Sport

Situata momentale e pozitës së trajnerit te Manchester United

Pjesa kryesore e bordit së bashku me Sir Alex Ferguson dëshirojnë që t’i japin Solskjaerit edhe një shans tjetër.

Published

5 years ago

October 26, 2021

Betim Gashi

Krerët e Manchester United që nga dita e hëne janë në bisedime të vazhdueshme për të ardhmen e trajnerit Ole Gunnar Solskjaer pas paraqitjes së tmerrshme të klubit në humbjen 5:0 si vendas kundër Liverpoolit.

Pjesa kryesore e bordit së bashku me Sir Alex Ferguson dëshirojnë që t’i japin Solskjaerit edhe një shans tjetër që të jetë në krye të skuadrës në ndeshjen kundër Tottenham.

Pavarësisht kësaj, presioni vazhdon të rritet te Solskjaer pas rezultateve të vazhdueshme jo të mira me Manchester United muajin e kaluar, raporton gazetari i njohur, Fabrizio Romano.

Në anën tjetër, ende nuk ka pasur bisedime zyrtare mes krerëve të “Djajve të Kuq” dhe trajnerit italian Antonio Conte, ku ky i fundit do të dëshironte që ta pranonte detyrën e trajnerit dhe nëse do të ketë ofertë ditëve të ardhshme për të, Conte është shprehur i gatshëm që të marrë timonin e gjigandit anglez.

Po ashtu, Conte gjatë karrierës nuk ka qenë pjesë e stilit të tij që të emërohet trajner i një skuadre gjatë kohës sa është duke u zhvilluar sezoni, por klubi i vetëm që mund ta ndryshojë mendjen e tij është Manchester United.

Ndërsa, sot Ole Gunnar Solskjaer ka qenë prezent në Carrington për seancat përgatitore të ekipit bazë, dhe ai e di që pjesa e kryesore e bordit dëshiron që t’ia dhurojë atij edhe një shans tjetër në ndeshjen kundër Tottenham.

Related Topics:Manchester United Ole Gunnar Solskjaer

Up Next

Ferguson merr pjesë në stërvitjen e United, po përcaktohet e ardhmja e Solskjaer

Don't Miss

Vdiq Walter Smith

Sport

Briken Calja shkëlqen në Taranto, shpallet kampion dhe thyen rekorde

Published

3 hours ago

September 1, 2026

UBTNews

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Lajmet

Islam Selmani i artë, medalja e 7-të për Kosovën

Published

4 hours ago

September 1, 2026

UBTNews

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Sport

Briken Calja i artë në “Taranto 2026”, Shqipëria fiton medaljen e dytë të artë

Published

5 hours ago

September 1, 2026

UBTNews

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Sport

Sigurohet medalja e shtatë për Kosovën, Islam Selmani në finale

Published

6 hours ago

September 1, 2026

UBTNews

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L