Lifestyle

Si të zgjidhni verën më të mirë?

Vera dhe ushqimi duhet gjithnjë të plotësojnë njëra tjetrën.

Published

2 years ago

January 2, 2023

UBT news

Që ta shijoni verën deri në gllënjkën e fundit duhet ta njohësh mirë atë, që nga ngjyra, shija, intensiteti. Por sigurisht, kjo është më e lehtë për t’u thënë sesa për t’u bërë.

Rregulli numër një: vera dhe ushqimi shkojnë bashkë

Harrojeni rregullin që e bardha shkon me peshkun dhe e kuqja me mishin. Kombinimi perfekt është që pas çdo gllënjke vere, goja duhet të qëndrojë e pastër në mënyrë që të vazhdosh të shijosh ushqimin me të cilin po e shoqëron.

Vera dhe ushqimi duhet gjithnjë të plotësojnë njëra tjetrën. Elementi kryesor që duhet vlerësuar tek vera dhe ushqimi janë struktura dhe intensiteti i tyre. E thënë më thjeshtë është sa zgjat shija e tyre në gojë, që duhet të jenë pothuajse të njëjta.

Ndiq shijen dhe instiktin

Të gjithë shijet janë të mira dhe e drejta për të zgjedhur një verë të re që nuk e njihni është totalisht e përligjur.

Çfarëdo që të zgjidhni do të jetë një eksperiencë e mirë që do t’ju shërbejë për kombinime të tjera në të ardhmen.

Ngjyra më kafe nga ç’duhet

Kur vera ekspozohet ndaj ajrit, merr një ngjyrë më kafe. Kur vera e kuqe oksidohet, humbet pak nga ngjyra e saj e kuqe e ndezur dhe fillon të anojë pak nga ngjyra kafe.

Ndërkohë që tek verërat e vjetra, si tek e bardha dhe e kuqja, ky është një fenomen natyral dhe i pritshëm. Por nëse vera juaj është e re -vetëm 1 ose 2 vjeçare, mund të jetë shenjë se vera është ekspozuar shumë ndaj ajrit.

Kjo do të thotë se ose shishja ka qëndruar e hapur për disa ditë ose problemi mund të ketë ndodhur në kantinë gjatë procesit të mbushjes.

Vera ka flluska, kur nuk duhet të ketë

Kur vera pritet të jetë e qetë dhe ka flluska, kjo është një shenjë se një lloj fermentimi po ndodh në shishe. Çka është një gjë aspak e mirë.

Kërkoni një shishe tjetër, por nëse dhe shishja e dytë ka të njëjtin problem, atëherë është koha të provoni një verë të një marke tjetër.

Nëse jeni në shtëpi dhe kjo është e vetmja shishe vere që keni, nuk ju mbetet gjë tjetër veçse të shijoni një verë me gaz.

Mban erë të ndenjur

Këto aroma janë të lidhur me tapën. Kjo është një shenjë që tapa ka pasur myk, i cili është rritur akoma më shumë deri në atë pikë saqë ka lëshuar një kimikat të njjohur si TCA në tapë.

Myku mund të ikur, por sërish sasi të vogla të TCA mund të lëshjojnë shije të këqija në verë. Kjo mund të ndryshojë nga shishja në shishe, kështu që pyesni për një shishe të re nëse mundeni.

Nëse shishja e fundit vinte era tapë, shishja e re do të shijojë krejtësisht ndryshe. Nuk është fundi i botës nëse vera ka shije tape, por në varësi të shijes së fortë ose jo, kjo mund të jetë një eksperiencë jo dhe aq e mirë e shijimit të verës.

Vjen si erë farmaceutike

Nëse vera mban era ilaçe atëherë ka një problem me verën. Zakonisht ky është rezultat i një majaje që quhet brettanomyces ose ‘brett’ dhe është tregues i higjenës së dobët në kantinë, por mund të vijë dhe nga vetë rrushi.

Vjen si era uthull

Ky është tregues që bakteret e acidit acetik kanë qenë në punë në verën tuaj duke shkaktuar një defekt të njohur si aciditeti i paqëndrueshëm. Ky aciditet mund t’i shtojë kompleksitetin verës dhe mund të jetë një gjë e mirë, por nëse ajo dominon, atëherë ndikon për keq.

Megjithatë nuk shkakton problem konsumi i saj, gjithsesi tek njerëzit e ndjeshëm mund të shkaktojë një ndjesi djegëse.

