Lajmet

“Skandali më i madh politik”, PDK kërkon llogari për bisedat e Kusarit me Radojçiqin

Ismaili tha se është e çuditshme dhe e pamoralshme si Kusari-Lila ankohet para Listës Serbe.

Publikuar

10 muaj më parë

më

Nënkryetari i Partisë Demokratike të Kosovës (PDK), Uran Ismaili, e cilësuar si skandalin më të madh politik bisedat e shefes së Grupit Parlamentar të Lëvizjes Vetëvendosje (LVV), Mimoza Kusari-Lila me ish-deputetin e Listës Serbe, Slavko Simiq e që përmes tij, ajo ka komunikuar edhe me të kërkuarin nga drejtësia Milan Radojçiq.

Sipas Ismailit, kjo bisedë dëshmon se pushteti aktual ka komunikuar dhe është koordinuar me një njeri të sanksionuar nga Thesari i Shteteve të Bashkuara të Amerikës dhe Britania e Madhe, pavarësisht se Kurti ka këmbëngulur se nuk ka as njëlloj bashkëpunimi me Listën Serbe.

Ismaili tha se është e çuditshme dhe e pamoralshme si Kusari-Lila ankohet para Listës Serbe edhe për kërkesat e veteranëve të UÇK-së.

“Dëshmohet edhe njëherë mendësia e këtij pushteti që kurdo e në çfarëdo rasti përqesh dhe denigron veprën e UÇK-së por kësaj here para përfaqësuesit të Milan Radojçiqit duke iu ankuar për veteranët dhe kërkesat e tyre. Ky është skandali më i madh politik i këtij pushteti. Ky bashkëpunim rreth çështjeve me rëndësi siç është energjia, zgjedhja e gjyqtarëve të Gjykatës Kushtetuese, votimi kundër tërheqjes së parave të Trustit, të gjitha janë ose në koordinim me Milan Radojçiqin, ose me bekimin dhe aprovimin e tij”, tha Ismaili.

Ismaili tha se bisedat me bandat kriminale në veri, mes shefes së GP të LVV, nuk sjellin asnjë të mirë për qytetarët e Kosovës.

Ai pyeti se si është e mundur që një politikane e lartë e pushtetit komunikon direkt me një njeri të kërkuar nga drejtësia duke i dhënë atij garanci për procesin ndaj tij dhe për trajtimin e tij nga sistemi i drejtësisë. Sipas tij, kjo është një ndërhyrje në drejtësi dhe është mundësi favorizuese për Milan Radojçiqin dhe mundësi për t’u hetuar.

“Kryeministri Kurti dhe zonja Kusari-Lila kanë obligim që të japin llogari për tërë këtë situatë. Tendenca për ta normalizuar koordinimin dhe komunikimin me Milan Radojçiqin veçse e thellon dhe e bën bashkëpjesëmarrëse gjithë qeverinë në këtë skandal. Milan Radojçiq është një person i kërkuar nga Policia e Kosovës si për Mimoza Kusarin ashtu edhe për Albin Kurtin. Dhe nuk mund ta trajtojmë këtë bashkëpunim si diçka të zakonshme dhe normale. Propaganda e shfajësimi nuk janë e vërteta. E vërteta është se biseda me Radojçiin ka ndodhur, është pranuar nga Mimoza Kusari-Lila dhe çdo gjë përpos llogaridhënies para qytetarëve dhe drejtësisë është tentim për të vazhduar të fshihet e vërteta”, vijoi Ismaili.

Në incizimin e publikuar mes Kusari-Lilës dhe Simiqit, dëgjohet deputetja e LVV-së duke e ofenduar edhe vetë Ismailin për të cilin tha se nuk ishte ndjerë mirë kur e kishte dëgjuar.

“Nuk desha dhe nuk u mora fare me ofendimet personal që kanë ndodh sepse ka gjëra të tjera që janë me rëndësi por për faktin që po më pyesni natyrisht që nuk është e lehtë kur dëgjon duke të të ofenduar pa ndonjë arsye dhe në mënyrë personale për qëndrime të tua politike. Për ofendimi më i madh është duke i ndodhur qytetarit të Kosovës”, tha Ismaili.

Organizatat e dala nga lufta e UÇK-së si dhe Aleanca për Ardhmërinë e Kosovës kanë lënë të kuptohet se do të organizojnë protestë pas fyerjeve ndaj veteranëve të UÇK-së, mirëpo Ismaili tha se PDK do të ketë një qëndrim zyrtar për këtë çështje, pavarësisht se ai është kundër.

