Aktualitet

Siguria kibernetike, Kim: Mbështesim Shqipërinë ndaj kërcënimeve të ardhshme

Sipas saj, ndihma prej 50 milionë dollarësh është vetëm fillimi.

Published

on

Ambasadorja amerikane, Yuri Kim, sot ka siguruar se SHBA-të do të vijojnë të mbështesin Shqipërinë për mbrojtjen kibernetike dhe se ndihma prej 50 milionë dollarësh që shkojnë në këtë sektor, janë vetëm fillimi.

Kim është shprehur se SHBA do punojë krah për krah me Shqipërinë për të siguruar një mbrojtje efektive kibernetike ndaj kërcënimeve të ardhshme.

Kim e ka konsideruar sulmin kibernetik të Iranit ndaj Shqipërisë, si një kërcënim për popullin shqiptar, shkruan Rtsh.

“Sulmet kibernetike të Iranit, ishin dashakeqe dhe janë një kërcënim për popullin shqiptar. SHBA-të nuk do hezitojnë t’i përgjigjen me forcë aktorëve keqdashës kibernetikë kur veprimet e tyre kërcënojnë SHBA-të ose aleatët. Menjëherë pas sulmit të korrikut, SHBA-të ndërmorën veprime për të mbështetur shqipërinë. Sekretari i shtetit dhe këshilltari i sigurisë kombëtare, i përcollën Ramës mbështetjen tonë dhe Shtëpia e Bardhë dënoi ashpër sulmin e Iranit dhe shprehu mbështetjen e plotë për Shqipërinë. Departamenti i Thesarit të SHBA-ve, njoftoi sanksione domethënëse ndaj Ministrisë së Inteligjencës dhe Sigurisë së Iranit, përfshi Ministrin e Inteligjencës. Duke filluar nga muaji korrik, SHBA-të kanë dërguar vazhdimisht pa ndërprerje ekspertët tanë më të aftë të sigurisë kibernetike për të punuar së bashku me homologët shqiptarë. Për të analizuar, identifikuar dobësitë dhe kërcënimet ekzistuese dhe të mundshme, si dhe për të ndërmarrë hapa konkretë për forcimin e sigurisë kibernetike të Shqipërisë, ndaj kërcënimeve të ardhshme”, ka thënë ajo.

Kim ka deklaruar se SHBA-të dhe Shqipëria duhet të identifikojnë mbrojtjen tonë kolektive kundër sulmeve kibernetike dhe reagimin ndaj tyre.

“Ndihma jonë kibernetike arrin në 50 milionë USD në mbështetje të mbrojtjes kibernetike të Shqipërisë. Ne kemi qenë duke punuar bashkë në sektorin e mbrotjes me 25 mln usd mbështetje. Ky është fillimi i asistencës dhe nuk është plotësia e saj. Do bëjmë gjithçka në fuqinë tonë për të siguruar që ju të mbroni veten”, ka thënë Kim.

Bota

Von der Leyen: Evropa duhet të forcojë mbrojtjen, të pranojë Ukrainën në BE

Published

on

By

Presidentja e Komisionit Evropian, Ursula von der Leyen, ka theksuar se Evropa duhet të mbrojë pavarësinë e saj duke rritur shpenzimet për mbrojtjen dhe duke integruar Ukrainën në Bashkimin Evropian.

Ajo ka përmendur katër detyrat kryesore që BE-ja duhet të realizojë për të arritur këto synime, duke përfshirë forcimin e kapacitetit të mbrojtjes, rritjen e inovacionit për rritjen ekonomike, zgjerimin e BE-së dhe forcimin e demokracisë për të mbrojtur shtetet anëtare nga kërcënimet e brendshme dhe të jashtme.

Sipas von der Leyen, një nga arritjet më të mëdha është angazhimi për të ofruar deri në 800 miliardë euro fonde për mbrojtjen, një veprim që, siç tha ajo, ishte i pamundur vetëm pak vite më parë.

Fakti që tani po ofrojmë deri në 800 miliardë euro fonde për mbrojtjen ishte i pamundur vetëm pak vite më parë,” theksoi Presidentja e Komisionit Evropian. “Po e bëjmë këtë sepse duam të mbrojmë paqen me të gjitha forcat tona.

