

Aktualitet
Sot parashihet të mbajë mot me diell dhe pjesërisht i vranët
Minimalet do të lëvizin ndërmjet -2 deri 0 gradë celsius.
Published
3 years agoon
By
UBT newsGjatë ditës së sotme parashihet të mbajë mot me diell dhe pjesërisht i vranët. Sot fillon stina e dimrit meteorologjik dhe temperaturat do të shënojnë ulje të ndjeshme, sidomos ato minimalet.
Për shkak të kthjellimeve gjatë natës dhe temperaturave të ulëta në orët e para të mëngjesit parashihen ngrica të cilat paraqesin rrezik për drejtuesit e automjeteve por edhe për këmbësorë.
Minimalet do të lëvizin ndërmjet -2 deri 0 gradë celsius, ndërsa maksimalet e ditës parashihen të lëvizin ndërmjet 10-11 gradë celsius.
Do të fryjë erë e lehtë deri mesatare nga drejtimi i jugperëndimit dhe verilindjes!
Bota
Vendet e G7-s pajtohen për rritje trysnie ndaj Rusisë, nëse s’ka armëpushim në Ukrainë
Published
47 minutes agoon
May 23, 2025By
UBTnews
Ministrat e Financave dhe guvernatorët e bankave qendrore të vendeve të G7-s [grupi i shtatë shteteve më të industrializuara të botës] janë pajtuar gjatë një takimi në Kanadanë perëndimore se Rusia mund të përballet me sanksione shtesë, nëse ajo i reziston një nisme për një armëpushim në luftën e saj në Ukrainë.
Shefat e Financave të G7-s kanë dënuar “luftën brutale” të Rusisë nëpërmjet një komunikate më 22 maj, në fund të takimit të tyre, dhe kanë thënë se nëse përpjekjet për të arritur një armëpushim dështojnë, ata do t’i shqyrtojnë të gjitha opsionet e mundshme, përfshirë “një shtim të mëtejmë të sanksioneve”.
Komunikata ka thënë, po ashtu, se asetet sovrane të Rusisë, që mbahen në juridiksionet e vendeve të G7-s, do të mbeten të ngrira derisa Moska t’i japë fund luftës dhe të paguajë për dëmet që ia ka shkaktuar Ukrainës.
Ministrat janë zotuar edhe që të punojnë bashkë që të sigurojnë se asnjë vend apo entitet që financon apo furnizon “makinerinë rus të luftës” nuk do të mund përfitojnë nga rindërtimi i Ukrainës.
“Ky është një qëndrim shumë i fortë”, ka thënë ministri kanadez i Financave, Francois-Philippe Champagne, duke e quajtur një shtyllë thelbësore të komunikatës, e cila nuk ka përmendur Kinën apo vendet e tjera që akuzohen se e furnizojnë Rusinë me komponentë kritikë.
Takimi i ministrave në Malet Shkëmbore Kanadeze i ka paraprirë një samiti të G7-s që do të mbahet në mes të qershorit, në një resort të afërt malor. Presidenti i Shteteve të Bashkuara të Amerikës, Donald Trump, do të marrë pjesë në këtë samit, ka konfirmuar Shtëpia e Bardhë më 22 maj.
Në takim mori pjesë edhe ministri ukrainas i Financave, Serhiy Marchenko, i cili i bëri thirrje G7-s që të vazhdojë trysninë ndaj Rusisë.
Presidenti ukrainas, Volodymyr Zelensky, nuk e ka përmendur takimin e G7-s në videoadresimin e tij në mbrëmje, por ka thënë se Ukraina është e gatshme t’i ndërmarrë “hapat më të shpejtë të mundshëm” për t’i dhënë fund luftës.
“Ukraina nuk është e interesuar ta zgjasë luftën, por të përgatitet për çfarëdo zhvillimi. Është e qartë për botën se është faji i Rusisë që lufta ende po vazhdon”, ka thënë ai. “Ne të gjithë, nga ana jonë, po i bëjmë të gjitha punët e nevojshme përgatitore. Ajo që nevojitet është gatishmëri reciproke nga Rusia – dhe ajo nuk ekziston tani”.
Përpjekjet diplomatike për t’i dhënë fund konfliktit janë përshpejtuar, ndërsa zyrtarët rusë dhe ukrainas javën e kaluar kanë zhvilluar bisedimet e tyre të para të drejtpërdrejta pas më shumë se tre vjetësh.
Por, Kremlini ka thënë më 22 maj se “ende nuk ka pajtim” për bisedimet e reja për paqe me Ukrainën, duke hedhur poshtë raportimet se dy vendet do të zhvillojnë së shpejti negociata në Vatikan.
Trump ka biseduar përmes telefonit me presidentin rus, Vladimir Putin, më 19 maj, në një përpjekje për t’i dhënë fund, siç është shprehur ai, “kasaphanës” – por as telefonata, e as bisedimet e mëhershme të drejtpërdrejta nuk shtynë Rusinë të bëjë lëshime./REL/
Bota
“A mund të keni pak mëshirë”, kreu i OBSH thirrje Izraelit të ndalë sulmet në Gaza
Published
59 minutes agoon
May 23, 2025By
UBTnews
Kreu i Organizatës Botërore të Shëndetësisë, Tedros Adhanom Ghebreyesus, i bëri thirrje Izraelit që të tregojë mëshirë dhe të ndalojë përdorimin e ushqimit dhe furnizimeve mjekësore si armë në konfliktin në Gaza.
Ai theksoi se lufta po dëmtonte vetë Izraelin dhe nuk do të sjellë një zgjidhje të përhershme.
Në asamblenë vjetore të OBSH-së, Ghebreyesus u shpreh:
“Ju mund të imagjinoni se si njerëzit po vuajnë. Është vërtet e gabuar të përdorësh ushqimin si armë. Është shumë e gabuar të përdorësh furnizime mjekësore si armë.”
