Lifestyle

Si t’i menaxhoni të metat e punës në ekip?

Konflikti brenda ekipit është një sfidë tjetër.

Publikuar

Të gjitha kompanitë sot kërkojnë punonjës, që përshtaten mirë në punën ekipore. Kur ekipi punon bashkë në mënyrë të suksesshme, ata mund të krijojnë zgjidhje inovative, të prodhojnë punë me cilësi të lartë dhe të përfitojnë shumë nga ky mjedis bashkëpunues. E pavarësisht që puna në ekip është më e kërkuara dhe më efikasja, mbesin ende disa sfida me të cilat përballen udhëheqësit e ekipit. Prandaj, Akademi Pune jo vetëm që do t’jua tregojë 14 sfidat më të mëdha, por do t’ju mësojë edhe se si t’i tejkaloni ato.

Nuk kontribuojnë të gjithë njësoj

Një e metë e punës ekipore është sepse jo të gjithë punojnë në nivele të njëjta. Disa anëtarë të ekipit nuk japin ide të reja dhe nuk punojnë aq shumë, ndërsa disa të tjerë janë e kundërta e tyre, duke dhënë po ashtu edhe pozitivitet.

Për ta tejkaluar këtë, është e rëndësishme që të ketë komunikim të shëndosh. Udhëheqësi i ekipit t’i tregojë secilit anëtarë, se ku çalon e këtë ta rregullojnë bashkë.

Udhëheqësit mund të mos i njohin kontributet individuale

Një sfidë tjetër mjaft e rëndë e punës në ekip, është sepse është e vështirë të shihet puna e secilit veç e veç. Edhe nëse e keni bërë punën më të mirë dhe më të madhe, nuk do t’i merrni meritat si individ. Prandaj, është e rëndësishme që lideri ta njohë dinamikën e punës, kështu që do të jetë në vijë të çdo ndërmarrjeje të re në ekip.

Disa personalitete janë sfidë në vete

Konflikti brenda ekipit është një sfidë tjetër. Disa anëtarë mund të jenë jashtëzakonisht persona negativë, mbisundues ose të pasjellshëm. Nëse i mësoni dallimet e personaliteteve, atëherë do të mund ta bëni punën më produktive. Nëse e shihni që vetëm njëri nga punonjësit është duke pasur problem pothuajse me të gjithë atëherë duhet ta adresoni këtë çështje.

Mund të mos i pëlqeni idetë e të tjerëve

Në disa raste puna në ekip nxit bashkëpunim, e në disa të tjera një ide mund të mos ju emocionojë. Kjo është diçka e kuptueshme, prandaj nuk duhet t’i merrni personale nëse dikujt nuk i pëlqen ideja juaj, por të mundoheni të jeni të mirëkuptueshëm dhe të vazhdoni përpara, deri në një ide të re.

Mund të jetë e vështirë ta ndani mendimin tuaj

Disa anëtarë të ekipit mund të jenë më të kenë personalitet më të zëshëm dhe vazhdimisht ta dominojnë bisedën. Nëse zëri juaj mbetet gjatë gjithë kohës nën hije, atëherë mundohuni që të gjeni rrugë të tjera! Shembull, mund t’i dërgoni idetë tuaja me e-mail, t’i prezantoni në një grup më të vogël ose edhe t’ia tregoni menaxherit tuaj. Nxitni veten të flisni edhe nëse jeni person i turpshëm!

Duhet t’i përshtateni afatit të dikujt tjetër

Të punuarit në ekip shpesh sjell konflikte në lidhje me afatet kohore të detyrave. Është e rëndësishme që ekipi të mbaj vazhdimisht takime për t’i treguar shqetësimet e tyre dhe për të parë se çfarë zgjidhjesh mund të bëhen. Në këtë mënyrë, do të krijoni një kalendar që i përshtatet të gjithëve pa pasur nevojë të hyni në konflikt.

Mund të fajësoheni për diçka që nuk e keni bërë

Kur punoni me të tjerët është pothuajse çdo herë e pranishme që të të gjithë mos ta kenë kuptimin e njëjtë të integritetit. Disa mund të tentojnë t’i fshehin gabimet. E nëse jeni lider i ekipit duhet të merrni përgjegjësi për gabimet e të tjerëve, të cilat nuk janë faji juaj. Duhet ta keni parasysh që nëse punoni me integritet kjo juaj ngrit reputacionin.

