Sport

Sonte do t’i jepet një tjetër rast Muriqit, mundësi për t’u shfrytëzuar

Published

on

Sulmuesi kosovar e ka realizuar vetëm një gol këtë sezon në Serie A me Lazion. Nëse nuk e shfrytëzon mundësinë e sontme, si të tjerat paraprake, ai mund të largohet nga Lazio gjatë verës.

Vedat Muriqi do ta ketë sonte njërën prej mundësive të fundit për ta treguar veten në Lazio. Trajneri Simone Inzaghi do t’ia japë rastin sulmuesit kosovar të luajë nga minuta e parë me Parmën.

Në fakt, trajneri italian e ka ndërmend të bëjë rotacion sonte duke e pasur parasysh se pas tri ditësh do ta zhvillojë derbin me Romën. Dhe, prizrenasi duhet ta shfrytëzojë këtë mundësi, nëse dëshiron ta vazhdojë eksperiencën në kryeqytetin italian.

Atij i janë dhënë disa raste deri tash, por nuk ka arritur të lërë gjurmë tek “Biancocelesti”. Andaj, nëse një rast të tillë nuk e shfrytëzon edhe sonte, atëherë me gjasë ish-futbollisti i Rizesporit dhe Fenerbahçes mund të largohet nga Lazio gjatë verës.

“Muriqi riprovon. Mundësi për t’u shfrytëzuar”. Ky është titulli i të së përditshmes së njohur italiane “La Repubblica” rreth rastit që do t’i jepet sonte sulmuesit shtatlartë.

“Ky është rast me të cilin do të diskutohet dhe vlerësohet sulmuesi, i cili pikërisht kundër Parmës, në Kupën e Italisë, kishte gjuajtur me kokë, që më pas u shndërrua në autogol të portierit në fitoren 2:1”, e vazhdoi shkrimin mediumi italian.

“Muriqi ka qenë mjaft i kritikuar nga tifozët sepse paraqitjet nuk kanë qenë në lartësi të çmimit (u ble për afro 20 milionë euro). Sonte Pirati duhet t’ia japë një kontribut konkret skuadrës”, përfundon shkrimi i “La Repubblicas”.

Në Serie A, Muriqi e ka realizuar vetëm një gol, atë ndaj Atalantas.

Sport

Kosova me pozitën më të mirë ndonjëherë në renditjen e FIFA-s

Published

on

By

Përfaqësuesja e Kosovës në futboll është ngritur në pozitën e 95-të në renditjen e FIFA-s.

Është kjo pozita më e mirë që Kosova ka pasur ndonjëherë.

Federata Ndërkombëtare e Futbollit të enjten publikoi renditjen e re, ndërsa ka shkruar se Kosova dhe Kanadaja kanë pozitat më të mira që kanë pasur ndonjëherë.

Në krahasim me renditjen e kaluar, Kosova ka avancuar për dy pozita. Ndërkohë Kanadaja renditet e 28-ta dhe po ashtu ka avancuar për dy pozita.

Kosova në qershor fitoi miqësoret me Armeninë dhe Komoret. Ndërkohë në mars kishte fituar dy ndeshjet e plejofit të Ligës së Kombeve ndaj Islandës.

Argjentina mbetet e para në ranglistë, e pasuar nga Spanja, Franca, Anglia e Brazili. Dhjetëshen e parë e kompletojnë Portugalia, Holanda, Belgjika, Gjermani dhe Kroacia.

Ndërkohë Shqipëria ka rënë për dy pozita dhe tani është e 68-ta.

Renditja e kaluar e FIFA-s ishte publikuar më 3 prill. Renditja e re publikohet më 18 shtator.

Continue Reading

Sport

Interi në sulm për Marco Asension

Published

on

Interi është rikthyer seriozisht në pistën Marco Asensio. Spanjolli i PSG-së, i cili ka qenë dy herë në radarët zikaltër në të kaluarën, shihet si profili ideal për të forcuar mesfushën sulmuese të trajnerit Cristian Chivu.

Asensio, i cili nuk bën pjesë në planet e klubit francez pas huazimit te Aston Villa, është në dispozicion në merkato dhe agjenti i tij, Jorge Mendes, po kërkon një destinacion të ri në Evropë. Kontrata e tij me PSG-në skadon në vitin 2026, ndaj çmimi i transferimit mund të lëvizë mes 10 dhe 12 milionë euro.

Megjithatë, pengesa kryesore mbetet paga. Asensio fiton 8 milionë euro në sezon, një shifër që nuk përputhet me politikat e reja financiare të Interit. Për të realizuar transferimin, lojtari duhet të pranojë një ulje të ndjeshme page.

