Kulturë

S’mund të jemi miq me të gjithë kolegët

Nënvizoni rëndësinë e respektit, i cili nuk duhet humbur në asnjë rast .

Published

on

Në vendin e punës, do të përjetoni një shumëllojshmëri të pafund të personaliteteve, bashkëpunëtorët që janë agresivë, bosët që dramatizojnë çdo gjë, kolegët që nuk bëjnë punë e tyre, thashethemexhinjtë, ziliqarët etj.

Ballafaqimi me personalitete të ndryshme në vendin e punës vjen me një sërë sfidash të reja. Megjithatë mbani mend se duhet të tregoheni profesional edhe kur bëheni pjesë e konflikteve. Ja disa këshilla se si të menaxhoni personalitete të ndryshme në punë dhe të keni një ecuri të mirë të punës tuaj dhe në grup.

1. Bëni kompromise në mënyrë që biznesi të funksionojë siç duhet – Nëse qasja juaj nuk krijon një ambient suksesi për disa nga punonjësit tuaj, mendoni për mënyrat që mund të përshtatni për çështje të caktuara. Të bësh këtë do t’u tregojë punonjësve se shqetësimet e tyre po dëgjohet dhe ju interesoheni në mendimin e secilit prej tyre. Kur punonjësit tuaj të ndihen të vlefshëm, ata do të kenë më shumë gjasa të punojnë shumë dhe kjo përkthehet në sukses të biznesit.

2. Mësoni nga punonjësit kolegët tuaj – Jini të hapur për të mësuar, pasi kjo do i bëjë gjërat të shihen me një tjetër këndvështrim dhe do të ndikojë në suksesin tuaj. Nuk ka kufi për dijen!

3. Krijo një linjë të hapur komunikimi dhe tregohuni të kujdesshme me mënyrën se si e bëni – Në këtë botë të sms-ve dhe email-ve, toni dhe theksimi i rëndësive humbet lehtësisht. Prandaj jini të kujdesshëm në mënyrën që ju komunikoni dhe krijoni një mjedis ku punonjësit apo kolegët të ndihen rehat dhe të vijnë pa hezitim tek ju për çdo çështje që mund të kenë. Komunikimi i hapur gjithashtu mund të inkurajojë punonjësit që të bashkëpunojnë në ide kreative së bashku.

4. Adresojini me kohë konfliktet – Nëse ka një konflikt të personalitetit, gjithmonë adresoni atë herët dhe me ndjeshmëri. Është e rëndësishme të mbash një qasje të paanshme dhe të zgjidhësh konfliktet sa më mirë që të jetë e mundur. Lejimi i konfliktit mund të çojë në probleme më të mëdha gjatë punës.

5. Shmangni komentet dhe sjelljet agresive apo pasive – Këto lloje veprimesh nuk ndihmojnë kurrë një situatë dhe kurrë nuk ju bëjnë të ndiheni më mirë në planin afatgjatë.

6. Nënvizoni rëndësinë e respektit, i cili nuk duhet humbur në asnjë rast – Mos u shqetësoni për t’u pëlqyer ose për të mos u pëlqyer nga të gjithë. Ju nuk mund të jeni miq me të gjithë ose të kënaqni të gjithë, por një gjë është e rëndësishme, të gjithë duhet të ndihen të respektuar. Respekti duhet të jetë përparësia numër një.

Continue Reading

Lajmet

54 vjet nga Kongresi i Drejtshkrimit të Gjuhës Shqipe

Published

on

Sot shënohen 54 vjet nga hapja e punimeve të Kongresit të Drejtshkrimit të Gjuhës Shqipe, i cili nisi më 20 nëntor 1972 në Tiranë, me pjesëmarrjen e albanologëve nga të gjitha trevat shqiptare.

Në Kongres morën pjesë 87 delegatë nga Shqipëria, Kosova, Maqedonia e Veriut, Mali i Zi dhe arbëreshët e Italisë.

Qëllimi i këtij tubimi ishte përcaktimi i parimeve dhe drejtimeve kryesore për hartimin e një sistemi të njësuar të drejtshkrimit, me synimin e krijimit të një standardi të përbashkët të gjuhës shqipe.

Në këtë proces, rol të rëndësishëm luajti edhe delegacioni nga Prishtina. Kongresi u parapri nga një takim me rëndësi i mbajtur në Prishtinë, ku ishin diskutuar dhe përcaktuar disa nga standardet gjuhësore.

Kongresi i vitit 1972 shënoi një moment të rëndësishëm në historinë e gjuhës shqipe dhe në përpjekjet për njësimin e saj në të gjitha trevat shqiptare./A.K/

Continue Reading

Lajmet

Reka dhe Çitaku diskutojnë promovimin e filmave kosovarë në garën për Oscar

Published

on

Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës. Në takim është diskutuar promovimi ndërkombëtar i kinematografisë kosovare.

Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.

Në të njëjtën kategori garon edhe filmi “Shame and Money”, me regji të Visar Morinës, i cili, sipas raportimit të Telegrafit, është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti.

Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare. Ai vlerësoi kinematografinë si një nga mënyrat e rëndësishme për përfaqësimin dhe afirmimin e vendit në botë./A.K/

Continue Reading

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Të kërkuara