Sport

Sot zhvillohet derbi londinez, Tottenham-Chelsea

Published

3 years ago

November 6, 2023

UBT news

Xhiro e 11-të në Premier Ligën e Anglisë do të kompletohet sot, dhe atë me një ndeshje të zjarrtë siç është ajo ndërmjet Tottenhamit dhe Chelseat.

Dy skuadrat londineze janë në situata krejtësisht të ndryshme sa i përket objektivave dhe ecurisë së rezultateve.

Derisa Tottenhami është në garë për titull, rrjedhimisht në pozitën e dytë me 26 pikë dhe ka katër fitore dhe një barazim në pesë ndeshjet e fundit, Chelsea nga ana tjetër pas 10 ndeshjeve ka mbledhur vetëm 12 pikë duke u renditur në pozitën e 13-të, kurse në pesë ndeshjet e fundit ka dy fitore, një barazim dhe dy humbje, raporton KosovaPress.

Në këtë përballje, të dy skuadrat vijnë me një numër të madh lëndimesh. Te Tottenhami mungojnë emra si Perisic, Sessegnon, Solomon dhe Whiteman, kurse Chelsea ka një listë të gjatë të lojtarëve të lënduar, në mesin e të cilëve edhe sulmuesi shqiptar Armando Broja. Emrat tjerë të lënduar janë Chalobah, Chilwell, Chukwuemeka, Fofafa, Nkunku dhe Lavia.

Ndeshja zhvillohet në stadiumin “White Heart Lane” me fillim nga ora 21:00 dhe këto janë formacionet e mundshme:

Tottnham:Vicario; Porro, Romero, Van de Ven, Udogie; Sarr, Bissouma; Kulusevski, Maddison, Richarlison; Son

Chelsea: Sanchez; James, Silva, Colwill, Cucurella; Caicedo, Gallagher, Fernandez; Palmer, Jackson, Sterling.

Vendi

Akil Gjakova mbyll garën pa medalje në Abu Dhabi

Published

16 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

16 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

18 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/