Lajmet nga UBT

Studentët e Fakultetit Shkenca Kompjuterike dhe Inxhinieri mbështetën teknikisht pjesëmarrësit e Konferencës Ndërkombëtare të UBT-së

Ky program studimi, ashtu si edhe programet e tjera që janë në UBT, ka prodhuar studentë të zellshëm e të përkushtuar.

Published

on

UBT ndër vite ka nxjerrë studentë profesionistë të fushave të ndryshme, e të cilët me përkushtim të lartë kanë ushtruar profesionin e tyre, duke korrur suksese të larta në dikasterin prej nga ata vijnë.

Një prej fushave ku UBT është lider në vend për nga cilësia, infrastruktura e profesionalizmi i ekspertëve është ajo e programit Shkenca Kompjuterike dhe Inxhinieri në UBT, fushë kjo që është trend në gjithë globin dhe që ka nxjerrë lider të përkushtuar, e të cilët kanë korrur suksese në rrugëtimin e tyre profesional në karrierë.

Ky program studimi, ashtu si edhe programet e tjera që janë në UBT, ka prodhuar studentë të zellshëm e të përkushtuar, të cilët sa herë që UBT-së i është nevojitur ndihma dhe prezenca e tyre, ata kanë qenë të gatshëm për institucionin, duke mos harruar asnjëherë atë se çfarë ka bërë dhe vazhdon të bëj ky institucion akademik për ta.

Në Konferencën Ndërkombëtare për Shkencë, Teknologji, Biznes dhe Inovacion, që këtë vit shënoi jubileun e parë, të dhjetin vit me radhë nën organizimin e UBT-së, plotë 19 studentë iu përgjigjën thirrjes së UBT-së për të ndihmuar nga aspekti teknik pjesëmarrësit e këtij organizimi madhështor shkencor, duke bërë kështu një gërshetim unik të asaj se çfarë kanë mësuar në teori me shndërrimin e mësimeve të marra nga ana e profesionistëve të UBT-së në praktikë.

Studentët: Granit Sadiku, Diona Sallauka, Era Mustafa, Rinor Shehu, Edon Abdullahu, Drinor Shala, Diellëza Avdyli, Fjona Krasniqi, Gent Reçica, Ardit Byqmeti, Ermal Rexhepi, Endrit Mulliqi, Erestinë Bytyqi, Edisona Rexha, Rinor Paçarizi, Altrit Gallapeni, Ermal Topalli, Albesa Matoshi dhe Blerinë Restelica, dhanë kontributin e tyre në Konferencën Ndërkombëtare për Shkencë, Teknologji dhe Biznes të UBT-së, duke qenë të gatshëm për të ndihmuar në secilin detaj teknik, në mënyrë që mbarëvajtja e konferencës ndërkombëtare të shkojë ashtu siç është më së miri.

Suksesi i studentëve tanë është një shtytje e madhe për UBT-në që të sjellë gjithmonë inovacione të reja për ta, në mënyrë që ata të jenë të barabartë me secilin studentë të botës për sa i përket prurjeve të reja teknologjike, informative dhe shkencore.

Kjo e bën UBT-në institucion unik, me një qasje proaktive ndaj komunitetit të studentëve dhe palëve të tjera që përfshihen në procesin akademik, e që ndikojnë pozitivisht në zhvillimin profesional të studentëve.

lajme

UBT prezanton dy punime shkencore në Konferencën Ndërkombëtare “AI Horizon” të Akademisë së Shkencave të Shqipërisë

Published

on

By

UBT po merr pjesë në Konferencën Ndërkombëtare Shkencore “AI Horizon – A New Era of Creativity and Innovation”, të organizuar nga Akademia e Shkencave e Shqipërisë, më 12–13 nëntor 2026, në Tiranë, ku UBT është një nga partnerët e kësaj ngjarjeje të rëndësishme shkencore ndërkombëtare.

Në këtë konferencë, UBT përfaqësohet nga rektori, Prof. Dr. Edmond Hajrizi, dekani i Fakultetit të Shkencave Kompjuterike, Besnik Qehaja, dhe asistenti Elton Boshnjaku, të cilët prezantuan dy punime shkencore që trajtojnë zhvillimet më të fundit në fushat e Internetit të Gjërave (IoT), Qyteteve të Mençura (Smart City), Vizionit Kompjuterik dhe Inteligjencës Artificiale.

Dy punimet shkencore të prezantuara janë: “Mobile Augmented Reality with an LLM Assistant Connected to Live Sensor Data for Remote Learning in a University Campus Digital Twin”

Punimi trajton integrimin e realitetit të shtuar mobil me një asistent të bazuar në modele të mëdha gjuhësore (LLM), të ndërlidhur me të dhëna në kohë reale nga sensorët, duke krijuar mundësi të reja për mësim interaktiv dhe në distancë përmes binjakut digjital të kampusit universitar.

“Secure Protocol Translation and Weather-Referenced Drift Detection for Commercial IoT Devices on Azure IoT Hub: A 4G Node Case Study in a University Smart City”

Ky punim fokusohet në sigurinë dhe ndërveprimin e pajisjeve komerciale IoT, përmes përkthimit të protokolleve të komunikimit dhe zbulimit të devijimeve të të dhënave në raport me kushtet atmosferike, duke u mbështetur në një rast studimor me nyje 4G në kuadër të një Smart City universitar.