Von der Leyen paralajmëroi gjithashtu se një rend i ri ndërkombëtar do të shfaqet deri në fund të kësaj dekade, dhe se Evropa duhet të luajë një rol aktiv në formësimin e këtij rendi të ri për të shmangur pasojat e tij për kontinentin dhe për botën.

Ajo theksoi se zgjerimi i BE-së është një detyrë kyçe, duke e konsideruar anëtarësimin e Ukrainës, Moldavisë, vendeve të Ballkanit Perëndimor dhe Gjeorgjisë si një hap të rëndësishëm për forcimin e Bashkimit Evropian.

Jam thellësisht e bindur se historia tani po na thërret. Ashtu si në vitin 1989, kur era e ndryshimit përfshiu Evropën,” përfundoi von der Leyen, duke sugjeruar se momenti aktual është një mundësi për ndryshime thelbësore në rajon.

Continue Reading

Bota

Meloni vizitë në Kazakistan, nënshkruhen marrëveshje në vlerën 4 miliardë euro

Published

on

By

Italia dhe Kazakistani kanë nënshkruar një sërë marrëveshjesh me vlerë 4 miliardë euro gjatë një vizite të kryeministres italiane Giorgia Meloni në Astana.

Marrëveshjet ishin në një sërë sektorësh, duke përfshirë naftën dhe gazin, energjinë e rinovueshme dhe menaxhimin e ujit.

Meloni tha se nuk e konsideronte vizitën e saj “thjesht një formalitet, por thelbësor”.

Italia ishte vendi i parë i BE-së që vendosi të investonte në marrëdhëniet me Azinë Qendrore dhe shtetet anëtare të saj individuale, duke krijuar një format të qëndrueshëm për shkëmbimin e ideve”, vazhdoi Meloni.

Kryeministrja italiane shtoi se Samiti BE-Azi Qendrore i mbajtur në prill kishte rritur marrëdhëniet midis rajoneve.

Continue Reading

Bota

Kina: SHBA të shmangë tensionet dhe të ndalojnë shitjen e armëve Tajvanit

Published

on

By

Çështja e Tajvanit është në thelb të interesave themelore të Kinës dhe është vija e parë e kuqe që nuk duhet të kalohet në marrëdhëniet Kinë-SHBA, deklaroi zëdhënësi i Ministrisë së Jashtme kineze, Lin Jian.

Jiang komentoi mbi disa raporte të mediave ndërkombëtare se Uashingtoni synon të rrisë shitjet e armëve në Taipei përtej 18,3 miliardë dollarëve të arritur gjatë mandatit të parë të presidentit Donald Trump.

Pekini kundërshton fuqimisht shitjet e armëve amerikane në rajonin e Tajvanit pasi kjo çon në një përshkallëzim”, theksoi ai.

Shtetet e Bashkuata të Amerikës duhet të shmangin faktorët e rinj të tensionit me ne”, theksoi Jiang./atsh

Continue Reading

Bota

Kina do të rifillojë importet e produkteve të detit nga Japonia

Published

on

By

Kina ka rënë dakord të fillojë procedurat për të rifilluar importet e produkteve të detit nga Japonia, tha një zyrtar japonez të premten, sipas raporteve të mediave lokale.

Të dy vendet kanë rënë dakord për ‘kërkesat teknike për rifillimin e eksporteve të produkteve të detit’ drejt Kinës“, citoi Agjencia e Lajmeve Kyodo Sekretarin e Përgjithshëm të Kabinetit, Yoshimasa Hayashi.

Sipas saj, pritet që Kina të lëshojë gjithashtu një njoftim për lehtësimin e ndalimit të përgjithshëm, i cili është në fuqi që nga viti 2023.

Kina vendosi një ndalim të plotë të importeve të produkteve të detit nga Japonia menjëherë pasi filloi lëshimi i ujit radioaktiv të trajtuar nga centrali bërthamor i dëmtuar në Fukushima, në gusht të vitit 2023.

Ndalimi u vendos për të mbrojtur shëndetin e konsumatorëve dhe për të parandaluar ndotjen e mundshme, shkruan Anadolu.

Në shtatorin e kaluar, Kina ra dakord të rifillojë importet e produkteve të detit nga Japonia me kusht që vende të treta, përfshirë edhe vetë Kinën, të marrin pjesë në monitorimin e shkarkimit të ujit të trajtuar radioaktiv nga centrali i Fukushima-s në det./kosovapress

Continue Reading

Të kërkuara