Lajmet

Stano për deklaratat e Vuçiqit ndaj Kurtit: Presim sjellje evropiane, jo deklarime që çojnë në tensione

“Nëse keni aspirata evropiane, silluni në mënyrë evropiane”, tha ai, mes tjerash.

Publikuar

1 vit më parë

më

Presidenti i Serbisë, dje e quajti kryeministrin e Kosovës “ndyrësirë terroriste” dhe krejt ky fjalor erdhi pas emërimit të Nenad Rashiqit, ministër për Kthim dhe Komunitete në Qeverinë e Kosovës, pas dorëheqjes së Goran Rakiqit të Listës Serbe.

Për këtë çështje ka folur zëdhënësi i BE-së, Petar Stano, i cili tha se pret sjellje evropiane nga të dyja palët.

“BE-ja dhe shtetet anëtare të saj presin sjellje evropiane kur kemi të bëjmë me retorikën dhe ballafaqimin me problemet me aksionet dhe për tentimin e gjetjes së zgjidhjeve”, tha Stano në një paraqitje për mediat, raporton Klankosova.tv.

Ajo që ka ndodhur dje në Kosovë (me emërimin e Rashiqit), Stano tha se “është diçka që e kemi komentuar edhe dje dhe kemi thënë se mendojmë që korniza e dialogut mes Prishtinës dhe Beogradit, besimi i ndërsjellë është i rëndësishëm”.

“Dhe thamë qartë se në këtë kontekst në lidhje me emërimin e Nenad Rashiqit si ministër në qeverinë është vital që të gjitha emërimet ministrore të bëhen në pajtim me kushtetutën e Kosovës. BE-ja dhe shtetet e saj anëtare i bëjnë thirrje Kosovës që të respektohen tërësisht të gjithë hapat proceduralë për emërimin e ministrave që përfaqësojnë komunitetet jo-shumicë. Leximi preliminar i yni i emërimit të djeshëm është se ky emërim nuk i përmbush kërkesat kushtetuese. Por kjo natyrisht varet nga Gjykata Kushtetuese e Kosovës që të përcaktojë dhe të pajtohet se Kushtetuta është pjesë kyçe e sundimit të ligjit që ne presim nga Kosova ta zbatojë”, deklaroi Stano.

Edhe më me rëndësi në këtë situatë, tha më tej zëdhënësi i BE-së, është “situata tashmë fragjile” në Kosovë, teksa përmendi zhvillimet e fundit në vend para arritjes së marrëveshjes për targat.

“Jemi në një situatë që eskaloi, që çoi në eskalime shumë të forta, më të fortat në shumë vite, të cilën BE-ja e shfrytëzoi për të bërë thirrje te Kosova dhe Serbia të qetësohen dhe të përmbahen nga provokimet. Situata e sigurisë në terren është shumë fragjile, dhe duhet pasur parasysh këtë. Çdo veprim që do të, ose mund të çojë në tensione të rritura, edhe më të rritura, duhet të shmanget, dhe në këtë kontekst, gjëja e fundit, më lejoni të përsëris thirrjen e BE-së dhe të 27 shteteve anëtare ndaj të dyja palëve, është që të punojnë menjëherë drejt kthimit të serbëve të Kosovës në të gjitha institucionet e Kosovës në pajtim me marrëveshjet obliguese të dialogut. Dhe kur flasim për Ballkanin Perëndimor, ne veçse i kemi caktuar pritjet, dhe mendoj se është e nevojshme të përsëritet se sa i rëndësishëm është Samiti në Tiranë. Për herë të parë një samit i tillë po mbahet në rajon dhe nuk është e nevojshme të përsëritet se në çfarë rrethanash gjeopolitike po zhvillohet”, ka theksuar zëdhënësi i BE-së.

Ai ritheksoi se komuniteti evropian pret nga Kosova dhe Serbia të sillen në mënyrë evropiane.

“Nëse keni aspirata evropiane, silluni në mënyrë evropiane, që do të thotë përmbajtje nga veprime të njëanshme, nga hapa që rrisin konfrontimet, që çojnë në eskalime, dhe të përkushtoheni në gjetjen e zgjidhjeve sipas mënyrave evropiane. Kjo është pritja afatgjate evropiane që u është thënë vazhdimisht partnerëve tanë në nivele të ndryshme”, potencoi Stano në këtë paraqitje për mediat.

Ai foli edhe për vizitën e radhës të emisarit të BE-së për Dialogun, Miroslav Lajçak, duke thënë se kjo vizitë është caktuar shumë më herët, dhe nuk lidhet me emërimin e Rashiqit. /klankosova.tv/

Etiketa
Vazhdo të lexosh

Film & TV

Filmi “Back to Black” e rikthen Amy Winehouse në ekranin e madh

Publikuar

45 minuta më parë

më

18 Maj, 2024

nga

Regjisorja Sam Taylor-Johnson nuk deshi që drama e saj biografike për këngëtaren dhe tekstshkruesen e ndjerë, Amy Winehouse, të jetë e ngjashme sikurse dokumentari fitues i Oscarit që u realizua nga Asif Kapadia.