Sipas mediave ndërkombëtare, Kombet e Bashkuara nisën dje shpërndarjen e ndihmave në Gaza, me rreth 90 kamionë që kaluan kufirin për të mbështetur civilët në nevojë.
Kreu i OBSH-së theksoi gjithashtu se vetëm një zgjidhje politike mund të sjellë një paqe të qëndrueshme. Ai apeloi:
“Ju lutem, a mund të keni mëshirë? Është mirë për ju dhe është mirë për palestinezët. Është mirë për njerëzimin.”
Bota
SHBA vendos sanksione ndaj Sudanit për përdorimin e armëve kimike
Published
1 hour agoon
May 23, 2025By
UBTnews
Departamenti i Shtetit Amerikan njoftoi të enjten se do të vendosë sanksione të reja ndaj Sudanit, pas zbulimeve se ushtria sudaneze ka përdorur armë kimike gjatë konfliktit të vazhdueshëm civil kundër Forcave të Mbështetjes së Shpejtë (RSF) në vitin e kaluar.
Sipas një deklarate të zëdhënëses Tammy Bruce, eksportet amerikane drejt Sudanit do të kufizohen dhe do të vendosen masa të reja për kufizimin e huamarrjes financiare. Këto masa do të hyjnë në fuqi më 6 qershor.
“ShBA-të i bëjnë thirrje qeverisë së Sudanit të ndërpresë përdorimin e të gjitha armëve kimike dhe të përmbushë detyrimet e saj sipas Konventës për Armët Kimike”, thuhet në deklaratë, duke iu referuar traktatit ndërkombëtar që ndalon prodhimin dhe përdorimin e armëve të tilla.
Ndonëse nuk janë dhënë detaje të plota për armët kimike të përdorura, New York Times raportoi në janar se Sudani kishte përdorur gaz klori në dy raste të veçanta — një substancë që shkakton dëme të mëdha në sistemin respirator dhe mund të jetë fatale.
Lufta civile në Sudan ka hyrë në vitin e dytë, që nga shpërthimi i konfliktit ndërmjet ushtrisë sudaneze dhe grupit paramilitar RSF, që luftojnë për kontrollin e vendit. Deri tani, mbi 150,000 persona kanë humbur jetën dhe miliona të tjerë janë zhvendosur nga shtëpitë e tyre.
Në muajt e fundit, ushtria ka rimarrë kontrollin mbi kryeqytetin Khartum, por përleshjet vijojnë në pjesë të tjera të vendit.
Zyrtarët sudanezë nuk kanë dhënë ende një reagim zyrtar ndaj veprimeve të SHBA-së, ndërsa BBC njoftoi se ka kontaktuar autoritetet për një përgjigje.
Zbulimet për përdorimin e armëve kimike shtojnë shqetësimet për përshkallëzimin e konfliktit dhe përfshirjen e metodave të ndaluara ndërkombëtarisht në një luftë tashmë të përgjakshme. Bashkësia ndërkombëtare po bën thirrje për përgjegjësi dhe ndalimin e dhunës, ndërsa krizat humanitare në vend thellohen gjithnjë e më shumë.
Bota
Netanyahu akuzon udhëheqësit perëndimorë për mbështetje të Hamasit
Published
1 hour agoon
May 23, 2025By
UBTnews
Kryeministri i Izraelit, Benjamin Netanyahu, ka ngritur akuza të forta ndaj liderëve të disa vendeve perëndimore, duke deklaruar se ata kanë shprehur mbështetje të heshtur për Hamasin dhe kanë dënuar veprimet e Izraelit në Gaza në një mënyrë që, sipas tij, nxit terrorizmin.
Në një video të publikuar në platformën X, Netanyahu kritikoi ashpër kryetarin e Partisë Laburiste britanike, Sir Keir Starmer, presidentin francez Emmanuel Macron dhe kryeministrin kanadez Mark Carney, duke i akuzuar se duan që “ushtria e vrasësve masivë të Hamasit të mbijetojë”.
“Kur vrasësit masivë, përdhunuesit, vrasësit e foshnjave dhe rrëmbyesit ju falënderojnë, atëherë jeni në anën e gabuar të drejtësisë,” deklaroi Netanyahu. “Jeni në anën e gabuar të njerëzimit dhe jeni në anën e gabuar të historisë.”
Këto komente erdhën pas dënimit nga ana e Mbretërisë së Bashkuar, Francës dhe Kanadasë të operacionit të zgjeruar ushtarak izraelit në Gaza dhe bllokimit të ndihmës humanitare për civilët palestinezë. Të tre shtetet paralajmëruan masa të mëtejshme nëse situata nuk ndryshon.
Në një reagim të mëparshëm përmes rrjetit X, Sir Keir Starmer e cilësoi antisemitizmin si “një e keqe që duhet zhdukur”, por nuk komentoi drejtpërdrejt ndaj deklaratave të Netanyahut. Edhe Downing Street shmangu komentet e drejtpërdrejta, duke iu referuar qëndrimeve tashmë të bëra publike nga lideri laburist.
Ndërkohë, ministri izraelit Amichai Chikli shtoi se deklaratat e liderëve perëndimorë kishin “inkurajuar forcat e terrorit”.
Nga ana tjetër, kryeministri britanik ka shprehur shqetësime të thella për situatën humanitare në Gaza, duke e cilësuar atë si “të patolerueshme” dhe ndihmën e kufizuar të lejuar nga Izraeli si “krejtësisht të pamjaftueshme”.
Retorika e ashpër e Netanyahut ka shtuar tensionet diplomatike mes Izraelit dhe aleatëve të tij perëndimorë, në një moment kritik për konfliktin në Lindjen e Mesme dhe përpjekjet ndërkombëtare për paqe dhe stabilitet në rajon.

