Sport

Spanjë-Suedi supersfida e së hënës, në fushë edhe Polonia e Lewandowskit

Publikuar

Ditët e para kaluan shpejt dhe edicioni i 16-të i kampionatit evropian bëhet gati për të prezantuar Spanjën, një ndër skuadrat përfaqësuese më me emër të Kontinentit të Vjetër, që ashtu si edhe Gjermania është kurorëzuar plot tre herë me trofeun e lakmuar Henri Delaunay.

Bëhet fjalë për ndeshjen numër 9 të këtij edicioni dhe “furia e kuqe” do ta nisë rrugëtimin këtë herë në Krahinën Autonome të Andaluzisë përballë Suedisë. “La Roja” do të ketë favorin e faktorit fushë në fazën hapëse të këtij evropiani, duke pasur parasysh faktin që skuadra e drejtuar nga trajneri Luis Enrique do t’i zhvillojë tre ndeshjet e para të raundit të grupeve në shtëpi, në Qytetin e Seviljes.

Këtë herë nga qyteti më i madh andaluzian është përzgjedhur pikërisht Stadiumi La Cartuja, me një kapacitet prej 60.000 spektatorësh. Stadiumi Olimpik i Seviljes është impianti i gjashtë për nga madhësia në Spanjë dhe sipas parashikimeve, protokollit anti – covid apo dhe masave shtrënguese në vend mendohet që La Cartuja të mbajë mbi shpatulla deri në 30% të kapacitetit, pra afërsisht rreth 18.000 spektatorë. Spanja ka humbur disi shkëlqimin e mëparshëm dhe pas triumfit 4-0 në finalen e madhe të evropianit të vitit 2012 ndaj Italisë në Stadiumin Olimpik të Kievit “la furia roja” ka pësuar eliminime të dhimbshme.

Tani loja e skuadrës përfaqësuese spanjolle është mësuar nga të gjithë dhe kundërshtarët janë në gjendje për të marrë masat e duhura, për të zhvlerësuar në maksimum kontrollin e zakonshëm të topit. Kështu në botërorin brazilian të vitit 2014 Spanja e Vicente del Bosque-s u eliminua që në fazën e grupeve, ndërsa në evropianin francez “La Roja” e drejtuar po nga trajneri veteran u mund pa shumë vështirësi që në fazën e 1/8 nga Italia e Antonio Conte-s.

Poshtërimin më të madh Spanja e pësoi në botërorin rus, pikërisht nga vendi organizator, që i mposhti gjithashtu që në fazën e 1/8, pas gjuajtjeve të 11-metërshave. Drejtuesit e Federatës rikthyen sërish trajnerin Luis Enrique, që këtë herë preferoi për të mos grumbulluar asnjë futbollist nga Reali i Madridit.

Natyrisht nuk bëhet fjalë për ndasitë ndërmjet Realit dhe Barcës, sepse trajneri asturian është një nga të vetmit futbollistë që ka veshur në të kaluarën fanellën e dy gjigantëve të futbollit të këtij vendi, gjithsesi bën përshtypje lënia jashtë këtij grumbullimi e kapitenit të përfaqësueses Sergio Ramos, që u persekutua vazhdimisht gjatë sezonit të fundit nga dëmtime të ndryshme.

Situata e dy klubeve më të mirë në vend ka ndryshuar në mënyrë rrënjësore në aspektin financiar dhe pandemia e koronavirusit vetëm sa e ka përkeqësuar akoma më shumë gjendjen e Realit dhe Barcelonës. Një pjesë e mirë e lojtarëve është larguar nga gadishulli iberik dhe Luis Enrique ka bërë diçka të paimagjinueshme dhe të papërjetuar më parë, duke grumbulluar në ekipin kombëtar për fazën finale të këtij evropiani më shumë lojtarë nga jashtë vendit, krahasuar me numrin e kontigjentit të futbollistëve që luajnë në Primera Division.

Nga 26 lojtarë të federuar në listën e UEFA-s plot 14 prej tyre luajnë jashtë kufijve të Spanjës, 10 prej të cilëve pikërisht në Premier League me skuadrat më të mira në ishull.