“Ne do ta analizojmë gjendjen natyrisht që si parti politike po e shohim që ka një stangim të madh në jetën e qytetarëve… besoj që kërkon që edhe PDK të intensifikojë përpjekjet e saj që të krijojë një platformë më të mirë dhe një mundësi më dobiprurëse për qytetarët tanë që të dalin nga kjo krizë. Tani në këtë intensifikim personalisht nuk jam pro protestave por do të jetë që do e diskutojmë nëpër organet tona dhe do të dalim me një qëndrim të qartë”, tha Ismaili.

Nënkryetari i PDK-së, tha se vetëm zgjedhjet janë një mundësi për të dalë nga kjo krizë të cilën e ka zhytur vendin partia e Albin Kurtit.

Etiketa
Vazhdo të lexosh

Lajmet

BB mbështet përmirësimin e shërbimeve shëndetësore në Kosovë për të përmirësuar jetën e qytetarëve

Publikuar

9 orë më parë

më

8 Maj, 2024

nga

Bordi i Drejtorëve Ekzekutiv të Bankës Botërore ka miratuar sot Projektin për Qasje Gjithëpërfshirëse për Forcimin e Sistemit Shëndetësor në Kosovë (KOMPAS), i cili synon të forcojë kapacitetet institucionale dhe qeverisjen për cilësinë e kujdesit në sistemin shëndetësor të Kosovës.

Në njoftim thuhet se projekti do të mbështesë forcimin e kapaciteteve institucionale, do të rrisë ofrimin e shërbimeve dhe financimin e shëndetësisë dhe do të përmirësojë sistemet e informacionit. Kjo do t’u mundësojë ofruesve të shërbimeve të regjistrojnë dhe ndajnë informacionin thelbësor shëndetësor, duke lejuar monitorimin dhe matjen në kohë reale të performancës së sistemit shëndetësor.

“Ndërhyrjet e projektit do të përqendrohen në përmirësimin e qeverisjes dhe mekanizmave institucionalë për cilësinë e kujdesit, monitorimin, ngritjen e kapaciteteve të profesionistëve të kujdesit shëndetësor dhe koordinatorëve të cilësisë për përdorimin e udhëzimeve klinike, mbështetjen për Inspektoratin Shëndetësor, investimin në infrastrukturën kritike dhe ngritjen e kapaciteteve për gatishmëri dhe reagim të sistemit të shëndetit publik, duke ofruar mbështetje teknike për ndërhyrjet financuese shëndetësore që do të ndihmojnë në zhvillimin e kapaciteteve strategjike për blerje të shërbimeve me cilësi të lartë. Projekti do të mbështesë gjithashtu zhvillimin e një sistemi të integruar të informacionit shëndetësor (IHIS) për të përmirësuar cilësinë e kujdesit ndaj pacientëve”, thuhet në njoftim.

“Ka pasur progres në zhvillimin e kornizës ligjore dhe kushteve të tjera për forcimin e sistemit shëndetësor të Kosovës, por për të përmirësuar cilësinë e përgjithshme të kujdesit për popullatën, themeli i sistemit shëndetësor të Kosovës duhet të forcohet më tej”, tha Massimiliano Paolucci, Menaxher i Bankës Botërore për Kosovën dhe Maqedoninë e Veriut.

Sipas BB-së mbështetja financiare e miratuar nga Bordi për këtë projekt është 18.6 milionë euro (ekuivalente me 20 milionë dollarë), një kredi me kushte koncesionare nga Shoqata Ndërkombëtare e Zhvillimit (IDA), pjesë e Bankës Botërore. Periudha e shlyerjes së kredisë për këtë projekt është 25 vjet, e cila përfshin një grejs-periudhë 5-vjeçare. Pas miratimit nga Bordi i Drejtorëve Ekzekutiv, Qeveria e Kosovës dhe Banka Botërore do të nënshkruajnë një marrëveshje për financimin e projektit, e cila më pas duhet të ratifikohet nga Kuvendi i Kosovës në mënyrë që fondet e projektit të vihen në dispozicion për disbursim për të mirën e qytetarëve të Kosovës. Në fund thuhet se Ministria e Shëndetësisë e Kosovës do të jetë Agjencia Zbatuese dhe do të jetë përgjegjëse për zbatimin e përgjithshëm të projektit.

Vazhdo të lexosh

Lajmet

Shefi i OBSH-së paralajmëron se spitalet në Gaza kanë karburante vetëm edhe për tri ditë

Publikuar

9 orë më parë

më

8 Maj, 2024

nga

Spitalet në jug të Gazës kanë vetëm edhe për tri ditë karburante, që nënkupton se shërbimeve mund t’u vie fundi, tha shefi i Organizatës Botërore të Shëndetësisë.

