Shëndeti

Si të mbroni shëndetin tuaj nga akulloret e kontaminuara me baktere

Published

4 years ago

on

Pas një hulumtimi mbi kontamiminin e akulloreve nga disa baktere të dëmshme, shqetësimi mbi këtë çështje ditët e fundit është në rritje.

Megjithëse rreziku që vjen nga akulloret e pasigurta ose të kontaminuara është shumë më i vjetër se kaq.

Një kupë me akullore të freskët mund të kontaminohet në shumë mënyra dhe të kthehet në një kërcënim për shëndetin.

Këto rreziqe mund të vijnë direkt nga përbërësit me sëmundje si qumështi, veza e të tjerët, por edhe nga baktere që krijohen në moment dhe higjiena e pakët.

Një nga problemet më të mëdha që i kanoset akullores dhe konsumuesve të saj është mënyra që si ajo përgatitet e serviret.

Këto dy procese sipas ekspertëve të sigurisë ushqimore janë shumë të lidhura me njëra tjetrën.

Si kontaminohet akullorja me baktere?

Bakteret janë një nga problemet e padukshme të cilat shpërndahen nga ushqimi të cilat mund të shkaktojnë efekte negative në shëndet.

Sipas ekspertëve të sigurisë ushqimore pranë The Food Safety Project dhe AKU, çfarë i përhap më së shumëti bakteret e ushqimit ose patogjenët është higjena e dobët.

Në rastin e akulloreve të freskëta kujdesi duhet të fillojë që para se akullorja të fillojë të përgatitet.

Vetë prodhuesi i akullores mund ta kontaminojë atë që në procesin e përgatitjes së saj ose të përzgjedhjes së produkteve me anë të prekjes ose veshjes së papërshtatshme.

Praktikat e gabuara dhe higjena e dobët përfshijnë përdorimin e makinerive, enëve, duarve, pecetave apo materialeve të tjera të kontaminuara me baktere ose thjesht të pa lara.

Ky rrezik shtohet edhe kur një prodhues nuk i dezinfekton siç duhet dhe pas çdo përdorimi mjetet me të cilat punon.

Çfarë e shkakton rritjen e baktereve tek akulloret?

Bakteret mund të dyfishohen në numër çdo 20 minuta nëse kushtet ku ato veprojnë janë të përshtatshme.

Kjo do të thotë nëse ushqimet në fjalë janë të lagështa, të ngrohta dhe qëndrojnë për një kohë të gjatë në këto kushte.

Akulloret përmbajnë shumë proteina gjë që i bën vatër të zhvillimit të baktereve, ndonëse ato nuk janë një ushqim i ngrohtë.

Nga an tjetër disa patogjenë që gjenden tek këto produkte mund të rriten edhe mes temperaturave 5 – 63 gradë C .

Si të mbroni shëndetin tuaj?

Duke qenë se këto baktere nëse merren në nivele të mëdha mund të çojnë në infektim të gjakut me baktere dhe të jenë fatale.

Gjithashtu kanë edhe pasoja të tjera më të lehta në shëndet që përfshijnë helmimin nga ushqimi, infeksionet e lëkurës dhe çlirimin e toksinave në trup nga bakteret.

Sigurohuni që të blini vetëm në vende të sigurta dhe të pastra e higjienike. Tregohuni të kujdesshëm për mënyrën e ruajtjes së tyre por edhe nëse e shihni që akulloret janë të dyshimta në pamje dhe shije mos e konsumoni./AgroWeb.org

Related Topics:
Continue Reading

Shëndeti

Pse trangujt janë ushqim ideal në ditë të nxehta?

Published

4 days ago

on

July 11, 2025

By

Nuk ka të bëjë vetëm me ujin dhe freskinë. Trangujt ndihmojnë në tretje, mbrojnë zemrën, mbështesin shëndetin e lëkurës dhe kockave dhe gjithashtu mund të kontribuojnë në humbjen e peshës.

Ja përfitimet më të njohura të konsumit të rregullt të tyre.

Hidratim i thellë dhe zëvendësim i lëngjeve

Me 96 përqind ujë, trangujt janë shtesë e shkëlqyer për hidratim, veçanërisht gjatë sporteve ose në ditët e nxehta kur trupi humbet lëngje shtesë.

Tretje më e mirë dhe e rregullt

Fibra me përmbajtje të lartë uji lehtëson lëvizjet e zorrëve dhe studimet kanë lidhur konsumin e rregullt me një rrezik të reduktuar të kapsllëkut dhe mbështetje për florën e shëndetshme të zorrëve.

Ato kontribuojnë në humbjen e peshës

Ato kanë pak kalori dhe, falë ujit dhe fibrave që përmbajnë, ndihmojnë me ndjesinë e ngopjes, duke i bërë ato një mundësi të shkëlqyer për njerëzit që duan të zvogëlojnë marrjen e kalorive, nxisin shëndetin e zemrës dhe rregullimin e presionit të gjakut

Janë të pasura me kalium, i cili balancon natriumin, dhe flavonoidet ndihmojnë në qetësimin e proceseve inflamatore dhe uljen e kolesterolit, gjë që rezulton në mbrojtjen e enëve të gjakut dhe zemrës.

Continue Reading

Shëndeti

Pesë ushqimet që mund të hani pa u shëndoshur

Published

4 days ago

on

July 11, 2025

By

Nëse ushqehesh keq është e pamundur të largosh kilogramët e tepërt vetëm nëpërmjet aktivitetit fizik. Kur vjen puna tek rënia nga pesha, ushqimet që hani janë shumë herë më të rëndësishme se palestra.

