Lajmet

“Spitali Al-Shifa duhet të mbrohet”

“Ky është paralajmërim se spitali duhet të mbrohet nga e gjithë bota…”

Published

3 years ago

November 6, 2023

Betim Gashi

Një zëdhënës i Ministrisë së Shëndetësisë në Gaza paralajmëroi se Izraeli “po përgatit diçka të keqe” për spitalin Al-Shifa. Deklaratat e tij erdhën pas një sulmi në çatinë e spitalit.

Zëdhënësi tha se spitali nuk mund të evakuohet, kjo për shkak se aty ndodhen mijëra persona të plagosur, pacientë me dializë dhe të porsalindur në njësi të kujdesit intensiv.

“Pushtimi shkon përtej të gjitha vijave të kuqe. Është përgjegjësi e OKB-së, OBSH-së, Kryqit të Kuq dhe të tjerëve të mbrojnë kompleksin mjekësor Al-Shifra dhe ata duhet të adaptojnë procedura për ta bërë këtë. Nëse spitali është jashtë shërbimit, nuk do të ketë kujdes mjekësor për pacientët apo të plagosurit. Ky është paralajmërim se spitali duhet të mbrohet nga e gjithë bota”, deklaroi ai./UBTNews/

Related Topics:obsh Kryqi i Kuq OKB Izrael Gaza spitali Al-Shifa

Up Next

Presidenti iranian do ta vizitojë Arabinë Saudite

Don't Miss

Hungaria i kërkon ndihmë Katarit për lirimin e pengjeve që u morën nga Hamasi

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

5 hours ago

October 30, 2026

UBTNews

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Lajmet

Akil Gjakova mbyll garën pa medalje në Abu Dhabi

Published

6 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

6 hours ago

October 30, 2026

UBTNews

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/