Vera nuk ka aromë

Kjo mund të jetë për shkak se vera është shumë e ftohtë ose ka nevojë për pak ajër. Ngroheni gotën me dorë ose tundeni pak që të marrë më shumë ajër.

Nëse edhe pas disa minutash sërish nuk ka asnjë aromë, atëherë vetë vera nuk ka shumë aromë. Shpjegimi tjetër mund të jetë dhe tapa, e cila nuk është në gjendje të marrë mjaftueshëm aromë nga vera, por jo aq sa të mbajë era tapë./AgroWeb.org

Lifestyle

Cila është ora më e mirë për t’u zgjuar në fundjavë?

Published

3 days ago

May 23, 2025

Albina Zeneli

Fundjavat janë koha ideale për t’u çlodhur dhe për t’u rikuperuar nga lodhja e javës.

Megjithatë, ora kur zgjohemi gjatë fundjavave mund të ndikojë ndjeshëm në energjinë dhe humorin tonë. Ja disa këshilla për të vendosur një orar ideal zgjimi që balancohet mes pushimit dhe produktivitetit.

Dëgjoni trupin tuaj

Fundjavat janë një mundësi për të dëgjuar nevojat e trupit tuaj. Nëse jeni shumë të lodhur, mund të jetë e shëndetshme të flini pak më gjatë se zakonisht. Mos e teproni—gjumi i tepërt mund të prishë ritmin cirkadian dhe të shkaktojë ndjenjë letargjie.

Zgjohuni në të njëjtën orë si gjatë javës

Nëse është e mundur, përpiquni të mbani një orar të qëndrueshëm zgjimi edhe në fundjavë. Kjo ndihmon trupin tuaj të ruajë një ritëm të rregullt dhe përmirëson cilësinë e gjumit gjatë gjithë javës. Një ndryshim prej 1–2 orësh nga ora juaj normale e zgjimit është i pranueshëm.

Ora ideale për t’u zgjuar

Nëse zgjoheni në 07:00, fundjava është mundësi për të zgjatur gjumin deri 08:30–09:00. Për ata që ndihen më energjikë dhe produktivë herët, zgjimi rreth orës 07:30 edhe në fundjavë është optimal. Nëse preferoni një qasje më relaksuese, zgjohuni rreth 08:00–09:00, duke i dhënë kohë trupit të rigjenerohet.

Kujdes me zgjimin vonë

Të zgjohesh pas orës 10:00 mund të prishë ciklin e gjumit e ndikon në ndjesinë e energjisë gjatë ditës. Për më tepër, mund të jetë më e vështirë të bini në gjumë herët të dielën, duke e bërë më sfiduese nisjen e javës së re.

Shfrytëzoni kohën e lirë në mëngjes

Një mëngjes i qetë në fundjavë mund të jetë koha e duhur për aktivitete relaksuese, si joga, leximi, ose një shëtitje me qenin tuaj. Këto aktivitete do t’ju ndihmojnë të nisni ditën me energji dhe pozitivitet.

Ora më e mirë për t’u zgjuar në fundjavë varet nga rutina dhe nevojat personale, por një rregull i përgjithshëm është të mbani një balancë mes pushimit dhe disiplinës. Zgjimi mes orës 07:30–09:00 është ideal për shumicën e njerëzve.

Lifestyle

Çfarë bëjnë ndryshe njerëzit e suksesshëm? Sekreti që fshihet në zakonet e vogla

Published

3 days ago

May 22, 2025

Albina Zeneli

A është suksesi një mister i madh, apo një grumbull zakonesh të vogla që përsëriten çdo ditë.

Nuk ka një formulë të vetme, por një gjë është e qartë: njerëzit që ndërtojnë rrugën drejt suksesit nuk presin motivimin – ata mbështeten te rutina.

Në dukje e thjeshtë, por e fortë: kjo është forca e zakoneve të përditshme. Zgjohet herët, vendosin kufij të qartë, kanë një mënyrë të tyre për të menaxhuar stresin dhe nuk lënë vend për vendime spontane kur bëhet fjalë për mirëqenien.

Por ndoshta më e rëndësishmja, dinë të zgjedhin më mirë, sidomos në ato momente kur tundimi për t’u kthyer te “e vjetra” është më i fortë se logjika.

