Kulturë

Si të zgjedhni fjalët e duhura për të përshkruar vetën në CV?

Sipas US News duhen më pak se 20 sekonda për punëdhënësin për ta vendosur bazuar në CV-në tuaj.

Published

3 years ago

on

Hapi i parë përmes të cilit do ta krijoni përshtypjen e parë te punëdhënësi potencial është CV-ja. Sipas US News & World Report, duhen më pak se 20 sekonda për punëdhënësin për ta marrë një vendim bazuar në CV-në tuaj. Çfarë do të thotë kjo? Janë disa fjalë “kyçe” që kërkohen nga çdo punëdhënës e disa të tjera që nuk mund t’i tolerojnë.

15 fjalët që duhet t’i përdorni

Sipas një gjetje të CareerBuilder, të bërë me 2201 profesionistë të burimeve njerëzore, rekruterë dhe punëdhënës, këto janë 15 fjalët që duhet t’i përfshini në CV-në tuaj.

E arritur

Kjo përdoret sidomos në pjesën e përvojës së punës. Punëdhënësit duan të dinë se çka mund t’i ofroni kompanisë dhe kjo fjalë e përshkruan më së miri. “E arritur” është fjalë e cila iu tregon punëdhënësve që keni pasur sukses në të gjitha detyrat e kaluara.

Përmirësuar

Kjo fjalë tregon që e keni bërë diferencën në kompaninë ku keni punuar më parë. Shembull mund të thoni “Efikasitet i përmirësuar të punëve administrative përmes digjitalizimit të sistemit”. Kjo nuk tregon vetëm që keni arritur diçka, por edhe i tregon aftësitë që i keni përdorur për ta arritur atë.

Trajnuar/mentoruar

Këto fjalë janë edhe më të kërkuara kur aplikoni për pozita menaxheriale, udhëheqëse ose këshillues për të tjerët. Shembull, “I kam trajnuar 15 shankistë për të punuar me makinerinë e re të ‘cappuccinos’”.

Menaxhuar

Si fjalët paraprake edhe kjo fjalë e veprimit që tregon aftësi për t’i udhëhequr të tjerët. Përpiquni të përfshini edhe numra të njerëzve që i keni menaxhuar.

Krijuar

Kjo fjalë tregon që jeni në gjendje të bëni më shumë sesa thjesht të ndiqni urdhëra, pra mund të konstruktoni diçka dhe ta vendosni në jetë. Kjo fjalë tregon pavarësi dhe vetëmotivim.

Zgjidhur

Punëdhënësit e duan dikë i cili është në gjendje që t’i njohë dhe t’i zgjidhë problemet. Përdorni këtë fjalë për ato pozita të cilat konsiderohen si “më të larta”, por po aq mirë munden edhe punonjësit me pozita të zakonshme.

Vullnetarizëm

Kjo fjalë tregon që jeni në gjendje ta ofroni ndihmën tuaj në ekip, edhe nëse ajo punë nuk lidhet drejtpërdrejt me ju. Pra, merrni edhe iniciativa.

Ndikuar

Punëdhënësit i duan po ashtu ata punonjës të cilët janë bindës për gjëra të mira në kompani.

Marrje/dhënie

Përcaktoni më anë të sasisë suksesin tuaj! Përfshini numra për të treguar se si u keni ndihmuar kompanive tjera për të kursyer para, për të fituar donacione apo edhe për të arritur suksese tjera. Shembull “Kemi krijuar një buxhet të ri i cili ka rezultuar në uljen prej 10% të shpenzimeve të zyrës, ose e kemi rritur numrin e donacioneve për 15% për mes iniciativave të reja.”

Ide

Kreativiteti është një gjë tjetër që e kërkojnë punëdhënësit, në këtë mënyrë do të jeni në gjendje të sillni zgjidhje të reja në tavolinë. Shpjegoni se si ideja juaj i ndihmoi kompanisë për të arritur suksese! Kjo i tregon edhe aftësitë tuaja për të deleguar.

Lansuar

Kjo fjalë tregon që do të jeni në gjendje që me sukses t’i përfundoni projektet. Pavarësisht nëse keni lansuar ndonjë aplikacion, e dizajnuar ndonjë ëebfaqe etj.