Përmes këtyre dy prezantimeve, përfaqësuesit e UBT-së sollën para komunitetit shkencor ndërkombëtar rezultate kërkimore dhe qasje inovative që ndërlidhin inteligjencën artificiale, sensorët inteligjentë, realitetin e shtuar dhe infrastrukturën e qyteteve të mençura.

Pjesëmarrja e UBT-së në këtë konferencë, krahas prezantimit të rezultateve shkencore, përfaqëson edhe një mundësi të rëndësishme për zgjerimin e bashkëpunimit me institucionet akademike dhe kërkimore, shkëmbimin e përvojave dhe avancimin e projekteve inovative.

UBT vazhdon të dëshmojë përkushtimin e tij ndaj kërkimit shkencor, inovacionit dhe bashkëpunimit ndërkombëtar, duke kontribuar aktivisht në zhvillimin dhe zbatimin e teknologjive të së ardhmes.

Continue Reading

Lajmet

Leonardo da Vinci sjell frymën e Rilindjes në UBT – ekspozitë që ndërthur artin, shkencën dhe inovacionin

Published

on

By

Kampusi Shkencor Inovativ dhe Teknologjik i UBT-së është bërë nikoqir i një ekspozite të veçantë kushtuar njërit prej mendjeve më të jashtëzakonshme në historinë njerëzore, Leonardo da Vincit.

Përmes kësaj ekspozite, studentët, stafi akademik dhe vizitorët kanë mundësi të njihen më nga afër me botën krijuese të Da Vincit, idetë e tij revolucionare dhe projektet që dëshmojnë gjenialitetin e tij në fusha të ndryshme, nga arti e anatomia, deri te inxhinieria dhe teknologjia.

E organizuar në kuadër të edicionit të XXVI të Javës së Gjuhës Italiane në Botë, me temën “Gjuhë e mirësjelljes, gjuhë gjeniale: të ideosh, të projektosh, të krijosh me italisht”, ekspozita sjell në vëmendje rëndësinë e gjuhës, kulturës dhe trashëgimisë italiane në zhvillimin e mendimit krijues dhe shkencor.

Ky aktivitet është realizuar në bashkëpunim me Ambasadën e Italisë në Prishtinë dhe përfaqëson një mundësi të rëndësishme për të nxitur kureshtjen intelektuale, kreativitetin dhe frymën inovative te gjeneratat e reja.

Përmes kësaj ekspozite, UBT sjell në kampusin e tij trashëgiminë e një figure që vazhdon të frymëzojë botën, duke dëshmuar se idetë e mëdha nuk njohin kohë dhe se arti, shkenca dhe teknologjia janë pjesë e së njëjtës gjuhë: gjuhës së inovacionit.

 

 

 

Continue Reading

Vendi

Profesoresha Lisjeta Thaqi Jashari mban ligjërata për inteligjencën artificiale në Universitetin e Salentos

Published

on

By

Profesoresha e gjuhës angleze në UBT, Lisjeta Thaqi Jashari, po qëndron për një vizitë akademike në Universitetin e Salentos në Lecce të Italisë, ku po zhvillon ligjërata dhe takime profesionale me kolegë të universitetit pritës.

Në qendër të ligjëratave të saj janë metodat bashkëkohore të mësimdhënies së diferencuar me mbështetjen e inteligjencës artificiale. Profesoresha e UBT-së po trajton mënyrat se si mësimdhënësit mund t’i shfrytëzojnë këto teknologji inovative për t’ua përshtatur materialet dhe aktivitetet mësimore studentëve me nivele të ndryshme të njohurive.

Gjatë kësaj vizite akademike po zhvillohen edhe takime që synojnë shkëmbimin e përvojave mbi përdorimin e teknologjisë në arsim, si dhe hapjen e rrugëve për bashkëpunime të reja akademike.

Continue Reading

Lajmet

Fakulteti i Psikologjisë organizon bashkëbisedim për parandalimin e dhunës dhe rolin e shërbimeve psikologjike

Published

on

By

Fakulteti i Psikologjisë në UBT ka organizuar një bashkëbisedim me studentët e vitit të parë lidhur me trajtimin e dhunës, parandalimin e saj dhe rolin e shërbimeve psikologjike në shoqëri.

Aktiviteti i udhëhequr nga ligjëruesja Violeta Zefi bëri bashkë Zana Hamiti Asllanin nga Qendra për Mbrojtjen e Grave dhe Fëmijëve në Prishtinë, Kadri Gashin nga Qendra për Këshillim, Shërbime Sociale dhe Hulumtime, si dhe Dekanen e Fakultetit të Psikologjisë Denis Celcima dhe ligjëruesen Elona Krasniqi.

Të nxitur nga ngjarjet e fundit në vend, pjesëmarrësit u përqendruan te rreziku i përsëritjes së rasteve të dhunës dhe nevoja për një qasje të koordinuar institucionale.

Vëmendje e veçantë gjatë diskutimit i u kushtua edukimit, risocializimit dhe mbështetjes psikologjike për burrat dhe djemtë kryerës të dhunës, si element kyç për parandalimin e këtij fenomeni.

Continue Reading

Të kërkuara