Mund të mos prodhoni diçka rreth të cilës jeni krenar

Duke qenë se disa nga anëtarët e ekipit mund të mos jenë edhe aq të motivuar, nuk e bëjnë punën me zemër. Kjo bën që rezultati i projektit të jetë diçka për të cilën nuk jeni edhe aq krenar. Është e rëndësishme që të përqendroheni në veprimet tuaja dhe t’ia thoni vetes që ju nuk keni përgjegjësi për veprimet e të tjerëve e as nuk mund t’i kontrolloni.

Mund të ndikoheni nga ndjenjat negative

Disa punonjës mund të sjellin disponim jo shumë të mirë. Një e metë e madhe e punës ekipore është që, të tjerët mund të ndikojnë në moralin dhe produktivitetin tuaj. Shembull: nëse punoni me një punonjës që nuk punon aq shumë, është gjatë gjithë kohës duke bërë thashetheme e duke u marrë me gjëra të tjera negative, kjo është mjaft sfiduese.

Mundohuni që t’i kuptoni edhe ata, mbase po përballen me diçka jo të këndshme në jetë dhe kjo domosdoshmërisht që do të ndikojë tek ata! Mundohuni që të ndikoni tek ata pozitivisht!

Është e vështirë të ndryshohet plani

Puna në ekip nganjëherë do të thotë që është e vështirë të ketë ndryshim pani. Mundohuni që të krijoni mjedis efikas kur mund të ketë komunikim të lirshëm dhe të tregoni që jeni të hapur për t’i dëgjuar të gjitha idetë e reja që ju vijnë anëtarëve!

Disa anëtarë mund të jenë shumë garues

Disa njerëz janë të prirur që të gjitha gjërat t’i marrin si garë, madje edhe në punë. Ata përpiqen që me çdo kusht t’i marrin meritat madje edhe më shumë se çfarë kanë bërë me të vërtetë. Këta në fakt nuk janë lojëtar të mirë të ekipit, sepse janë të përqendruar vetëm në paraqitjen e tyre. Flisni me ta dhe gjeni zgjidhje!

Puna në ekip mund ta reduktojë produktivitetin

Ndonjëherë, skuadrat mund të shkojnë shumë mirë. Mund të jetë sfiduese për të kryer punën, sepse ekipet janë më të përqendruara në shoqërim. Ju mund të përdorni agjendat për t’i mbajtur ekipet të fokusuara dhe për t’u siguruar që të përmbushni gjithçka që dëshironi në një takim.

Mund të jetë më e vështirë të organizohesh

Nëse mbështeteni tek dikush tjetër për përditësime, informacione ose të dhëna të rëndësishme, ndonjëherë mund të jetë e vështirë t’i përfundoni detyrat tuaja në kohë. Organizimi i projekteve dhe aktiviteteve mund të kërkojë më shumë përpjekje kur jeni të shqetësuar për një ekip dhe jo vetëm për veprimet tuaja. Mund t’ju ndihmojë t’i arritni afatet, në mënyrë që të gjithë ta kryejnë pjesën e tyre të një projekti në kohë.

Disa ekipe kanë dinamikë jo të shëndetshme të fuqisë

Disa njerëz supozojnë se janë më të përshtatshëm për të udhëhequr ose se i kanë idetë më të mira. Të barabartët brenda një ekipi mund të kenë pushtet mbi të tjerët edhe nëse nuk janë në një pozicion më të lartë. Është e rëndësishme që ekipet të punojnë së bashku dhe ta mbështesin njëri-tjetrin, në vend që një person të përpiqet të mikromenaxhojë ose kontrollojë veprimet e të tjerëve.

Është më e vështirë të marrësh reagime specifike

Marrja e reagimeve të rralla ose jopersonale mund të jetë një tjetër disavantazh i punës në një ekip. Udhëheqësit mund të mos i kuptojnë kontributet tuaja të veçanta ose përpjekjet që bëni për të përfunduar një projekt. Është e rëndësishme që drejtuesit të kuptojnë proceset dhe detyrat e anëtarëve të ekipit të tyre. Të kuptuarit se si secili po e mbështet të gjithë mund t’i ndihmojë ata të japin lëvdata aty ku e meritojnë dhe të kuptojnë më mirë se si ekipi punon së bashku.

