Komisioni parlamentar për Bujqësi, Pylltari, Zhvillim Rural, Mjedis, Planifikim Hapsinor dhe Infrastrukturë, ka vizituar Komunën e Suharekës.
Duke e parë gjendjen e krijuar nga zjarret në Komunën e Suharekës si dhe angazhimin institucional nga Komuna, anëtarët e Komisionit Parlamentar për Bujqesi, Pylltari, Zhvillim Rural, Mjedis, Planifikim Hapsinor dhe Infrastrukturë, sot e kanë vizituar Komunën e Suharekës, për t’u informuar lidhur me situatën e shkaktuar nga zjarret si dhe për t’a parë mundësinë e bashkëpunimit në mes të nivelit qendror dhe lokal dhe për menagjimin sa më të lehtë të kësaj situate të krijuar, tash e sa ditë.
Kryetarja e këtij komisioni znj.Fitore Pacolli, së bashku me anëtarët e komisionit, deputetët znj.Albena Reshitaj, z.Salih Zyba si dhe z.Milazim Salijaj, gjatë bashkëbisedimit me nënkryetaren e Komunës znj.Mihrije Suka si dhe me drejtorin e Shërbimeve Publike, njëherit edhe koordinator për emergjenca, tha se vizita jonë është për t’a parë dhe për t’u informuar për së afërmi lidhur me gjendjen e krijuar nga zjarret të cilat po shkaktojnë probleme serioze.
Ndërsa, nënkryetarja znj.Suka, i ka falënderuar anëtarët e komisionit për interesimin dhe për vizitën që ata e bënë në Komunën e Suharekës, si dhe për t’a parë mundësinë e bashkëpunimit ndër instutucional, duke shtura se kryetari Muharremaj është vazhdimisht në terren, në vatrat e zjarrit, duke i’u qëndruar afër zjarrfikësve.
Enver Shabani, drejtori i Shërbimeve Publke, njëkohësisht edhe koordinator i situatave emergjente, e ka njoftuar komisionin në mënyrë profesionale lidhur me situatën e krijuar në Komunën tonë.
Në fund, të gjithë së bashku, kanë dalur në terren, për t’i parë nga afër vatrat e zjarrit dhe për t’i dhënë kurajo zjarrfikësve, të cilët janë në gjendje gatishmërie që nga dita e parë e shfaqjes së zjarrit.
Po ashtu, e kanë vizituar edhe Qendrën e Zjarrfikësve në Suharekë.
Në Parkun Shkencor, Inovativ dhe Teknologjik të UBT-së, Qendra Kosovare për Rehabilitimin e Mbijetuarve të Torturës (QKRMT) në bashkëpunim me UBT, organizoi një takim të veçantë me studentë, i cili u fokusua në prezantimin e librit me rëndësi të madhe dokumentuese “Zëra të Padegjura – rrëfimet e burrave mbi tejkalimin e dhunës seksuale në luftë”.
Gjatë këtij aktiviteti, studentët u njohën nga afër me rrëfimin e Ramadan Nishorit, i cili njihet si i mbijetuari i parë burrë që ka folur publikisht për përvojën e tij dhe që ka ndarë historinë personale në librin “Përtej Dhimbjes, Drejt Guximit”. Ai tregoi rrugëtimin e tij nga plagët e së kaluarës drejt forcës, shërimit dhe shpresës, duke sjellë një perspektivë të rëndësishme mbi stigmat që shpesh e shoqërojnë këtë temë.
Diskutimi u përqendrua në rëndësinë e dokumentimit të përvojave të të mbijetuarve, si një mënyrë e domosdoshme për të ruajtur kujtesën historike, për të ndriçuar të vërtetën dhe për t’i dhënë zë atyre që për dekada janë mbajtur në heshtje. Studentët patën mundësinë të kuptojnë më thellë dimensionet emocionale, sociale dhe njerëzore të këtyre rrëfimeve.
Aktiviteti u mbështet nga Ambasada e Mbretërisë së Bashkuar, duke dëshmuar rëndësinë ndërkombëtare të përpjekjeve për adresimin e traumave të luftës dhe mbështetjen e të mbijetuarve.
Profesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
Profesori i UBT-së fiton grant prestigjioz kërkimor në Universitetin Çarls të Pragës
