Në një ceremoni solemne të mbajtur në Kampusin Inovativ të UBT-së në Lipjan, u nderua xhudistja dhe studentja e UBT-së, Laura Fazliu, për suksesin historik në Lojërat Universitare Botërore “FISU 2025”, të mbajtura në Rhine-Ruhr të Gjermanisë, ku ajo fitoi medaljen e argjendtë të parën në histori për Kosovën në këtë kompeticion prestigjioz ndërkombëtar.

Në shenjë vlerësimi për suksesin e saj të jashtëzakonshëm, UBT i ndau Laurës një bursë të veçantë meritore, si dëshmi e përkushtimit të institucionit për të mbështetur talentet që dallohen në fusha të ndryshme  sportive, akademike dhe shkencore.

Rektori i UBT-së, Prof. Dr. Edmond Hajrizi theksoi rëndësinë e këtij suksesi dhe rolin që luan institucioni në mbështetjen e studentëve.

“Ky është një moment krenarie për të gjithë ne. Suksesi i Laurës është dëshmi e potencialit të jashtëzakonshëm që kanë studentët tanë. Përkrahja e talenteve si Laura është mision i përhershëm i UBT-së”, tha rektori Hajrizi.

Gjatë fjalimit të saj, Laura shprehu emocionet dhe krenarinë për këtë arritje të madhe, duke theksuar rëndësinë që ka kjo medalje për vendin dhe për të gjithë të rinjtë që synojnë suksesin:

“Kjo medalje nuk është vetëm për mua  është për Kosovën, për të rinjtë që ëndërrojnë dhe për çdo vajzë që beson se mund të arrijë majat. Jam krenare që përfaqësoj vendin tim dhe UBT-në në arenën botërore”, theksoi Laura.

Dekani i Fakultetit të Shkencave të Sportit dhe të Lëvizjes. Agron Thaçi, gjatë fjalës së tij, potencoi rëndësinë e bashkëpunimit të ngushtë mes fushës akademike dhe asaj sportive. Ai vuri në pah se suksesi i Laurës tregon se kur shkenca dhe sporti bashkëpunojnë, arrihen rezultate të jashtëzakonshme. Dekani gjithashtu nënvizoi nevojën për të krijuar lidhje më të forta mes institucioneve arsimore dhe sportit elitar për të mundësuar zhvillimin e sportistëve të talentuar në nivel të lartë.

Në ceremoni, trajneri i njohur i xhudos, Driton Kuka, theksoi se suksesi i Laurës është rezultat i punës së palodhshme, disiplinës së saj dhe mbështetjes së duhur, duke vlerësuar gjithashtu bashkëpunimin efikas me UBT-në si një faktor kyç në arritjen e këtij rezultati.

Kryetari i Komitetit Olimpik të Kosovës, Ismet Krasniqi, e përshkroi medaljen e argjendtë si një pikë kthese për sportin universitar në Kosovë, duke theksuar rolin e Laurës si një ambasadore e vlerave të sportit dhe arsimit që frymëzojnë brezat e rinj.

Udhëheqësi i Federatës së Sporteve Universitare të Kosovës, Musa Selimi, theksoi se suksesi i Laurës është dëshmi që institucionet arsimore si UBT mund të jenë një faktor thelbësor në zhvillimin e sportit kombëtar dhe një shembull i mirë që duhet ndjekur dhe përsëritur.

Përmes kësaj ngjarjeje, UBT rikonfirmon misionin e saj për të fuqizuar të rinjtë, për të krijuar një ambient të përshtatshëm për zhvillimin e talenteve dhe për të ndërtuar ura mes akademisë dhe sportit në nivel vendor dhe ndërkombëtar./UBTNews

Nëse po pyet vetën “Cila degë inxhinierike më përfaqëson mua?”, UBT është vendi ideal për të zbuluar përgjigjen dhe për ta kthyer pasionin tënd në profesion. Me laboratorë të avancuar, staf akademik të kualifikuar dhe lidhje të ngushta me industrinë, UBT u ofron studentëve të ardhshëm katër drejtime të fuqishme të inxhinierisë, secila me potencial për të ndikuar në të ardhmen: Inxhinieri e Energjisë, Inxhinieri e Mekatronikës, Inxhinieri e Ndërtimit dhe Infrastrukturës, dhe Inxhinieri e Agrikulturës dhe Mjedisit.