Drejtori i përgjithshëm, Tedros Adhanom Ghebreyesus shkroi në “X” se mbyllja e kufirit në Rafah ua pamundëson Kombeve të Bashkuara sjelljen e karburanteve. Pa karburante të gjitha operacionet humanitare do të marrin fund.

Ushtria e Izraelit e mori kontrollin e kufirit të Gazës në Rafah./UBTNews/

Vazhdo të lexosh

Lajmet

MPB-ja thotë se procesi i konvertimit të patentë shoferëve fillon nga 10 maji

Publikuar

9 orë më parë

më

8 Maj, 2024

nga

Ministria e Punëve të Brendshme ka njoftuar se nga data 10 maj do të fillojë procesi i konvertimit të patentë shoferëve të lëshuar nga strukturat ilegale serbe në patentë shoferë të Kosovës.

Sipas MPB-së, konvertimi i patentë shoferëve të lëshuar nga strukturat ilegale serbe në patentë shoferë të Kosovës do të zgjasë deri më 9 gusht të këtij viti.

“Të gjithë qytetarët që posedojnë patentë shoferi të lëshuar nga strukturat jo legale serbe mund të aplikojnë për patentë shoferi zyrtar të Republikës së Kosovës përmes aplikimit formularit elektronik në ueb faqen  https://patentshoferonline.rks-gov.net/ apo edhe fizikisht në Qendrën për Pajisje me Dokumente në të gjitha komunat e Kosovës”, thuhet në njoftimin e MPB-së.

MPB-ja njoftoi se në rast të paraqitjes fizike për aplikim në sportelet e Qendrave për Pajisje me Dokumente, qytetarët duhet të posedojnë me vete letërnjoftimin, origjinalin e patentë shoferit të lëshuar nga ana e autoriteteve serbe, certifikatën e gjendjes shëndetësore për pajisje me patentë shofer.

“Certifikata shëndetësore lëshohet nga institucionet shëndetësore të licencuara nga Ministria e Shëndetësisë e Republikës së Kosovës, në tërë territorin e Republikës së Kosovës. Çmimi për certifikatë shëndetësore varion nga kategoria e mjetit për të cilin posedon patentë shoferin dhe atë si në vijim: Për kategorinë B/BE çmimi i certifikatës shëndetësore është njëzetë euro (20.00. Për kategorinë C dhe kategorinë D çmimi i certifikatës shëndetësore është pesëdhjetë euro (50.00€). Dëshmi të pagesës së taksës vlera e së cilës është pesëmbëdhjetë euro (15.00€) dhe origjinalin e patentë shoferit të lëshuar nga UNMIK apo RKS në qoftë se bëhet aplikimi për shtimin e kategorive, gjë e cila po ashtu është mundësuar përmes këtij vendimi të Ministrisë së Punëve të Brendshme”, thuhet në njoftim./UBTNews/

Vazhdo të lexosh

Kronika e zezë

Një muaj paraburgim për vajzën që goditi babanë me mjet të mprehtë

Publikuar

10 orë më parë

më

8 Maj, 2024

nga

Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurës L.J., pasi që dyshohet se ka goditur me mjet të mprehtë babanë e saj. Ngjarja ka ndodhur në Shtime.

Ajo dyshohet për veprën penale lëndimi i lehtë trupor nga neni 185 paragrafi 3 nën paragrafin 3.2 lidhur me paragrafin 1 të Kodit Penal të Republikës së Kosovës (KPRK).

Të martën Policia e Kosovës ka njoftuar për arrestimin e saj, p[asi siç thuhej në raportin 24-orësh, pas një mosmarrëveshje kishte sulmuar babanë e saj.

Në njoftimin e Gjykatës thuhet se pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake, ka vlerësuar se ekziston dyshimi i bazuar, se e pandehura me datë 6 maj 2024, në Shtime.

“Saktësisht në shtëpinë e tyre të përbashkët, me dashje i shkakton lëndime të lehta trupore të dëmtuarit- prindit të saj R.J., si viktimë e ndjeshme për shkak të marrëdhënieve familjare që kanë, në atë mënyrë që pas një fjalosje verbale në mes tyre, pasi që e njëjta kishte kërkuar nga i dëmtuari ta ndërpresë telefonatën me vajzën e tij, e pandehura bëhet nervoz dhe e godet të dëmtuarin në anën e djathtë në pjesën e gjoksit, me një thikë-mjet, me të cilin mund t`i shkaktojë lëndime të rënda trupore ose dëmtim të rëndë të shëndetit, e pasi del në oborr dhe e godet me gurë në pjesë të trupit, i dëmtuari ka marrë tretman mjekësor dhe posedon raport mjekësor nga QKMF në Shtime”, thuhet në njoftimin e Prokurorisë.

Vazhdo të lexosh

Të kërkuara