Spanja pozicionohet e gjashta ndërsa Suedia renditet në vendin e 18, në klasifikimin e përgjithshëm të FIFA-s dhe është interesant fakti që dy vendet ritakohen përsëri, pasi u ndeshën bashkë edhe gjatë fazës kualifikuese. Në këtë mënyrë goglat i përplasën sërish këto dy përfaqësuese, gjithsesi në fazën eliminatore në sfidat në grupe Spanja fitoi 3-0 në Madrid dhe barazoi 1-1 në Solna, falë një goli të realizuar në kohën shtesë nga Rodrigo, gol që bëri të mundur që “furia e kuqe” ta mbyllte aventurën në grupe me plot 5 pikë më shumë se sa ekipi skandinav.

Nën drejtimin e trajnerit Janne Andersson Suedia është ngritur përsëri, madje në botërorin e fundit “verdheblutë” shkuan deri në fazën cerekfinale, ku u thyen nga Anglia me shifrat 2-0. Kjo është hera e gjashtë radhazi dhe e shtata gjithsej që Suedia merr pjesë në fazën finale të kampionatit evropian, ndërsa Spanja në krahun tjetër e ka pjesëmarrjen e 11 në histori dhe në mënyrë kurioze në katër dekadat e fundit “La Roja” ka humbur vetëm edicionin e vitit 1992, pra pikërisht kompeticionin që u organizua nga vetë Suedia.

Që pas mbërritjes deri në fazën gjysmëfinale në evropianin e vitit 1992 apo qoftë edhe në botërorin që pasoi dy vjet më vonë në Shtetet e Bashkuara, ku “verdhjeshilët” e përfunduan rrugëtimin e tyre në shkallën më të ulët të podiumit, në 4 nga 5 evropianët e fundit Suedia është eliminuar që në fazën e grupeve, duke mos mbërritur dot deri te sfidat e knock out-it.

Takimi do të mbahet në mbrëmje në orën 21:00 dhe La Cartuja do të bëhet i pari stadium spanjoll që do të presë një ndeshje të një aktiviteti të rëndësishëm që nga viti i largët 1982, kur vendi iberik organizoi kampionatin e 12 botëror. Në Grupin E bëjnë pjesë gjithashtu edhe Polonia me Sllovakinë dhe ekipet në këtë grup do të zbresin sërish në fushë edhe të premten e ardhshme, ku Suedia do të masë forcat me Sllovakinë, ndërsa Spanja do të sfidojë Poloninë e Robert Lewandowskit.

Duke patur parasysh forcën e kundërshtarëve të tjerë si dhe kalendarin natyrisht ky është një duel që do të vendosë shumë në lidhje me vendin e parë. Suedia i ka humbur dy sfidat e fundit ndaj vendeve organizatore në një kampionat evropian me rezultatin e njëjtë 2-1, madje po me shifrat 2-1 “verdhjeshilët” kanë humbur gjithashtu edhe të vetmen përballje ndërmjet tyre, në fazën finale të një aktiviteti të tillë. Bëhet fjalë për takimin e vitit 2008 në Innsbruck të Austrisë, ku Zlatan Ibrahimovic barazoi golin e shpejtë të shënuar nga Fernando Torres, ndërsa David Villa realizoi në minutën e dytë shtesë edhe golin e fitores për “furinë e kuqe”.

Ishte një Spanjë tjetër, që nën drejtimin e të madhit Luis Aragones filloi një cikël të papërsëritshëm në historinë e kësaj përfaqësueseje, ndërsa tani gjërat kanë ndryshuar dhe “La Roja” ka fituar vetëm 4 nga 9 takimet e fundit, ku përjashtim bën vetëm sfida me Gjermaninë, pasi tre fitoret e fundit skuadra e drejtuar nga trajneri Luis Enrique i ka regjistruar ndaj Lituanisë, Kosovës dhe Gjeorgjisë.

Suedia ka fituar 5 ndeshjet e fundit në të gjithë kompeticionet, por sidoqoftë edhe “verdhjeshilët” nuk kanë patur ndonjë kalendar të vështirë. Dy vendet janë përballur 15 herë ndërmjet tyre dhe Spanja kryeson bilancin e përgjithshëm 7 me 3 me fitore.

Sport

Kvaratskhelia pritet të mungojë në ndeshjen e Napolit kundër Atalantas

Gjeorgjiani nuk do të jetë i gatshëm kundër Atalantas të shtunën.

Publikuar

nga

Napoli konfirmon se Khvicha Kvaratskhelia është diagnostikuar me një tkurrje të muskujve ngjitës dhe sipas “Sky Sport Italia”, gjeorgjiani nuk do të jetë i gatshëm kundër Atalantas të shtunën.

