Aktualitet

SMS mirëseardhje nga operatori serb afër Manastirit të Deçanit – deputetët kërkojnë sqarime në ARKEP

Published

on

Komisioni për Ekonomi, Industri, Ndërmarrësi dhe Tregti ka vizituar ARKEP-in për të marrë më shumë informacione sa i përket mesazheve që u dërgon operatori serb MTS të gjithë atyre që kalojnë përreth zonës së Manastirit të Deçanit e që kanë numër të IPKO-s.

Kryetari i bordit të ARKEP-it, Nazim Rahimi tha se ky është problem teknik ku konsumatorët e IPKO-s në atë pjesë janë kyçur në stacionet bazë MTS-së.

Sipas tij, ky problem është eleminuar menjëherë.

“Ne kemi komunikuar me IPKO-n dhe ata na kanë ofruar dhe na kanë njoftuar se ai problem është eliminuar. Megjithatë ne si ARKEP kemi vepruar dhe organizuar inspektim të MTS. Ky problem është eliminuar menjëherë. Në rast se një dukuri e tillë përsëritet ne do t’i sanksionojmë. […] Performancat e antenës është e pamundur me ndryshuar sinjalin. Probleme teknike janë të vogla”.

Ilir Imeri, anëtar të bordit të ARKEP-it tha se MTS është duke funksionuar sipas telekomunikacionit dhe ka autorizim që nuk guxon me u zgjeruar.

“Marrëveshja e roaming janë operatorë që me arrit marrëveshje. IPKO ka qenë e paralajmëruar me kohë. Telekomi serb dhe MTS është një rrjet. Në aspektin teknik duhet me intervenuar Telekomi i Serbisë për stacion bazë. Në lokacionin e Deçanit nuk e ka bërë dhe është lejuar”.

“Për tu lidh me rrjet duhet marrëveshje ndërsa Vala nuk ka marrëveshje. Prej vitit 2019 na i kemi njoftuar operatorë gjithmonë çka ka ndodhur takime me BE. Na i vetmi që kemi dal në testim me Shqipërinë dhe ka disa mospërputhje”.

Astrit Ajvazi shef i departamentit të Radiomonitorimit, tha se departamenti i inspektimit bënë matje të vazhdueshme për operatorin MTS.

“Lidhur me antenat në Deçan, kjo antenë operon dhe është e kufizuar dhe është i pamundur shfrytëzimi i internetit. Me pajisje që ka ARKEP është e sigurt shfrytëzuehsmëria që ka në përdorim kjo antenë.
I kemi verifikuar dhe kemi pasur gjetje dhe i kanë evituar”.

“Ata thanë se nuk dinë numër. Përderisa operon në Kosovë duhet mi respektuar rregullat por për përgjime duhet mi iu drejtuar institucionit përgjegjës. Kurdo që kanë thirrur institucionet ne kemi qenë të gatshëm me bashkëpunuar. Për përgjime nuk është përgjegjës ARKEP-i”.

Deputetja e VV-së Mimoza Kusari-Lila, ka kërkuar të dijë më shumë se si funksionon ky operator dhe a janë funksional edhe ata kosovarë në të pjesë.

Kurse deputeti i AAK-së Pal Lekaj tha se ka pasur dyshime që ka antena që nuk mund të kontrollohen.

Rajoni

Rektori Hajrizi, pritet zyrtarisht nga Kryetari i Komunës së Braga-s në Portugali

Published

on

Profesor Edmond Hajrizi, në Portugali, u prit zyrtarisht nga Kryetari i Komunës së Braga, zt. Ricardo Rio. Kjo vizitë shënon një hap të rëndësishëm në përpjekjet e UBT-së për ndërkombëtarizim dhe inkurajimin e bashkëpunimeve në nivele evropiane.

Braga, si një nga qytetet më të rëndësishme dhe më të vjetra në Portugali, ofron një potencial të madh për zhvillim, ku UBT mund të angazhohet drejtpërdrejt në projekte inovative për mobilitetin e së ardhmes.

Gjatë qëndrimit në Braga, Rektori Hajrizi pritet të nënshkruajë një marrëveshje bashkëpunimi me Universitetin Rajonal Minho, me theks të veçantë në akreditimet e përbashkëta në fushën e mjeksisë. Gjithashtu, programi i vizitës do të përfshijë takime në Politeknikun Braga, InvestBraga, si dhe me drejtuesit e Asociacionit të Ndërmarrësisë Minho, duke forcuar kështu lidhjet dhe mundësitë e bashkëpunimit në të gjitha nivelet.

Continue Reading

Rajoni

Profesoresha e UBT-së, Dr. Fatbardha Qehaja Osmani boton studim ndërkombëtar në revisten prestigjioze të Quartile-it 1- Reading Psychology, Taylor & Francis- Routledge

Published

on

Dr. Fatbardha Qehaja Osmani së bashku me hulumtuesen shkencore nga Universiteti Ibn Haldun në Turqi, Elma Berisha, kanë publikuar një studim të ri shkencor në revistën ndërkombëtare Reading Psychology të shtëpisë botuese Taylor & Francis (Q1) duke sjell rezultate të rëndësishme për mënyrën se si fëmijët zhvillojnë aftësinë për lexim të rrjedhshëm. Ky është një nga studimet e rralla që është bërë në fushën kognitive tek popullata shqipfolëse.

