Shëndeti

Si të kujdeseni për flokët gjatë stinës së vjeshtës?

Në vjeshtë, flokët fillojnë të bien e të dobësohen për një mori arsyesh.

Publikuar

Vjeshta është stina ku flokët ndikohen më shumë.

Ato fillojnë bien e dobësohen e kjo për një mori arsyesh.

Duke filluar që nga stina e cila lëmë pas që i ekspozon flokët me një sërë faktorësh dëmtues siç është dielli, larja më e shpeshtë apo kripa e detit.

Në këtë artikull, AgroWeb.org ju tregon disa mënyra të shëndetëshme se si ta parandaloni këtë.

Ju duhet të ndërroni shampon ose mënyrën si kujdeseni për flokët tuaj.

Zgjidhni shampon e duhur

Vera mund të lërë shumë kimikate në rrënjën e flokëve tuaj apo mbi skalp. Kjo për shkak të ekspozimit ndaj kripës, klorit, kremrave të diellit apo kremrave stilues.

Prandaj provoni të përdorni një shampo purfikuese e pastruese për skalpin.

Filloni sezonin e ri menjëherë duke i bërë kokës një detoks të mirë skalpit tuaj duke përdorur një shampo të posaçme të paktën dy herë në javë.

Përdorni një shampo për zbokthin

Mungesa e lagështisë në verë rezulton në skalp të thatë të kokës e më shumë zbokth gjatë vjeshtës.

Zgjidhja për të irrituar këtë problem është që të përdorni shampo kundër zbokthit.

Gjithashtu sigurohuni që të përdorni maska të ndryshme të cilat i sigurojnë hidratim flokëve gjatë kësaj periudhe.

Elektrizimi i flokëve

Dihet që në vjeshtë flokët nuk qëndrojnë si duhet dhe elektrizohen sapo të dilni nga shtëpia. Kjo për shkak të lagështirës, shirave dhe mjegullës që e shoqërojnë këtë stinë.

Kështu për të luftuar këtë proces aspak të këndëshëm filloni të përdorni pak vaj bajamesh, argani ose kastori në majat e flokëve tuaj pasi i thani me tharëse.

Një mënyrë tjetër është që të shtoni disa pika vaj në shampon tuaj ose ta masazhoni vajin nëpër gjatësinë e flokëve teksa janë ende të lagur. Kjo do t’i mbajë flokët tuaj më elastikë dhe me më shumë shkëlqim.

Mos i stiloni shumë

Të kesh gjithnjë flokë të bukur e të stiluar mund të jetë bukur në fillimet e këtij procesi, por jo kur flokët fillojnë të digjen dhe dëmtohen për së tepërmi.

Ndaj për shkak të gjithë arsyeve që renditëm më sipër zgjidhni një model flokësh që nuk kërkon shumë ndërhyrje në stilim dhe njëkohësisht është sa më natyral.

Gjithashtu mundohuni t’i shkurtoni flokët tuaj para se vjeshta të nisë në mënyrë që të hiqni majat e dëmtuara nga i nxehti i verës./AgroWeb.org

Lajmet

Paralajmëron OBSH: Nxehtësia mund të përkeqësojë krizën shëndetësore për palestinezët në Gaza

Publikuar

nga

Organizata Botërore e Shëndetësisë paralajmëron se nxehtësia përvëluese në Gaza mund të përkeqësojë problemet shëndetësore për palestinezët.

Programi Botëror i Ushqimit ka paralajmëruar se një krizë serioze e shëndetit publik po afrohet në Gaza për shkak të mungesës së ujit të pastër, ushqimit dhe furnizimeve mjekësore.

“Ne kemi përjetuar zhvendosjen masive gjatë javëve dhe muajve të fundit dhe ne e dimë se kombinimi dhe nxehtësia mund të shkaktojnë një rritje të sëmundjeve”, tha Richard Peeperkorn, përfaqësuesi i OBSH-së për Gazën dhe Bregun Perëndimor.

“Ne jemi dëshmitarë të ndotjes së ujit për shkak të ujit të nxehtë dhe do të ketë më shumë ushqim të kontaminuar për shkak të temperaturës së lartë. Do të kemi mushkonja dhe miza nga insektet, dehidrim, goditje nga nxehtësia”, shtoi ai.

Nxehtësia ekstreme ka lënë të vdekur qindra njerëz në mbarë botën derisa po fillon vera e hemisferës veriore./UBTNews/

Vazhdo të lexosh

Lajmet

Ndikimi i temperaturave të larta te personat e shëndoshë dhe te të sëmurët

Publikuar

nga

Shkruan Basri Lenjani

Gjatë stinës së verës temperaturat e larta ditore nuk janë e këndshme për askënd, ndaj vapa tropikale mund të shkaktojë probleme serioze edhe te njerëzit plotësisht të shëndetshëm.

