

Published
3 years agoon
By
UBT newsDëshira për t’i rezistuar ushqimimeve të caktuara, sidomos atyre që nuk janë të shëndetshme, është shpesh herë e pamundur. Kjo për shkak të shijes, pamjes dhe aromës fantasike të tyre.
Më pas, kur keni ngrënë më shumë seç duhet, betoheni se kjo do të jetë hera e fundit. Por duhet të dini se jo çdo gjë ndodh pa arsyre dhe për këtë ka edhe një shpjegim!
Në shumë raste reklamimet e ushqmimeve që mund të hasni çdo ditë, që nga ushqimoret e deri tek recetat në ekranet e celularëve dhe televizorëve, mund të ndikojnë duke shtuar dëshirën tuaj për të ngrënë.
Prandaj kur vjen fjala tek përzgjedhja e ushqimeve që konsumoni, kjo është një betejë e vështirë, që kërkon më tepër ndërgjegjësim dhe planifikim, sesa vullnet.
Dhe rezultati përfundimtar është shndërrimi i të ngrënit nga një akt konsumi në një akt kënaqësie.
Pse konsumoni ushqim pa kriter nuk jeni të uritur?
Mund të jetë nga gëzimi, por shanset janë sepse jeni të shqetësuar, të stresuar, të lodhur, të trishtuar ose të mërzitur.
Me këto emocione të perceptuara nga trupi si stres kronik, ai çliron kortizol, i cili mund të stimulojë oreksin.
Dhe shpesh në këto raste gjendeni duke kërkuar ushqime të kripura, me yndyrna të larta ose edhe sheqerna.
Këto ushqime të shijshme stimulojnë çlirimin e dopaminës, e cila fillimisht mund t’ju bëjë të ndihemi mirë dhe t’ju bëjë të dëshironi më shumë ushqim.
Kështu kjo gjë mund të kthehet në një zakon të rrezikshëm për shëndetin tuaj.
Çfarë mund të bëni?
Para se të shkoni në market bëni mirë të bëni një listë me produktet që ju duhen dhe të mbushni stomakun plot.
Të dyja do t’ju mbajnë të fokusuar dhe do të parandalojnë të josheni nga blerje të panevojshme.
Gjithashtu AgroWeb.org ju sugjeron të gjurmoni ushqimin që konsumoni për tre ditë, duke i kushtuar vëmendje kohës, sasisë, si u ndjetë para dhe pasi konsumuat ushqimin tuaj.
Në këtë mënyrë do të zbuloni më shumë se si shenjat e urisë fillojnë të shfaqen tek ju.
Një nga shenjat mund të jetë që prireni të hani kur shihni të tjerët duke ngrënë, ose kur fillon një film keni nevojë për kokoshka.
Jini të ndërgjegjshëm kur hani dhe shijoni të gjitha ushqimet.
Shumë shpesh njerëzit hanë duke parë televizor, duke bërë punë, duke folur në telefon.
Kryerja e shumë detyrave ju bën të lëvizni dhe më pas të gëlltisni ushqimin pa e përpunuar mirë.
Ky veprim ju kufizon mundësinë të kuptoni nëse jeni ngopur dhe përfundoni duke ngrënë më shumë.
Ne duhet të hamë me të gjitha shqisat tona dhe kjo vlen për të gjitha ushqimet.
Kushtojini kohën e duhur këtij procesi dhe shijoni çdo kafshatë.
Edhe pse këto metoda mund të mos funksionojnë gjithmonë, ju nuk duhet të mërziteni dhë të hiqni dorë.
Ndërgjegjsimi është një praktikë e vazhdueshme, që me kalimin e kohës ju ndihmon të krijoni zakone të reja./AgroWeb.org
Lajmet
Fajon: Do t’i paralajmëroj aleatët për situatën në Kosovë
Published
15 minutes agoon
April 3, 2025By
UBT NEWS
Ministrja e Jashtme e Sllovenisë, Tanja Fajon, ka njoftuar se gjatë takimit të ministrave të Jashtëm të NATO-s, i cili ka filluar të enjten, do të paralajmërojë aleatët për situatën në Ballkanin Perëndimor. Fajon ka theksuar se është duke e ndjekur me kujdes situatën në Kosovë, Bosnjë-Hercegovinë dhe Serbi, duke përfshirë ndikimet e zgjedhjeve të fundit në këto rajone.
Kryediplomatja sllovene ka shpjeguar se gjatë këtij takimi, në Bruksel, do të përqendrohet në zhvillimet në Ballkanin Perëndimor, rajon që është i rëndësishëm për Slloveninë, dhe se do të kërkojë mbështetje për stabilizimin e situatës. Ajo gjithashtu ka nënvizuar se NATO duhet të mbajë një vëmendje të vazhdueshme për këto çështje.
Në këtë takim, Sekretari i Përgjithshëm i NATO-s, Mark Rutte, theksoi se, edhe pse Ballkani Perëndimor nuk është temë kryesore, ajo mund të ngrihet nga aleatët nëse është e nevojshme, duke shfaqur shqetësime për zhvillimet në rajon.
Lajmet
Oda Amerikane i kërkon Kosovës ta heqë tarifën për mallrat nga SHBA-ja
Published
