Lajmet

Si u bë miliarder Berlusconi?

Pra, si fitoi të ardhura kryeministri më jetëgjatë i Italisë që nga Lufta e Dytë Botërore – si dhe një nga më të diskutueshmit?

Published

on

Silvio Berlusconi, ish-kryeministri miliarder i Italisë, vdiq të hënën, duke lënë pas vetes një perandori biznesi. Se a do të ndahet pasuria mes fëmijëve të tij ende nuk dihet. Berlusconi kishte një pasuri neto prej 7.6 miliardë dollarë sipas Bloomberg.

Pra, si fitoi të ardhura kryeministri më jetëgjatë i Italisë që nga Lufta e Dytë Botërore – si dhe një nga më të diskutueshmit?

Manjat i medias

Berlusconi, i cili ishte kryeministër i Italisë për katër mandate, hyri në politikë në moshën 57-vjeçare. Megjithatë para kësaj, ai grumbulloi një pasuri si zhvillues pronash në fund të viteve 1960, para se të bëhej i njohur si manjat i medias.

Në vitet 1970, ai i diversifikoi interesat e tij duke krijuar një kompani kabllore televizive, Telemilano, dhe duke blerë dy kanale të tjera kabllore në Itali.

Në vitin 1978, këto kanale u përfshinë në kompaninë e sapoformuar të familjes së tij, Fininvest. Pikërisht përmes Fininvest, Berlusconi fitoi aksione të mëdha në disa prej firmave të mëdha mediatike evropiane, si dhe AC Milan.

Reuters raportoi se në fund të vitit 2021, Berlusconi zotëronte 61.3% të aksioneve në kompani.

Fininvest është aksioneri më i madh i MediaForEurope, i njohur më parë si Mediaset (MDIUY) – me 48% të aksioneve. Transmetuesi, i cili ka një kapital tregu prej 1.6 miliard euro (1.7 miliard dollarë), operon me kanale televizive komerciale në Itali dhe Spanjë dhe zotëron aksione të mëdha në ProSiebenSat.1 (PBSFF) të Gjermanisë. Fininvest gjithashtu zotëron 53% të aksioneve në Mondadori, botuesi më i madh i librave dhe revistave në Itali.

Fininvest e shiti AC Milanin për 740 milionë euro (796 milionë dollarë) në vitin 2017 pas 31 vitesh pronësi.

Në një postim në Twitter të hënën, klubi tha se është “thellësisht i pikëlluar” nga vdekja e Berlusconit.

Vështirësitë ligjore

Problemet ligjore në të cilat ishte i përfshirë Berlusconi ishin të lidhura ngushtë me çështjet e tij biznesore.

Gjatë gati dy dekadave të tij në politikë, ai u akuzua për të paktën 17 raste, sikurse përvetësim, mashtrim fiskal dhe ryshfet, megjithëse ai gjithmonë i kishte mohuar akuzat dhe shumë nga ato raste u rrëzuan në apel.

Në vitin 2012, një gjykatë e Milanos dënoi ish-udhëheqësin e Italisë për evazion fiskal. Prokurorët zbuluan se Berlusconi, së bashku me drejtuesit e Mediaset, blenë të drejta televizive për filmat dhe më pas i shitën me çmime të fryra. Skema i lejoi të përfshirët të shmangnin një faturë të madhe tatimore, thanë prokurorët.

Çfarë tjetër?

Berlusconi ka pesë fëmijë nga dy martesa. Të gjithë kanë aksione të rëndësishme në Fininvest, por Marina, fëmija më i madh, e ka drejtuar kompaninë që nga viti 2005, dhe ka më shumë gjasa për të marrë kontrollin e perandorisë së biznesit të babait të saj.

Marina dhe Pier Silvio kanë secili 7.7% të aksioneve në Fininvest, ndërsa tre fëmijët e Berlusconit nga martesa e tij e dytë kanë së bashku 21.4% të aksioneve./UBTNews/

Lajmet

​Paga minimale, Murati thërret në takim përfaqësuesit e bizneseve

Published

on

By

Ministri në detyrë i Financave Punës dhe Transfereve, Hekuran Murati ka ftuar përfaqësuesit e komunitetit të bizneseve për të diskutuar çështjen e rritjes së pagës minimale.

Takimi është paraparë të mbahet të enjten prej orës 10:00 në objektin e Qeverisë së Kosovës.

