Teknologji

Studim: Arsenalet globale të armëve bërthamore pritet të rriten për herë të parë që nga Lufta e Ftohtë

Publikuar

2 vjet më parë

më

Arsenalet globale bërthamore pritet të rriten gjatë dekadës së ardhshme për herë të parë që nga Lufta e Ftohtë, sipas një studimi ndërkombëtar të publikuar të hënën.

Nëntë shtetet e botës të armatosur me armë bërthamore, ShBA, Rusia, Britania, Franca, Kina, India, Pakistani, Izraeli dhe Koreja e Veriut, vazhdojnë të modernizojnë dhe zgjerojnë arsenalet e tyre bërthamore me një ritëm që ka të ngjarë të rritet gjatë dekadës së ardhshme , gjeti Instituti Ndërkombëtar i Kërkimeve të Paqes në Stokholm, (SIPRI), në Librin e tij vjetor 2022 të sapobotuar.

“Ka indikacione të qarta se reduktimet që kanë karakterizuar arsenalet bërthamore globale që nga fundi i Luftës së Ftohtë kanë përfunduar“, citohet të ketë thënë në botim Wilfred Wan, një anëtar i lartë në SIPRI.

Të gjitha shtetet e armatosura bërthamore po zgjerojnë ose përmirësojnë arsenalet e tyre dhe rolin e tyre në strategjitë e tyre ushtarake, duke mprehur gjithashtu retorikën e tyre bërthamore, tha Wan, i cili është drejtor i Programit të Armëve të Shkatërrimit në masë të SIPRI-së.

“Ky është një trend shumë shqetësues”, shtoi ai.

Sipas SIPRI, Rusia dhe ShBA së bashku zotërojnë mbi 90% të të gjitha armëve bërthamore, ndërsa shtatë vendet e tjera ose po zhvillojnë ose vendosin sisteme të reja armësh.

Kina, veçanërisht, është në rrjedhën e zgjerimit thelbësor të arsenalit të saj bërthamor, me imazhe satelitore që tregojnë ndërtimin e mbi 300 kapanoneve të reja raketore, pohoi instituti.

Prandaj, shtoi ai, mendohet se disa koka bërthamore shtesë u janë caktuar forcave operacionale të ushtrisë kineze vitin e kaluar, pas dorëzimit të lëshuesve të rinj të lëvizshëm dhe një nëndetëse. /UBTNews/

Etiketa
Vazhdo të lexosh

Teknologji

​Bitcoin bie në 60 mijë dollarë për herë të parë në gjashtë javë

Publikuar

6 ditë më parë

më

25 Qershor, 2024

nga

Çmimi i Bitcoin të hënën ra në 60 mijë dollarë për herë të parë në gjashtë javë, ndërsa tregu i kriptovalutave po kalon një shitje të madhe.

Bitcoin zbriti në 60.657 dollarë në orën 12:06, ndërsa tregtohej pak mbi 61.000 dollarë për një humbje ditore prej 4.8% në orën 12:26 në Binance, platforma më e madhe në botë e shkëmbimit të kriptove.

Bitcoin, kriptomonedha më e madhe në botë, për herë të fundit pati rënie të çmimit të saj deri në 60.650 dollarë më 12 maj.

Ndërkohë, Ethereum ra 5.5% në 3285 dollarë në atë kohë, ndërsa disa altcoin panë çmimet e tyre të ranë më shumë se 10% gjatë ditës./AA

Vazhdo të lexosh

Lajmet

Sanksionohen gjashtë persona për sulme kibernetike kundër shteteve të BE-së dhe Ukrainës

Publikuar

6 ditë më parë

më

24 Qershor, 2024

nga

Bashkimi Evropian (BE) sanksionoi gjashtë persona lidhur me përfshirjen e tyre në sulme kibernetike kundër infrastrukturës kritike dhe shërbimeve thelbësore, si shëndetësia dhe bankat.

“Me këto listime të reja, BE dhe shtetet e saj anëtare riafirmojnë gatishmërinë e tyre për të rritur përpjekjet për të ofruar një përgjigje më të fortë … ndaj aktiviteteve të vazhdueshme keqdashëse kibernetike që synojnë BE-në”, thuhej në një deklaratë nga Këshilli Evropian.

Aktualisht janë 14 individë dhe katër subjekte që janë të sanksionuar për krime kibernetike kundër BE-së.

Në mesin e sanksioneve janë ngrirja e asteve dhe ndalimi i udhëtimit./UBTNews/

Vazhdo të lexosh

Teknologji

Sindikata e lartë industriale gjermane do të kërkojë rritje 7% të pagave nga Volkswagen

Publikuar

1 javë më parë

më

22 Qershor, 2024

nga

Sindikata e lartë industriale gjermane, IG Metall do të kërkojë një rritje pagash prej 7% gjatë një periudhe 12-mujore nga Volkswagen. Negociatat për paga do të fillojnë në muajin tetor.

Bisedimet kanë të bëjnë me një marrëveshje kolektive për rreth 120 mijë punonjës në gjashtë vende të kompanive në shtetet e Saksonisë së Poshtme dhe Saksonisë Anhalt, përfshirë Wolfsburgun, ku ka selinë e Volkswagenit, shtoi IG Metall.

IG Metall në fillim të kësaj jave këshilloi anëtarët e saj të kërkojnë gjithashtu një rritje prej 7% në një raund më të gjerë të negociatave kolektive për sektorin e inxhinierisë mekanike që nuk përfshin VW, shumë mbi normën aktuale të inflacionit./UBTNews/

Vazhdo të lexosh

Lajmet

Japonia sanksionon disa kompani kineze

Publikuar

1 javë më parë

më

22 Qershor, 2024

nga

Japonia ka vendosur kufizime tregtare kundër firmave në Kinë, Indi, Kazakistan dhe Uzbekistan për mbështetjen e tyre të supozuar për luftën e Rusisë kundër Ukrainës.

Këto janë saksionet e para të cilat u vendosën nga Ministria e Punëve të Jashtme të Japonisë për kompanitë kineze, të cilat dyshohet se kanë lidhje me luftën.

Sipas këtyre sanksioneve, kompanive japoneze u ndalohet të eksportojnë mallra nga firmat e sanksionuara, sikurse Asia Pacific Links Ltd me bazë në Hong Kong dhe Yilufa Electronics Limited, me bazë në Shenzhen.

Sanksionet erdhën në periudhën kur Japonia dhe Koreja e Jugut sanksionuan muajin e kaluar kompani dhe individë të akuzuar për furnizimin e Rusisë me armë për përdorim në Ukrainë./UBTNews/

Vazhdo të lexosh

Të kërkuara