Profesorët e Shkencave Politike në UBT, Alfred Marleku dhe Ridvan Peshkopia, kanë realizuar një studim të rëndësishëm në fushën e arsimit të lartë, i cili është botuar në revistën e njohur akademike Taylor and Francis. Studimi shqyrton preferencat e studentëve për format e ndryshme të mësimdhënies: online, tradicional dhe të përziera, duke ofruar një analizë të thelluar të ndikimeve që kanë këto metoda në procesin mësimor.

Pandemia e Covid-19 ka sjellë një rritje të konsiderueshme të mësimit online dhe ka sfiduar metodat tradicionale të mësimdhënies. Ky studim ka analizuar faktorët që ndikojnë në preferencat e studentëve, duke përfshirë njohuritë kompjuterike, orientimet filozofike dhe përvojat kërkimore, të cilat janë të lidhura ngushtësisht me mënyrën se si ata zgjedhin të mësojnë.

Një aspekt tjetër i rëndësishëm i këtij hulumtimi është analiza e përvojave kërkimore të studentëve. Studimi tregon se përvoja pozitive ose negative me format e ndryshme të mësimit mund të ndikoj ndjeshëm në preferencat e studentëve. Për shembull, ata që kanë pasur më pak eksperienca pozitive me bashkëpunimin dhe ndërveprimin me kolegët mund të jenë më skeptikë ndaj mësimit që kërkon angazhim aktiv dhe bashkëpunim në grupe.

Përmes anketimit të studentëve nga 11 universitete në Kosovë, Shqipëri dhe Maqedoninë e Veriut gjatë vitit akademik 2021-2022, studimi ofron një pasqyrë të re mbi faktorët që ndikojnë në zgjedhjet e studentëve për format e mësimdhënies. Gjetjet e studiuesve vënë në dyshim supozimet tradicionale mbi zgjedhjen e metodave mësimore dhe ofrojnë një bazë të rëndësishme për zhvillimin e politikave edukative në të ardhmen.

Njohuritë kompjuterike janë tashmë një nga faktorët kyç në suksesin akademik, veçanërisht në një kohë kur teknologjia ka një rol të rëndësishëm në procesin mësimor. Ky studim kontribuon në kuptimin e mënyrës se si ndryshimet teknologjike dhe përvojat kërkimore mund të formësojnë preferencat e studentëve dhe ndikojnë në cilësinë e arsimit të lartë.

Për më shumë informacion, mund të lexoni punimin e plotë të publikuar në Taylor and Francis në këtë link: https://www.tandfonline.com/doi/full/10.1080/15512169.2025.2453846?src=exp-la

UBT ka shënuar një moment historik me hapjen e degës të re në Londër, duke zgjeruar më tej rrjetin global dhe duke e bërë prezencën e tij më të fuqishme në skenën ndërkombëtare. Ceremonia e hapjes u mbajt në një ngjarje speciale, ku morën pjesë figura të shquara nga fusha akademike dhe diplomacia, përfshirë Rektorin e UBT-së, Prof. Dr. Edmond Hajrizi, Ambasadorin e Kosovës në Britaninë e Madhe, Ilir Kapiti, zëvendësambasadorin Vlorat Gashi, përfaqësues nga diaspora, partnerë të ndryshëm dhe akademikë të njohur.

Rektori i UBT-së, Prof. Dr. Edmond Hajrizi, theksoi rëndësinë e hapjes së kësaj dege në Londër, veçanërisht për faktin se kjo ndodhi pranë një prej qendrave financiare dhe globale më të rëndësishme, Canary Wharf. Ai shprehu se kjo hapje është një dëshmi e përkushtimit të UBT-së për të aktivizuar veten në nivel global.

“Vlerat, produktet dhe shërbimet që UBT ka zhvilluar ndër vite nuk kufizohen vetëm në Kosovë, por përbëjnë vlera të shtuara për tregun global. Përmes Londrës, si një nga qendrat kryesore botërore, synojmë të forcojmë lidhjet me bizneset, të realizojmë projekte të reja dhe të gjenerojmë vende të reja pune, duke ndikuar kështu në zhvillimin ekonomik dhe shoqëror të Kosovës dhe rajonit të Ballkanit Perëndimor”, u shpreh Rektori Hajrizi.

Rektori shtoi se Londra, si një nga qendrat kryesore botërore, do të luajë një rol kyç në forcimin e lidhjeve ndërkombëtare përmes projekteve të reja dhe rritjes së mundësive të punës, duke kontribuar kështu në zhvillimin ekonomik dhe shoqëror të Kosovës dhe rajonit të Ballkanit Perëndimor.

Ambasadori i Kosovës në Britaninë e Madhe, Ilir Kapiti, vlerësoi hapjen e kësaj qendre si një hap të rëndësishëm për forcimin e marrëdhënieve akademike dhe profesionale midis dy vendeve, duke shprehur gjithashtu gatishmërinë për të mbështetur bashkëpunimin në të ardhmen.

Hapja e kësaj dege në Londër është një tregues i qartë i suksesit të modelit të UBT-së, i cili është bërë një ekosistem inovativ për zhvillimin e kompetencave dhe projekteve të reja. Ky model i edukimit dhe zhvillimit të njohurive, i bazuar në shkencë, teknologji dhe biznes, ka tërhequr vëmendjen e shumë shteteve dhe është kërkuar nga shumë vende të zhvilluara dhe me perspektivë në botë. Pas suksesit të tij në Kosovë dhe hapjes së qendrave të tjera në vende të ndryshme, UBT po forcon gjithnjë e më shumë partneritetet ndërkombëtare dhe po shtrinë ndikimin e tij global.

Në këtë mënyrë, UBT po vazhdon të shndërrohet në një lider në fushën e arsimit dhe inovacionit, duke e vendosur Kosovën dhe rajonin e Ballkanit Perëndimor në një nivel të ri të zhvillimit global./UBTNews/