Lajmet

Studim: Kush vuan më shumë pas ndarjes, burrat apo gratë?

Ndryshe nga pritshmëritë, gjetjet treguan se burrat diskutojnë më shumë për thyerjen e zemrës sesa gratë.

Published

on

Një studim i ri ka zbuluar se burrat priren të përjetojnë më shumë dhimbje emocionale sesa gratë, kur marrëdhënia e tyre nis të marrë një kthesë për keq.

Një ekip ndërkombëtar psikologësh i udhëhequr nga studiues të Universitetit të Lankasterit, kreu analizën e parë të “të dhënave të mëdha” mbi problemet në marrëdhëniet në çift.

“Shumica e asaj që dimë mbi problemet në marrëdhëniet romantike, vjen nga studimet e njerëzve që janë pjesë e terapisë në çift, e cila përfshin një nëngrup mjaft specifik njerëzish. Ne donim të kuptonim jo vetëm se cilat probleme përjetohen më shpesh nga publiku i gjerë, por kush i përjeton ato më shumë”- tha Sharlot Entuistëll, autorja kryesore e studimit.

Duke përdorur metoda të përpunimit të gjuhës, ekipi analizoi karakteristikat demografike dhe psikologjike të mbi 184.000 njerëzve që shkruan mbi problemet e tyre në një forum anonim në internet. Më pas hulumtuesit më pas ishin në gjendje të përcaktonin statistikisht temat më të zakonshme që dolën në çdo postim, duke krijuar një “hartë” të problemeve më të zakonshme të marrëdhënieve në çift.

Rezultatet treguan se problemet e komunikimit ishin problemi nr.1 më i shpeshtë i përmendur, me gati 1 në 5 njerëz që nxorën në pah vështirësitë në diskutimin e problemeve me partnerin apo partneren. Ndërkohë 1 në 8 prej tyre përmendi çështjet e besimit në marrëdhëniet e tyre.

Nga të dhënat dolën gjithashtu modele të papritura më parë, duke përfshirë dallimet kryesore gjinore në të cilat u përdorën më shumë temat. “Teksa po kryenim studimin, kuptuam se kjo ishte një mundësi e rëndësishme për të testuar shumë ide të përbashkëta rreth dallimeve gjinore në marrëdhëniet. Për shembull, a janë burrat më pak të investuar emocionalisht në marrëdhënie sesa gratë, apo kjo ndodh pasi burrat stigmatizohen nga ndarja e ndjenjave të tyre?”- thotë dr.Rajan Boid, studiuesi kryesor në këtë studim.

Analizat zbuluan se tema më e zakonshme e përmendur nga njerëzit që flisnin për problemet e marrëdhënieve të tyre, ishte rreth dhimbjes emocionale të shkaktuar nga problemet, sesa vetë problemet. Tema më e zakonshme ishte për “dhimbjen e zemrës”, dhe përbëhej nga fjalë si keqardhje, ndarje, qarje dhe zemër–thyerje.

Ndryshe nga pritshmëritë e tyre, gjetjet e ekipit treguan se burrat diskutojnë më shumë për thyerjen e zemrës sesa gratë. Ato sugjerojnë se stereotipi i burrave që investohen më pak emocionalisht në marrëdhënie sesa gratë, mund të mos jetë i saktë. Entuistëll shprehet: ”Sidomos fakti që tema e dhimbjes shpirtërore diskutohej më shpesh nga burrat, tregon se si burrat janë të paktën po aq të prekur emocionalisht nga problemet e marrëdhënieve sa gratë”. Përveç kësaj, studiuesit zbuluan se burrat kishin më shumë gjasa të kërkonin ndihmë në marrëdhënie sesa gratë në mjediset online.

