

Lajmet nga UBT
Studentja e Shkencave Kompjuterike dhe Inxhinierisë në UBT, Valentina Koxha po punon si inxhiniere e softuerit në Incodeks
Valentina aktualisht është duke punuar si inxhiniere e softuerit në Incodeks.
Published
2 years agoon
By
Betim GashiValentina Koxha, studente e Shkencave Kompjuterike dhe Inxhinierisë në UBT, është një shembull frymëzues i suksesit akademik dhe profesional për të gjithë studentët e tjerë të cilët duan të kenë karrierë në këtë fushë. Historia e saj dëshmon vlerat dhe mundësitë që ofron UBT për ata që janë të përkushtuar në zhvillimin e një karriere të suksesshme në fushën e shkencave kompjuterike.
Valentina aktualisht është duke punuar si inxhiniere e softuerit në Incodeks. Ajo ka filluar të punoj që nga viti 2021 në këtë fushë edhe për kompani të tjera prestigjioze, ku ka fituar përvojë të vlefshme praktike dhe gjithashtu ka përmirësuar aftësitë e saj.
Studimet e saj akademike në UBT kanë shërbyer si themel i fuqishëm për formimin e karrierës së saj. Valentina thekson se kurrikula e strukturuar mirë dhe përqendrimi i stafit pedagogjik kanë krijuar një mjedis mësimor të përshtatshëm. Në veçanti, mundësia për të marrë pjesë në një program studimi të dyfishtë me kompaninë Beo Software ka lejuar Valentinën të zbatojë njohuritë e marra në praktikë.
“Studimet e mia akademike në UBT luajtën një rol të rëndësishëm në formësimin e karrierës sime. Kurrikula ishte e strukturuar mirë dhe ka ofruar një bazë të fortë në konceptet teorike, gjuhët e programimit të mësuara dhe aftësitë për zgjidhjen e problemeve. Një pikë kryesore gjatë studimit në UBT ishte mundësia për të marrë pjesë në një program studimi të dyfishtë me Beo Software, ku mund të zbatoja njohuritë teorike të marra në universitet drejtpërdrejt në një mjedis praktik”, ka thënë Koxha.
UBT ka zhvilluar shkollën më të madhe të Shkencave Kompjuterike dhe Inxhinierisë në Kosovë dhe rajon, bazuar në standardet më të larta ndërkombëtare, duke iu ofruar studentëve diplomë të njohur ndërkombëtarisht.
You may like
-
UBT prezanton modelin e parë Digital Twin të Kampusit Smart City në aktivitetin përmbyllës të projektit Evropian IoT-ECO në Sofia
-
Në UBT diplomon ushtaraku i FSK-së, Major Vilson Musaj
-
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
Aktualitet
UBT prezanton modelin e parë Digital Twin të Kampusit Smart City në aktivitetin përmbyllës të projektit Evropian IoT-ECO në Sofia
Published
1 day agoon
September 25, 2025By
Driton Iseni
Rektori i UBT-së, Prof. Dr. Edmond Hajrizi, së bashku me Prof. Dr. Besnik Qehaja, dekan i Fakultetit të Shkencave Kompjuterike dhe Inxhinierisë, dhe ekipin e UBT-së, po marrin pjesë në aktivitetin përmbyllës të projektit IoT-ECO, pjesë e programit Erasmus-LS, ERASMUS-EDU-2022-CBHE, i cili po mbahet në Technical University of Sofia, në Bullgari.
Ky projekt ndërkombëtar synon zhvillimin e modeleve inovative për Internet of Things (IoT) në fushën e ekonomisë së gjelbër, duke bashkuar ekspertë dhe akademikë nga universitete të ndryshme të rajonit dhe Evropës.
Në këtë aktivitet u prezantua modeli i parë real i Digital Twin Smart City Kampus në UBT, një inovacion unik i zhvilluar mbi infrastrukturën Smart City dhe teknologjitë e avancuara nga ekipi i UBT-së. Ky model digjital funksionon si një pasqyrim virtual i kampusit dhe qytetit, duke mundësuar ndërveprim në kohë reale.
Kjo teknologji rrit ndërveprimin dhe aftësinë për të reaguar shpejt ndaj situatave, si dhe kontribuon në përmirësimin e cilësisë së jetës, efikasitetit dhe sigurisë.
