Sport

Skandal në Francë, abuzime seksuale dhe drogë, tronditet Ligue 1

Denoncimi është bërë publik nga Romain Molin.

Published

4 years ago

November 19, 2021

Betim Gashi

Skandal i përmasave katastrofike në futbollin francez. Nga abuzimet seksuale të 400 futbollistë të rinj, e deri te një rrjet droge, në të cilin është i përfshirë edhe një futbollist i Kombëtares.

Denoncimi është bërë publik nga Romain Molina, gazetari i njohur investigativ, artikujt e të cilit janë publikuar nga Guardian, BBC, CNN dhe New York Times.

Ai zbuloi një pjesë të detajeve të dosjes me të cilën po punon. Akuzat janë të tmerrshme: nga dhuna ndaj të dhjetëra të miturve në akademitë e klubeve të mëdha, mes të cilave edhe skuadra të elitës. Madje, Molina i referohet trajnerëve që kanë punuar të qetë në klube, pavarësisht se ambienti ishte në dijeni të abuzimeve.

Historia vijon me një lojtar i kampionëve të botës në fuqi, që shpërndante substanca narkotike dhe mallra kontrabandë. Gazetari francez ka akuzuar se “një numër i madh i lojtarëve të Paris Saint Germain konsumojnë nargjile edhe përpara ndeshjeve në transfertë, diçka të cilin e transportojnë sa herë që luajnë jashtë fushe”.

Deklaratat tronditëse rrezikojnë të shkatërrojnë plotësisht imazhin e futbollit francez.

Një tjetër fakt i rëndë lidhet me Ferland Mendy të Real Madrid. Lojtari akuzohet se ka dhunuar një femër, të cilës i tregoi organet gjenitale pasi e goditi me shkelma në kokë, duke bërë që ajo të shtrohej në spital me traumë.

Sipas gazetarit Molina, klubi i Lyon-it e fshehu ngjarjen, ashtu si edhe mediat më të mëdha franceze, sepse gjatë asaj periudhe po negociohej shitja e Mendy te gjigandët spanjollë.

Sport

Dardanët në lojë, fillojnë përgatitjet për Eurobasket 2029

Published

4 hours ago

November 26, 2025

UBT News

Kombëtarja e Kosovës në basketboll ka filluar stërvitjet intensive për parakualifikimet e FIBA EuroBasket 2029.

Stërvitja e parë u zhvillua të hënën mbrëma në Palestrën “Sezai Surroi” në Prizren, ku do të zhvillohen të gjitha përgatitjet deri të premten, përpara se ekipi të zhvendoset në Shkodër.

Nën drejtimin e trajnerit Bujar Loci, Dardanët zhvilluan një seancë stërvitore intensive, ndërsa motivimi i lojtarëve ishte maksimal.

Nga dita e martë, ekipit i bashkohen edhe lojtarët Erjon Kastrati dhe Erolt Rrahmani, ndërsa për shkak të lëndimit të Divine Myles, është ftuar Malcolm Armstead si zëvendësim.

Kosova do të përballet me Shqipërinë më 30 nëntor në Shkodër, me fillim nga ora 18:00. Ekipi ynë ndodhet në grup me Shqipërinë dhe Sllovakinë, ku vendi i parë dhe dy më të mirët nga tri grupet do të kualifikohen për fazën tjetër. /A.Z/UBT News/

Sport

Rrahmani e Haraslini kanë nisur ngacmimet për short

Published

1 day ago

November 25, 2025

UBT News

Sllovakia e Kosova do të luajnë mes vete në ndeshjen gjysmëfinale të plejofit për Botërorin 2026 në muajin mars.

Menjëherë pas shortit, Albion Rrahmani e Lukash Haraslin kanë nisur ngacmimet për përballjen që do ta kenë vitin tjetër.

Rrahmani e Haraslin luajnë te skuadra e Spartës së Pragës në Republikën e Çekisë.

Për këtë ka folur Haraslin që të shtunën mbrëma shënoi e asistoi në fitoren 2:1 të Spartës së Pragës në udhëtim te Mlada Boleslav.

Rrahmani ishte titullar dhe luajti deri në minutën e 63-të.

ka deklaruar Haraslin, ka shkruar “Tasr.sk” të dielën.“Kosova është kundërshtare e papërshtatshme. Ata kishin situatë të vështirë në kualifikim dhe shkëlqyen me rezultate. Do të kemi ndeshje të vështirë para nesh, por besoj se ambienti në shtëpi do të na ndihmojë. Kam folur me Albion Rrahmanin. Natyrisht, ngacmimet mes nesh kanë nisur menjëherë pas shortit”,

25-vjeçari Rrahmani në 25 ndeshjet e këtij edicioni ka nëntë gola e dy asistime në të gjitha garat. /A.Z/UBT News/

Sport

Njëri u largua, tjetri erdhi! Qëndrim Kida, trajner i Prishtinës së Re

Published

1 day ago

November 25, 2025

UBT News

Trajneri i njohur kosovar, Qëndrim Kida i është rikthyer zejës së trajnerit, teksa do të udhëheqë klubin e promovuar sivjet në elitë, Prishtinën e Re.

Kështu ka njoftuar klubi nga paralagja e kryeqytetit, duke u shprehur se me të do të shkojnë drejt stabilitetit.

“KF Prishtina e Re njofton opinionin publik, tifozët dhe komunitetin futbollistik se nga sot, Qendrim Kida emërohet Kryetrajner i ekipit të parë. Ky vendim vjen si pjesë e strategjisë sonë të re për konsolidimin e ekipit, rritjen e stabilitetit dhe riformësimin e mentalitetit fitues brenda skuadrës. Klubi beson fuqimisht se me emërimin e Qendrim Kida si Kryetrajner, fillojmë një faqe të re të rëndësishme drejt stabilizimit dhe progresit. Jemi të bindur se me punë, disiplinë dhe bashkëpunim, ekipi do të rikthehet atje ku e meriton. Klubi i uron trajnerit Kida mirë se ardhje dhe shumë suksese në detyrën e re”, shkruan Prishtina e Re në “Facebook”. /A.Z/UBT News/

Sport

Rikthehet Championsi, derbi i madh zhvillohet në “Stamford Bridge”

Published

1 day ago

November 25, 2025

UBTnews

Sonte zhvillohen disa sfida tejet interesante në kuadër të fazës së ligës së Ligës Kampionëve, duke sjellë përballje mes klubeve më të mëdha të Europës. Dita e Champions League hapet në orën 18:45 me dy takime: një përballje klasike mes dy skuadrave me histori, Ajax kundër Benfica, si dhe sfida mes Galatasaray dhe Royale Union SG.

Më pas, në orën 21:00, vëmendja do të zhvendoset te supersfidat e mbrëmjes. Padyshim, kryendeshja është ajo mes Chelsea dhe Barcelona, një përballje mes dy gjigantëve që premton emocione të forta.

Në të njëjtën kohë, Manchester City pret në shtëpi Bayer Leverkusen, ndërsa Juventus udhëton në veri për të luajtur kundër Bodo/Glimt. Takime të tjera me peshë përfshijnë duelin mes Dortmund dhe Villarreal, si dhe përballjen mes Marseille dhe Neëcastle.

Së fundi, Napoli kërkon fitoren kundër Qarabag, ndërsa Slavia Prague do të masë forcat me Ath Bilbao./KP