“Ndjeva se duhet të realizoja diçka ndryshe nga ai dokumentar. Doja ta realizoja nga një këndvështrim tjetër dhe këndvështrimi më i mirë ishte që ta realizoja rrëfimin përmes muzikës së saj”, deklaroi regjisorja për filmin “Back to Black”.

Filmi i shpërndarë nga Focus Features, flet për edukimin e Winehouse në një familje hebreje, karrierën e saj, romancat – dhe varësinë që do të çonte në vdekjen e saj. Fituesi i gjashtëfishtë i Grammyt, është i njohur për përzierjen e elementeve të xhazit, shpirtit, ritmit dhe bluzit.

Derisa kritikat e filmit kanë qenë jashtëzakonisht negative në Mbretërinë e Bashkuar dhe Irlandë deri më tani, shumë besojnë se aktorja kryesore Marisa Abela, e cila portretizon Winehouse, dha një performancë të suksesshme.

“Ka momente kur Abela zhduket dhe Winehouse shpërthen në ekran, si një pamje magjike e syrit që vezullohet kalimthi në fokus”, shkroi kritikja Wendy Ide e The Guardian.

“Por filmi është jashtëzakonisht i pabarabartë dhe i prirur për gjykime të gabuara katastrofike”, shtoi ajo.

Aktorja kryesore kaloi 12 muaj duke tentuar të kapte çdo aspekt të Winehouse.

“Ka kaq shumë versione të ndryshme të Amyt, dhe kjo është pothuajse sikur, sa më shumë të dini, aq më pak dini, sepse ajo është artiste aq e madhe dhe gjithëpërfshirëse”, tha Abela./UBTNews/

Vazhdo të lexosh

Lajmet

​15.1% e popullsisë së Turqisë përbëhej nga të rinjtë në vitin 2023

Publikuar

16 orë më parë

më

17 Maj, 2024

nga

Rinia e Turqisë përbënte 15.1% të popullsisë së saj në fund të vitit 2023, sipas shifrave zyrtare të publikuara të premten.

Në vend kishte gjithsej 12.87 milionë të rinj, të moshës nga 15 deri në 24 vjeç, 51.3% e të cilëve ishin meshkuj dhe 48.7% femra, tha byroja e statistikave e vendit TurkStat.

Raporti i të rinjve në popullsinë e përgjithshme pritet të jetë 14% në vitin 2030, 13.4% në 2040, 11.8% në 2060 dhe 11.1% në 2080.

Krahina me përqindjen më të madhe të të rinjve ishte Hakkari, me 21.5%, në vitin 2023, i ndjekur nga Sirnak dhe Siirt me 21.1% secili dhe Bayburt me 20.2%.

“U pa se përqindja e popullatës së të rinjve të Turqisë me 15,1% ishte më e lartë se ajo e 27 vendeve anëtare të Bashkimit Evropian (BE)”, vuri në dukje byroja e statistikave.

Mesatarja e BE-së e përqindjes së popullsisë rinore ishte 10.6% në vitin 2023./AA/

Vazhdo të lexosh

Lajmet

Ministria e Mbrojtjes shpall konkurs për kadetë të rinj që do të studiojnë në disa qendra universitare

Publikuar

16 orë më parë

më

17 Maj, 2024

nga

Ministria e Mbrojtjes ka shpallë konkurs për pranim të kadetëve të rinj që do të studiojnë në disa qendra universitare.

Konkursi do të jetë i hapur nga data 03.06.2024 deri më 17.06.2024, ndërsa mosha e kërkuar është 18 deri 22 vjeç.

“Ministria e Mbrojtjes u shërben të gjithë qytetarëve të Kosovës dhe mirëpret aplikacione të femrave dhe meshkujve për kadetë të FSK-së, pa dallim nga përkatësia e tyre etnike”, thuhet në njoftimin e shpërndarë nga ministri Ejup Maqedonci.