Boid vë në dukje se “tradicionalisht, gratë kanë më shumë gjasa të identifikojnë problemet nëmarrëdhënie sesa burrat”. Autorët e studimit thonë se gjetjet e këtij studimi mund të ndihmojnë gjithashtu në de–stigmatizimin e kërkimit të ndihmës nga burrat, duke treguar se sa të zakonshme janë problemet në marrëdhëniet në çift, dhe duke treguar se edhe burrat kanë po aq gjasa sa gratë të kërkojnë ndihmën e psikologut./prive.al

Lajmet

Thyhet rekordi i shpenzimeve për transferime të lojtarëve

Published

on

Futbolli botëror ka regjistruar një rekord historik në tregun e transferimeve ku sipas një raporti të publikuar nga FIFA, klubet anembanë globit shpenzuan plot 9.76 miliardë dollarë për transferime ndërkombëtare gjatë afatit kalimtar veror, duke shënuar një rritje prej mbi 50% krahasuar me vitin 2024.

Në total, u regjistruan gati 12,000 transferime, ndërsa futbolli i femrave theu gjithashtu rekorde, me më shumë se 1,100 lëvizje ndërkombëtare dhe mbi 12 milionë dollarë të shpenzuara për tarifa transferimi.

Një moment historik u shënua nga Lizbeth Ovalle, e cila u transferua nga Tigres Femenil te Orlando Pride për 1.5 milionë dollarë, duke u bërë kështu lojtarja më e shtrenjtë në historinë e futbollit të femrave.

“Po shohim një treg transferimesh në lëvizje të plotë, si në futbollin e meshkujve ashtu edhe në atë të femrave,” deklaroi Emilio Garcia Silvero, Drejtor Ligjor dhe i Pajtueshmërisë në FIFA. “Ky është një zhvillim i madh, veçanërisht një vit para Kupës së Botës 2026, ndërsa rritja e jashtëzakonshme e futbollit të femrave konfirmon forcimin e lojës në nivel klubesh.”

Premier Liga angleze vazhdoi të kryesojë tregun, duke shpenzuar mbi 3 miliardë dollarë vetëm gjatë tre muajve të fundit. Klubet gjermane përfituan më shumë nga kjo prurje kapitali, duke arkëtuar 893 milionë dollarë nga transferimet drejt Anglisë. Lëvizja më e madhe ishte kalimi i Florian Ëirtz nga Bayer Leverkusen te Liverpool për një shumë që arrin deri në 156.7 milionë dollarë me bonuse. Liverpooli siguroi gjithashtu Hugo Ekitike nga Eintracht Frankfurt, ndërsa Neëcastle theu rekordin e klubit me afrimin e sulmuesit gjerman Nick Ëoltemade nga Stuttgart, për rreth 69 milionë paund.

Pas Anglisë, Gjermania renditet e dyta për shpenzime totale me 980 milionë dollarë, e ndjekur nga Italia me 950 milionë dollarë.

Për nga numri i lojtarëve të ardhur, kryeson Anglia me 535 afrime, e ndjekur nga Portugalia (479) dhe Brazili (425).

/S.K/KP/

 

 

Continue Reading

Aktualitet

Osmani ngushëllon popullin portugez, pas aksidentit tragjik në Lisbonë

Published

on

Presidentja e Republikës së Kosovës, Vjosa Osmani, i ka dërguar telegram ngushëllimi homologut të saj portugez, Marcelo Rebelo de Sousa, pas aksidentit të tramvajit në Lisbonë.

“Zemrat dhe solidariteti ynë janë me presidentin Marcelo Rebelo de Sousa, kryeministrin Luis Montenegro dhe popullin e Portugalisë, pas aksidentit tragjik të tramvajit Gloria në Lisbonë.

Në emër të popullit të Republikës së Kosovës, u shpreh ngushëllimet e mia më të thella familjeve të viktimave dhe u uroj shërim të shpejtë të plagosurve. Ne qëndrojmë pranë miqve tanë portugezë”, shkroi Osmani.

Aksidenti që zuri vend në qendër të Lisbonës dje, u mori jetën 15 personave, teksa 23 të tjerë u lënduan.

Tramvaji i njohur si “Elevador da Gloria” doli nga shinat, duke u bërë një prej aksidenteve më tragjike të regjistruara në kryeqytetin portugez.

Aksidenti ndodhi në orën 18:05, pranë sheshit “Restauradores”, pasi një kabllo sigurie u këput, duke bërë që automjeti të humbiste kontrollin dhe të përshpejtonte poshtë shpatit që lidhte pjesën e sipërme të qytetit me lagjen Baixa Pombalina.