19 minutes agoon
April 3, 2025By
UBT NEWS
Oda Ekonomike Amerikane në Kosovë ka kërkuar nga Qeveria e Kosovës të heqë tarifën doganore prej 10% për mallrat nga Shtetet e Bashkuara të Amerikës. Kjo kërkesë vjen pas vendimit të presidentit Donald Trump për të vendosur një tarifë bazë 10% për importet nga të gjitha vendet, përfshirë Kosovën dhe vendet e tjera të Ballkanit Perëndimor.
Kryetari i OEAK, Arian Zeka, shprehu shqetësimin se tarifa amerikane do të dëmtonte aftësinë konkurruese të eksportuesve kosovarë në tregun amerikan. Ai sugjeroi se heqja e tarifës nga Kosova mund të sjellë një hap të ngjashëm nga administrata amerikane, duke përmirësuar mundësitë për eksportet kosovare.
Ndërkohë, Dhoma e Tregtisë dhe Industrisë e Kosovës ka shprehur shqetësim për ndikimin negativ të tarifave të reja amerikane, duke theksuar se kjo mund të dëmtojë eksportet, të cilat kanë pësuar ulje vitet e fundit. Pavarësisht kësaj, të dhënat tregojnë se eksportet e Kosovës në SHBA kanë pasur rritje të konsiderueshme që nga viti 2019.
Bota
Rusia përjashtohet nga tarifat e Trump për shkak të sanksioneve
Published
22 minutes agoon
April 3, 2025By
UBT NEWS
Presidenti Donald Trump shpalli një vendim për të vendosur tarifa ekonomike gjithëpërfshirëse ndaj vendeve të huaja, por disa shtete të rëndësishme, përfshirë Meksikën, Kanadën dhe Rusinë, u lanë jashtë kësaj liste.
Rusia, sipas Sekretarit të Thesarit, Scott Bessent, u përjashtua për shkak të faktit se Shtetet e Bashkuara nuk bënin tregti të konsiderueshme me të, duke pasur parasysh sanksionet ekonomike që ishin vendosur ndaj vendit për shkak të pushtimit të Ukrainës. Kjo do të thotë se, për shkak të sanksioneve, Rusia nuk ishte e përfshirë në tarifat që presidenti Trump shpalli për vendet e tjera.
Për Meksikën dhe Kanadën, përjashtimi nga tarifat ishte rezultat i marrëveshjes tregtare të nënshkruar në vitin 2020, e cila siguroi që mallrat që përputheshin me këtë marrëveshje të mos kishin tarifa, megjithatë, disa produkte si energjia dhe potasi do të ishin të tarifuar me 10 përqind.
Lajmet
Kinolli: Nuk kemi vija të kuqe ndaj asnjë subjekti politik, respektojmë rezultatin zgjedhor
Published
23 minutes agoon
April 3, 2025By
UBTNews
Kryetari i Partisë së Romëve të Bashkuar të Kosovës (PREBK), Albert Kinolli, zhvilloi një takim me kryeministrin në detyrë Albin Kurti, në të cilin u diskutua për formimin e qeverisë së re.
Kinolli tha se partia e tij nuk ka vija të kuqe ndaj asnjë subjekti politik, por duke respektuar rezultatin zgjedhor.
“Në vazhdën e takimeve sot kemi pasur takimin me kryeministrin Kurti një takim kontruktiv për të qenë pjesë e qeverisë së ardhshme. Ne si subjekt politik rom tradicionalisht jemi munduar të jemi më konstruktiv dhe me kreativ për formimin e qeverisë së re. Qytetarët e Kosovës kanë mjaft nevojë, sepse procesi u stërgjat. Jemi drejt një perfundimi të mirë dhe nuk kemi asnjë vije të kuqe për asnjë subjekt politik, por duke respektuar rezultatin zgjedhor sot kemi qenë në takim të mirë me kryeministrin. Ne kemi parashtruar kërkesat tona që njëra ka qenë që të jemi të barabartë me të gjitha subjektet e tjera që janë me një vijë me ne. Po presim 15 prillin. Besojmë që Kurti do t’i ketë numrat e nevojshëm dhe do të japim edhe ne kontributin tonë. Në interesin tonë është të formojmë institucionet sa më parë”, tha Kinolli.

Austria dhe UBT forcojnë bashkëpunimin për zhvillimin digjital në Kosovë

Shkëlqeu me rolin e tij në ‘Kontesha Arduini’, intervistë me Mirsad Ferati

Fajon: Do t’i paralajmëroj aleatët për situatën në Kosovë

Oda Amerikane i kërkon Kosovës ta heqë tarifën për mallrat nga SHBA-ja

Rusia përjashtohet nga tarifat e Trump për shkak të sanksioneve

Kinolli: Nuk kemi vija të kuqe ndaj asnjë subjekti politik, respektojmë rezultatin zgjedhor

Izraeli planifikon të pushtojë një korridor të ri në Gaza

KQZ çregjistron dy parti

Instagram shton opcionin për të shpejtuar Reels si TikTok
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë