Bota

Stërvitja shumëkombëshe detare, SHBA, Rusia dhe Kina bashkojnë ushtritë në Pakistan

Published

on

Ushtria amerikane, kineze dhe ajo ruse janë bashkuar në një stërvitje të përbashkët shumëkombëshe detare ne Pakistan. Kjo stërvitje është nga të paktat momente kur ushtria amerikane dhe ajo ruse veprojnë për një qëllim të përbashkët, rritjen e sigurisë detare.

Edhe pse nën sanksione të forta ushtria ruse dhe ajo amerikane janë bërë bashkë në Pakistan. Vendi organizator, Pakistani filloi stërvitjen e tij shumëkombëshe detare ‘AMAN’, në Karaçi, në të cilën merrnin pjesë ushtria e Shteteve të Bashkuara, Kinës, Iranit, Rusisë, Japonisë dhe Australisë.

Zyrtarët e marinës së Pakistanit thanë se eventi dyvjeçar, ‘Stërvitja AMAN 2025’, është krijuar për të rritur sigurinë detare dhe për të nxitur bashkëpunimin midis pjesëmarrësve për të luftuar kërcënimet rajonale dhe globale.

Ne si marinë kemi një përgjegjësi për të siguruar që rendi i bazuar në rregulla të ruhet dhe të jemi në gjendje të rritemi globalisht në mënyrë që të përfitojnë të gjithë njerëzit. Dialogu AMAN nuk ka të bëjë vetëm me diskutimet e lidershipit, por ka të bëjë edhe me bashkimin e marinarëve tanë. Mundësia që marinarët tanë nga e gjithë bota të bashkohen dhe të kalojnë kohë me njëri-tjetrin në Karaçi, duke ndërtuar ndjeshmëri dhe mirëkuptim për njëri-tjetrin është me të vërtetë mënyra për të ndërtuar konsensus dhe mirëkuptim dhe për t’u siguruar që të ecim përpara në një mënyrë pozitive“, u shpreh Christopher Smith, Komandant i Flotës Australiane.

Flamujt e kombeve dhe territoreve pjesëmarrëse u ngritën së bashku me flamurin e Pakistanit në ceremoninë e hapjes zyrtare të stërvitjes në Dockyard të Marinës së Pakistanit. Komandanti i Flotës së Pakistanit, kundëradmirali Abdul Munib, theksoi rëndësinë e operacioneve të përbashkëta dhe stabilitetit detar në fjalimin e tij të hapjes.

Ai theksoi gjithashtu një komponent të “Dialogut të Paqes”, i cili ishte “një platformë për udhëheqësit e rojeve detare dhe bregdetare në mbarë botën për të diskutuar shqetësimet urgjente detare”, shtoi ai. Stërvitja pesë-ditore detare shumëkombëshe do të përfundojë të martën më 11 shkurt.

Aktualitet

Valë e të nxehtit ekstrem godet Spanjën

Published

on

Continue Reading

Aktualitet

Estonia nis revolucionin digjital në shkolla: Inteligjenca Artificiale, pjesë e çdo klase

Published

on

Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.

Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.

U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.

Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”

Ministrja estoneze e arsimit, Kristina Kallas, gjatë një vizite në Londër  ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”

Continue Reading

Bota

Izraeli bombardon shtëpinë e gazetarit në Gaza – 8 të vdekur

Published

on

By

Të paktën tetë persona janë vrarë dhe disa të tjerë janë plagosur pas një sulmi ajror të ushtrisë izraelite që goditi shtëpinë e gazetarit Osama el-Arbid në zonën As-Saftavi, në veri të Rripit të Gazës, mëngjesin e sotëm. Sipas raportimeve të Al Jazeera, gazetari el-Arbid i ka mbijetuar sulmit dhe është nxjerrë i gjallë nga rrënojat.

Burime shëndetësore të Al Jazeera-s konfirmojnë se që nga orët e para të mëngjesit, të paktën 15 persona janë vrarë nga bombardimet izraelite në pjesë të ndryshme të Gazës.

Në një tjetër incident tragjik, tre palestinezë humbën jetën pasi ushtria izraelite hapi zjarr ndaj një grupi qytetarësh pranë një pike shpërndarjeje të ndihmës humanitare, e ngritur nga një organizatë e mbështetur nga Izraeli dhe SHBA.

Ndërkohë, në qytetin jugor të Rafahut, autoritetet lokale raportuan për 46 persona të plagosur dhe shtatë të zhdukur si pasojë e një sulmi tjetër ajror të martën.

Situata në Gaza vazhdon të përshkallëzohet, ndërsa organizatat ndërkombëtare për të drejtat e njeriut po bëjnë thirrje për ndaljen e menjëhershme të dhunës dhe mbrojtjen e civilëve, përfshirë gazetarët dhe punonjësit humanitarë.

Continue Reading

Bota

Mbreti Charles dhe Princi William shprehin keqardhje për ngjarjen në Liverpool

Published

on

By

Mbreti Charles ka reaguar pas incidentit të rëndë që ndodhi dje gjatë festës së klubit në Liverpool, ku një makinë hyri në turmë, duke lënë rreth 50 persona të lënduar.

Pallati Buckingham përmes një deklarate shprehu tronditjen e thellë të Mbretit Charles dhe Mbretëreshës Camilla për ngjarjet e pakëndshme që ndodhën.

“Është vërtetë shkatërruese që një festë e gëzueshme për shumë njerëz përfundoi në rrethana të tilla shqetësuese,” thuhet në deklaratë.

Edhe Princi William i Uellsit reagoi, duke shprehur keqardhjen e tij për situatën dhe solidaritetin me të plagosurit dhe shërbimet e emergjencës.

“Në këtë moment të vështirë, shpirti i qytetit të Liverpoolit do të jetë mbështetja dhe ngushëllimi për të gjithë,” theksoi ai.

Continue Reading

Të kërkuara