Zikaltërit po e studiojnë me kujdes mundësinë, ndërsa marrëdhënia me Mendes mbetet e hapur edhe për çështjen e Dumfries. Tashmë mbetet për t’u parë nëse hera e tretë do të jetë fat për të sjellë Asension në Milano.

Continue Reading

Sport

Muriqi e vazhdon kontratën me Mallorcën deri në vitin 2029

Published

on

Vedat Muriqi do të vazhdojë karrierën e tij në Spanjë, duke mohuar përfundimisht thashethemet për një rikthim në Turqi.

Futbollisti kosovar ka rinovuar kontratën me Mallorcën për dy vite të tjera, duke e lidhur atë me klubin spanjoll deri në vitin 2029.

Muriqi, i cili u transferua në Mallorca në janar të vitit 2022, pas një periudhe zhgënjyese te Lazio, vazhdon të jetë pjesë e klubit ishullor.

Continue Reading

Sport

Prishtina qendër e evropianit të Esports, Kurti: Ngjarje të tilla të shërbejnë për të ndërtuar ura e jo mure

Published

on

By

36 ekipe nga 24 shtete të Evropës do të marrin pjesë në Kampionatin Evropian të Esports që ka nisur sot në Prishtinë, ndeshjet e së cilit do të zhvillohen në Palestrën e Sporteve “1 Tetori” Kosova jo vetëm që do të jetë mikpritëse e kësaj gare madhore, por edhe do të përfaqësohet me ekipin e saj kombëtar.

Në ceremoninë e hapjes zyrtare, kryeministri në detyrë i Republikës së Kosovës, Albin Kurti, i cili të pranishmëve iu drejtua në gjuhën angleze, theksoi se megjithëse në botë ky njihet si sport i ri, Kosova ka një storie të gjatë në këtë aktivitet pasi që të rinjtë kosovarë shumë vite më parë filluan angazhimin e tyre në lojërat elektronike nëpër internetcaffe, duke bërë kështu hapat e parë drejtë rritjes profesionale në këtë sport.

Kurti gjithashtu bëri thirrje që nga sot e deri më 13 korrik, ekipi përfaqësues i Kosovës në këtë garë të mbështetet me zemër nga të gjithë adhuruesit dhe praktikuesit e lojërave elektronike-Esports.

Sigurisht, fitorja ka rëndësi. Çdo atlet këtu ka ndjekur shkëlqesinë me pasion dhe angazhim. Por, fuqia e vërtetë e këtij kampionatit jeton përtej tabelave të rezultateve, në lidhjet që kemi ndërtuar, në historitë që kemi ndarë dhe komuniteteve që kemi krijuar së bashku. Kosova është vend ku talenti rritet shpejtë, ndërsa ambicia rritet edhe më shpejtë. Nga atletët në fushë deri te zhvilluesit prapa ekranit, njerëzit tanë të ri mishërojnë fuqinë e vizionit dhe dedikimit”, theksoi Kurti.

Ai tha se ngjarje të tilla duhet të shërbejnë si ide për ndërtimin e ura e jo mure.

Kampionati Evropian Kosova 2025 qëndron si një etapë jo vetëm për esportin por çfarë përfaqëson për rajonin tonë dhe më tej. Këtu, në këtë skenë ne dëshmojmë si lojtarë nga vende dhe prejardhje të ndryshme bashkohen këtu të unifikuar nga një qëllim i përbashkët, të shtyrë nga respekti dhe puna në ekip. Kjo është pikërisht se çfarë ka nevojë bota sot, mundi i përbashkët që rritet përtej kufijve individuale dhe ide që ndërtojnë ura në vend të mureve”, tha Kurti.

Altin Preniqi, Kryetar i Federatës së Esports në Kosovë, tha se organizimi i këtij evropiani është moment historik për Kosovën sepse ky sport sjellë energji të madhe, e mbi të gjitha, miliarda shikues online nga e gjithë bota, duke u bërë kështu mundësi e rrallë për promovimin e imazhit të Republikës së Kosovës në mbarë rruzullin tokësorë.

Në këtë kampionat kemi përfaqësues nga vende të ndryshme, kultura të ndryshme, histori të ndryshme, por kemi një gjë të përbashkët, pasionin për lojën dhe respektin. Të gjithë jeni pjesë e momentit historik sepse ky evropian nuk është thjeshtë vetëm një turne, është një e vërtetë që sporti po evoluon”, theksoi Preniqi

Ky kampionat organizohet nga Federata Esports Kosova me mbështetjen e Ministrisë së Kulturës, Rinisë dhe Sportit. Ndeshja e parë do të zhvillohet sot ndërmjet Republikës së Kosovës dhe Republikës së Çekisë.

Continue Reading

Të kërkuara