Përfituar

Punëdhënësi po ashtu dëshiron ta dijë se si në kompaninë në të cilën keni punuar keni dhënë vlera. Një mënyrë për ta bërë këtë është të treguar të ardhurat që i keni sjellur në kompani, pra paratë. Mundësisht përdorni numra!

Nën buxhet

Gjersa kompanitë duan të dinë që jeni në gjendje t’u sillni para, gjithashtu duan të dinë nëse jeni në gjendje t’u ruani para. Përmendi ndonjë rast!

Fituar

Si fjalët tjera të ngjashme edhe kjo i tregon punëdhënësit që keni qenë të suksesshëm në punët e mëparshme. Nëse keni fituar ndonjë mirënjohje apo çmim, mos ngurroni ta përmendni!

15 fjalët që duhet t’i shmangni

Më i miri

Shmangni klishetë dhe frazat e turpshme si kjo në CV!

I pari

Edhe kjo është një klishe tjetër, nëse e përmendni në rastet pa e përmendur ndonjë rast specifik, kur njëmend keni dalur i pari.

Mendoj jashtë kornizave

Kjo është ndoshta fjala që më së shpeshti e dëgjojnë punëdhënësit edhe pse mund të mos ju duket. Edhe këtë mund ta zëvendësoni me një shembull, apo me fjalë të tjera si “krijuar”, “konceptualizuar”, “zhvilluar”.

Sinergjia

Sinergjia mund të duket si term në modë, por kjo fjalë edhe mund t’i irritojë punëdhënësit. Pse të mos thoni “bashkëveproj” ose “bashkëpunoj” me departamentet tjera?

Urdhërues

Pak e pasjellshme apo jo? Epo mos e bëni këtë gabim! Nëse jeni person i cili ka deleguar detyra ose të tjerët e kanë marrë gjithmonë mendimin tuaj, mund të përdorni terma tjerë, ose edhe të jepni shembuj për këtë. Përshkrimi është më i mirë së komentimi.

Shtues vlerash

Kjo i bën punëdhënësit të mendojnë sikur jeni person që mburret gjatë gjithë kohës.

Prodhues rezultatesh

Ja edhe një tjetër frazë e thatë! Argumentoni ju lutemi!

Lojtar ekipi

Të gjithë e thonë këtë, duke qenë se të gjithë e dinë se sa e rëndësishme është në kompanitë e sotme kjo aftësi. Po si ta dijë punëdhënësi që jeni vërtetë ashtu?!

Punëtor i palodhur

Të gjithë punonjësit lodhen një ditë, shto këtu që askush nuk e beson që një punonjës mund të punojë me të njëjtin ritëm pa u lodhur asnjëherë. Sikur është më mirë të tregoni raste kritike kur është nevojitur puna juaj e palodhur?

Mendimtar strategjik

Nëse e paraqisni veten si dikush i cili mendon, kjo mund të nënkuptojë si dikush që vetëm mendon por nuk ndërmerr diçka.

Dinamik

Kjo fjalë më shumë e përshkruan personalitetin tuaj sesa etikën e punës apo aftësitë. Është intervista ajo që ia jep mundësinë punëdhënësit ta shoh energjinë që keni.

I vetëmotivuar

Edhe kjo është një fjalë e ngjashme si fjala paraprake. Do të ishte më mirë sikur ta përmendni ndonjë projekt që e keni arritur, por e keni bërë në mënyrë vullnetare.

I orientuar ndaj detajeve

Mos! Ky është gabimi më i shpeshtë që e bëjnë aplikuesit. A e dini pse? Sepse ata e shkruajnë këtë e në ndërkohë kanë plot gabime në CV.

Pika e fundit

Çka pika e fundit? Kjo është shpesh një frazë e paqartë, rastet në të kaluarën do ta qartësonin më shumë. /Akademi Pune

Related Topics:
Continue Reading

Kulturë

Atraksionet turistike më të rrezikshme në botë

Published

4 days ago

on

January 6, 2026

By

Gjithandej në botë ka vende e objekte që tërheqin vëmendjen e turistëve. Por, shumë prej këtyre vendeve paraqesin edhe rrezik për ata që i vizitojnë.