Aktorja dhe profesoresha e UBT-së, Fatlume Bunjaku, pjesëmarrëse në edicionin e 78-të të Festivalit të Filmit në Cannes

Nga UBT në Pragë: Historia e suksesit të studentes së UBT-së, Genita Tahiri tani e punësuar në një nga kompaninë evropiane Gen Digital

Studentët e Masterit në Inxhinieri Ndërtimi dhe Infrastrukturë ndjekin ligjëratë të veçantë mbi projektimin arkitektonik të qëndrueshëm dhe strukturat e drurit të lameluar

Seminar mbi Integrimin Evropian të Ballkanit Perëndimor – UBT mirëpret ligjëruesin nga Austria, Mag. Bahri Troja

Studentët e Fakultetit MBE të UBT-së morën pjesë në “Kosova Finance Forum 2025” – një ndër ngjarjet kryesore të sektorit financiar në vend

Studentë të Shkencave Politike nga Clemson University (ShBA) vizituan UBT-në dhe zhvilluan diskutime me studentët e Studimeve të Sigurisë

UBT promovon ndërveprimin ndërkombëtar përmes artit: Studentët dhe artistja nga Gaza sjellin skulpturën “Thatë”, një thirrje ndaj krizës së ujit

Studentët e MBE-së trajnohen me “Savings Game” për menaxhim të zgjuar të financave personale

Kurti i kërkoi Kallas heqjen e plotë të masave ndaj Kosovës
Të kërkuara
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT4 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati