të trurit të tyre.

Këto gjetje bazohen në leximet e fMRI (imazhit të rezonancës magnetike funksionale) nga dhjetëra lojtarë dhe jo-lojtarë të video-lojërave. Ekipi i studiuesve beson se video–lojërat mund të jenë një opsion praktik për trajnimin e njerëzve në vendimmarrjen perceptuese.

“Video-lojërat luhen nga shumica dërrmuese e të rinjve tanë, me më shumë se 3 orë çdo javë. Por efektet e dobishme në aftësitë vendimmarrëse dhe trurin nuk diheshin më saktësi”, thotë studiuesi kryesor Mukesh Dhamala, profesor i asociuar në Departamentin e Fizikës dhe Astronomisë dhe në Institutin e Neuroshkencave në Universitetin e Xhorxhias.

“Studimi ynë ofron disa përgjigje”– thotë ai. Dhamala ishte këshilltari i autorit kryesor të studimit Tim Xhordan. Për këtë të fundit, ky studim ishte shumë personal. Pasi që si fëmijë Xhordan ka pasur shikim të dobët në njërin nga sytë. Gjatë një projekti kërkimor kur ishte 5 vjeç, Jordan mbuloi syrin e tij më të aftë dhe luajti video–lojëra.

Shpresa ishte që kjo qasje do ta forconte shikimin në syrin e tij më të dobët. Dhe në fakt sot shikimi i tij është shumë më i mirë. Xhordan beson se video–lojërat luajtën një rol kyç për ta ndihmuar atë të kalojë nga i verbër në njërin sy, në ndërtimin e një kapaciteti të fortë për përpunimin vizual.

Studimi në fjalë përfshinte 47 pjesëmarrës të moshës universitare. 28 prej tyre pretendonin se ishin lojtarë të rregullt të video-lojërave, dhe 19 të tjerë nuk luanin. Pjesëmarrësit u shtrinë brenda një makinerie FMRI, dhe kishin përballë një pasqyrë që shfaqte një shenjë, e ndjekur menjëherë nga një shfaqje e pikave në lëvizje.

Secili person duhej të shtypte një buton në dorën e tij të djathtë ose të majtë për të treguar drejtimin ku po lëviznin pikat, ose të shmangte shtypjen e butonit nëse nuk kishte lëvizje në asnjërin drejtim. Ata që luanin video-lojëra ishin më të shpejtë dhe më të saktë në përgjigjet e tyre.

Për më tepër, një analizë e skanimeve të trurit të tyre, zbuloi dallime të dukshme që lidhen me aktivitetin e zgjeruar në pjesë të caktuara të trurit të lojtarëve. “Këto rezultate tregojnë se luajtja e video–lojërave, rrit potencialisht disa nga nën–proceset që janë përgjegjëse përndjesinë, perceptimin dhe hartimin e veprimit për të përmirësuar aftësitë e vendimmarrjes”-shkruajnë autorët e studimit./bota.al

Lajmet

Fajon: Do t’i paralajmëroj aleatët për situatën në Kosovë

Published

on

Ministrja e Jashtme e Sllovenisë, Tanja Fajon, ka njoftuar se gjatë takimit të ministrave të Jashtëm të NATO-s, i cili ka filluar të enjten, do të paralajmërojë aleatët për situatën në Ballkanin Perëndimor. Fajon ka theksuar se është duke e ndjekur me kujdes situatën në Kosovë, Bosnjë-Hercegovinë dhe Serbi, duke përfshirë ndikimet e zgjedhjeve të fundit në këto rajone.

Kryediplomatja sllovene ka shpjeguar se gjatë këtij takimi, në Bruksel, do të përqendrohet në zhvillimet në Ballkanin Perëndimor, rajon që është i rëndësishëm për Slloveninë, dhe se do të kërkojë mbështetje për stabilizimin e situatës. Ajo gjithashtu ka nënvizuar se NATO duhet të mbajë një vëmendje të vazhdueshme për këto çështje.

Në këtë takim, Sekretari i Përgjithshëm i NATO-s, Mark Rutte, theksoi se, edhe pse Ballkani Perëndimor nuk është temë kryesore, ajo mund të ngrihet nga aleatët nëse është e nevojshme, duke shfaqur shqetësime për zhvillimet në rajon.