Kemi sjellë këtu një listë të 20 atraksioneve më të rrezikshme në botë, bazuar në numrin e vdekjeve për 100,000 vizitorë:

1. Mont Blanc (Francë / Itali) – 500 vdekje

2. Matterhorn (Zvicër) – 342.9 vdekje

3. Rruga North Yungas (Bolivi) – 168 vdekje

4. Mali Kilimanjaro (Tanzani) – 20 vdekje

5. Mali Everest (Nepal) – 20 vdekje

6. Salar de Uyuni (Bolivi) – 6.2 vdekje

7. Deti i Vdekur (Izrael) – 5.6 vdekje

8. Ben Nevis (Mbretëria e Bashkuar) – 4.6 vdekje

9. Parku Kombëtar North Cascades (SHBA) – 3.3 vdekje

10. Pylli i Amazonës (Brazil) – 3.1 vdekje

11. Mali Fuji (Japoni) – 2.3 vdekje

12. Parku Kombëtar Komodo (Indonezi) – 1.8 vdekje

13. Picos de Europa (Spanjë) – 1.7 vdekje

14. Kanioni Colca (Peru) – 1.7 vdekje

15. Mali Washington (SHBA) – 1.6 vdekje

16. Blue Hole (Egjipt) – 1.6 vdekje

17. Liqeni Piru (SHBA) – 1.4 vdekje

18. Mali Snowdon (Mbretëria e Bashkuar) – 1.4 vdekje

19. Lumi Colorado (SHBA) – 1.1 vdekje

20. Parku Kombëtar Mount Aspiring (Zelanda e Re) – 1 vdekje

Burimi: Traveller’s Elixir

Continue Reading

Kulturë

12 nga serialet më të mira televizive për t’i parë këtë janar

Published

5 days ago

on

January 5, 2026

By

Janari nis fuqishëm në botën televizive, duke sjellë rikthime të shumëpritura, histori të reja plot tension dhe emra të mëdhenj të ekranit. Nga rikthimi i dramës mjekësore të vlerësuar me çmime të HBO-së te një paraprirës i ri i Game of Thrones dhe misteri më i fundit i Harlan Coben në Netflix.

The Night Manager

Pas gati një dekade, adaptimi i vlerësuar i John le Carré rikthehet me një sezon të dytë që hap një kapitull të ri për Jonathan Pine. Tom Hiddleston dhe Olivia Colman rikthehen në role kyçe, ndërsa historia zhvendoset nga hijet e Londrës në Kolumbi. Edhe pa autorin origjinal, ADN-ja e le Carré mbetet e fortë – aq sa një sezon i tretë është porositur tashmë.

Premiera e serialit “The Night Manager” do të jetë më 1 janar në BBC One në Mbretërinë e Bashkuar dhe më 11 janar në Prime Video në nivel ndërkombëtar.

Run Away

Netflix vazhdon aleancën e suksesshme me Harlan Coben. Run Away sjell një histori të errët familjare, ku zhdukja e një vajze hap një rrjet gënjeshtrash, droge dhe vrasjesh. James Nesbitt udhëheq kastin në një thriller tipik Coben: i shpejtë, emocional dhe plot kthesa.

“Run Away” do të shfaqet premierë më 1 janar në Netflix ndërkombëtarisht.

The Pitt

Një nga surprizat më të mëdha të vitit të kaluar kthehet më intensive se kurrë. Sezoni i dytë i The Pitt zhvillohet në kohë reale, gjatë një dite të vetme pune, në 4 korrik. Noah Wyle shkëlqen në një rol të rënduar nga trauma, ndërsa seriali vazhdon të trajtojë mjekësinë pa filtra dhe pa romantizëm.

Premiera e “The Pitt” do të shfaqet më 8 janar në HBO Max në SHBA.

His & Hers

Një vrasje në një qytet të vogël, dy bashkëshortë të larguar dhe dyshime që shkojnë përtej profesionit. Tessa Thompson dhe Jon Bernthal përballen në një thriller psikologjik të bazuar në romanin e Alice Feeney, ku e vërteta personale dhe ajo kriminale përplasen vazhdimisht.