Në jetën reale, këto momente duken ndryshe për secilin prej nesh. Stresi në punë pas një takimi të vështirë. Një trafik i pafund që shteron durimin. Një dalje me miqtë ku rutina merr përparësi ndaj zgjedhjes. Janë këto çaste — të vogla, të përsëritshme, ndonjëherë të padukshme që formojnë drejtimin tonë.

Psikologët i quajnë “mikro-zgjedhje”. Në praktikë, janë vendime të vogla që përcaktojnë nëse jemi në linjë me versionin më të mirë të vetes, apo thjesht po përsërisim një zakon që nuk na shërben më.

Për shumë të rritur që ndodhen në këtë udhëkryq të zakonshëm, të vazhdojnë me të njëjtën rutinë apo të provojnë një alternativë më të përshtatshme — zgjedhja për të kaluar nga cigaret tek një teknologji si IQOS është bërë pjesë e këtij transformimi. Jo si një vendim i madh, por si një zakon i ri që përputhet më shumë me identitetin e tyre dhe zgjedhjet më të mira.

Nëse sheh përtej fasadës së arritjeve, njerëzit e suksesshëm nuk janë perfektë por të vetëdijshëm.

Ata zëvendësojnë zakone që nuk përputhen më me vlerat e tyre, qoftë një mënyrë reagimi, mënyrë pushimi, apo edhe zgjedhje që dikur dukej e padëmshme, por tani ndjehet e tepërt.

Në fund, suksesi nuk vjen gjithmonë me fanfara. Ndonjëherë, lind në heshtje, kur zgjedh diçka ndryshe nga dje.

Një zakon i ri. Një mënyrë tjetër për të filluar ditën. Ose thjesht një vendim i vogël që përputhet më shumë me ty.

Dhe ndoshta, aty ku fillon edhe transformimi i vërtetë.

Lifestyle

Rrudhat rreth syve: Çfarë po i përshpejton më herët se që duhet?

Published

3 days ago

May 22, 2025

Albina Zeneli

Shfaqja e rrudhave rreth syve varet nga mënyra e jetës, abuzimi me makijazhin, nga mbajtja e lentave të kontaktit dhe ndikimi i rrezeve ultravjollcë.

Me kalimin e moshës këmbkat e patës (rrudhat e vockla, si pezhishkë në cepat e jashtme të syve, që formohen kur buzëqeshim apo picërroj më sytë) bëhen të përhershme dhe nuk na trishtojnë më. Thellësia e këtyre rrudhave varet nga mënyra e jetesës.

Po të kaloni shumë kohë jashtë në mot të kthjellët, i picërroni shpesh sytë. Njerëzit, që punojnë me klientë, duhet të buzëqeshin më tepër.

Sa më shumë t’i stërvitni këta muskuj, aq më të fortë bëhen ata dhe sa më të fortë të jenë muskujt, aq më shumë do t’i thellojnë rrudhat.

Shfaqja e rrudhave varet dhe nga abuzimi me makijazhin dhe nga mbajtja e lentave të kontaktit; sa më shpesh ta prekni aq më shumë tërhiqet lëkura, duke humbur kështu elasticitetin shumë më herët se në mënyrë të natyrshme.

Veç këtyre rrudhave të mimikës, ka dhe të tjera, më të imta, nën sytë. Kur dhe ku shfaqen ato, kjo varet nga gjenet dhe niveli i veprimit të diellit.

Ç‘mund të bëhet?

Atë, që do t’ju them tani, me siguri e keni dëgjuar me qindra herë. Lëkura ka nevojë për përkujdesje të vazhdueshme.

Ndryshimi midis lëkurës së mbajtur me kujdes dhe asaj të lënë pas dore duket menjëherë.

Nuk ka kuptim të shpenzoni para për operacion, nëse nuk keni ndërmend të kujdeseni për lëkurën tuaj.

▪ Përfytyrojeni veten yll kinemaje dhe bëjeni zakon të mbani gjithmonë syze dielli, të përdorni kozmetikën dhe kremra me filtër dielli, që nga marsi në tetor.

▪ Tregohuni të vëmendshëm me lëkurën e butë rreth syve. Kur i tërhiqni dhe i fërkoni zonat delikate, e bëni lëkurën të humbë elasticitetin. Kur e hiqni kozmetikën, mos i fërkoni fort sytë dhe bëni kujdes gjatë makijazhit.

▪ Zbuteni lëkurën me kremrame vitamina A dhe C, krem anti-rrudhë. Sipas studimeve, këta përbërës ndihmojnë përtëritje natyrore të lëkurës.

