Aktualitet

Sot në Hagë merret vendimi për ish-shefat e policisë sekrete serbe, Jovica Stanisiq e Franko Simatoviq

Published

5 years ago

June 30, 2021

UBT news

Rasti më i gjatë gjyqësor për krime lufte pritet të marrë epilog të mërkurën me një vendim në Tribunalin e Hagës për dy ish-shefat e policisë sekrete serbe, Jovica Stanisiq e Franko Simatoviq. Ata akuzohen për krime në Bosnjë dhe Kroaci.

Ky rast po cilësohet historik, jo vetëm për shkak të kohës së gjatë të trajtimit nga drejtësia, por edhe për atë që do të thuhet rreth rolit të fshehtë të Beogradit në Luftën e Bosnjës në vitet 92-95 dhe rreth llogaridhënies ligjore të sponsorëve të fshehtë shtetërorë të grupeve paramilitare, shkruan The Guardian.

“Ky rast i gjykuar në mënyrë shteruese kundër dy zyrtarëve të lartë serbë është një test vendimtar për ta dëshmuar orkestrimin e spastrimit etnik të Beogradit në Bosnjë e Kroaci gjatë viteve të nëntëdhjeta. Lidhja me udhëheqësinë e Beogradit do të ishte goditëse”, tha David Scheffer, ish i dërguar i Shteteve të Bashkuara për çështjet e krimeve të luftës dhe nënkryetar i Shoqërisë Amerikane për Ligj Ndërkombëtar.

Jovica Stanisiq, ish-drejtor i shërbimit shtetëror të sigurisë (DB) dhe zëvendësi i tij, Franko Simatoviq, i njohur edhe me nofkën “Frenki”, u akuzuan për herë të parë më 2003 nën dyshimin për armatosjen dhe drejtimin e grupeve paramilitare që ishin përgjegjëse për krime lufte në luftërat në Bosnjë e Kroaci. Këta dy persona dikur ishin figurat më të fuqishme në Serbi. Raportohet se Stanisiqi gjithashtu ishte informator i CIA-s dhe agjencia amerikane kishte bërë një hap të pazakontë, duke dorëzuar një dokument të klasifikuar në tribunal për ta përshkruar ndihmën që i ka dhënë ky person.

Dy serbët ishin liruar nga akuzat në vitin 2013, pasi shumica e gjykatësve të rastit kishin vlerësuar se nuk ka dëshmi për të vazhduar hetime kriminale. Megjithatë, në vitin 2015, Dhoma e Apelit vendosi që gjykatësit e kanë keqinterpretuar pragun ligjor për ta dëshmuar bashkëfajësinë.

Stanisiqi dhe Simatoviqi ishin anëtarë kyçë të regjimit të Sllobodan Millosheviqit, i cili ishte përpjekur që të krijonte një Serbi më të madhe nga gërmadhat e Jugosllavisë. Përderisa Stanisiqi ishte në përgjithësi përgjegjës për policinë sekrete, DB (Drzavna Bezbednost), Simatoviqi i udhëhiqte njësitë speciale operuese të saj.

Ndërkohë Stanisiqi duket se luante lojë të dyfishtë. Zyrtarët e CIA-s i kishin thënë gazetës “Los Angeles Times” në vitin 2009 se ai u kishte dhënë hollësi të punëve të brendshme të regjimit, vendndodhjen e pengjeve të NATO-s dhe vendet e varrezave masive.

Vladimir Dzuro, oficer i policisë çeke që i kishte marrë në pyetje këta dy persona përderisa shërbente si hetues për Tribunalin Ndërkombëtar të Krimeve për ish-Jugosllavinë, tha se vendimi i së mërkurës do të jetë moment kritik për dorën e fshehtë të Beogradit pas krimeve në Kroaci e Bosnjë.

“Këto njësi speciale ishin, për shembull, Tigrat e Arkanit, Skorpionët apo Beretat e Kuqe, që u bënë famëkeqe për brutalitetin e tyre, dhe krimet e tyre ishin të dokumentuara mirë në aktakuzë”, tha ai.

Related Topics:Hage Jovica Stanisiq Franko Simatoviq

Up Next

166 raste aktive me Coronavirus në Kosovë

Don't Miss

Hajnat e maskuar vjedhin 450 euro në një pompë derivatesh në Skenderaj

Lajmet

30 për qind bursë për ish-studentët e UBT-së në programet më inovative Master – regjistrohu sot!

Published

4 hours ago

August 12, 2026

ubtnews

UBT po u ofron të gjithë të diplomuarve të tij një mundësi të veçantë për të vazhduar rrugëtimin akademik dhe profesional, duke përfituar 30% bursë për studimet Master në UBT.

Në një treg pune që po ndryshon me shpejtësi, avancimi i vazhdueshëm profesional po bëhet gjithnjë e më i rëndësishëm. Për këtë arsye, ish-studentët e UBT-së kanë mundësinë të rikthehen në universitet për të thelluar njohuritë, fituar specializime të reja dhe zhvilluar kompetenca të avancuara, tashmë me një përfitim të veçantë prej 30% bursë.

