Sport

Ibrakoviq e nis aventurën te Prishtina me barazim

Me pikët e reja, Prishtina pas 14 ndeshjeve të zhvilluara ngjitet në pozitën e pestë.

Published

5 years ago

November 19, 2021

Betim Gashi

Ka përfunduar ndeshja hapëse e xhiros së 14 në Superligën e Kosovës mes Prishtinës dhe Dukagjinit, ku pas 90’ minutave lojë nuk ka fitues në stadiumin “Fadil Vokrri”.

Kampioni aktual i Superligës, Prishtina nuk ka arritur të sigurojë më shumë se një pikë në ndeshjen kundër Dukagjinit, ku rezultati final i ndeshjes është 0:0.

Pas shkarkimit të Zekirija Ramadanit, dhe emërimit të Abdulah Ibrakoviq si trajner, ky i fundit e nisi aventurën e tij te “Plisat” me barazim.

Me pikët e reja, Prishtina pas 14 ndeshjeve të zhvilluara ngjitet në pozitën e pestë në tabelë me gjithsej 18 pikë të arkëtuara, kurse Dukagjini zë vendin e tetë në tabelë me vetëm 15 pikë, një më pak se Ulpiana që gjendet në vendin e shtatë.

Rezultati final i ndeshjes mes Prishtinës dhe Dukagjinit është i barabartë 0:0.

Vendi

Akil Gjakova mbyll garën pa medalje në Abu Dhabi

Published

14 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

14 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

16 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/