Lajmet nga UBT

Studentët e Fakultetit Menaxhment, Biznes dhe Ekonomi në UBT kanë vizituar Qendrën Logjistike “Viva Fresh Store”

Gjatë këtij diskutimi u fol edhe për aspektin e digjitalizimit të proceseve dhe benefiteve të përdorimit të sistemeve të integruara teknologjike, të cilat mundësojnë që të pranohet porosia dhe në kohë reale të mbikëqyret dërgesa.

Publikuar

1 vit më parë

më

Studentët e vitit të tretë të Fakultetit Menaxhment, Biznes dhe Ekonomi në UBT, në kuadër të lëndës “Ndërmarrësi dhe Menaxhim i Inovacionit”, të shoqëruar nga profesoresha Ermira Shehu, kanë realizuar një vizitë studimore në Qendrën Logjistike “Viva Fresh Store”.

Qëllimi i kësaj vizite studimore ishte që studentët përveç shtjellimit teorik të temës: “Menaxhimi i Inovacionit, Qeveria, Shkenca Inovacion dhe Politika e Ndërmarrësisë”, të njoftohen edhe me zhvillimet praktike që aktualisht aplikohen nga ndërmarrja.

Vizita ka filluar në Qendrën Logjistike ku studentët janë udhëhequr nga përfaqësuesit e “Viva Fresh Store”, Berat Shala dhe Çiljeta Fejzullahu, të cilët i njoftuan me të gjitha proceset që ndërmarrja ka zhvilluar me qëllim pranimit, përgatitjes dhe dërgesave në mënyrë sa më të mirë të produkteve ushqimore dhe higjienike.

Takimi ka vazhduar në vizitë të Administratës, ku studentët u njoftuan me departamentet të cilat funksionojnë brenda kompanisë, për të vazhduar më pas një ligjëratë tematike me drejtorin e HoReCa dhe Online, Lorik Kusari, i cili i njoftoi studentët rreth projektit të implementuar idenë e projektit, kohën e implementimit, sfidat dhe përparësitë.

Gjatë këtij diskutimi u fol edhe për aspektin e digjitalizimit të proceseve dhe benefiteve të përdorimit të sistemeve të integruara teknologjike, të cilat mundësojnë që të pranohet porosia dhe në kohë reale të mbikëqyret dërgesa.

Etiketa
Vazhdo të lexosh

Lajmet nga UBT

UBT renditet në mesin e top 100 universiteteve në botë në fushën e arkitekturës dhe inxhinierisë civile

Publikuar

2 orë më parë

më

23 Maj, 2024

nga

UBT po vazhdon të merr vlerësime të rëndësishme dhe njohje të kontributit në arenën ndërkombëtare.

UBT falë kontributit dhe punës së studentëve dhe stafit akademik është renditur si i vetmi institucion i arsimit të lartë privat në mbarë trojet shqiptare në mesin e top 100 universiteve botërore në fushën e arkitekturës dhe inxhinierisë civile në INSPIRELI AWARDS.

Rektori i UBT-së, Prof. Dr. Edmond Hajrizi ka vlerësuar lartë kontributin e secilit student dhe stafit akademik për këtë arritje, e cila dëshmon edhe njëherë se UBT vazhdon rrugën me hapa të sigurt drejt përsosmërisë akademike dhe profesionale. Ai theksoi se ky sukses është rezultat i punës së palodhshme dhe përkushtimit të gjithanshëm për të ofruar një arsim cilësor dhe për të inkurajuar inovacionin dhe krijimtarinë në fushën e arkitekturës dhe inxhinierisë civile.

“Jemi krenarë për këtë arritje të madhe dhe për reputacionin që kemi ndërtuar në arenën ndërkombëtare. Ky sukses nuk është vetëm një reflektim i punës sonë të palodhshme, por edhe një nxitje për të vazhduar të investojmë në cilësinë e arsimit dhe kërkimit shkencor”, tha Rektori Hajrizi.

Renditja e UBT-së në INSPIRELI AWARDS njeh veçanërisht mbështetjen e institucionit për të motivuar studentët për të marrë pjesë në konkurs, gjë që është vendimtare për përgatitjen e tyre për suksesin e ardhshëm profesional. Përveç pjesëmarrjes në konkurs, performanca e studentëve individualë vlerësohet edhe në bazë të projekteve të tyre akademike.

Çdo finalist apo fitues i këtij konkursi konsiderohet kështu një talent i padiskutueshëm me potencial për t’u bërë një krijues i suksesshëm i së ardhmes së qyteteve botërore.

Vazhdo të lexosh

Lajmet nga UBT

Publikohet punimi shkencor i dekanit të Medias, Ferid Selimi në bashkautorësi me studentët Driton Hyseni, Marigona Xhigoli e Saranda Krasniqi

Publikuar

2 orë më parë

më

23 Maj, 2024

nga

Është publikuar në revistën shkencore – Revista de Gestão Social e Ambiental, punimi i dekanit të Fakultetit Media dhe Komunikim në UBT, Ferid Selimi në bashkautorësi me studentët, Driton Hyseni, Marigona Xhigoli dhe Saranda Krasniqi. Punimi mban titullin “Young Kosovars, their preferred television and use of viewing devices”.