Rektori Hajrizi prezantoi gjithashtu UBT Hub, duke theksuar kontributin dhe avancimet e universitetit në integrimin e IoT në mjedisin akademik dhe industrial. Ai diskutoi rëndësinë e zhvillimit të infrastrukturës digjitale dhe bashkëpunimeve ndërkombëtare për fuqizimin e inovacionit dhe edukimit teknologjik në Kosovë, me theks të veçantë te modelet inovative që janë zhvilluar dhe implementuar në fushat e IoT, inteligjencës artificiale, smart cities, smart education, mjekësisë, etj.
Programi i ngjarjes përfshin prezantime mbi modelet virtuale të IoT, integrimin me cloud, aplikimet praktike në industri, si dhe sfidat e sigurisë kibernetike në rrjetet moderne inteligjente. Përveç pjesës akademike, aktiviteti ofron edhe vizita kulturore dhe ture në Sofia, duke krijuar hapësirë për shkëmbim përvojash dhe rrjetëzim ndërkombëtar.
Aktualitet
Në UBT diplomon ushtaraku i FSK-së, Major Vilson Musaj
Published
1 day agoon
September 25, 2025By
Driton Iseni
Ushtaraku i FSK-së, Major Vilson Musaj, student në nivelin Master në Fakultetin e Politikave Publike dhe Menaxhimit në UBT, mbrojti me sukses tezën e tij me temë: “Rëndësia e regjimenteve të këmbësorisë në Forcën e Sigurisë së Kosovës – Një perspektivë strukturore: studim krahasimor (FSK, Ushtria Amerikane dhe NATO)”.
Ky punim, i cili u realizua me përkushtim të madh, i siguroi Major Musajt diplomën dhe gradën shkencore “Master në Politika Publike dhe Menaxhim”.
Komisioni vlerësues, i përbërë nga Prof. Dr. Hajdi Xhixha (kryetare), Prof. Dr. Arian Kadriu (anëtar) dhe Prof. Dr. Bahri Gashi (mentor), e vlerësuan këtë hulumtim si të parë në format dhe strukturën e tij në këtë fushë, duke e konsideruar si një punim serioz shkencor dhe mjaft kompleks.
Prezantimi i të gjeturave, argumentimi dhe krahasimi i hipotezave u vlerësuan me performancë të lartë akademike dhe notë maksimale, duke reflektuar një strukturë të qartë operacionale ushtarake dhe qasje profesionale në trajtimin e temës.
Major Vilson Musaj, i cili u gradua në këtë gradë më 1 korrik 2025, është emëruar Oficer për Bashkëpunim me ODC dhe Iowa (Office for Defense Cooperation – Zyra për Bashkëpunim të Mbrojtjes në Ambasadën Amerikane) në Departamentin për Bashkëpunim Ndërkombëtar dhe Integrime Euro-Atlantike në Ministrinë e Mbrojtjes. Ai vazhdon të shërbejë aktualisht në këtë departament të rëndësishëm, duke kontribuar në zhvillimin dhe integrimin e Forcës së Sigurisë së Kosovës.
Aktualitet
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
Published
2 days agoon
September 25, 2025By
Driton Iseni
UBT po ofron bursë 20 për qind në nivelin Master në programet Shkenca Politike dhe Studime të Sigurisë, për të gjithë kandidatët nga Akademia e Policisë, Forca e Sigurisë së Kosovës (FSK) dhe Shërbyesit Civilë.
Programi Master në Shkenca Politike ofron një mjedis akademik të avancuar, të orientuar drejt kërkimit shkencor dhe zhvillimit të mendimit kritik. Studentët pajisen me njohuri dhe aftësi për të adresuar sfidat politike në nivel lokal dhe ndërkombëtar, për të kontribuar në zhvillimin demokratik dhe për të ndikuar në politikëbërjen moderne. Ky program përgatit ekspertë, mendimtarë dhe liderë të rinj që promovojnë qeverisje efektive dhe procese demokratike.
Ndërkaq, programi Master në Studime të Sigurisë është i konceptuar për të përgatitur profesionistë të aftë të përballen me sfidat e sigurisë në kontekste kombëtare dhe ndërkombëtare. Ai trajton tema bashkëkohore si siguria kibernetike, kërcënimet hibride, terrorizmi, migrimi, gjeopolitika dhe siguria energjetike. Studentët zhvillojnë aftësi analitike dhe praktike për të krijuar strategji efikase në fushën e sigurisë dhe për të kontribuar në stabilitetin dhe qëndrueshmërinë e shoqërisë.