Rrezet ultravjollcë

Mbani mend mirë: formimi i rrudhave të cekëta apo të thella kushtëzohet kryesisht nga ndikimi i rrezeve ultravjollcë të tipit A. Ato çajnë përmes reve dhe xhamave të dritareve dhe janë goxha aktive edhe në mot të vranët.

Rrezet e tipit B e nxijnë lëkurën, madje e djegin atë. Ato shkaktojnë dhe kancerin e lëkurës, duke sjellë si pasojë plakjen e parakohshme.

Faktori SPF, që shënohet në ambalazhin e kremit, është shkalla e mbrojtjes nga rrezet e tipit B. Për rrezet e tipit A ende nuk është gjetur një sistem gradacioni i pranueshëm. Kërkoni te kutia e, paketimit “mbrojtja nga rrezet UVA”.

Mos blini krem enkas për sytë. Përdorni të njëjtin krem, si për fytyrën, edhe për sytë, veçse në sasi më të vogël.

Shumica e kremrave për sytë nuk janë tjetër veçse krem fytyre i holluar. Ç’është e vërteta, disa përmbajnë kollë, e cila pengon rrjedhjen e kremit në sy (lexoni shënimet tek etiketa e ambalazhit).

Lifestyle

Ja dhjetë filmat që mund t’i (ri)shohësh në këtë ditë me shi

Published

1 week ago

May 17, 2025

Albina Zeneli

Ditë me shi, kokoshka dhe kjo listë që duhet ta bësh ‘save’ për të gjetur filmin që të pëlqen. Ecim se kemi rrugë para!

“Fallen Angels” (1995)

Ky film ofron një aspekt poetik të jetës së vetmuar dhe të ndërlikuar në Hong Kong, përmes historive të ndërthurura të një vrasësi me pagesë dhe një vajze introverte. Filmi eksploron izolimin urban dhe dëshirën për lidhje emocionale.

“Perfect Days” (2023)

Një pastrues tualetesh në Tokio gjen bukuri në rutinën e përditshme e momentet e vogla të jetës. Filmi është reflektim i ngrohtë dhe meditues mbi thjeshtësinë dhe pranimin.

“Blue Velvet” (1986)

Një i ri zbulon një botë të errët nën sipërfaqen e qetë të qytetit të tij të vogël, duke u përfshirë në një histori të rrezikshme pasioni dhe dhune. Ky film nga David Lynch eksploron anën e fshehtë të dëshirës dhe perversitetit.

“Paris, Texas” (1984)

Një burrë i humbur rikthehet në jetë pas një periudhe të gjatë mungese dhe përpiqet të rindërtojë marrëdhënien me djalin e tij. Një rrugëtim prekës i vetëzbullimit dhe faljes nëpër rrugët e zbrazëta të Amerikës.

“Paths of Glory” (1957)

Gjatë Luftës së Parë Botërore, një oficer francez lufton kundër padrejtësisë kur tre ushtarë të pafajshëm përballen me pushkatim. Stanley Kubrick sjell një kritikë të ashpër ndaj absurditetit të luftës dhe autoritetit ushtarak.

“Aftersun” (2022)

Një vajzë kujton pushimet e fëmijërisë me babain e saj, kupton boshllëqet e misteret e marrëdhënies. Një film i ndjerë dhe melankolik për kujtimet, rritjen dhe dhimbjen e fëmijërisë së humbur.

“The Dreamers” (2003)

Tre të rinj në Parisin e trazuar të 1968 eksplorojnë seksualitetin, kinemanë dhe revolucionin përmes një lidhjeje të ndërlikuar emocionale dhe erotike. Një film provokues që ndërthur pasionin politik me dëshirat personale.

“Little Miss Sunshine” (2006)

Një familje udhëton me furgon për të ndihmuar vajzën e vogël të marrë pjesë në një konkurs bukurie. Një komedi e ëmbël e prekëse që flet për rëndësinë e mbështetjes familjare dhe pranimit të vetes.

“Beautiful Boy” (2018)

Një baba përpiqet të kuptojë e ndihmojë djalin adoleshent që lufton me varësinë nga droga. Një histori e dhimbshme dhe reale për dashurinë prindërore dhe betejat me varësinë.

“Lost in Translation” (2003)

Dy të huaj në Tokio krijojnë lidhje në një moment të zbrazëtie personale e kulturore. Filmi trajton ndjenjat e vetmisë, humbjes së identitetit e intimitetit të përkohshëm.