Lajmet

Sindikata e Zjarrfikësve letër të ‘zjarrët’ Kryeministrit

Shërbimi i Zjarrfikjes thotë se punojnë në kushte të vështira.

Published

5 years ago

August 4, 2021

UBT news

Sindikata e zjarrfikësve kanë shprehur shqetësimin e tyre lidhur me zjarrin që ka përfshirë disa vatra në Kosovë.

Në letrën drejtuar kryeministrit të Kosovës, Albin Kurti dhe ministrive të linjës, nga Sindikata thonë se shërbimi i Zjarrfikjes dhe shpërthimit që nga paslufta vepron dhe punon në kushte të vështira në të gjitha komunat. Ata kërkojnë që zjarrfikësit dhe të gjitha forcat në teren të mbështeten me të gjitha kapacitetet e mundshme. Po ashtu kërkojnë që të sigurohen mjete financiare për kompensim gjatë mobilizimit në komunat tjera, orarin e tej zgjatur.

“Të shqetësuar me pozitën e vështirë që ka kapluar shërbimin e zjarrfikjës dhe Shpëtimit në të gjitha Komunat e Kosovës edhe një herë ju drejtohemi si përgjegjës të institucioneve më të larta Shtetërore, më shpresë se do të shqyrtohet kjo gjendje e rëndë dhe e pa përballueshme që po na përcjell vite me radhë. Shërbimi i Zjarrfikjes dhe shpëtimit që nga pas lufta vepron dhe punon në kushte mjaft të vështira në të gjitha Komunat e Kosovës, sepse asnjëherë nuk ju dha prioritet në zhvillimin, avancimin dhe përgatitjen, rritjen e kapaciteteve operative emergjente sipas misionit të Zjarrfikjes, shpëtimin e jetës së Njeriut dhe të mirave Materiale, vite me radhë kemi ngrit shqetësimet dhe kemi evidentua te gjitha mangësitë dhe problemet qe ballafaqohen zjarrfikësit e Kosovës sa i përket organizimit dhe përgatitjes për t’u ballafaquar me sfidat të cilat munden te paraqiten në situata emergjente”, thuhet në letrën e sindikatës dërguar institucioneve të vendit.

Veç shqetësimit për zjarrin, ata janë të shqetësuar edhe me problemet që zjarrfikësit janë duke u përballur me vatrat e zajrrit, angazhimet shtesë, orare të zgjatura dhe papërkrahje.

Për çka kanë potencuar se tani është momenti që të kërkohet angazhim dhe përkushtim maksimal i të gjitha institucioneve që zjarrfikësit të trajtohen ashtu siç e meritojnë.

“Tash është momenti qe kërkon angazhim dhe përkushtim maksimal i te gjithëve, por ne te ardhmen institucionet duhet te angazhohen qe shërbimi i zjarrfikjes dhe shpëtimit te trajtohet ashtu siç e meritojnë shpëtimtarët sipas themelimit dhe misionit te Shpëtimit te jetës se njeriut dhe te mirat materiale te shtetit. Me shqetësim jemi duke i përcjell vatrat e zjarrit qe janë duke ndodhur ne vendin tonë, ne këto momente zjarrfikësit edhe pse me kushte te vështira dhe pa mjete adekuate, me te gjitha forcat janë duke dhanë maksimumin qe situata te vihet ne kontroll, por duhet mobilizim dhe angazhim i të gjithë mekanizmave te sigurisë qe situata sa me shpejt te vihet ne kontroll, te ruhet jeta e qytetareve dhe pronat e tyre. Jemi te shqetësuar me problemet qe zjarrfikësit janë duke u përballur me vatrat e zjarrit, angazhimet shtese, me orar te zgjatur dhe pa përkrahje ne teren sa i përket pajisjeve dhe gjithashtu edhe mbështetja me ushqim, zjarrfikësit veprojnë me kushte shumë te vështira dhe gjithsesi duhet te intervenohet ne ketë drejtim. Prandaj nga Kryeministri dhe kabineti qeveritar ne koordinim me komunat e Kosovës urgjentisht te analizojnë situatën e krijuar dhe tu delen ne ndihmë zjarrfikësve te cilët me dite te tëra janë ne luftë me vatra te zjarrit. Qeveria urgjentisht duhet te siguroj mjete financiare shtesë qe zjarrfikësve tu sigurohen kushte ne këto rrethana, është e nevojshme qe te sigurohen edhe pajisje ( shpinore lopata dhe fshesa metalike, dhe pajisje tjera qe do te mund ti përdorin edhe qytetaret vullnetar te cilët janë te gatshëm te kontribuojnë ne situatën e krijuar. Zjarrfikësit dhe te gjitha forcat ne teren duhet te mbështeten me te gjitha kapacitetet e mundshme, duhet gjithsesi qe te sigurohen edhe mjete financiare për kompensim gjatë mobilizimit dhe mobilizimet ne komunat tjera, per orarin e tej zgjatur dhe ne kushte shumë te vështira”, thuhet në letrën e dërguar institucioneve.