Kjo ndodh se pjesa më e madhe e dhjamit akumulohet nga yndyrnat e pashëndetshme,  mësoni më shumë për ushqimet që ju ngopin por nuk ju shëndoshin.

Vezët

Janë ushqim i shkëlqyer për rënie, të pasura me ushqyes e përmbajnë pak kalori. Janë të pasura me proteinë, hekur, vitamina e minerale, mund t’i konsumoni në mëngjes për një vakt ngopës, por edhe në drekë. Për këtë vakt mund t’i zieni vezët dhe t’i shoqëroni me sallatë jeshile ose sallatë me patate.

Frutat e pyllit

Këto fruta përmbajnë sasi të mëdha të fibrës dhe shumë pak sheqer në krahasim me frutat tjera, manaferrat dhe boronicat përmbajnë antioksidantë dhe vitamina që ju mbajnë në formë dhe eliminojnë inflamacionin. Ato mund t’i shoqëroni me kos, tërshërë apo sallata.

Arrorët

Karbohidratet e mira janë të rëndësishme, gjenden tek farat dhe arrorët që janë të pasur me larmi ushqyesish. Përfshihen yndyrnat e mira, vitamina e minerale të rëndësishme.

Kosi

Kosi pa yndyrë dhe i zënë në shtëpi është i pasur me kalcium, kalium dhe proteina, për më shumë shije dhe vlera atë mund ta konsumoni me arra ose fruta pylli. Kosin pa shumë yndyrë mund ta hani në çdo vakt dhe pa u shqetësuar për peshën.

Patatet e embla

Patatet e ëmbla mund të gatuhen në shumë mënyra dhe nuk bëhen të mërzitshme, karbohidratet dhe ëmbëlsia natyrale nënkupton që trupi e ka më të lehtë tretjen e tyre. Patatet e ëmbla mund t’i kavërdisni me pak vaj ulliri dhe hudhër.

Continue Reading

Shëndeti

Keni dhjamë të tepërt në kofshë? Bëni këtë dhe shtresat zhduken brenda një kohe të shkurtër

Published

4 days ago

on

July 11, 2025

By

Dhjami në pjesën e brendshme të kofshëve është më i vështirë për t’u shkrirë, por me këto ushtrime është gjithashtu i mundur

Nëse jeni duke luftuar me depozitat në pjesën e brendshme të kofshëve, e dini shumë mirë se është sfidë e vërtetë t’i largoni ato.

Duhet durim dhe këmbëngulje që rezultatet të jenë të dukshme, prandaj ne kemi gjetur ushtrime që funksionojnë më me efektivitet në këtë zonë të trupit.

Duhet të ndani 15 minuta në ditë dhe në një kohë rekord do të keni këmbë më të holla dhe më të shtrënguara.

Rekomandohet që këto ushtrime të përsëriten të paktën 4 herë në javë. Ju nuk keni nevojë për asgjë nga pajisjet. Vetëm pak vullnet të mirë dhe pak hapësirë.

Continue Reading

Shëndeti

Studimi: Dieta vegane më efikase se ajo mesdhetare

Published

4 days ago

on

July 10, 2025

By

Heqja dorë nga mishi dhe produktet e qumështit rezulton më efekase për rënien në peshë, sipas një studimi të ri të publikuar në revistën shkencore Frontiers in Nutrition.

Studiuesit zbuluan se personat që ndoqën një dietë vegane me pak yndyrë humbën mesatarisht rreth 6 kilogramë në vetëm 16 javë, dukshëm më shumë se ata që ndoqën dietën mesdhetare. Dieta mesdhetare, e njohur për përfitimet afatgjata për shëndetin, përfshin mish të bardhë, vaj ulliri e perime të freskëta.

Por, në këtë krahasim të drejtpërdrejtë, vegjetarianët peshuan më pak.

“Konsumimi i ushqimeve që prodhojnë acid në trup, si mishi, vezët dhe produktet e bulmetit, rrit ngarkesën acidike në organizëm, duke shkaktuar inflamacion që lidhet me shtimin në peshë”, shpjegon autorja kryesore e studimit, doktoresha Hana Kahleova.

Ajo shton se zëvendësimi i produkteve shtazore me ushqime si perimet jeshile, manaferrat e bishtajoret, ndihmon në rënien në peshë e përmirësimin e florës bakteriale të zorrëve. Në studim morën pjesë 62 të rritur mbipeshë, u ndanë në dy grupe; njëri ndoqi një dietë mesdhetare, tjetri dietë vegane me pak yndyrë.

Personat që ndoqën dietën vegane kishin ulje të madhe të ngarkesës acidike në trup, te grupi mesdhetar nuk pati ndonjë ndryshim të dukshëm.

“Dieta alkaline është lidhur me disa përfitime shëndetësore, përfshirë rënien në peshë, ndjeshmërinë e përmirësuar ndaj insulinës dhe uljen e tensionit të gjakut”, thuhet ne raportin e studimit.

Ushqimet më të mira vegane dhe alkaline për humbje në peshë:

Spinaqi

Kale (lloj i sallatës së gjelbër)

Brokoli

Avokado

Manaferrat

Mollët

Bananet

Qiqrat

Thjerrëzat

Kinoa

Patatet e ëmbla

Bajamet

Djathi tofu

Trangujt

Specat e ëmbël

Continue Reading

Të kërkuara