Aksidenti preku edhe një teleferik të dytë që ishte ndaluar në fillim të rrugës Gloria, e që kishte disa pasagjerë brenda.

/S.K/EO/

Continue Reading

Aktualitet

Kurti: Kosova është rast unik i shtetndërtimit

Published

on

Në ditën e dytë të Konferencës Ndërkombëtare për Administratë Publike “KosovaPAR 2025”, kryeministri në detyrë, Albin Kurti, tha se Kosova përfaqëson një rast të veçantë të shtetndërtimit pas luftës, i cili është vlerësuar edhe nga organizatat ndërkombëtare si një histori suksesi.

Teksa foli për konferencën, ai tha se ajo është shndërruar tashmë në një traditë vjetore që mbledh pjesëmarrës eminentë nga Kosova, rajoni, kontinenti evropian dhe e gjithë bota.

“Kjo konferencë, e cila, ashtu siç ishte premtuar në vitin 2023, është shndërruar tashmë në një konferencë vjetore që mbledh pjesëmarrës eminentë nga Kosova, rajoni, kontinenti evropian dhe e gjithë bota. Kosova është, në të vërtetë, një rast sui generis, për vetë faktin që ndërtimi i institucioneve pas luftës është bërë nga një mision i udhëhequr nga Kombet e Bashkuara, në bashkëpunim me BE-në dhe Organizatën për Siguri dhe Bashkëpunim në Evropë. Gjatë këtyre 25 viteve, në Kosovë ka ndodhur një proces i veçantë i shtetndërtimit, i pashembullt ndokund tjetër apo ndonjëherë tjetër. Raportet e fundit të organizatave si Banka Botërore, Fondi Monetar Ndërkombëtar, SIGMA, organizata GAP e të tjera dëshmojnë se Kosova është një rast suksesi i shtetndërtimit pas një lufte të tmerrshme. Gjatë këtyre katër viteve të fundit, qeveria që unë udhëheq ka ndërmarrë reforma të thella në të gjithë sektorët, në mënyrë që ndryshimet pozitive të jenë edhe të qëndrueshme në kohë për të ardhmen, por edhe të pakthyeshme, pra që të pamundësojnë hapa prapa,” tha Kurti.

Kurti tha se qeveria e tij ka synuar të ndërtojë baza të forta për të ardhmen.

Ministria e Punëve të Brendshme, për të tretin vit me radhë, ka organizuar konferencën ndërkombëtare “KosovaPAR 2025”, e cila këtë vit është fokusuar në temën: “Capacity in Public Administration for or through AI?”. Kjo temë trajton ndikimin e inteligjencës artificiale në ndërtimin e kapaciteteve në administratën publike.

Konferenca synon të rrisë ndërgjegjësimin për rolin e Reformës së Administratës Publike si një parakusht për integrimin evropian dhe për përmirësimin e shërbimeve ndaj qytetarëve. Këtë vit, në një kontekst të përshpejtuar digjital, diskutimet lidhen ngushtë me transformimin që sjell inteligjenca artificiale në qeverisje dhe administratë.

“KosovaPAR 2025”, e cila nisi dje dhe po vazhdon edhe sot, përfshin 14 panele, 2 sesione kryesore dhe një tryezë të rrumbullakët, me pjesëmarrje nga niveli i lartë shtetëror, komuniteti diplomatik, akademikë, zyrtarë publikë, shoqëria civile, si dhe përfaqësues nga rajoni dhe më gjerë.

/S.K/EO/

Continue Reading

Kronika e zezë

Arrestime dhe bastisje në disa qytete të Kosovës, gjatë 24 orëve të fundit

Published

on

By

Policia e Kosovës ka raportuar për një sërë incidentesh kriminale të ndodhura gjatë ditës së djeshme në disa rajone të vendit, ku disa persona janë arrestuar, ndërsa ndaj disa të tjerëve janë iniciuar procedura të rregullta hetimore.