“Në emër tê Ministrit të Financave, Punës dhe Transfereve, z. Hekuran Murati, ju ftojmë tê merrni pjesë nẽ takimin ku do tẽ diskutohet çështja e rritjes së pagës minimale”, thuhet në ftesën e Ministrisë së Financave drejtuar Dhomave dhe Odave Ekonomike në Kosovë.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro. /KP

Continue Reading

Lajmet

Siria njeh Kosovën

Published

on

By

Siria është shteti numër 120 që njeh pavarësinë e Kosovës, ka bërë të ditur presidentja Vjosa Osmani.

Me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, shkruan Osmani në Facebook.

Osmani ka falënderuar presidentin Al Sharaa për vendimin për njohje të Kosovës si dhe për mbështetjen e tij për popullin tonë. Ajo ka falënderuar edhe Princin e Kurorës së Mbretërisë së Arabisë Saudite që e bëri të mundshëm këtë akt historik ndërmjet dy shteteve tona.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë. Tani Kosova njihet nga 120 shtete. Republika jonë po ecë përpara dhe s’ka asgjë që mund ta ndalë”/KP

Continue Reading

Lajmet

​Transporti ajror, Shqipëria shënon rritje të numrit të pasagjerëve

Published

on

By

Transporti ajror vijoi tendencën pozitive edhe gjatë tremujorit të tretë të vitit 2025, duke regjistruar rritje si në numrin e pasagjerëve ashtu edhe në volumin e mallrave të transportuara.

Sipas të dhënave zyrtare të INSTAT-it numri i pasagjerëve ka vijuar të rritet, duke arritur në 3.892.761 gjatë tremujorit të tretë të këtij viti, nga 3.534.751 që ishin në të njëjtën periudhë të vitit të kaluar, një rritje prej 10,1%, raporton ATSH.

Volumi i mallrave, përfshirë postën, që është trajtuar nëpërmjet transportit ajror, ka arritur në 714,3 tonë, prej të cilëve 78,5% janë mallra të hyrë dhe 21,5% mallra të dalë.

Ky tregues ka shënuar rritje 25,1% krahasuar me të njëjtin tremujor 2024, duke reflektuar zgjerimin e aktivitetit ekonomik dhe rritjen e kërkesës për transport ajror të mallrave. Në këtë periudhë kanë operuar gjithsej 31 shoqëri ajrore, nga të cilat 30 janë të huaja dhe vetëm një shqiptare.

Në hapësirën ajrore shqiptare janë realizuar gjithsej 139.923 fluturime, ku 83,6% e tyre përbëhen nga mbikalime./KP

Continue Reading

Lajmet

Kurti i ftuar i nderit në darkën e shtruar nga Qarku Diplomatik i Parisit

Published

on

By

Kryeministri në detyrë i Republikës së Kosovës, Albin Kurti, ishte mbrëmë i ftuar nderi në darkën e shtruar nga Qarku Diplomatik i Parisit, ku të pranishëm ishin personalitete të larta të hallkave diplomatike, politike dhe ekonomike të Francës, njoftojnë përmes komunikatës për media zyra e kryeministrisë.

Në adresimin e tij para të pranishmëve, Kurti thuhet të ketë folur për rëndësinë e solidaritetit dhe bashkëpunimit ndërmjet vendeve demokratike në avancimin e mëtejmë të shoqërive tona dhe në përballje me sfidat e përbashkëta. Ai theksoi nevojën, si dhe rëndësinë, që në rrugëtimin përpara të vendeve evropiane vlerat dhe interesat të ecin gjithmonë bashkë.

Gjithashtu foli për angazhimin dhe vlerën e shtuar të anëtarësimit të Kosovës dhe gjithë Ballkanit Perëndimor në Bashkimin Evropian dhe NATO. Ai tha se anëtarësimi i Ballkanit Perëndimor në Bashkimin Evropian është në vetë interesin ekonomik dhe të sigurisë të Bashkimit Evropian dhe shteteve anëtare të tij. Në këtë drejtim, ai shtoi se u përket atyre që besojnë se zgjerimi i jashtëm i Bashkimit Evropian dhe reformat e brendshme të tij shkojnë krah për krah. Vetëm një Evropë që dëshiron të reformohet nga brenda mund të zgjerohet nga jashtë, dhe vetëm një Evropë që dëshiron të zgjerohet nga jashtë mund të reformohet suksesshëm nga brenda; zgjerimi i jashtëm dhe reformat e brendshme janë njëkohësisht mundësi dhe kushte të njëra-tjetrës”, citohet të ketë thënë Kurti.

Kurti sot merr pjesë në edicionin e tetë të Forumit të Paqes në Paris, me ftesë të Presidentit të Republikës së Francës, Emmanuel Macron./EO

Continue Reading

Të kërkuara