

Published
3 years agoon
By
Betim GashiNëse dikush do të na thoshte se ka një shkencë që studion lumturinë, reagimi i parë i shumë prej nesh ndoshta do të ishte një e qeshur mosbesuese. Por sipas studimeve dhe kërkimeve të kohëve të fundit, ekzistojnë teknika dhe strategji të cilat ndikojnë në rritjen e lumturisë suaj, duke ju bërë të mendoni vetëm pozitivisht.
Ja se cilat janë 6 prej tyre:
Përdorni “autopilotin e lumturisë” – Mendoni gjithmonë për gjëra pozitive teksa, dërgoni një e-mail standard apo teksa printoni diçka.
Mos e përdorni fjalën “perfekt” në fjalorin tuaj – Nëse ju e ngulisni në mendjen tuaj se “shumë mirë është e barabartë me perfekte” atëherë hiqeni nga fjalori juaj këtë të fundit.
Mos lini në plan të dytë dëshirat tuaja – Një gjë e tillë ndikon negativisht edhe tek ju si njeri, prandaj mundohuni që përveç punës të merreni edhe me ato gjëra që pëlqeni më shumë.
Si të fitoni dhe të kurseni më shumë – Nëse doni të bëni një ndryshim në jetën tuaj dhe të ndiheni më të lumtur, shpenzojnë paratë tuaja duke plotësuar ato dëshira që ju bëjnë të ndiheni më mirë.
Merrini gjërat me sportivitet – Duhet të mësoni të buzëqeshni edhe ndaj gjërave që në pamje të parë duken të parëndësishme.
Mos u frikësoni nga pengesat – Nëse doni që ju të jeni të suksesshëm në profesionin tuaj, atëherë ju nuk duhet të dorëzoheni përballë pengesave që do të hasni gjatë rrugës suaj, sepse të jeni të sigurt se do të jenë të shumta.
You may like
Lifestyle
Kjo është ëmbëlsira më e mirë me fibra sipas gastroenterologve
Published
15 minutes agoon
May 7, 2025
Ndërkohë që ka shumë njerëz që nuk mund ta përfundojnë ditën pa konsumuar ëmbëlsira, ekziston një zgjedhje e shëndetshme. Një ëmbëlsirë që mund të konsumohet edhe çdo ditë dhe që e ndihmon tretjen!
Sipas gastroenterologut Will Bulsiewicz, ëmbëlsira më e rekomanduar me fibra është “nice cream”, një alternativë bimore e akullores, e pasur me fibra dhe pa sheqer të shtuar.
Pse është kaq e mirë “nice cream”?
Sepse ka përmbajtje bimore dhe pa qumësht.
Nuk përmban sheqer të shtuar dhe shija e ëmbël i vjen vetëm nga frutat.
Është e pasur me fibra – deri në 5 gramë për porcion.
Është ideale për njerëzit që vuajnë nga diabeti dhe për këdo që kërkon të ulë konsumimin e sheqerit të përpunuar.
E gatshme për 5 minuta. Receta e preferuar e mjekut është “nice cream” e bërë me banane dhe kakao. Kjo recetë përmban 4 banane të ngrira, 1 deri 2 lugë çaji kakao pluhur dhe gjysmë luge çaji ekstrakt vaniljeje.
Përbërësit bluhen në procesor ushqimi deri sa të bëhet masë kremoze, variacione tjera bëhen me qershi të ngrira të ëmbla dhe të tharta, me ananas dhe mango për shije tropikale.
Magazinë
Pse Taylor Swift dhe Travis Kelce munguan në Met Gala 2025?
Published
1 hour agoon
May 7, 2025
Taylor Swift dhe partneri i saj, ylli i NFL, Travis Kelce, nuk ishin të pranishëm në Met Gala këtë vit — por arsyeja është fare e thjeshtë.
Sipas TMZ, çifti i famshëm, që prej 2023 janë në një lidhje të komentuar, mori ftesë për të marrë pjesë në eventin më të madh të modës, por e refuzuan për shkak të angazhimeve personale dhe dëshirës për të shijuar pak kohë private.