Nëse jeni të interesuar të bëheni lider në fushën e ardhme energjetike dhe të jeni pjesë e zgjidhjeve që do të ndryshojnë botën, sidomos në kohën e sfidave klimatike dhe krizave energjetike, programi Inxhinieri e Energjisë në UBT është vendi ku mund të zhvilloni potencialin tuaj dhe të bëni ndryshime të vërteta në botën e energjisë. Ky program i studimit është dizajnuar për të përgatitur studentët për sfidat e energjisë së së ardhmes, ku qëndrueshmëria dhe inovacioni janë në qendër të zhvillimeve globale.

Nëse tërhiqesh nga robotika, automatizimi dhe intelegjenca artificiale, atëherë Fakulteti i Mekatronikës në UBT është një mundësi e shkëlqyer për ata që kërkojnë të zhvillojnë një karrierë në fushën teknologjike të avancuar. Ky fakultet ofron një program studimi që ndërthur teknologjinë më të avancuar me njohuri të thella teorike dhe praktike, duke krijuar profesionistë të aftë për të sfiduar dhe transformuar botën e teknologjisë.

A e sheh vetën duke projektuar ura, rrugë, ndërtesa dhe struktura të qëndrueshme, atëherë Inxhinieria e Ndërtimit në UBT  është rruga jote. Fakulteti i Inxhinierisë të Ndërtimit dhe Infrastrukturës në UBT dallohet si lider në fushën e ndërtimtarisë dhe infrastrukturës, andaj qëllimi i këtij programi është të ofrojë një edukim çdo herë më të avancuar dhe të plotë për studentët, duke i pajisur ata me të gjitha njohuritë dhe aftësitë e nevojshme për të qenë profesionistë të suksesshëm në sektorin e ndërtimit dhe infrastrukturës.

Fakulteti Inxhinieri e Agrikulturës dhe Mjedisit është për studentët të cilët janë të apasionuar për mjedisin, agrikulturën dhe dëshirojn të kanë një impakt pozitiv në botën rurale dhe natyrore. Program i Inxhinierisë së Agrikulturës dhe Mjedisit në UBT paraqet një mundësi të shkëlqyer për të kultivuar njohuritë dhe aftësitë që ju duhen për të ndikuar pozitivisht në botën e mjedisit dhe agrikulturës

UBT nuk ofron vetëm studime, por rrugë të qartë drejt karrierës, andaj me këto katër degë inxhinierike, çdo student ka mundësinë të gjejë identitetin e vet profesional dhe të ndërtoj një të ardhme të qëndrueshme, digjitale dhe të suksesshme./UBTNews

Në një kohë kur industria muzikore po transformohet me një shpejtësi nga teknologjia dhe kreativiteti, programi i Muzikës Moderne, Prodhimit Digjital dhe Menaxhimit në UBT është ndërtuar për t’u ofruar studentëve një edukim të avancuar, duke i përgaditur gjeneratat e reja për sfidat dhe mundësit që ofron tregu global i muzikës.

Andaj ky program përfaqëson një hap të madh drejt përgatitjes së artistëve të rinj, producentëve dhe menaxherëve për tregun modern të muzikës, duke kombinuar artin me teknologjinë dhe industrinë.

Programi Muzikë Moderne, Prodhimin Digjitial dhe Menaxhim në UBT është ndërtuar sipas standardeve evropiane dhe ndërkombëtare, me një kurrikul të përshtatur për nevojat e tregut.

UBT vjen me pesë specializime të strukturuara për studentët të cilët synojnë të bëhen profesionist në industrinë muzikore.

Në UBT studentët mund të profilizohen në një nga këto pesë drejtime në Muzikë Moderne, Prodhim Digjital dhe Menaxhim.

Kompozim për të gjithë ata që dëshirojnë të krijojnë tinguj që frymëzojnë. Specializimi në kompozim përgatit studentët përmes teknikave moderne të krijimit muzikor, nga ideja fillestare deri te realizimi i veprave orgjinale në zhanre të ndryshme muzikore.