Shpresojmë se ky shqetësim i zjarrfikësve te Kosovës do jetë edhe shqetësim për ju dhe do ti merrni shumë seriozisht kërkesat tona, qe te reflektoni pozitivisht ne ketë situatë te renduar qe ka kapluar vendin.

Lajmet

Seanca konstituive e Kuvendit mbahet më 9 shtator

Published

28 minutes ago

September 4, 2026

UBT News

Kryesuesi i seancës konstitutive të Kuvendit të Kosovës, deputeti i Vetëvendosjes, Avni Dehari, ka njoftuar se e ka thirrur vazhdimin e seancës për datën 9 shtator nga ora 11:00

“Si Kryesues i Seancës Konstitutive e kam parë si një lajm të mirë arritjen e marrëveshjes ndërmjet Lëvizjes VETËVENDOSJE! dhe Lidhjes Demokratike të Kosovës. Edhe pse ende nuk ka qartësi të plotë, nëse ekziston numri i nevojshëm i deputetëve për konstituimin e të gjitha institucioneve, kam vendosur që vazhdimin e Seancës Konstitutive ta thërras më 9 shtator, në orën 11:00”, ka shkruar Dehari në Facebook.

Ai ka thënë se deri atëherë pret që kjo marrëveshje të shoqërohet “me përgjegjësi konkrete dhe me gatishmëri të deputetëve për t’i përmbushur detyrimet e tyre kushtetuese.

“Kosova nuk ka nevojë për një tjetër zvarritje, as për një tjetër krizë dhe aq më pak për një proces të ri zgjedhor”, ka shkruar Dehari.

Afati kushtetues për konstituimin e Kuvendit ka përfunduar më 7 gusht. Seanca e fundit për këtë çështje është mbajtur një ditë më vonë, ndërsa prej atëherë nuk është thirrur vazhdimi i saj.

LDK-ja dhe Vetëvendosja arritën marrëveshje që profesori universitar Bekim Sejdiu të jetë kandidati i përbashkët për president. Por kundër marrëveshjes dolën deputetët e LDK-së Avdullah Hoti, Hykmete Bajrami, Kujtim Shala, Janina Ymeri, Armend Zemaj dhe Arben Gashi./A.K/

Lajmet

Marta Kos anulon vizitën në Serbi pas glorifikimit të Ratko Mlladiqit

Published

1 hour ago

September 4, 2026

UBT News

Komisionerja evropiane për Zgjerim, Marta Kos, ka njoftuar se ka vendosur të anulojë vizitën e planifikuar në Serbi, pas reagimeve ndaj glorifikimit të Ratko Mlladiqit pas vdekjes së tij.

Në një postim në platformën X, Kos ka thënë se Mlladiqi ishte dënuar për gjenocid, krime kundër njerëzimit dhe krime lufte.