Burime për revistën PEOPLE thanë se Taylor dhe Travis janë duke kaluar një periudhë të qetë dhe të bukur, pas përfundimit të sezonit të NFL dhe pushimeve të “Eras Tour”. “Ata kanë udhëtuar dhe e kanë shijuar pafund,” – u shpreh një burim. “Po shfrytëzojnë çdo moment së bashku, shpesh edhe me miq të përbashkët. Është një kohë e veçantë për ta.”
I njëjti burim shtoi se çifti është “shumë serioz dhe në harmoni”, duke theksuar se“vlerësojnë të njëjtat gjëra dhe aktualisht janë të fokusuar tek koha private, larg vëmendjes së medias”.
Për Kelce, kjo do kishte qenë pjesëmarrja e parë në Met Gala e Swift, e cila ka qenë figurë kryesore në tapetin e kuq, nuk ka marrë pjesë që nga 2016, kur ishte bashkë-prezantuese me temën “Manus x Machina: Fashion in an Age of Technology”.
Magazinë
Më shumë se 70 ish-pjesëmarrës të Eurovisionit kërkojnë përjashtimin e Izraelit nga gara e sivjetme
Published
4 hours agoon
May 7, 2025
Më shumë se 70 artistë dhe muzikantë, që dikur kanë përfaqësuar vendet e tyre në Eurovision, kanë nënshkruar një letër ku kërkojnë përjashtimin e Izraelit dhe transmetuesit të tij kombëtar, KAN, nga edicioni i këtij viti i Eurovision Song Contest, që pritet të mbahet javën e ardhshme.
Pjesëmarrja e Izraelit në Eurovision ka qenë temë e debatit që nga viti i kaluar, për shkak të konfliktit të vazhdueshëm në Lindjen e Mesme. Tani, një letër e drejtuar Unionit Evropian të Transmetuesve është nënshkruar nga 72 muzikantë dhe performues të lidhur me këtë festival.
Organizatorëve u bëhet thirrje ta përjashtojnë Izraelin dhe transmetuesin e tij publik për shkak të, siç thuhet “gjenocidit kundër palestinezëve në Gaza dhe regjimit shumëvjeçar të aparteidit dhe pushtimit ushtarak ndaj të gjithë popullit palestinez”.
Ndër nënshkruesit e letrës janë edhe fitues të mëhershëm të Eurovision-it si Charlie McGettigan, Salvador Sobral dhe Fernando Tordo, si dhe këngëtarja britanike Mae Muller, këngëtarja franceze La Zarra, përfaqësuesja e dikurshme e Turqisë Hadise Açıkgöz, dhe konkurrentët e vitit të kaluar Ásdís María dhe GÅTE, të cilët morën pjesë në atë që letra e përshkruan si “edicioni më i politizuar, më kaotik dhe më i pakëndshëm në historinë e Eurovision-it”.
Eurovision 2024 është shoqëruar nga polemika të shumta për shkak të përfshirjes së Izraelit në garë, në një kohë kur konflikti në Gaza vazhdon.
Kritikët kanë akuzuar EBU-në për hipokrizi, duke kujtuar përjashtimin e Rusisë më 2022 pas pushtimit të Ukrainës, ndërsa Izraelit iu lejua të garojë pavarësisht situatës. Vitin e kaluar, Izraeli rrezikoi të tërhiqej nga gara pasi këngëtares së tij iu kërkua të ndryshonte tekstin e këngës “October Rain”, për shkak të aludimeve të dyshuara ndaj sulmeve të 7 tetorit. Po ashtu, KAN u kritikua rëndë për sjelljen ndaj konkurrentëve të tjerë, veçanërisht ndaj përfaqësueses së Irlandës, Bambie Thug, e cila e akuzoi rrjetin izraelit për “nxitje dhune” ndaj saj.
Në letrën e sivjetme, thuhet: “[Ne] i bëjmë thirrje të gjithë anëtarëve të Unionit Evropian të Transmetuesve (EBU) që të kërkojnë përjashtimin e KAN, transmetuesit publik izraelit, nga Eurovision Song Contest. KAN është bashkëfajtor në gjenocidin e Izraelit kundër palestinezëve në Gaza dhe regjimin shumëvjeçar të aparteidit dhe pushtimit ushtarak ndaj popullit palestinez”.
