Anthony Joshua dhe Daniel Dubois mund të përballen për një revansh në muajin shkurt, si pjesë e një ngjarjeje “surprizë e madhe” në Arabinë Saudite.

Në shtator, Dubois e mposhti Jishuan me nokaut në raundin e pestë në stadiumin “Wembley”. Pas meçit, në të cilin Dubois ruajti titullin e IBF-së në peshën e rëndë, promotori i Joshuas, Eddie Hearn tha se “AJ” kishte një klauzolë për rimeç.

Joshua, 34 vjeç, pritet të aktivizojë këtë klauzolë dhe një revansh me Dubois, 25 vjeç, mund të vijë shumë shpejtë, përcjellë UBTNews.

Para ndeshjes së Kosovës me Qipron në Ligën e Kombeve, në fushë do të zbresin edhe ata të grupmoshës U21 të cilët do të përballen me Estonin në Tallin ndaj Estonisë, në kuadër të kualifikimeve për Euro 2025.

Shpresat e Kosovës vijnë në këtë ndeshje pas humbjes 4:0 nga Polonia, humbje e cila shuajti shpresat për kualifikim.

Momentalisht Kosova ka 12 pikë në vendin e katërt të Grupit D. Aq sa i ka edhe Bullgaria në vendin e tretë, ndërsa liderë e grupit është Gjermania me 25 pikë.

Bilanci i deritashëm i Kosovës U21 është tri fitore, tri barazime e tri humbje. Ndeshja Estoni–Kosovë zhvillohet të martën nga ora 17:00.

Budu Zivzivadze, sulmuesi i Karlsruhes në Gjermani, ishte lojtari më i rrezikshëm në fushën e lojës për Gjeorgjinë në ndeshjen ndaj Shqipërisë, por për fatin e tij, nuk arriti të gjente rrjetën. Edhe pse pati disa mundësi të mira që në minutat e para, ai pranoi se ndjenja e humbjes e kishte lënë një shije të hidhur.

“Ne u munduam në maksimumin tonë të zbatonim detyrat që kishte caktuar trajneri. Për fat të keq, na mungoi goli. Personalisht, unë kisha dy momente të mira. Nëse do të kisha shënuar në minutat e para, do të kishte qenë një ndeshje e ndryshme,” shpjegoi Zivzivadze.

Ai theksoi se shqiptarët kishin pak mundësi shënimi, por një nga ato u kthye në gol, çka vendosi fatin e ndeshjes. “Ne me të vërtetë dëshironim të fitonim, por ky është futbolli dhe nuk mund t’i fitosh të gjitha,” shtoi ai.

Zivzivadze gjithashtu falënderoi tifozët për mbështetje gjatë ndeshjes dhe pranoi se situata në grup ka bërë tensionuar. “Do të mundohemi të korrigjojmë gjithçka në ndeshjet e mbetura,” përfundoi ai, duke shprehur shpresën për përmirësim në sfidat e ardhshme./UBTNews/

Shqipëria arriti një fitore të rëndësishme në transfertë, duke mposhtur Gjeorgjinë me rezultatin 0-1. Në këtë ndeshje, kuqezinjtë treguan forcën e tyre përballë një ekipi me lojtarë të njohur si Kvaratskhelia.

Pas përfundimit të ndeshjes, Mirlind Daku, një nga lojtarët më të spikatur të Shqipërisë, shkëmbeu fanellën me Kvaratskhelian, një veprim që u vlerësua nga tifozët. Klubi i Dakut, Rubin Kazan, e shpërndau këtë moment në rrjetet sociale, duke theksuar arritjen e përfaqësueses shqiptare.

“Përfaqësuesja e Shqipërisë me Dakun mposhti Gjeorgjinë në transfertë dhe pas ndeshjes, Mirlindi shkëmbeu fanellën me Kvarën,” shkruante klubi rus, duke treguar krenarinë për performancën e lojtarit të tij.

Ky sukses i Shqipërisë është një hap i rëndësishëm në kuadër të Ligës së Kombeve, duke rritur besimin dhe motivimin për ndeshjet e ardhshme./UBTNews/