Projekti mund të marrë kohë

Disa pjesëtar të ekipit mund të jenë më të zënë sesa të tjerët, ndërsa disa të tjerë mund të punojnë më ngadalë ose mund t’ju duhet më shumë udhëzim në punën e tyre. Pritja për secilin pjesëtar për ta përfunduar pjesën e tyre nganjëherë krijon frustrim. Nëse e dini që njëri prej tyre është duke pasur vështirësi, mund t’i ofroni ndihmë ose t’i jepni udhëzime për ta përfunduar punën më shpejt.

Mund ta merrni një detyrë që nuk ju përshtatet

Shpesh, ndarja e detyrave në ekipe mund të mos jetë përshtatje e mirë me stilin e punës për disa. Edhe nëse kjo ndodh, është e rëndësishme që ta shfrytëzoni këtë për të mësuar aftësi të reja dhe t’i përdorni ato si mundësi. 

Lajmet

Çka është inteligjenca emocionale?

Inteligjenca emocionale është aftësia për të kontrolluar vetveten dhe emocionet tona, dhe t’i vëmë ato në lidhje me të të tjerëve.

Publikuar

nga

Inteligjenca emocionale është një ndër aftësitë më të mrekullueshme të njeriut, që në fund të fundit na bën të jemi njerëz. Inteligjenca emocionale është aftësia për të kontrolluar vetveten dhe emocionet tona, dhe t’i vëmë ato në lidhje me të të tjerëve.

Në tërësinë e vet, bëhet fjalë për aftësitë e nevojshme për të përballuar marrëdhënie dhe komunikime me të tjerët, kur nga të dy palët përfshihen emocione. Nuk është e lindur dhe nuk bën pjesë tek “karakteri”, si beson shumëkush, por mund të ndërtohet dhe të rritet.

Për shembull, njeriu mund të “stërvitet” të njohë emocionet e veta, si i shpreh dhe cili është efekti i tyre mbi të tjerët. Apo mund të punohet për mënyrën e të shprehurit të emocioneve të forta si zemërimi, në mënyrë të ndryshme nga e zakonshmja (duke mbajtur të ulët tonin e zërit, apo duke folur me një ritëm të ndryshëm). Në këtë mënyrë, ushtrohet autodisiplina dhe rritet vetëvlerësimi.

Një sasi e mirë inteligjence emocionale është e dobishme, si për të bërë të funksionojë marrëdhënia në çift, ashtu edhe marrëdhëniet me miqtë, por edhe për të menaxhuar sa më mirë marrëdhëniet e punës dhe ato sociale në mënyrë të përditshme.

Vazhdo të lexosh

Lajmet

Si ndikon kurioziteti dhe fantazia te fëmijët?

Kurioziteti e nxit fëmijën të njohë dhe zbulojë gjërat që e rrethojnë.

Publikuar

nga

Kurioziteti, dyshimi dhe fantazia, janë tri vetitë më të gjalla të fëmijërisë dhe adoleshencës.

Kurioziteti e nxit fëmijën të njohë dhe zbulojë gjërat që e rrethojnë. E nxit fëmijën të flasë si mami dhe babi.

Dyshimi, është tharma e çdo aktiviteti kritik, e nxit fëmijën të verifikojë atë që ka mësuar, që di dhe thotë, të përsërisë fjalën dhe veprimin, për t’u siguruar që e di saktë apo ka nevojë për përmirësim dhe korigjim.

Fantazia është “magneti” që e tërheq fëmijën, adoleshentin, njeriun, në çdo kohë e në çdo moshë, drejt së panjohurës, dijes dhe të ardhmes.

Kombinimi dhe gërshetimi i këtyre tre vetive, “ndërton” motorin dhe çelësin e vënies në punë të mendjes, të inteligjencës, për të zbuluar e njohur veten dhe universin. Është kjo “treshe” që nxit, zhvillon dhe fuqizon vetëdijen dhe krijon procesin psikik të të menduarit.