Punimi, me titull “The Mediating Role of Executive Functions in Reading Fluency Among 8–10 Year Old Children: Evidence from a Transparent Orthography”, është zhvilluar në Kosovë dhe përfshin 168 nxënës nga shkollat publike dhe private të Prishtinës.

Ky studim eksperimental ofron provat e para empirike për lidhjen ndërmjet moshës, funksioneve ekzekutive dhe rrjedhshmërisë së leximit në një gjuhë me ortografi të qartë si gjuha shqipe.

Sipas gjetjeve, fëmijët me aftësi më të zhvilluara në përditësimin e informacionit, frenimin e impulseve dhe fleksibilitetin kognitiv lexojnë më shpejt dhe më saktë. Këto funksione të trurit shpjegojnë rreth 23% të ndryshueshmërisë në performancën e leximit, edhe kur merren parasysh faktorë si mosha, gjinia apo inteligjenca joverbale.

Studimi tregon gjithashtu se mosha ndikon në lexim përmes funksioneve ekzekutive, duke theksuar rolin e zhvillimit kognitiv. Ndërkohë, statusi socio-ekonomik dhe arsimimi i nënës rezultuan faktorë që ndikojnë ndjeshëm në këtë proces, fëmijët nga mjedise më të thjeshta përfitojnë më shumë nga rritja e moshës, duke treguar rëndësinë e mbështetjes familjare.

Autorët rekomandojnë që mësuesit të përdorin leximin me zë të lartë, leximin e përsëritur dhe vlerësimin e hershëm të funksioneve ekzekutive që në fazat parashkollore, për të identifikuar fëmijët me rrezik për vështirësi në lexim. Autorët poashtu theksojnë se këto gjetje ndërlidhen ngusht me strategjitë e reja për përmirësimin e leximit në përgjithësi e në veçanti në performancën e fëmijëve tanë në testin PISA.

Ky hulumtim vlerësohet si një kontribut i parë shkencor ndërkombëtar mbi zhvillimin e leximit në gjuhën shqipe, duke vendosur shqipen në qendër të diskutimeve akademike për gjuhët me ortografi transparente si finlandishtja apo italishtja.

Artikullin e plotë mund ta lexoni këtu: Reading Psychology – Taylor & Francis Online

Continue Reading

Rajoni

UBT nënshkruan një marrëveshje të rëndësishme me Nova University

Published

on

Edhe një lajm i shkëlqyer nga Lisbona. UBT ka nënshkruar një marrëveshje të rëndësishme me Nova University, respektivisht kampusin më të madh të teknologjisë në Portugali!

Marrëveshja u nënshkrua në hapësirat e UNINOVA e para në renditjen e menaxhimit të fondeve për projektet H2025 të Kërkimit dhe Zhvillimit.

Rektori i UBT-së, Prof. Dr. Edmond Hajrizi dhe Dekani i NOVA School of Science and Technology, Prof. Dr. Jose Julio Alferes dhe në prani të Drejtorit të Depertamentit për Marrëdhënie me Jashtë, Prof. Dr. Ricardo Jardim-Gonçalves, firmosën marrëveshjen e bashkëpunimit që përqendrohet në fusha të rëndësishme si kërkimi shkencor, zhvillimi teknik, trajnimi i avancuar dhe partneritetit për qasje në fondet e BE-së për arsimin e lartë, me theks projektet Smart4Health dhe Digital Health.

Kjo marrëveshje bashkepunimi do të hapë mundësi të reja për studentët tanë dhe do të forcojë edhe më tutje lidhjet tona ndërkombëtare.

Jemi të emocionuar për këtë hap përpara në rrugën drejt ekselencës dhe inovacionit. Rektori Hajrizi uron të gjithë stafin akademik dhe studentët e UBT për këtë arritje.

Continue Reading

Lajmet

UBT dhe ISCTE arrijnë marrëveshje për Programe dhe Diploma të Përbashkëta

Published

on

Në një ceremoni zyrtare, të organizuar në ambientet e ISCTE Studime Ekzekutive, Rektori i UBT-së, Prof. Dr. Edmond Hajrizi, dhe Presidenti i Komitetit Ekzekutiv, Prof. Dr. Jose Crespo de Carvalho, bashkuan energjitë dhe vendosën themelet e një bashkëpunimi afatgjatë.

Ndërkohë që ISCTE-Executive Studies u rangua e para në Portugali për ndikim ndërkombëtar, sipas klasifikimit të Financial Times, ne besojmë se kjo marrëveshje jo vetëm që do të ketë një impakt të rëndësishëm në avancimin e arsimit të lartë dhe zhvillimin profesional të studentëve tanë por, kjo iniciativë, do të kontribuojë dhe krijojë edhe mundësi të reja për studentët për qasje në tregun global.

Continue Reading

Të kërkuara