E thënë shkurt, empatia është aftësia për t’i kuptuar ndjenjat dhe emocionet e njerëzve të tjerë. Empatia në vendin e punës është aplikim i ndjeshmërisë së përgjithshme dhe disa njerëz nuk mund ta imagjinojnë veten duke vepruar ndryshe nga kjo.
Kjo nuk është diçka që lidhet me moralin, prandaj mos u shqetësoni nëse nuk i perceptoni natyrshëm emocionet e atyre që ju rrethojnë! Mirëpo, empatia është diçka e cila mësohet. Sipas një studimi nga Universiteti i Miçiganit, studentët sot janë 40% më pak empatikë, sesa studentët e kolegjit të viteve 1980 dhe 1990.
Empatia në vendet e punës
Një studim nga Businessolver për emaptinë në vendet e punës, tregon që 82% e CEO-ve kanë pohuar se një vend pune empatik ka ndikim pozitiv në paraqitjen e biznesit, motivimin e punonjësve dhe rritjen e produktivitetit. Ndërsa, 76% e punonjësve u pajtuan që një organizatë emaptike frymëzon më shumë motivimin për punonjësit.
4 mënyra për t’u bërë empatikë që ta përmirësoni vendin tuaj të punës
Psikologja dhe ekspertja e emocioneve në vendet e punës, Marcia Reynolds nxit 4 hapa që duhet të bëhen për të krijuar empati.
Qëndroni të qetë
Nëse truri juaj vazhdimisht mendon edhe gjërat më pak të rëndësishme, është e vështirë që të ndaleni dhe të shihni se çfarë po ndodhë përreth jush në vendin e punës. E kur ndodhë kjo, kur jeni kaq “të zënë” dhe stresoheni, do t’i harroni edhe ndjenjat tuaja e lëre më të tjerëve.
Nëse arrini të mendoni edhe për familjen, miqtë dhe të dashurit tuaj, përveç punës, do të arrini që edhe punën ta kuptoni në mënyrën e shëndetshme. Kështu që, çdo ditë, ndaloni merrni frymë, ose bëni një shëtitje në drekë vetëm për ta pastruar kokën. Kjo qetësi ju ndihmon që ta kuptoni se çfarë mendoni dhe ndjeni vërtetë.
Shikoni po aq mirë sa edhe dëgjoni
Dëgjimi nuk do të thotë që të dëgjosh fjalë, por t’i kuptosh ato që po thuhen. E po aq sa dëgjimi i rëndësishëm është edhe të shikuarit. Ai është kritik për ta krijuar empatinë për të tjerët, sepse gjuha e trupit shpesh mund të tregojë më shumë për atë që njerëzit mendojnë dhe ndjejnë, sesa fjalët e tyre.
Për ta krijuar këtë empati duhet që t’i vëzhgoni kolegët, shefat dhe raportet e drejtpërdrejta për t’i kuptuar ata drejt. P.sh., nëse njëri nga kolegët në kushte normale ecën drejt dhe i përshëndetë të gjithë, por një ditë ecën i kërrusur dhe kolegët i kalojnë pa i përshëndetur, atëherë mund të thoni që ai/ajo sot nuk është mirë sepse nuk është vetvetja.
Por si mund të krijoni ndjeshmëri në vendin e punës nëse të gjithë punoni nga shtëpia, ose ekipi juaj është i shpërndarë në disa vende? Përdorimi i video -konferencave mund t’ju ndihmojë të shikoni dhe dëgjoni kolegët tuaj. Disa njerëz i rezistojnë idesë së video konferencave, sepse nuk ndihen rehat para kamerës. Kjo është e kuptueshme, por ky siklet mund t’i ndihmojë të gjithë të kuptojnë njëri-tjetrin më mirë.
I rëndësishëm është po ashtu edhe toni juaj i zërit kur flisni me njëri tjetrin, në vend që të flisni me email, ose shërbime të tjera të mesazheve. Kjo ju ndihmon që të krijoni ndjeshmëri, sepse e kuptoni se çfarë po mendon dhe ndjen kolegu juaj, nëse jo plotësisht, të paktën i njihni ato pak më mirë.
Pyesni veten se çfarë po ndjeni
Duhet që t’i kuptoni ndjenjat tuaja fillimisht për t’i kuptuar ndjenjat e të tjerëve. Nëse pyesni veten si po ndihem pasi e mora një përgjegjësi tjetër të madhe? Atëherë të njëjtën mund ta zbatoni te të tjerët. Nëse të njëjtën detyrë e merr edhe dikush tjetër atëherë do të arrini që ta kuptoni se si po ndihet ai/ajo gjatë kësaj kohe. Kështu që, nuk do ta paragjykoni, por edhe do të mund t’i ndihmoni duke krijuar lidhje më të fortë me të.
Provoni instinktet tuaja për t’u bërë empatikë
Pasi ta keni menduar rastin e kolegut ose koleges tuaj që ka marrë një projekt intensiv dhe i keni menduar ndjenjat tuaja, pasi e keni marrë një detyrë të ngjashme, ju dëshironi që ta kuptoni nëse ai ose ajo po ndihet njësoj.
Pse keni nevojë që ta dini këtë?Nëse është thjesht diçka e keqe atëherë ajo duhet harruar, por nëse tashmë keni njohuri për projektin dhe tashmë keni shoqëri, atëherë kontrollimi i punës bashkë me të do t’iu ndihmojë që ta mbështesni.
Prandaj, afrohuni te kolegu apo kolegia që ka marrë atë projekt dhe thoni “Sapo kam dëgjuar që ke marrë projektin e ri. Kjo është diçka shumë e madhe! Unë do të ndihesha e tronditur paksa nga kjo, por gjithashtu shumë e emocionuar. Ti si po ndihesh?”
Pavarësisht nga përgjigja ju jeni atje për ta mbështetur. Urojeni atë dhe ofroni çdo ndihmë që mund t’ia jepni! Nëse thotë që këtë e ka bërë edhe më herët, atëherë thuaj që keni besim të ajo dhe nuk është çudi që ai projekt aq i madh i është dhënë atij/asaj!
Por nëse ndodhë plotësisht e kundërta, ata shpërthejnë në vaj duke thënë që ai projekt po i humbet mundësi në punë dhe po i mban larg nga familja, atëherë është koha që të shfaqni ndjeshmëri. Qëndroni afër për të folur me të, por pa i shtyrë më shumë, kjo sjellje krijon vend pune më pak të këndshëm dhe empatik./Akademi Pune
Aktualitet2 months ago
Rajoni3 months ago
Rajoni3 months ago
Lajmet3 months ago