Në Prishtinë, më 03 shtator është arrestuar një person nën dyshimin se nuk ka përfillur urdhrin mbrojtës të gjykatës. I njëjti, pas intervistimit, me vendim të prokurorit është dërguar në mbajtje.

Më 03.09.2025 është arrestuar i dyshuari mashkull kosovar për shkak i njëjti nuk ka përfillur urdhërin mbrojtës nga gjykata. Pas intervistimit me vendim të prokurorit i dyshuari është dërguar në mbajtje.” thuhet në njoftim.

Ndërsa në Lipjan, rreth orës 18:00, policia ka arrestuar një të dyshuar pasi dyshohet se ka kanosur dy viktima kosovarë. Pas intervistimit, ai është dërguar në mbajtje.

Është arrestuar i dyshuari mashkull kosovar nën dyshimin se i njëjti ka kanosur dy viktimat kosovarë. Me vendim të prokurorit, i dyshuari pas intervistimit është dërguar në mbajtje.” thuhet në njoftim.

Në Podujevë njësitet policore, gjatë patrullimit, kanë ndaluar një të dyshuar dhe gjatë kontrollit i kanë gjetur 2 gramë marihuanë. Personi është intervistuar dhe është liruar në procedurë të rregullt.

Njësistet policore gjatë patrullimit kanë ndaluar të dyshuarin mashkull kosovar dhe gjatë kontrollit tek i njëjti kanë gjetur dhe konfiskuar 2 gramë substancë të dyshuar narkotike të llojit marihuanë. Në konsultim me prokurorin, i dyshuari pas intervistimit është liruar në procedurë të rregullt.” thuhet në raport nga Policia e Kosovës.

Katër raste të dhunës në familje janë raportuar në Graçanicë, Obiliq dhe Prishtinë.

Graçanicë / 03.09.2025 – 00:30. Është raportuar se i dyshuari mashkull kosovar ka kryer veprën e lartcekur ndaj viktimave kosovarë. Palët janë sjellë në stacion dhe pas inicimit të rastit në konsultim me prokurorin janë liruar në procedurë të rregullt.

Obiliq / 03.09.2025 – 11:30. Janë shoqëruar ne stacion per intervistim te dyshuarit meshkuj kosovarë, pasi qe te njëjtit dyshohet se kane kryer veprën e lartcekur ndaj viktimës femër kosovare. Të dyshuarit pas inicimit të rastit në konsultim me prokurorin janë liruar në procedurë të rregullt.

Prishtinë / 03.09.2025 – 16:00. Është arrestuar e dyshuara femër kosovare, pasi e njëjta dyshohet se ka kryer veprën e lartcekur ndaj viktimave kosovarë. E dyshuara pasi është intervistuar me vendim të prokurorit është dërguar në mbajtje.

Prishtinë / 03.09.2025 – 16:00. Njësitet policore pas pranimit të informatës lidhur me rastin, kanë dalë vendin e ngjarjes dhe kanë shoqëruar në stacion dy të dyshuarit kosovarë, nën dyshimin se të njëjtit kanë ushtruar dhunë ndaj njëri-tjetrit. Në konsultim me prokurorin, palët pas intervistimit janë liruar në procedurë të rregullt.

Në Lipjan, pas hetimeve për një rast të vrasjes së rëndë të ndodhur më 03 gusht, policia ka kryer bastisje në shtëpinë e një të dyshuari, ku është gjetur dhe sekuestruar një pushkë gjysmë automatike.

Pas hetimeve te vazhdueshme lidhur me rastin, më 03.09.2025 bazuar në urdhëresën e gjykatës është kryer bastisje në shtëpinë e të dyshuarit ku është gjetur dhe sekuestruar një pushkë gjysmë automatike.” thuhet në njoftim

Në Shtërpcë, dy zyrtarë të Agjencisë Pyjore kanë raportuar se një drejtues automjeti të ngarkuar me dru nuk është ndaluar dhe ka tentuar t’i godasë. Policia po heton rastin.