“His & Hers” do të shfaqet premierë më 8 janar në Netflix ndërkombëtarisht.

Industry

Sezoni i katërt i Industry rindërton veten pas shpërbërjes së Pierpoint. Me ndikime nga thrillerët erotikë dhe konspirativë, seriali zhytet edhe më thellë në botën toksike të financës globale, ku ambicia nuk njeh kufij.

Hijack

Pas avionit, tani një tren. Sezoni i dytë e vendos Sam Nelson në Berlin, mes një kërcënimi të ri dhe dyshimesh që bien mbi të vetë. Tensioni mbetet arma kryesore e këtij thrilleri që luan me idenë e fajit dhe manipulimit.

Hijack do të shfaqet premierë më 12 janar në Apple TV ndërkombëtarisht.

Agatha Christie’s Seven Dials

Një shtëpi fshati, një vdekje misterioze dhe sekrete që ziejnë pas dyerve të mbyllura. Adaptimi i ri i Agatha Christie sjell Helena Bonham Carter dhe Martin Freeman në një histori që i qëndron besnike frymës së autores: intime, elegante dhe plot dyshime.

“Shtatë Dials” e Agatha Christie-s shfaqet premierë më 15 janar në Netflix ndërkombëtarisht

Ponies

Emilia Clarke largohet nga dragonjtë për Moskën e vitit 1977. Ponies është një thriller spiunazhi me dy protagoniste gra, të nënvlerësuara dhe pikërisht për këtë – të rrezikshme. Një histori hakmarrjeje dhe mbijetese në zemër të BRSS.

Premiera e “Ponies” do të jetë më 15 janar në Peacock në SHBA.

A Knight of the Seven Kingdoms

Ky paraprirës i Game of Thrones është më intim, më tokësor dhe më i përqendruar te personazhet. Dunk dhe Egg sjellin një perspektivë të re të Westeros, larg intrigave të mëdha, por jo pa aksion dhe emra të njohur.

Premiera e “A Knight of the Seven Kingdoms” do të jetë më 18 janar në HBO dhe HBO Max në SHBA dhe më 19 janar në Sky Atlantic në Mbretërinë e Bashkuar.

The Beauty

Një virus që e kthen bukurinë në armë. The Beauty është ekzagjerim, satirë dhe thriller në stilin karakteristik të Ryan Murphy-t. Me Evan Peters, Rebecca Hall dhe Ashton Kutcher, seriali synon të provokojë po aq sa të argëtojë.

Premiera e serialit “The Beauty” do të jetë më 21 janar në Hulu në SHBA dhe më 22 janar në Disney+ në Mbretërinë e Bashkuar.

Shrinking

Komedia e Apple TV+ kthehet më e thellë emocionalisht. Harrison Ford dhe Jason Segel përballen me humbjen, sëmundjen dhe lidhjet njerëzore, në një serial që di të qeshë pa e humbur ndjeshmërinë.

Shrinking do të shfaqet premierë më 28 janar në Apple TV ndërkombëtarisht.

Bridgerton

Sezoni i katërt zhvendos fokusin te Benedict Bridgerton dhe një romancë në stilin e Hirushes. Intriga shoqërore, sekrete dhe romancë mbeten formula fituese e Netflix.

Bridgerton do të shfaqet premierë më 29 janar në Netflix ndërkombëtarisht.

Continue Reading

Lajmet

Aktorja e njohur e viteve të 90-ta duket e panjohur në Los Angeles

Published

7 days ago

on

January 3, 2026

By

Aktorja e njohur e viteve të 90-ta, Penelope Ann Miller, është shfaqur thuajse e panjohshme gjatë një daljeje të rrallë në Los Angeles.

61-vjeçarja u pa duke mbajtur një profil të ulët në Beverly Hills, larg vëmendjes së zakonshme mediatike.

Miller u bë e famshme në fillim të viteve të 90-ta dhe ka ndërtuar një karrierë të pasur në film, televizion dhe teatër, shkruan DailyMail.