Në kuadër të këtij porgrami, specializimi në Instrument është ndërtuar për studentët të shprehin identitetin e tyre artistik përmes një instrumenti. Përmes një qasjeje praktike dhe metoda bashkëkohore të mësimdhënies, ky specializim synon të zhvillojë interpretues të përgatitur për skenën profesionale.

Ndërsa specializimi në Vokal u dedikohet studentëve që dëshirojnë të zhvillojnë potencialin e tyre vokal në mënyrë profesionale. Ky specializim ofron një trajnim të thelluar për zhvillimin e teknikës vokale, shprehjes emocionale dhe prezencës skenike.

Përmes mentorimit individual nga profesorët dhe punës praktike, studentët zhvillojnë një zë unik dhe profesional, të gatshëm për skenën muzikore.

Industria muzikore kërkon më shumë sesa talent, ajo kërkon vizion, organizim dhe njohuri të tregut, prandaj specializimi në Manaxhment Muzikor në UBT është ndërtuar për të përgaditur profesionistë që mund të udhëheqin projekte, ose kompani muzikore drejt suksesit.

Ndërsa për të rinjtë që janë të apasionuar pas aspektit teknik të muzikës dhe duan të krijojnë tingullin që dëgjohet, UBT ofron specializimin në Audio Prodhim. Me pajisje moderne dhe udhëzim nga profesionistë të industrisë, studentët përgatiten për treg pune shumë të kërkuar.

Të gjitha këto specializime mbështeten nga laboratorë të avancuar muzikore, studio profesionale, si dhe profesorë ndërkombëtarë të fushës së muzikës. Falë strukturës inovative të programit, studentët e diplomuar janë gjithnjë e më të kërkuar në tregun vendor dhe atë ndërkombëtar, si producentë, artistë, kompozitor ose menaxher./UBTNews

Dekani i Fakultetit Inxhinieri e Ndërtimit dhe Infrastrukturë, prof. Dr. Visar Krelani ishte i ftuar në Podcastin e UBT Media. Ai prezantoi gjerësisht programin e këtij fakulteti, duke treguar për mundësitë e studimit dhe rëndësinë që ky program ka në vendin tonë.  

“Duke ditur rëndësinë e kësaj fushe në Kosovë dhe interesimin e lartë, ekonomia jonë rreth  40  – 50 për qind është Inxhinieri e Ndërtimit, është ndërtimtari, infrastrukturë, ndërtime, rindërtime, kemi struktura, diga që do të ndërtohen dhe është kërkesë shumë e lartë për zhvillim të infrastrukturës. Qëllimi është që studentët tanë të kenë zgjedhje në një profesion të sigurt për punësim”, tha ai.

UBT numëron qindra partnerë ndërkombëtare, përmes të cilëve studentëve u krijohet mundësi të marrin pjesë në gara të ndryshme, shkëmbime studimore dhe hulumtime shkencore. Kosova është përfaqësuar vazhdimisht në vende të ndryshme të rajonit përmes studentëve të Fakultetit Inxhinieri e Ndërtimit dhe Infrastrukturë në UBT.

“UBT ka mbi 500 partnerë aktiv ndërkombëtarë, ndërkaq, si Inxhinieri e Ndërtimit dhe Infrastrukturës kemi partnerë jashtëzakonisht të rëndësishëm, siç është “Politecnico di Milano” në Milano të Italisë. Ne për momentin kemi studentë aktiv të nivelit bachelor dhe master në Valencia, të cilët po kryejnë një semestër në Politecnico të Valencias dhe në mbikëqyrjen e profesorëve atje dhe në UBT po realizojnë prova në laboratorë me studentë nga bota”, shtoi dekani Krelani.

Vendet e lira për regjistrim mbeten të kufizuara, prandaj, për të gjithë të interesuarit dr.Krelani bëri thirrje që të sigurojnë vendet e tyre në qendrën kryesore të regjistrimeve të UBT-së.

Fakulteti Inxhinieri e Ndërtimit dhe Infrastrukturë në UBT është themeluar në vitin 2013, dhe deri më tani radhitet në mesin e Fakulteteve më të suksesshme në këtë institucion.