Kvaratskhelia pësoi një lëndim muskulor gjatë fitores së Gjeorgjisë ndaj Greqisë në fillim të kësaj jave. Loja ishte historike për Kvaratskhelian dhe bashkatdhetarët e tij, të cilët u kualifikuan për herë të parë në Kampionatin Evropian.

Megjithatë, ai solli një lajm të keq për Napolin pasi pësoi një dëmtim gjatë lojës, siç konfirmoi Napoli me një deklaratë zyrtare sot.

Napoli tha se Kvaratskhelia iu nënshtrua testeve mjekësore pasi u kthye nga detyra ndërkombëtare, të cilat nxorën në pah një “kontrakturë të fortë të muskujve ngjitës në kofshën e majtë”.

Reprezentuesi i Gjeorgjisë punoi në palestër dhe iu nënshtrua trajtimit sot.

Sipas “Sky Sport Italia”, Kvaratskhelia dëshiron të luajë kundër Atalantas, por mjekët e Napolit do të këshillojnë të mos ndërmarrin ndonjë rrezik për të shmangur dëmtimet e mëtejshme, kështu që 23-vjeçari pritet që të mos luajë kundër Atalantas të shtunën.

Vazhdo të lexosh

Sport

​Dalin detaje të reja për klauzolën e Bremerit

“Il Corriere dello Sport” dhe “La Gazzetta dello Sport” bëjnë të ditur sot se kontrata e Bremerit me Juventusin.

Publikuar

nga

Gazetarë të njohur e kanë konfirmuar se synimi i Manchester United, Gleison Bremer ka një klauzolë lirimi në kontratën e tij me Juventusin, e cila prek shifrën e 70 milionë eurove dhe mund të aktivizohet vetëm në verën e vitit 2025.

“Il Corriere dello Sport” dhe “La Gazzetta dello Sport” bëjnë të ditur sot se kontrata e Bremerit me Juventusin, të cilën braziliani e nënshkroi para dy muajsh, ka një klauzolë lirimi.

Eksperti i lajmeve nga Juventusi, Romeo Agresti e konfirmoi në Facebook që marrëveshja e re mes Bremer dhe “Zonjës së Vjetër” përfshin një klauzolë lirimi mes 60 milionë deri në 70 milionë euro, dhe vlen vetëm nga qershori i vitit 2025.

Megjithatë agresti pretendon se Juventusi i ka premtuar qendërmbrojtësit brazilian se do të vlerësojë ofertat nga klubet e interesuara në verën e këtij viti, kështu që ekziston mundësia që ish-mbrojtësi i Torinos të largohet nga “Allianz Stadium” në fund të sezonit.

Manchester United thuhet se po udhëheq garën për të nënshkruar me Bremer në fund të sezonit aktual dhe sipas “Gazzetta”, “Djajtë e Kuq” mund të përfshijnë Mason Greenwoodit në një marrëveshje shkëmbimi të lojtarëve plus para për të ulur tarifën e transferimit të mbrojtësit.

Vazhdo të lexosh

Sport

​Melo s’ka mëshirë për Dani Alves e Robinhon: Ata duhet të paguajnë për atë që e kanë bërë

Rastet e Dani Alves dhe Robinho sjellin detaje të përziera dhe shkatërrojnë plotësisht reputacionin e të dy lojtarëve.

Publikuar

nga

Bota e futbollit brazilian është në një gjendje të hidhur. Ata sapo kanë parë yllin e tyre të ardhshëm, Endrick, të prezantohet në skenën evropiane, ata gjithashtu panë dy nga lojtarët e tyre më të shquar të dy dekadave të fundit të dënuar për përdhunim.

Rastet e Dani Alves dhe Robinho sjellin detaje të përziera dhe shkatërrojnë plotësisht reputacionin e të dy lojtarëve.

Tani, Felipe Melo ka folur për të dy rastet e Alves dhe Robinhos, ku nuk shprehi aspak mëshirë kur u pyet për ta nga “Globo Sporte”.

“Unë e kam një vajzë 15 vjeçare. Nëse do ta kishin bërë atë gjë me vajzën time, unë nuk mendoj se do të isha duke e dhënë këtë intervistë këtu. Unë besoj se ne duhet të respektojmë njerëzit e tjerë, ne duhet të respektojmë gratë dhe ne duhet të respektojmë burrat, ata duhet të paguajnë për atë që e kanë bërë. Dhe le të jetë si mësim që të tjerët mos ta bëjnë. Kjo është shumë serioze”, tha Melo.