Në këtë punim autorët trajtojnë nivelin e shikueshmërisë dhe informimit përmes televizionit në mesin e të rinjve, në periudhën kur ky nuk konsiderohet më medium parësor, për shkak të burimeve alternative sikurse telefoni, respektivisht rrjetet sociale.

Përmes studimit autorët bënë dallimin midis shikueshmërisë së programeve televizive, krijimtarisë, besueshmërisë dhe mënyrës se si qasen deri te informacioni, sepse në fund të fundit çdo preferencë dhe shikueshmëria lidhet me besimin në fakte ose të vërteta alternative. Në këtë kontekst, vërehet se përdorimi i ulët i ekranit të televizorit shoqërohet me mundësinë e të rinjve për të përdorur pajisje alternative si celularët dhe laptopët.

Kjo revistë shkencore është e indeksuar në Scopus./UBTNews/

Vazhdo të lexosh

Lajmet nga UBT

Rektori i Akademisë së Sigurisë së Shqipërisë në UBT për diskutim të hapur

Publikuar

3 orë më parë

më

23 Maj, 2024

nga

Në një iniciativë të veçantë për të nxitur dialogun dhe përparimin në fushën e sigurisë dhe shkencave politike, UBT është krenar të njoftojë një ngjarje të rëndësishme që do të ndodhë të premten, më 24 maj, në Parkun Shkencor Inovativ të UBT-së në Lipjan.

Prof. Dr. Ilirijan Mandro, Rektori i Akademisë së Sigurisë së Shqipërisë, do të vizitojë UBT-në për të mbajtur një diskutim të hapur me studentët dhe stafin akademik të institucionit. Diskutimi do të fokusohet në sfidat dhe mundësitë në fushën e sigurisë, me një rëndësi të veçantë për studentët që studiojnë sigurinë dhe shkencat politike.

Ky takim është shans për të shkëmbyer pikëpamje, për të diskutuar për zhvillimet aktuale dhe për të ndjekur përparimet në këtë drejtim. Në një kohë kur siguria është një çështje thelbësore për shoqërinë, kjo ngjarje ofron një platformë të rëndësishme për të përmbushur qëllimet e dijes dhe angazhimit në këtë fushë të ndryshme.

Me fillim nga ora 14:00, UBT ju fton të merrni pjesë në këtë takim të rëndësishëm për të kontribuar në diskutimet e pasura dhe për të ndërtuar njohuri të reja në fushën e sigurisë dhe shkencave politike./UBTNews/

Vazhdo të lexosh

Lajmet

Infrastruktura dhe ligji në fokus: Debat për Sigurinë në Komunikacion në UBT

Publikuar

3 orë më parë

më

23 Maj, 2024

nga

UBT – Fakulteti i Inxhinierisë së Ndërtimit dhe Infrastrukturës të premten, organizon debat të rëndësishëm për sigurinë në komunikacion. Në një njoftim të shpallur, institucioni ftoi studentët dhe stafin të marrin pjesë në këtë ngjarje të rëndësishme, e cila do të zhvillohet në Kampusin e UBT-së, më 23 Maj 2024, në Biblotekën e Kampusit, në ora 10:20.

Debati është organizuar në kuadër të Javës së Sigurisë në Komunikacion dhe do të ofrojë një platformë të diskutimit për aspekte të ndryshme të sigurisë së komunikacionit. Pjesëmarrësit do të informohen dhe debatojnë për aspektet e infrastrukturës, aspektet ligjore, rregullat e policisë së Kosovës dhe shumë tema të tjera relevante.

Në këtë debat të rëndësishëm për sigurinë në komunikacion, do të ketë përfaqësues nga institucionet kyçe. Ndër ta, përfaqësues nga Ministria e Planifikimit Hapësinor dhe Infrastrukturës që në fokus kanë rolin dhe rëndësinë e infrastrukturës në sigurinë e komunikacionit. Ndër të tjera, do të adresohen sfidat dhe strategjitë për të forcuar infrastrukturën për sigurinë e komunikacionit.

Gjithashtu, në këtë debat, përfaqësues nga Policia e Kosovës do të ndajnë pikëpamjet dhe rekomandimet e tyre për sigurinë në komunikacion. Ata do të ofrojnë një perspektivë të rëndësishme në lidhje me masat e ndërmarra nga autoritetet për të garantuar sigurinë në kampus dhe përtej tij.

Në fund të debatit, do të shperndahen broshura informative në bashkëpunim me Policinë e Kosovës, duke ofruar udhëzime dhe këshilla për sigurinë në komunikacion për të gjithë pjesëmarrësit./UBTNews/

Vazhdo të lexosh

Të kërkuara