Lifestyle

Studim: Sporti i tepërt mund t’i dëmtojë fëmijët!

Sipas studimit, sasia e duhur e aktivitetit fizik duhet të jetë 14 orë në javë.

Published

on

Të luash sport është sigurisht shumë e mirë për të gjithë dhe në veçanti për adoleshentët, shkruan pazienti.it.

Bazuar në këto të dhëna, sigurisht që askush nuk e ka menduar ndonjëherë të përcaktojë se cili është limiti i duhur i aktivitetit fizik për djemtë.

Efekti i sportit tek fëmijët

Departamenti Amerikan i Shëndetësisë rekomandon që të rinjtë nga mosha 6 deri në 17 vjeç të kenë të paktën 60 minuta aktivitet fizik në ditë, ekuivalente me 7 orë në javë.

Sot, një studim i përbashkët, rezultat i punës së studiuesve zviceranë dhe kanadezë i botuar së fundi në revistën ”Archives BMJ of Disease in Childhood”, ofron të dhëna të ndryshme jo vetëm për sasinë e rekomanduar, por gjithashtu për herë të parë, duke vendosur kufijtë që ajo do të ishte më mirë të mos tejkalohej.

Sipas këtij studimi, i cili përfshinte 1,245 adoleshentë zviceranë midis moshës 16 dhe 20 vjeç, sasia e duhur e aktivitetit fizik, për të marrë përfitime konkrete për shëndetin dhe zhvillimin psikofizik, duhet të jetë 14 orë në javë, por kujdes, tejkaloni këtë kufi pasi  mund të ketë edhe efekte të dëmshme.

Me fjalë të tjera, të luash sport shumë intensivisht i anulon përfitimet, në vend që t’i rrisë ato.

Studimi

Pjesëmarrësve iu drejtuan pyetje të ndryshme të natyrës anamnestike dhe personale, familjare dhe socio-ekonomike, duke përfshirë sportin dhe çdo dëmtim të marrë gjatë aktivitetit fizik.

Niveli i tyre i mirëqenies u vlerësua duke përdorur indeksin e mirëqenies të miratuar nga OBSH, i cili përdor rezultatet midis 0 dhe 25 dhe e konsideron pikën 13 si treguesin e parë të mirëqenies së dobët.

Nga pjesëmarrësit, 50.4% ishin meshkuj me një moshë mesatare 17.95 vjeç. Gati 9% e këtyre meshkujve ishin mbipeshë ose obezë.

Rezultati mesatar i përgjithshëm i mirëqenies për të gjithë pjesëmarrësit ishte 17.

Sa i përket praktikës sportive, ajo u klasifikua sipas kësaj tabele:

E ulët – 0 deri në 3,5 orë në javë

E mesme – nga 3.6 në 10.5 orë në javë

E lartë – nga 10.6 në 17.5 orë / javë

Shumë e lartë – mbi 17.5 orë / javë

Vlera optimale, bazuar në të dhënat e analizuara, është 14 orë në javë./Burimi: ATA

Lifestyle

2 deri në 10 minuta për të larguar stresin

Published

on

“Ju nuk duhet ta lini stresin të vazhdojë gjatë. Ai mund të ketë efekte që të çojnë deri në humbje kujtese”, kështu shprehet profesori Alberto Oliverio.

Ai sugjeron disa ushtrime që secili mund t’i bëjë me veten, për t’u larguar nga situatat që na zhysin në errësirë.

Kohëzgjatja 2 minuta

Të shtrirë ose të ulur në kolltuk, merrni frymë ngadalë, përmes hundës, në mënyrë të rregullt e të thellë. Përqendrohuni në gjoks, duke e shtypur sa të mundni e duke çliruar sa më shumë ajër që keni thithur. Duhet përdorur diafragma dhe të ndjeni barku që shtrihet dhe ngrihet kur ju merrni frymë.

Kohëzgjatja 5 minuta

Mbyllni sytë përfytyroni sikur jeni në një mjedis të qetë: jeni vetëm në plaz ose në një lëndinë me lule. Merrni frymë ngadalë e përpiquni të mënjanoni çdo lloj mendimi për të mbetur vetëm me ndjesitë që vijnë nga mjedisi ku ju jeni zhytur: një erë e lehtë, oshëtima e dallgëve, jehona e zërit të pulëbardhave, cicërimat e zogjve, apo aroma e luleve. Mbani gjatë këto ndjesi, ndërsa përqendroheni tek frymëmarrja, muskujt do të qetësohen.