“Duke i dhënë vazhdimisht platformë përfaqësimit të shtetit izraelit, EBU po normalizon dhe po i zbardh krimet e tij”, thuhet më tej në letër. “EBU ka treguar se është në gjendje të ndërmarrë masa, siç bëri në vitin 2022 kur përjashtoi Rusinë nga gara. Ne nuk e pranojmë këtë standard të dyfishtë ndaj Izraelit”.
“Si këngëtarë, autorë tekstesh, muzikantë dhe pjesëmarrës të privilegjuar të Eurovision-it, u bëjmë thirrje EBU-së dhe të gjithë transmetuesve anëtarë që të veprojnë menjëherë dhe ta mbrojnë integritetin e festivalit: Izraeli duhet të përjashtohet nga Eurovision-i”.
Një peticion i ngjashëm, me mbi 56,000 nënshkrues, është publikuar duke kërkuar përjashtimin e Izraelit nga gara. Shoqata e Kompozitorëve dhe Autorëve të Islandës, si dhe mbi 1,400 profesionistë të industrisë muzikore në Evropë, janë shprehur kundër përfshirjes së Izraelit në këtë edicion të Eurovision-it.
EBU ka deklaruar më parë: “EBU është një asociacion i transmetuesve publikë, që kanë të drejtë të marrin pjesë çdo vit në Eurovision Song Contest. Ne nuk jemi imunë ndaj zhvillimeve globale, por roli ynë është të sigurojmë që ky festival të mbetet një ngjarje universale që promovon lidhjen, diversitetin dhe përfshirjen përmes muzikës”.
Magazinë
Shkëlqeu në Met Gala, Rihanna konfirmon shtatzëninë e saj të tretë?
Published
1 day agoon
May 6, 2025
Këngëtarja e famshme, 37 vjeç, është në pritje të fëmijës së tretë me partnerin e saj, reperin A$AP Rocky – lajmin e ka konfirmuar një burim për “Page Six”.
Disa minuta më parë, para se të shfaqej në tapetin e kuq të “Met Gala 2025”, Rihanna prezantoi barkun e rrumbullakosur në hotelin Carlyle në New York City. Pavarësisht shiut dhe motit të keq, ajo shkëlqeu me një veshje gri me fund të shkurtër dhe bluzë të kombinuar, çorape deri te gjunjët dhe taka të njëjta gri.
Në disa momente, përpiqej ta mbulonte barkun me një shall të trashë prej peliçeje kafe.
Rihanna dhe A$AP Rocky janë tashmë prindër të dy djemve: RZA, i lindur në maj 2022, dhe Riot Rose, që erdhi në jetë në gusht 2023.
Në dhjetor të vitit të kaluar, Rihanna kishte lënë të kuptohej se dëshironte një tjetër fëmijë, kur gjatë një interviste për “E! News” tha me humor:
Derimë tani kam vetëm djem. Jam në 75 për qind për një tjetër djalë, por po mbajmë gishtat e kryqëzuar.
Që prej vitit 2020, ylli i muzikës dhe sipërmarrësja e suksesshme ka folur hapur për dëshirën e saj për të pasur një familje të madhe, duke i thënë “British Vogue” se e shihte veten me tre apo katër fëmijë – me ose pa partner.

Mbretëria e Bashkuar dhe Franca thirrje Indisë dhe Pakistanit: Uluni në dialog

Kardinalët katolikë mblidhen në Vatikan për ta zgjedhur papën e ri

Kjo është ëmbëlsira më e mirë me fibra sipas gastroenterologve

Memli Krasniqi reagon për propozimin e LDK për qeveri tranzicioni në Kosovë

2 deri në 10 minuta për të larguar stresin

Policia arreston një të dyshuar pasi gjen një punishte armësh në veri

Pse Taylor Swift dhe Travis Kelce munguan në Met Gala 2025?

Ra në tokë dhe humbi ndjenjat, Oltion Bilalli po vazhdon nën kujdes intensiv në QKUK

Vitaminat e nevojshme për verën
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet4 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim