Sport

Solskjaer krahason Ronaldon me Michael Jordan

Ronaldo mbrëmë shënoi dy gola në barazimin 2:2 të United kundër Atalantas.

Published

on

Trajneri i Manchester United, Ole Gunnar Solskjaer ishte i kënaqur të shihte përsëri Cristiano Ronaldon në rolin e heroit, pasi që ylli portugez shënoi dy gola dhe siguroi një pikë të vlefshme kundër Atalantas mbëmë, ndeshje kjo e vlefshme për fazën e grupeve në Ligën e Kampionëve.

Ronaldo mbrëmë shënoi dy gola në barazimin 2:2 të United kundër Atalantas, fillimisht duke barazuar rezultatin në 1:1 në minutën e 45’+1 shtesë dhe më pas përsëri e barazoi rezultatin në 2:2 në minutën e 90’+1 shtesë.

Pas kësaj paraqitjeje, trajneri i United Solskjaer ishte tejet i kënaqur ku e krahasoi yllin portugez me njërin nga basketbollistët më të mirë të gjitha kohërave në NBA Michael Jordan.

“Ronaldo është i mahnitshëm, nëse dëshironi që dikush ta ketë topin në minutat e fundit, është ai. Ai është golashënuesi më i mirë i kësaj kohe, dhe kjo është e vështirë për mua ta them pasi ai me tejkaloi mua me dy golat e fundit, tani ai ka një gol më shumë për Manchester United se unë, por mbresëlënëse”, tha Solskjaer.

“Goli i fundit në këtë ndeshje, ky duhet të jetë një moment i Michael Jordan kur ai e fiton kampionatin në minutat shtesë. Askush nuk mund ta vë në pyetje karakterin dhe sjelljet e këtyre lojtarëve, ata kurrë nuk dorëzohen, dhe ndonjëherë ne luajmë më mirë se kundër Atalantas, por për sa kohë që shoh kësi lloj karakteri, kualiteti nuk do të mungojë”, shtoi Solskjaer.

Me barazimin e mbrëmshëm kundër Atalantas, Manchester United renditet në vendin e parë në Grupin F me gjithsej shtatë pikë, aq sa ka edhe skuadra e Villarrealit në vendin e dytë.

Sport

Tensionet në Kongresin e UEFA-s: Kosova përfaqësohet pa flamurin shtetëror në Beograd!

Published

on

Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.

Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.

Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.

Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.

Continue Reading

Sport

Nuk përmbahet Mourinho pas eliminimit, kap për hunde trajnerin kundërshtar

Published

on

José Mourinho ka qenë protagonist i një episodi të pahijshëm pas eliminimit të skuadrës së tij nga Fenerbahçe në çerekfinalet e Kupës së Turqisë. Pas humbjes 2-1 ndaj Galatasaray-t, dhe ndërsa lojtarët dhe stafi teknik i Galatasaray-t po drejtoheshin drejt tifozëve të tyre, Mourinho e ka kapur për hunde trajnerin e kundërshtarëve, Okan Buruk. Ky veprim ka shkaktuar një skenë të tensionuar, ku Buruk u rrëzua në tokë dhe mbajti duar mbi fytyrë, si një lojtar pas një faulli të rëndë.

Pas ngjarjes, Buruk kërkoi të përballej me Mourinhon, i zemëruar nga sulmi, por u qetësua me ndërhyrjen e lojtarëve të tij dhe vazhdoi ecjen pa pasoja të tjera. Ky incident është një tjetër moment polemik për Mourinhon, i cili ka pasur përplasje të ngjashme edhe me trajnerë dhe figura të tjera, duke përfshirë një të famshëm me Tito Vilanovën në vitin 2011, kur i vuri gishta në sy gjatë një klasike mes Real Madridit dhe Barcelonës. Pas atij momenti, Mourinho ka kërkuar më vonë falje.

Ky veprim ka ngritur përsëri pyetje për sjelljen e trajnerit portugez, që shpesh është shoqëruar me polemika dhe situata të tensionuara.

Continue Reading

Sport

​Kosova ngritet për dy pozita në renditjen e FIFA-s

Published

on

By

Pas promovimit nga Liga C në Ligën B të Ligës së Kombeve, Kombëtarja e Kosovës është ngritur për dy pozita më lartë në renditjen e re të publikuar nga FIFA.

Dardanët tashmë pozicionohen në vendin e 97, teksa Shqipëria zbret një vend duke u renditur në të 66-in pas humbjes nga Anglia dhe fitores kundër Andorrës.

Argjentina pozicionohet në vendin e parë dhe ndiqet nga Spanja, Franca, Anglia, Brazili, Holanda, Portugalia, Belgjika, Italia dhe Gjermania.

Continue Reading

Sport

Barcelona eliminon Atleticon dhe shkon në finalen me Realin, Flick: Ëndërrojmë për tripletën!

Published

on

Barcelona ka siguruar kalimin në finalen e Kupës së Mbretit, duke mposhtur Atletico Madrid në “Metropolitano”. Fitorja e Barcelonës ka qenë një rezultat i shkëlqyer për trajnerin Hansi Flick, i cili do ta drejtojë ekipin katalanas në finalen e tij të dytë.

Pas ndeshjes, Flick u shpreh shumë i kënaqur me paraqitjen e ekipit: “Ishte një ndeshje me dy pjesë të ndryshme. Në pjesën e parë dominuam, ndërsa në të dytën u mbrojtëm mirë. Të gjithë mund të jenë krenarë për këtë ekip”.

Me këtë fitore, Barcelona ka shtuar shpresat për tripletën këtë sezon. Ata janë në vendin e parë në La Liga, kanë siguruar finalen e Kupës së Mbretit dhe janë ende të pranishëm në çerekfinalet e Champions League. Sidoqoftë, Flick ka paralajmëruar se rruga drejt suksesit është ende e gjatë dhe kërkon përqendrim të vazhdueshëm. “Ëndërrimi është i lejuar, por duhet të qëndrojmë të përqendruar,” tha ai. “Do të kthehemi vonë në shtëpi dhe do të duhet të stërvitemi për ndeshjen kundër Betisit.”

Tifozët e Barcelonës janë të emocionuar nga mundësitë e tripletës, ndërsa ekipi i Flick ka treguar një nivel të lartë loje dhe angazhimi këtë sezon.

Continue Reading

Të kërkuara