Kohëzgjatja 10 minuta

Të shtrirë ose ulur në kolltuk, mbyllni sytë e merrni frymë thellë. Tani përqendrohuni në ballin tuaj e përfytyroni se do shkarkoni tensionin e muskujve. Përqendrohuni te muskujt e fytyrës, duke shkarkuar tensionin e tyre. Duke vazhduar me frymëmarrjen e ngadalshme e të rregullt, përpiquni të çlironi tensionin muskulor të qafës, të shpatullave, të krahëve dhe të duarve. Pastaj çlironi muskujt e barkut, shpinës, kofshët dhe këmbët, derisa të arrini tek gishtat e këmbëve.

Këto janë disa ushtrime, por metodat dhe teknikat e qetësimit janë të shumta: Joga, p.sh të bën të përgjegjshëm për trupin e të shtyn në një kontroll të fizikut dhe të mendjes përmes ushtrimeve në një kompleksitet në rritje. Disa prej tyre janë të lehta për t’u kryer dhe mund të kuptohen dhe të kryhen edhe pa ndihmën e një eksperti.

Continue Reading

Lifestyle

Sot shënohet Dita Botërore e Ngjyrave

Published

on

Çdo vit në 6 maj festohet dita botërore e ngjyrave.

Një ditë kushtuar posaçërisht fëmijëve, të cilët gjithmonë shprehin imagjinatën e tyre përmes lapsave dhe ngjyrave.

Në këtë festë, ju bëhet thirrje fëmijëve dhe adoleshentëve në planet të marrin lapsa, ngjyra etj. dhe të hedhin të gjitha idetë që kanë në kokë për të ngjyrosur vizatimet e tyre më të bukura.

Një iniciativë që kërkon të mbushë brezat e rinj me vetëdije më të madhe për bukurinë, të veçantën dhe diversitetin që e bëjnë botën unike dhe të mrekullueshme.

Ditë të bukur e plot ngjyra!

 

Continue Reading

Lifestyle

29 prilli – Dita Botërore e Vallëzimit

Published

on

29 prilli shënon Ditën Botërore të Vallëzimit.

Kjo ditë inkurajon njerëzit e të gjithë moshave që të festojnë së bashku.

Duke qenë se vallëzimi konsiderohet si një formë komunikimi, atëherë edhe kjo ditë ka për qëllim që t’i afrojë më shumë njerëzit.

29 prilli është shënuar si Ditë e Vallëzimit për shkak se është ditëlindja e themeluesit të baletit modern Zhan- Zhorzh Nover.

Continue Reading

Lajmet

Rriteni vetëbesimin përmes këtyre teknikave

Published

on

Disa prej përvojave trauamtike të fëmijërisë, siç janë neglizhenca, abuzimi fizik e emocional, apo edhe ndarja nga prindërit mund të rezultojë në vetëbesim të ulët

Te personat e rritur, vetëbesimi mund të ulet si pasojë e ndonjë sëmundje, humbja e punës, divorci, etj. Mungesa e saj i bën njerëzit ta shohin botën në mënyrë më ndryshe.

Për këta persona, bota bëhet vend më “armiqësor” dhe ata e shohin veten si viktima. Kështu, ata dështojnë ta shprehin vetveten dhe nuk i shfrytëzojnë mundësitë të cilat iu ofrohen në jetë.

Nëse jeni në mesin e këtyre personave që kanë vetëbesim të ulët, atëherë më poshtë ju sjellim disa mënyra si mund ta rritni vetëbesimin.

Largohuni nga negativiteti

Duhet t’ia rikujtoni vetes pavarësisht çfarë probleme keni, keni shumë dhurata. Jeni unik e nuk ka ndonjë njeri tjetër në botë si ju. Duhet ta konsideroni veten të vlefshëm, pastaj t’i identifikoni të gjitha mendimet negative dhe t’i sfidoni ato.

Kushtoni vëmendje pamjes tuaj

Kur është fjala për vetëbesimin, pamja luan rol të rëndësishëm. Mënyra si qëndroni, buzëqeshja, kontakti me sy e mënyra si flisni janë elemente që ndihmojnë të paraqiteni si person me vetëbesim. Një kontakt i qëndrueshëm me sy, ngrehja e shpatullave, buzëqeshja e veshja e mirë janë bonus për pamjen.

Qëndroni të përgatitur

Ndonjëherë vetëbesimi mund të ulet kur përjetoni ngjarje të papritura, siç mund të jetë humbja e punës. Ju duhet të përgatiteni për gjërat e pacaktuara dhe të mësoni çdo gjë në fushën tuaj. Kur jeni gjithmonë të përgatitur dhe keni sasi adekuate të njohurive, atëherë niveli juaj i vetëbesimit rritet.

Asnjëherë mos u dorëzoni

Dështimet janë pjesë e jetës – krejt çfarë duhet të bëni është të mos hiqni dorë. Rikujtojani vetes se ka zgjidhje për çdo problem.

Continue Reading

Të kërkuara