Ajo ka theksuar se glorifikimi i tij është i papajtueshëm me vlerat evropiane dhe se rruga drejt Bashkimit Evropian kërkon përballje me të kaluarën, pajtim dhe respektim të viktimave të krimeve të luftës.

“Kjo rrugë kërkon përballje me të kaluarën, pajtim të vërtetë dhe respektim të viktimave të krimeve të luftës”, ka deklaruar Kos.

Për këtë arsye, ajo ka vendosur që, në këtë moment, të mos e realizojë vizitën e planifikuar në Serbi./A.K/

Lajmet

Aktakuza e parë për Prekazin: 35 të akuzuarit janë të gjallë

Published

2 hours ago

September 4, 2026

UBTNews

Prokuroria Speciale e Kosovës ka ngritur aktakuzë në Gjykatën Themelore në Prishtinë ndaj 35 të pandehurve për krime lufte në lagjen e Jasharëve në Prekaz. Sipas Prokurorisë Speciale, të gjithë të pandehurit e përfshirë në këtë aktakuzë janë persona të gjallë ndaj të cilëve do të zhvillohet procedura gjyqësore.

Kryeprokurori i Speciales, Blerim Isufaj, në një konferencë për media të mbajtur të premten, ka thënë se aktakuza lidhet me vrasjen e civilëve në lagjen e Jasharëve.

“Rëndësia e kësaj aktakuze është e veçantë dhe për faktin se bëhet fjalë për aktakuzën e parë që lidhet me vrasjen e civilëve në lagjen e Jasharëve në Prekaz”, është shprehur Isufaj, duke thënë se tani i takon Gjykatës që ta vlerësojë aktakuzën dhe provave e paraqitura në të.

Isufaj ka thënë se në këtë rast është punuar me kujdes të shtuar me qëllim që pretendimet e ngritura të provohen para Gjykatës.

Ndërsa prokurori Valdet Gashi, ka thënë se aktakuzë është ngritur pas një pune disavjeçare të Prokurorisë. Ai e ka cilësuar rastin si shumë kompleks.

“Bazuar në provat e siguruara, kemi arritur që ta vërtetojmë dyshimin e bazuar mirë se të pandehurit e përfshirë në këtë aktakuzë kanë kryer veprën penale ‘Krime lufte kundër popullatës civile’, si rezultat i veprimeve të tyre në ngjarjet e datave 5,6 dhe 7 mars të vitit 1998 në fshatin Prekaz i Poshtëm, konkretisht në lagjen e Jasharëve”, është shprehur Gashi. /E.A/

Lajmet

Dogana e Kosovës grumbullon mbi 1.3 miliard euro të hyra, shënohet rritje prej 6 për qind

Published

2 hours ago

September 4, 2026

UBTNews

Dogana e Kosovës ka arkëtuar deri tani 1 miliard e 347 milionë euro, duke shënuar një rritje prej 6 për qind krahasuar me të njëjtën periudhë të vitit të kaluar. Gjatë një vizite në këtë institucion, kryeministri në detyrë, Albin Kurti, e vlerësoi këtë ecuri si dëshmi të përmirësimit të vazhdueshëm të performancës ushtarake dhe administrative të vendit.

Sipas të dhënave zyrtare, për periudhën 2021–2025 rritja mesatare e të hyrave doganore ka tejkaluar gati trefish normën e rritjes ekonomike, me një total prej 8 miliardë e 380 milionë eurosh të mbledhura.

Në kuadër të reformave për lehtësimin e veprimtarisë afariste, është përmbyllur shtetëzimi i terminaleve doganore dhe është zbatuar deklarimi i mallrave para arritjes, masë kjo që ka reduktuar kohën e procesimit të mallrave me rreth 70 për qind. Paralelisht, me vënien në funksion të skanerit në Merdarë dhe avancimin e projekteve si Dritarja e Vetme Kombëtare dhe Tranziti i Përbashkët, institucioni ka forcuar kontrollin kufitar dhe luftën ndaj kontrabandës.

/E.A/