Edhe institucioni shkollë, te kjo “treshe” e ka zanafillën dhe të ardhmen, si e ka përdorur dhe do ta përdorë këtë “treshe”.

Vazhdo të lexosh

Lajmet

Historia e Halloweenit, si ka filluar gjithçka?

Halloween ka evoluar në një ditë me aktivitete si shpërndarja e bonboneve, organizimi i ahengjeve, veshja e kostumeve, etj.

Publikuar

nga

Halloweeni është festë e cila mbahet çdo vit me 31 tetor. Tradita e kësaj feste ka origjinën në festivalin antik çeltik të Samhainit, ku njerëzit ndiznin zjarre dhe vishnin kostume për t’i mbajtur larg fantazmat.

Çeltikët, të cilët kishin jetuar para 2 mijë viteve, kryesisht në zonën që tani njihet si Irlandë, por edhe në Francë, e kishin festuar vitin e ri më 1 nëntor.

Kjo ditë e kishte shënuar fundin e verës dhe fillimin e dimrit të ftohtë e të errët, periudhë e vitit e cila shpeshherë ishte ndërlidhur me vdekje të njerëzve.

Çeltikët kishin besuar se një natë para vitit të ri, kufiri mes botës së të gjallëve dhe të vdekurve mjegulloset. Natën e 31 tetorit e kishin festuar Samhainin, duke besuar se fantazmat e të vdekurve riktheheshin në tokë.

Në shekullin e tetë, Papa Gregory III e kishte dizajnuar 1 nëntorin si kohë për t’i nderuar të gjithë shenjtorët.

Shumë shpejt, Dita e Të Gjithë Shenjtorëve kishte filluar t’i inkorporonte disa tradita nga festivali Samhain.

Nata para kësaj dite ishte njohur si Dita në Prag të Shenjtërit, dhe më vonë si Halloween.

Me kalimin e viteve, Halloween ka evoluar në një ditë me aktivitete si shpërndarja e bonboneve, organizimi i ahengjeve, veshja e kostumeve, etj.

Halloweeni në Amerikë

Festimi i Halloweenit ka qenë shumë i kufizuar në Anglinë e kolonizuar, por ka qenë më i zakonshëm në Maryland dhe në kolonitë jugore.

Me kohën kishte filluar të krijohej versioni amerikan i Halloweenit. Festiemt e para kishin përfshirë ahengje me lojëra, ndarje të historive, këndim, vallëzim, etj.

Në mes të shekullit 19-të, festivalet vjetore të vjeshtës kishin qenë të zakonshme, por Halloweeni ende nuk festohej anembanë vendit.

Në gjysmën e dytë të shekullit 19-të, Amerika ishte mbushur me emigrantë të rinj. Këta emigrantë, e posaçërisht miliona irlandezë, kishin ndihmuar ta popullarizonin festën e Halloweenit.

Amerikanët i shpenzojnë rreth 6 miliardë dollarë në vit për festën e Halloweenit, duke e bërë atë festën e dytë më të madhe komerciale pas Krishtlindjeve.

Vazhdo të lexosh

Lajmet

​Cila është temperatura ideale e dhomës në vende të ndryshme?

Në pjesë të ndryshme të botës, temperaturat mesatare të dimrit në apartamente ndryshojnë ndjeshëm, duke rezultuar në zakone të ndryshme të banorëve.

Publikuar

nga

Ekspertët botërorë thonë se temperatura ideale për dhomën e ndenjes është nga 20 në 23 gradë Celsius, ndërsa në kuzhinë duhet të jetë pak më e ulët – rreth 19, në dhomën e gjumit nga 17 në 20 dhe në banjë nga 16 në 19 gradë.

Në pjesë të ndryshme të botës, temperaturat mesatare të dimrit në apartamente ndryshojnë ndjeshëm, duke rezultuar në zakone të ndryshme të banorëve.