Njoftimi i plotë:

𝐌𝐢𝐧𝐢𝐬𝐭𝐫𝐢𝐚 𝐞 𝐌𝐛𝐫𝐨𝐣𝐭𝐣𝐞𝐬 𝐬𝐡𝐩𝐚𝐥𝐥 𝐤𝐨𝐧𝐤𝐮𝐫𝐬 𝐩𝐞̈𝐫 𝐯𝐢𝐭𝐢𝐧 𝐚𝐤𝐚𝐝𝐞𝐦𝐢𝐤 𝟐𝟎𝟐𝟒/𝟐𝟎𝟐𝟓 𝐩𝐞̈𝐫 𝐩𝐫𝐚𝐧𝐢𝐦 𝐭𝐞̈ 𝐤𝐚𝐝𝐞𝐭𝐞̈𝐯𝐞 𝐭𝐞̈ 𝐜𝐢𝐥𝐞̈𝐭 𝐝𝐨 𝐭𝐞̈ 𝐬𝐭𝐮𝐝𝐢𝐨𝐣𝐧𝐞̈ 𝐧𝐞̈ 𝐤𝐞̈𝐭𝐨 𝐪𝐞𝐧𝐝𝐫𝐚 𝐮𝐧𝐢𝐯𝐞𝐫𝐬𝐢𝐭𝐚𝐫𝐞:

  1. Qendra për Studime Universitare e FSK-së;

– Universiteti Amerikan në Kosovë

  1. Republika e Shqipërisë/Akademia Ushtarake;

– Teknologji Informative në fushën e mbrojtjes

– Marrëdhënie Ndërkombëtare në fushën e mbrojtjes

– Shkenca Komunikimi në fushën e mbrojtjes

  1. Republika e Turqisë;

-Akademia Ushtarake Tokësore

-Akademia Ushtarake Mjekësore

  1. Republika e Kroacisë- Akademia Ushtarake/Universiteti i Zagrebit;

– Lidershipi dhe Menaxhmenti Ushtarak

𝐊𝐨𝐧𝐤𝐮𝐫𝐬𝐢 𝐝𝐨 𝐭𝐞̈ 𝐣𝐞𝐭𝐞̈ 𝐢 𝐡𝐚𝐩𝐮𝐫 𝐧𝐠𝐚 𝐝𝐚𝐭𝐚 𝟎𝟑.𝟎𝟔.𝟐𝟎𝟐𝟒 𝐝𝐞𝐫𝐢 𝐦𝐞̈ 𝟏𝟕.𝟎𝟔.𝟐𝟎𝟐𝟒.

Aplikimi është online në adresën https://rekrutimi.fsk-rks.org/Apply

Njoftimi për shpalljen e konkursit gjendet në ëeb faqen e MM-së: https://mod.rks-gov.net/Page/15.

Mosha për aplikim 18 deri 22 vjeç (Turqi: Të mos ketë mbushur 21 vjet).

Për informata shtesë, mund të kontaktoni në nr. tel. 038- 555584 2044 dhe 038- 555584 2045 ose në email: [email protected]

Ministria e Mbrojtjes u shërben të gjithë qytetarëve të Kosovës dhe mirëpret aplikacione të femrave dhe meshkujve për kadetë të FSK-së, pa dallim nga përkatësia e tyre etnike.

𝐁𝐞̈𝐡𝐮 𝐨𝐟𝐢𝐜𝐞𝐫 𝐢 𝐮𝐬𝐡𝐭𝐫𝐢𝐬𝐞̈ 𝐬𝐞̈ 𝐊𝐨𝐬𝐨𝐯𝐞̈𝐬!

Vazhdo të lexosh

Lajmet

Dështimi i anëtarësimit të Kosovës në KiE, Çitaku: Fitoi pushteti, jo shteti

Publikuar

17 orë më parë

më

17 Maj, 2024

nga

Pasi Komiteti i Ministrave të Këshillit të Evropës për seancën e 17 majit nuk e ka futur në rend dite anëtarësimin e Kosovës në këtë organizatë, ka reaguar Sekretarja e Përgjithshme e PDK-së, Vlora Çitaku.

Çitaku përmes një postimi në Facebook ka thënë se “Edhe një herë gjatë këtyre katër viteve, fitoi pushteti dhe jo shteti”.

“Sot, Kosova, qytetarët tanë, është dashur të festojnë pranimin në Këshillin e Evropës. Sot, do të duhej të konkretizonim një sukses që do të forconte demokracinë, sundimin e ligjit dhe shtetësinë tonë – për të cilin është punuar gjatë”, ka shkruar Çitaku.

Ajo ka thënë se “pas përjashtimit të Rusisë në vitin 2022, PDK ka insistuar që Kosova të bëhet pjesë e kësaj organizate, duke dhënë mbështetjen e saj të parezervë”.

“Fatkeqësisht, për arsye të ditura tashmë, edhe kjo mundësi u humb – e nuk e dijmë se kur do të na paraqitet prapë”.

Zyrtarja e lartë e PDK-së ka thënë se “Edhe një herë gjatë këtyre katër viteve, fitoi pushteti dhe jo shteti. Shkurtpamësi me pasoja të mëdha e të gjata. Keq – shumë keq!”.

Vazhdo të lexosh

Të kërkuara