Ajo ka luajtur role të spikatura në filma si Awakenings, përkrah Robin Williams dhe Robert De Niro, Kindergarten Cop, The Relic, si dhe në serialin American Crime, që i solli një nominim për çmimin Primetime Emmy. Në teatër, ajo është nominuar dy herë për çmimin Tony për rolet në Our Town dhe All My Sons.

Në jetën personale, Miller ka folur hapur për lidhjen romantike që pati dikur me Al Pacino, me të cilin luajti edhe në filmin ikonë Carlito’s Way (1993).

Në një intervistë të asaj kohe, ajo deklaroi se nuk ishte e turpëruar për këtë marrëdhënie dhe se Pacino kishte ndikuar thellë në jetën e saj emocionale.

Aktorja është e martuar që nga viti 2000 me James Patrick Huggins, me të cilin ka dy vajza. Ajo ka treguar se e njeh bashkëshortin e saj që nga adoleshenca dhe se familja mbetet sot prioriteti i saj kryesor, larg shkëlqimit të vazhdueshëm të Hollywood-it./EkonomiaOnline/

Continue Reading

Lajmet

Beyonce shpallet miliardere

Published

7 days ago

on

January 3, 2026

By

Beyoncé është shpallur miliardere nga Forbes, duke e bërë atë muzikanten e pestë që i bashkohet njerëzve më të pasur në botë.

Ylli amerikan i është bashkuar një grupi elitar muzikantësh me pasuri 10-shifrore, raporton Forbes, përfshirë Taylor Swift, Rihanna, Bruce Springsteen dhe bashkëshortin e saj Jay-Z, të cilët revista e biznesit i rendit si me një pasuri neto prej 2.5 miliardë dollarësh, shkruan BBC.

Më parë këtë muaj, Forbes vlerësoi pasurinë neto të Beyoncé-s në 800 milionë dollarë dhe parashikoi se ajo do të kalonte pragun e miliarderes për herë të parë pas viteve të suksesit.

Turneu i saj botëror Renaissance 2023 fitoi gati 600 milionë dollarë, duke e bërë atë një nga ikonat më të mëdha të muzikës pop në botë së bashku me Taylor Swift. Beyoncé prodhoi një film të performancës në koncert, i cili ishte turneu i saj i parë solo në shtatë vjet, dhe e shpërndau atë direkt nëpërmjet një marrëveshjeje me rrjetin e teatrit AMC, i cili e pa atë të fitonte gati gjysmën e të ardhurave globale prej 44 milionë dollarësh.

Albumi i saj i vitit 2024, Cowboy Carter, i cili feston dhe kontekstualizon rrënjët e zeza të muzikës country, u prit me vlerësime kritike dhe fitoi çmimin e albumit të vitit në Çmimet Grammy – hera e parë që Beyoncé fitoi çmimin prestigjioz, pavarësisht se u nominua katër herë.

Forbes vlerëson se turneu Cowboy Carter – i cili përfshinte paraqitje të ftuar nga Jay-Z, dy nga tre fëmijët e tyre dhe ish-anëtarët e grupit Destiny’s Child – grumbulloi gjithsej më shumë se 400 milionë dollarë në shitje biletash dhe 50 milionë dollarë të tjerë në mallra të shitura në shfaqje.

Ndërsa turneu theu rekorde biletash në stadiumin Tottenham Hotspur në Londër dhe Stade De France në Paris, ai u shoqërua me shitje të ngadalta biletash me promotorët që ulën disa çmime në një përpjekje për të mbushur vendet.

Megjithatë, ishte bileta me çmimin më të lartë nga çdo artist që vizitoi Mbretërinë e Bashkuar në vitin 2025, me 950 paund, ndërsa më e lira kushtonte 71 paund.

Një shfaqje speciale në pushim për ndeshjen e parë të NFL-së të Netflix-it për Ditën e Krishtlindjeve mblodhi rreth 50 milionë dollarë, përveç 10 milionë dollarëve për një sërë reklamash të Levi’s, tha Forbes./EkonomiaOnline/

Continue Reading

Të kërkuara