Britania e Madhe – 15 gradë

Turistëve u pëlqen të tregojnë histori për shtëpitë e ftohta angleze dhe dy çezma me ujë të nxehtë dhe të ftohtë, pllaka guri të nxehta nën çarçafë që ngrohin shtretërit dhe shumë gjëra të tjera specifike. Shumica e tyre janë të vërteta pasi britanikët nuk kanë frikë nga i ftohti dhe duan të kursejnë para. Shtëpitë ngrohen me gaz dhe temperatura mesatare në dhomat e tyre është 15 gradë Celsius. Banjat janë të ftohta – vetëm 10 gradë.

Francë – 16,6 gradë

Francezët nuk janë të çmendur as pas ngrohjes dhe shumica e shtëpive kanë ngrohje qendrore. Kur bën ftohtë, drejtuesit e ndërtesave ndezin ngrohjen për ata që jetojnë në apartamente dhe faturat e tyre janë mjaft të larta.

Japonia – 10 gradë

Pavarësisht dimrave të ftohtë me temperatura që shkojnë nën zero, Japonia nuk ka ngrohje qendrore. Kjo është arsyeja pse kur vjen dimri, japonezët ndezin radiatorët, radiatorët e naftës, batanijet elektrike dhe “kotatsu” – një tavolinë me ngrohje japoneze.

Spanja – 17.7 gradë

Në Spanjë kanë ngrohje qendrore, por jo kudo. Ata që jetojnë në ndërtesa e shijojnë ngrohtësinë vetëm nga shtatë deri në dhjetë të mbrëmjes (kur të gjithë kthehen nga puna). Ndërkohë përdorin radiatorë elektrikë.

Rumania – 20 gradë

Rumunët kanë ngrohje qendrore që funksionon me gaz. Për shkak të rrjedhjeve të rrezikshme të gazit në vitet ’90, në shumicën e shtëpive njerëzit preferojnë të kenë kaldaja e tyre në bodrume.

Holanda – 16 gradë

Në Holandë, çdo bllok banesash ka sistemin e vet të ngrohjes me gaz. Të gjithë i ndezin radiatorët kur i përshtaten, por kostot e ngrohjes janë mjaft të larta. Fatura mesatare mujore arrin në 200 euro dhe çdo dush kushton rreth 50 centë. Kjo është arsyeja pse holandezët preferojnë apartamente më të freskëta dhe zakonisht ngrohin vetëm dhomën e ndenjes dhe kuzhinën.

SHBA – 20 gradë

Në shtetet e ftohta amerikane ngrohen kryesisht me gaz. Ngrohja ndizet kur shumica e qiramarrësve e duan dhe pyesin pronarin e pronës.

Republika Çeke – 18 gradë

Në Republikën Çeke kanë ngrohje qendrore, por njerëzit që jetojnë atje thonë se shtëpitë e tyre janë të ftohta. Kjo është arsyeja pse ata zakonisht kanë variante shtesë.

Gjermani – 17.2 gradë

Në Gjermani është e ngjashme me Holandën. Sistemi i ngrohjes është kryesisht i vendosur në bodrumin e ndërtesës dhe gjermanët e marrin parasysh se kur dhe sa do të ngrohen pasi nuk duan të shpenzojnë shumë para për të gjatë dimrit.

Rusia – 25 gradë

Mund të tingëllojë paradoksale, por banorët e një prej vendeve më të ftohta në botë e adhurojnë ngrohtësinë. Kur jashtë është ftohtë, është verë në apartamentet ruse dhe ju mund të ecni me pantallona të shkurtra dhe një bluzë.

Hungaria – 19 gradë

Hungarezët ngrohen me gaz. Fatura mesatare mujore për një apartament me dy dhoma është rreth 60 euro. Shtëpitë e vjetra kanë ende soba me dru.

Danimarka – 18 gradë

Danezët kanë ngrohje qendrore, por është jashtëzakonisht e shtrenjtë dhe mund të arrijë në 4.000 euro në vit. Kjo është arsyeja pse shtëpitë kanë kryesisht oxhaqe dhe përdorin dru për sezonin e ngrohjes.

Itali – 17.2 gradë

Ngrohja në Itali është e ngjashme me Spanjën – dimrat janë të ngrohtë, por apartamentet janë shumë të ftohta, pasi ngrohja është e shtrenjtë. Italianët flenë me pizhame të ngrohta dhe ndezin radiatorët për pak kohë në shtëpi.

Vazhdo të lexosh

Të kërkuara