Melo bëri 22 paraqitje për Kombëtaren e Brazilit nga vitin 2009 deri në vitin 2010 dhe ishte bashkëlojtar me Dani Alves dhe Robinhon. Ai ka kaluar gati të gjithë karrierën duke luajtur për skuadra braziliane. Ai ka qenë te Fluminense që nga viti 2022 dhe vazhdon të bëjë paraqitje pavarësisht se i ka 40 vjeç.

Vazhdo të lexosh

Kulturë, Lifestyle

Reflektimi i shekullit të 20-të: Ekspozita e Olimpiadës në Paris

Kjo shpalos ndryshimin e rolit të lojërave nga një thjesht ngjarje sportive në një platformë që reflekton ngjarjet më të rënda dhe të ndryshme të shekullit të 20-të.

Publikuar

nga

Ekspozita e Olimpiadës në Paris, e titulluar “Sporti nuk është kurrë vetëm sport”, hapet për të reflektuar në kulmet dhe uljet e shekullit të 20-të nëpërmjet ngjarjeve të Lojërave Olimpike.

Nga propaganda naziste në stadiumin e Berlinit në vitin 1936 deri te protesta në podiumin e Meksikës në vitin 1968 nga Tommie Smith dhe John Carlos, Lojërat Olimpike kanë shërbyer si pasqyrë e momenteve më të errëta të historisë së shekullit të 20-të. Në këtë kohë kur përballemi me luftën nga Ukraina në Lindjen e Mesme, Presidenti Emmanuel Macron ka bërë të ditur se Rusisë do t’i kërkohet të respektojë armëpushimin në Ukrainë gjatë lojërave. Në këtë kontekst, ekspozita e re në Paris ka për qëllim të hedhë një dritë të vërtetë mbi ndikimin social dhe gjeopolitik të lojërave në të kaluarën, shkruan Guardian.

Përmes ekspozitës “Lojërat Olimpike: Pasqyra e shoqërive tona”, Memoriali de la Shoah në Paris do të shfaqë historinë e lojërave nga perspektiva e tyre origjinale pacifiste deri te rivaliteti dhe përdorimi i tyre për qëllime politike gjatë periudhave të diktaturës dhe Luftës së Ftohtë.

Themeluesi i Komitetit Olimpik Ndërkombëtar, Pierre de Coubertin, ndërsa shprehu synimet e tij pacifiste për Lojërat në vitet 1890, është përballur me realitetin e rivalitetit të ashpër dhe diskriminimit, duke përfshirë ekskluzionin e grave nga disa ngjarje sportive deri në vitin 2012.

Ekspozita shfaq ritualet e njohura të lojërave, duke përfshirë flakën e përhapjes nga Greqia në vendin pritës, duke e rivlerësuar si një simbol i përfshirjes dhe tolerancës, pavarësisht prej origjinës së saj naziste në vitin 1936. Gjithashtu, ekspozita hedh dritë mbi përdorimin e arkitekturës për propagandë politike, duke e ilustruar si stadiumi i madh i Berlinit u përdor për të promovuar regjimin nazist. Stadiumet që dikur u përdorën për ngjarjet olimpike u shndërruan në vende për të kufizuar dhe mbajtur njerëzit gjatë Luftës së Dytë Botërore, transmeton UBTNews.

Ekspozita përmban edhe historinë tragjike të Lojërave të Mynihut në vitin 1972, ku atletët izraelitë u sulmuan nga organizata palestineze “Shtatori i Zi”. Përveç kësaj, ekspozita jep homazhe për individët që kanë bërë qëndrime të mahnitshme, si Smith dhe Carlos me përshëndetjen e tyre të Fuqisë së Zezë në vitin 1968 dhe Wilma Rudolph, vrapuesja amerikane që fitoi tre medalje të arta olimpike. Ekspozita e Parisit gjithashtu shqyrton çështjet e homofobisë, të drejtave të aftësisë së kufizuar dhe Paralimpikës. Bashkë-kuratori, profesori i historisë bashkëkohore, Paul Dietschy, thekson se ekspozita tregon se si sporti mund të shërbejë si një mjet për të kuptuar historinë, duke i shfaqur të dy anët më dinamik dhe më tragjik të lojërave.

Ekspozita e Olimpiadës në Paris shpalos ndryshimin e rolit të lojërave nga një thjesht ngjarje sportive në një platformë që reflekton ngjarjet më të rënda dhe të ndryshme të shekullit të 20-të./UBTNews/

Vazhdo të lexosh

Të kërkuara