Zyrtarët e një muzeu janë detyruar të reagojnë pas përhapjes së shqetësimeve se kukulla e frikshme “Annabelle”, e njohur nga filmat horror, kishte humbur dhe nuk ndodhej më në vendin e saj – me disa që madje pohonin se ajo ishte e “pushtuar në mënyrë demonike”.

Kukulla e llojit Raggedy Ann, që është bërë e famshme në “The Conjuring” e “Annabelle”, u përfol se ishte zhdukur nga ekspozita gjatë një ndalese të turneut në New Orleans. Kukulla, e cila po udhëtonte në SHBA si pjesë e turneut “Devils on the Run” të organizuar nga Shoqata për Kërkime Psikike e New England (NESPR), ndodhet aktualisht në Muzeun Okult të familjes Warren në Louisiana, shkruan The Mirror US.

Hetuesi kryesor i NESPR, Dan Rivera, u detyrua të reagojë për të ndalur thashethemet, sidomos pasi disa vizitorë pretenduan se nuk e kishin parë kukullën gjatë vizitës në muze. Spekulimet për “zhdukjen” u përforcuan pas një zjarri që shpërtheu në resortin Nottoway – dikur një plantacion i njohur – në qytetin White Castle, shumë pranë vendit ku ndodhej kukulla. Disa nisën të besonin se kukulla “e pushtuar” mund të kishte lidhje me këtë incident misterioz.

Rivera iu drejtua ndjekësve në TikTok për të sqaruar situatën. “Jam këtu në muze dhe dua t’ju tregoj se Annabelle është në Muzeun Okult të Warrenëve. Hajde të hyjmë brenda dhe të sigurohemi,” tha ai në një video.

Pasi hyri, Rivera tregoi kukullën ulur brenda një kutie prej druri e sqaroi: “Annabelle nuk është zhdukur; nuk është në Chicago”, për të forcuar sqarimin, NESPR publikoi edhe një njoftim. ku shkruhej: “Janë thashetheme… Annabelle NUK është vjedhur. Kukulla ndodhet në Muzeun Okult të Warrenëve”.

Kjo nuk është hera e parë që përhapen zëra për “zhdukjen” e kukullës famëkeqe. Më 2020, Tony Spera – dhëndri i çiftit Ed dhe Lorraine Warren – u detyrua të mohojë spekulimet se kukulla kishte ikur. Në një video të publikuar në kanalin e familjes në YouTube, u shpreh: “Jam këtu për t’ju treguar diçka. Nuk e di nëse doni ta dëgjoni apo jo, por Annabelle nuk ka ikur. Ajo është këtu. Nuk ka bërë asnjë udhëtim, nuk ka fluturuar në ‘first class’ dhe nuk ka shkuar të takojë të dashurin. Do të shqetësohesha seriozisht nëse Annabelle me të vërtetë do të largohej, sepse nuk është objekt me të cilin mund të tallesh”.

Kukulla Annabelle ishte në pronësi të një studenteje në vitet 1970, e cila kërkoi ndihmën e familjes Warren pasi besonte se kukulla po shfaqte sjellje të frikshme dhe të rrezikshme. Hetimet e Warrenëve përfunduan se kukulla ishte “e pushtuar në mënyrë demonike”.

Interesi për kukullën Annabelle është rritur ndjeshëm që prej paraqitjes në filmin horror të vitit 2013, “The Conjuring”.

Një vit më vonë, kukulla mori një film të dedikuar, “Annabelle” (2014), që u pasua nga “Annabelle: Creation” (2017) dhe “Annabelle Comes Home” (2019).

Ky është mentaliteti i grave që nuk dorëzohen kurrë. Ngjë e mirë rreth njerëzve të suksesshëm është se lënë gjurmë për neve që vendosim t’i ndjekim hapat e tyre.

Mund t’i krahasoni jetët e njerëzve të suksesshëm dhe do të shihni një profil të ngjashëm psikologjik mes tyre, do mësoni atë se çfarë dinë ata e do bëheni të aftë ta arrini të njëjtin nivel të suksesit që ata e kanë arritur.

Nuk ka rëndësi çfarë moshe keni ose sa para i fitoni, rëndësi ka vetëm vullneti për ta ndryshuar cilëndo trajtë që është duke ju mbajtur larg suksesit.

Njerëzit e suksesshëm kanë shumë të përbashkëta, por më poshtë do t’ju sjellim vetëm disa prej shprehive të grave të suksesshme.

Caktoni qëllime dhe bëjeni më të mirën për t’i realizuar ato

Femrat e suksesshme caktojnë qëllime, e bëjnë të pamundurën për t’i realizuar, pavarësisht sa vështirë e kanë.

Bëhuni zemërgjere dhe ndihmojuni tjerëve

Ato e dinë se kanë nevojë për njerëz tjerë të ecin para në jetë, andaj edhe u ndihmojnë tjerëve kurdo që munden.

Edukoni vetveten

Njohuria është fuqi, dhe kjo nuk i referohet vetëm njohurive të fituara nga shkollimi, por edhe njohurive të jetës në përgjithësi.

Sfidoni vetveten

Femrat e suksesshme e sfidojnë veten sepse e dinë që vetëm përmes sfidave do të përmirësohen dhe do të piqen.

Provoni gjëra të reja

Ato që kanë sukses në jetë janë të prira t’i kenë në qejf ndryshimet, pasi që e dinë se shumëllojshmëria është erëz e jetës.

Të dy filmat ishin përballur edhe në vitin 2002. Tom Cruise pësoi një humbje të papritur në arkë, pasi filmi më i ri “Mission: Impossible – The Final Reckoning” u la pas nga ribërja e filmit për fëmijë “Lilo & Stitch” gjatë fundjavës së Ditës së Përkujtimit.

Ribërja e Disney-t fitoi 145.5 milionë dollarë (afërsisht 134 milionë euro) në SHBA dhe 158.7 milionë (afërsisht 146 milionë euro), duke kaluar filmin e Cruise, i cili grumbulloi 77 milionë (afërsisht 70.8 milionë euro) në SHBA dhe 127 milionë (afërsisht 116.8 milionë euro) jashtë saj.

Të dy filmat ishin përballur edhe më 2002, kur “Minority Report” me Cruise mposhti versionin e animuar të “Lilo & Stitch” për vetëm pak mijëra dollarë.

Megjithëse filmi i Cruise u vlerësua më shumë nga kritikët (80% në Rotten Tomatoes kundrejt 69% për Lilo & Stitch), suksesi komercial i këtij të fundit konfirmoi fuqinë e familjarëve në kinema.

Filma tjerë në krye të listës përfshijnë “Final Destination: Bloodlines”, “Thunderbolts” nga Marvel dhe dramën vampirike “Sinners”.

Ekspertët parashikojnë që vera 2025 do të sjellë një kthesë të fortë për industrinë kinematografike, me më shumë rikthim të publikut në sallat e kinemasë.

Rikujtojmë se Tom Cruise e aktorja kubane Ana de Armas janë parë sërish së bashku në Londër, duke nxitur spekulime mbi një lidhje të mundshme mes tyre.

Dyshja u fotografua duke zbritur nga një helikopter në heliportin e Battersea më 14 mars, të veshur me rroba të thjeshta dhe të buzëqeshur.

Kjo është dalja e tyre e dytë publike brenda një muaji, pasi më parë u panë duke darkuar në një restorant në Soho, Londër, më 13 shkurt, në prag të Shën Valentinit.