Dy ankues kosovarë zyrtar të Agjencisë Pyjore të Kosovës, kanë raportuar se një person i dyshuar i cili ishte duke drejtuar një automjet-xhip të ngarkuar me dru, nuk është ndaluar dhe ka tentuar ti godas ata. Lidhur me rastin është informuar edhe prokurori, ndërsa njësitet policore janë duke hetuar rastin.” thuhet në njoftim.

Në Kaçanik, policia ka arrestuar një të dyshuar pasi kishte porositur një pako me postë ku u gjetën 1 kilogram e 42 gramë marihuanë. Pas intervistimit, ai është dërguar në mbajtje.

Është arrestuar i dyshuari mashkull kosovar për shkak se i njëjti dyshohet se kishte porositur një pako që ka ardhur përmes postës në të cilën gjatë kontrollit është gjetur dhe sekuestruar një sasi prej 1 kilogram e 42 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje.” thuhet në raport.

Në Kaçanik, është arrestuar edhe një person tjetër për një rast të mëparshëm të sulmit ndaj personit zyrtar.

Pas hetimeve intensive lidhur me rastin, më 03.09.2025 është arrestuar i dyshuari mashkull kosovar dhe i njëjti pas intervistimit në konsultim me prokurorin është dërguar në mbajtje.” thuhet në njoftim.

Në Pejë, një rast i dhunës në familje ka rezultuar me lëndimin e lehtë të një viktime femër. Viktimës i është ofruar tretman mjekësor, ndërsa prokurori ka urdhëruar fillimin e hetimeve.

Dy viktima femra kosovare për shkak të një mosmarrëveshje, dyshohet se jane sulmuar nga e dyshuara femer kosovare. Njëra nga viktimat ka pësuar lëndime dhe i është ofruar tretman mjekësor. Lidhur me rastin është informuar edhe prokurori, I cili ka urdheruar fillimin e hetimeve.”

Në Rahovec, një i dyshuar është arrestuar pasi ka kanosur një polic, pas shqiptimit të një tikete trafiku. Ndërsa në Malishevë, një burrë është arrestuar për dhunë në familje ndaj bashkëshortes së tij. Të dy rastet kanë përfunduar me dërgimin e të dyshuarve në mbajtje.

Është arrestuar i dyshuari mashkull kosovar për shkak se në shenjë revolte pasi i kishte shqiptuar tiketë për kundërvajtje në trafik ka kanosur zyrtarin policor në stacion policor. Me vendim të prokurorit i dyshuari pas intervistimit është dërguar në mbajtje.”

Është arrestuar i dyshuari mashkull kosovar për shkak të dyshimit se kishte ushtruar dhunë ndaj viktimës femër kosovare. I dyshuari pas intervistimit me vendim të prokurorit është dërguar

Në Grykën e Deçanit, gjatë një kontrolli në një automjet, policia ka gjetur dhe sekuestruar një pistoletë me 8 fishekë. Rasti është proceduar me procedurë të rregullt.

Njësia policore gjatë patrullimit ka ndaluar veturën që e drejtonte i dyshuari mashkull kosovar dhe gjatë kontrollit është gjetur dhe sekuestruar një pistoletë me 8 fishekë. Në konsultim me prokurorin është inicuar rasti dhe procedohet me procedurë të rregullt.” thuhet në raport.

Në Pikën Kufitare të Bërnjakut, është ndaluar një shtetas serb në automjetin e të cilit u gjet një vulë e strukturave paralele në gjuhën serbe. Ai është liruar në procedurë të rregullt, ndërsa hetimet po vazhdojnë.

“Njësitet policore gjatë kontrollit në veturën me targa të Serbisë të cilën e drejtonte i dyshuari shtetas i Serbisë, kanë gjetur dhe konfiskuar një vulë të strukturave paralele në gjuhën serbe. Në konsultim me prokurorin, i dyshuari pas intervistimit është liruar në procedurë të rregullt. Rasti duke u hetuar nga ekipet relevante policore.” thuhet në njoftim.

Policia e Kosovës ka bërë të ditur se në disa drejtori rajonale, përfshirë Gjilanin, Prizrenin, Mitrovicën Jug dhe Veri, nuk është raportuar asnjë rast me rëndësi për ditën e djeshme./D.B/UBTNews

Continue Reading

Të kërkuara