Kjo mundësi vlen për programet Master të UBT-së, të cilat përfshijnë disa nga fushat më të kërkuara dhe inovative të tregut bashkëkohor, duke u dhënë të diplomuarve mundësinë të zgjedhin një program që përputhet me profesionin, interesat dhe objektivat e tyre të karrierës.

Programet Master në UBT përfshijnë:

Menaxhment, Biznes dhe Ekonomi
FinTech dhe Menaxhimi i Inovacionit
Shkenca Kompjuterike dhe Inxhinieri
Sistemet e Informacionit dhe Menaxhment
Inxhinieri e Mekatronikës
Inxhinieri e Ndërtimit dhe Infrastrukturë
Inxhinieri e Trafikut dhe Transportit
Inxhinieri e Energjisë dhe Mjedisi
Arkitekturë dhe Planifikim Hapësinor
E Drejta Penale
E Drejta Civile dhe Pronës
E Drejta Komerciale
Gjuhë, Media dhe Komunikim
Politika Publike dhe Menaxhim
Shkenca Politike
Studime të Sigurisë
Psikologji
Shkencat dhe Teknologjia e Ushqimit
Shëndet Publik dhe Menaxhim
Biokimi
Shkencat Paramjekësore
Agrikulturë dhe Mjedis
Shëndet dhe Aktivitet Fizik

Përmes programeve të orientuara drejt inovacionit dhe nevojave të tregut, UBT synon që studentët Master të fitojnë jo vetëm njohuri të avancuara akademike, por edhe kompetenca profesionale të aplikueshme në praktikë.

Për ish-studentët e UBT-së, kjo është mundësia për ta vazhduar aty ku e nisën – duke e kthyer përvojën universitare në një nivel të ri profesional.

Regjistrohu sot dhe përfito 30% bursë!

Aktualitet

Ronaldo i shpreh ngushëllime Messit për humbjen e babait

Published

4 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Vendi

PDK paralajmëron veprime jashtë Kuvendit pas refuzimit të kërkesës për seancë

Published

4 hours ago

August 12, 2026

UBTNews

Sekretarja e Përgjithshme e Partisë Demokratike të Kosovës ka deklaruar se refuzimi për thirrjen e seancës më 12 gusht është një model i sjelljes politike nga Lëvizja Vetëvendosje dhe kryesuesi Avni Dehari, e jo thjesht një incident procedural. Sipas saj, shkelja e afatit 30-ditor dhe shpërfillja e rregullit për vazhdimin e seancës çdo 48 orë përbëjnë zbatim selektiv të Kushtetutës dhe bllokim të mandatit të deputetëve të zgjedhur më 7 qershor.

Ajo i bëri thirrje Albin Kurtit që ta kthejë vendin në binarë kushtetues, duke theksuar se PDK-ja nuk kërkon pushtet apo marrëveshje partiake, por funksionalizimin e shtetit. Gjithashtu, ajo bëri me dije se PDK-ja do të dorëzojë sërish kërkesë zyrtare për seancë pas 48 orësh dhe do të jetë çdo ditë në Kuvend.

Paralelisht me punën në Kuvend, ajo paralajmëroi zhvendosjen e aktivitetit politik edhe jashtë tij, përmes bashkëbisedimeve me qytetarë dhe grupe të ndryshme shoqërore. Në fund, ajo denoncoi edhe cënimin e integritetit fizik të disa deputetëve të PDK-së nga mbrojtja e afërt, duke njoftuar se për këtë rast do t’i drejtohen Inspektoratit Policor të Kosovës. /E.A/

Aktualitet

Shpëtohet e gjallë 32-vjeçarja pas 36 orësh nën rrënoja nga tërmeti në Kolumbi

Published

5 hours ago

August 12, 2026

UBTNews

Një 32-vjeçare është shpëtuar e gjallë pasi mbeti e bllokuar për 36 orë nën rrënoja, si pasojë e tërmetit të fuqishëm prej 7.4 ballësh që goditi Kolumbinë perëndimore.

Daniela Largo u nxor nga gërmadhat e një ndërtese të shembur në qytetin Pereira, pas një operacioni kompleks që zgjati 10 orë. Zjarrfikësit dhe ekipet e emergjencës arritën te ajo përmes një tuneli të hapur poshtë katër pllakave të rënda të betonit. Vendndodhja e saj u lokalizua falë një kamere të vogël, pasi një banor vendas dëgjoi thirrjet për ndihmë. Përmes një tuneli të parë të hapur nga lart ekipet i siguruan oksigjen, ndërsa përmes tunelit të dytë nga poshtë realizuan nxjerrjen e saj.

Shpëtimin e saj e ka përshëndetur edhe presidenti kolumbian, Abelardo de la Espriella, i cili e cilësoi ngjarjen si një “lajm që na mbush me shpresë”. Pas shpëtimit, Largo u shpreh e lehtësuar duke thënë se në shtëpi po e pret djali i saj 12-vjeçar.

Sipas të dhënave zyrtare, tërmeti tragjik ka lënë të paktën 188 të vdekur dhe qindra të tjerë të zhdukur. Bilancin më të rëndë e shënojnë qytetet Cali me 95 viktimë dhe Pereira me 79 të vdekur. Ekipet e kërkim-shpëtimit po vazhdojnë punën në terren për gjetjen e të mbijetuarve të tjerë. /BBC/