Të dy programet ofrojnë orare fleksibile, qasje praktike, staf akademik me eksperiencë ndërkombëtare dhe mundësi për mobilitete studimore në universitete partnere në Evropë dhe më gjerë.
UBT thekson se qëllimi i këtyre programeve është të fuqizojnë kapacitetet akademike dhe profesionale të studentëve, duke i pajisur ata me njohuri multidisiplinare që tejkalojnë standardet e industrisë dhe i përgatisin për karrierë ndërkombëtare, punësim në institucione vendore dhe globale, si dhe për vazhdim studimesh në nivel doktorature.
APLIKO TANI ONLINE për të përfituar bursën 20 për qind dhe për të qenë pjesë e gjeneratës së re të ekspertëve të politikës dhe sigurisë në Kosovë.
Aktualitet
UBT hap thirrjen për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025)
Published
2 days agoon
September 24, 2025By
Driton Iseni
UBT ka shpallur hapjen zyrtare të thirrjes për dorëzimin e abstrakteve për Konferencën Ndërkombëtare mbi Shëndetin Mendor dhe Mirëqenien (PSY 2025), e cila do të zhvillohet në kuadër të aktiviteteve të edicionit të 14-të të Konferencës Ndërkombëtare të UBT-së.
Kjo konferencë synon të bashkojë profesionistë, studiues, praktikues dhe studentë të psikologjisë, vendorë dhe ndërkombëtarë, për të ndarë përvoja, njohuri dhe ekspertizë mbi faktorët që ndikojnë në përmirësimin e shëndetit mendor, duke kontribuar si në komunitetin akademik ashtu edhe në praktikën profesionale.
Konferenca Ndërkombëtare mbi Shëndetin Mendor dhe Mirëqenien do të mbahet më 23, 24 dhe 25 tetor 2025, ndërsa tema kryesore e këtij viti është: “Shëndeti Mendor dhe Mirëqenia”. Ajo ka për qëllim të bashkojë studiues, edukatorë dhe profesionistë nga fusha të ndryshme, për të eksploruar dhe shkëmbyer ide mbi lidhjen mes shëndetit mendor dhe proceseve të rezistencës që mbështesin qëndrueshmërinë, inovacionin dhe mirëqenien mendore.
UBT mirëpret abstrakte që lidhen (por jo vetëm) me fushat e mëposhtme:
- Aftësitë e rezistencës në komunitetet e margjinalizuara
- Avancimet në kërkimin mbi sjelljen
- Shëndeti mendor dixhital dhe epoka dixhitale
- Baza biologjike e sjelljes njerëzore
- Shëndeti mendor dhe pabarazia
- Strategjitë e përballimit të stresit
- Ndërgjegjësimi për shëndetin mendor
Konferenca do të mbahet në format hibrid, duke u lejuar pjesëmarrësve të marrin pjesë fizikisht në Kampusin e UBT-së ose online, duke ofruar fleksibilitet për kontribuesit vendorë dhe ndërkombëtarë. Pjesëmarrës në këtë ngjarje do të jenë hulumtues shkencorë nga SHBA-ja, Republika Çeke, Turqia, Shqipëria dhe Maqedonia e Veriut.
Datat e rëndësishme:
- Dorëzimi i abstrakteve: 10 tetor 2025
- Njoftimi për pranimin e abstrakteve: 17 tetor 2025
- Dorëzimi i punimeve: 14 nëntor 2025
- Procesi i rishikimit: 17 tetor 2025
- Regjistrimi i hershëm: 17 tetor 2025
- Regjistrimi i vonë: 20 tetor 2025
- Datat e konferencës: 23–25 tetor 2025
Koordinatorët e konferencës:
Dr. Fatbardh Qehaja Osmani & Dr. Elona Krasniqi

Gjykata spanjolle liron Dani Alves-in

Caktohet data, Pogba rikthehet në fushë

Aksident me fatalitet në Blagaj të Pejës

Legjenda e Barcelonës njofton pensionimin nga futbolli

Osmani takohet me presidentin e Senegalit

Arrestohet një i dyshuar për sulm seksual ndaj një të miture në Podujevë

Nis Superliga e Kosovës në futsall këtë fundjavë

Sean ‘Diddy’ Combs rikthehet në gjykatë për të kërkuar një gjykim të ri

18 nga librat më të mirë të vitit sipas gazetarëve të BBC
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26