Continue Reading

Lajmet

Oda Amerikane i kërkon Kosovës ta heqë tarifën për mallrat nga SHBA-ja

Published

on

Oda Ekonomike Amerikane në Kosovë ka kërkuar nga Qeveria e Kosovës të heqë tarifën doganore prej 10% për mallrat nga Shtetet e Bashkuara të Amerikës. Kjo kërkesë vjen pas vendimit të presidentit Donald Trump për të vendosur një tarifë bazë 10% për importet nga të gjitha vendet, përfshirë Kosovën dhe vendet e tjera të Ballkanit Perëndimor.

Kryetari i OEAK, Arian Zeka, shprehu shqetësimin se tarifa amerikane do të dëmtonte aftësinë konkurruese të eksportuesve kosovarë në tregun amerikan. Ai sugjeroi se heqja e tarifës nga Kosova mund të sjellë një hap të ngjashëm nga administrata amerikane, duke përmirësuar mundësitë për eksportet kosovare.

Ndërkohë, Dhoma e Tregtisë dhe Industrisë e Kosovës ka shprehur shqetësim për ndikimin negativ të tarifave të reja amerikane, duke theksuar se kjo mund të dëmtojë eksportet, të cilat kanë pësuar ulje vitet e fundit. Pavarësisht kësaj, të dhënat tregojnë se eksportet e Kosovës në SHBA kanë pasur rritje të konsiderueshme që nga viti 2019.

Continue Reading

Bota

Rusia përjashtohet nga tarifat e Trump për shkak të sanksioneve

Published

on

Presidenti Donald Trump shpalli një vendim për të vendosur tarifa ekonomike gjithëpërfshirëse ndaj vendeve të huaja, por disa shtete të rëndësishme, përfshirë Meksikën, Kanadën dhe Rusinë, u lanë jashtë kësaj liste.

Rusia, sipas Sekretarit të Thesarit, Scott Bessent, u përjashtua për shkak të faktit se Shtetet e Bashkuara nuk bënin tregti të konsiderueshme me të, duke pasur parasysh sanksionet ekonomike që ishin vendosur ndaj vendit për shkak të pushtimit të Ukrainës. Kjo do të thotë se, për shkak të sanksioneve, Rusia nuk ishte e përfshirë në tarifat që presidenti Trump shpalli për vendet e tjera.

Për Meksikën dhe Kanadën, përjashtimi nga tarifat ishte rezultat i marrëveshjes tregtare të nënshkruar në vitin 2020, e cila siguroi që mallrat që përputheshin me këtë marrëveshje të mos kishin tarifa, megjithatë, disa produkte si energjia dhe potasi do të ishin të tarifuar me 10 përqind.

Continue Reading

Lajmet

Kinolli: Nuk kemi vija të kuqe ndaj asnjë subjekti politik, respektojmë rezultatin zgjedhor

Published

on

By

Kryetari i Partisë së Romëve të Bashkuar të Kosovës (PREBK), Albert Kinolli, zhvilloi një takim me kryeministrin në detyrë Albin Kurti, në të cilin u diskutua për formimin e qeverisë së re.

Kinolli tha se partia e tij nuk ka vija të kuqe ndaj asnjë subjekti politik, por duke respektuar rezultatin zgjedhor.

“Në vazhdën e takimeve sot kemi pasur takimin me kryeministrin Kurti një takim kontruktiv për të qenë pjesë e qeverisë së ardhshme. Ne si subjekt politik rom tradicionalisht jemi munduar të jemi më konstruktiv dhe me kreativ për formimin e qeverisë së re. Qytetarët e Kosovës kanë mjaft nevojë, sepse procesi u stërgjat. Jemi drejt një perfundimi të mirë dhe nuk kemi asnjë vije të kuqe për asnjë subjekt politik, por duke respektuar rezultatin zgjedhor sot kemi qenë në takim të mirë me kryeministrin. Ne kemi parashtruar kërkesat tona që njëra ka qenë që të jemi të barabartë me të gjitha subjektet e tjera që janë me një vijë me ne. Po presim 15 prillin. Besojmë që Kurti do t’i ketë numrat e nevojshëm dhe do të japim edhe ne kontributin tonë. Në interesin tonë është të formojmë institucionet sa më parë”, tha Kinolli.

Continue Reading

Të kërkuara