Personat me të rrezikuar janë:

  • Të moshuarit
  • Fëmijët
  • Nēnat shtatëzënë
  • Të sëmurët me sëmundje të zemrës, neurologjike, të mushkërive, metabolike, vaskulare, psikiatrike, alkoolistët, të sëmurët që mjekohen me antidepresivë treciklikë, me antihisatminikë, personat që punojnë në ndërtimtari, bujqit dhe personat e shëndetshëm etj.

Rreziqet kryesore të trupit tonë janë goditja e diellit dhe nga nxehtësia:

  • Sa është organizmi ynë përgatitur për t’u ambientuar, përshtatur me kushtet e reja klimatike?
  • Sa i gatshëm është metabolizmi ynë për të vazhduar me të?
  • Çfarë duhet të bëjmë kur e teprojmë?

Kujdesi i shtuar:

  • Nga ora 11=17:30 h nuk duhet të ekspozoheni rrezeve të diellit, sepse kanë efekt negativ në organizmin e njeriut,
  • Nëse temperaturat janë të larta mbi 35 gradë Celsius, punëtorët që punojnë në ndërtimtari, bujqit, etj. duhet të ndëpresin aktivitetin e tyre punues nga ora 11-17h për shumë arsye, sepse mund të ndodhin sëmundje akute jetëkërcënuese dhe lëndime serioze për jetën e tyre, për shkak të ndikimit të drejtëpërdrejt të rrezeve të diellit..

Të informohen qytetarët:

  • Pushteti lokal i qyteteve duhet të sigurojë burime uji ose cisterna në vende publike me mbipopullim të popullatës, qytetarët mund të freskohen në çdo kohë….
  • Mbroni kokën me çadër ose kapelë, veshja duhet të jetë me ngjyra të çelta, pije freskuese, pemë, perime, të qëndroni në ambiente të freskëta ose nën hije, lëkurën duhet të mbroni me yndyra kundër diellit.
  • Të sëmurët që më parë kanë pasur sulm në zemër, me shtypje të ulët, të lartë, goditje në tru, epilepsi, diabet, të sëmurët depresivë, alkoolistët, të sëmurët që trajtohen me barna kundër alergjisē, të sëmurët më sëmundje kronike të lëkurës, gjendjet pas lëndimeve te të moshuarit, fëmijët, nënat shtatëzënë, personat e shëndoshë dhe drejtuesit e automjeteve.

Vazhdo të lexosh

Lajmet

Çka është hipertermia?

Publikuar

nga

Shkruan Basri Lenjani

Hipertermia është gjendje e rritjes së temperaturës së brendshme trupore, e cila shfaqet si pasojë e krijimit të tepërt të nxehtësisë në organizëm ose si pasojë e moslargimit të tepërt të nxehtësisë nga organizmi.

Hipertermia mund të emërtohet si sindromi që paraqitet si pasojë e ndikimit të temperaturave të larta dhe lagështirës nga mjedisi i jashtëm.

Hiperteremia shkaktohet nga: temperaturat e larta të ambientit të jashtëm, lagështia e lartë relative, rritja e aktivitetit fizik, te të moshuarit për shkak të moshës së thyer, fëmijët e vegjël, sëmundjet e mëparshme; sistemi nervor qendror, kardiovaskular, i frymëmarrjes, diabeti, dehidrimi, përdorimi i barnave dhe alkoolit, trashësia, sëmundjet e veshkave, retardimi mental, funksioni i shtuar i gjëndrës tiroide, sëmundjet e lëkurës, etj.

Statistikat

Valët e të nxehtit, ose nxehtësia dhe moti i nxehtë që mund të zgjasë për disa ditë, mund të kenë një ndikim të rëndësishëm në shoqëri, duke përfshirë një rritje të vdekjeve të lidhura me nxehtësinë.

Valët e të nxehtit janë ndër rreziqet më të rrezikshme natyrore, por rrallë marrin vëmendjen e duhur, sepse numri i vdekjeve dhe shkatërrimi i tyre nuk është gjithmonë i dukshëm menjëherë.

Në vitin 2015 mbi 175 milionë njerëz ose më shumë u ekspozuan ndaj valëve të të nxehtit në krahasim me vitet tjera;

Midis viteve 1998-2017 mbi 166 mijë njerëz vdiqën për shkak të temperaturave ekstreme;

Mbi 250 mijë vdekje shtesë çdo vit ndodhin nga sëmundjet e ndjeshme ndaj klimës dhe ky numër do të jetë e më i madh në vitin 2030.

Ndërsa efektet e nxehtësisë mund të përkeqësohen në qytete, për shkak të efektit të ishullit të nxehtësisë urbane (UHI), jetesa dhe mirëqenia e komuniteteve jourbane gjithashtu mund të prishen rëndë gjatë dhe pas periudhave të motit jashtëzakonisht të nxehtë.

Valët e të nxehtit mund të rëndojnë shërbimet shëndetësore dhe të urgjencës dhe gjithashtu të rrisin tendosjen mbi ujin, energjinë dhe transportin duke rezultuar në mungesë të energjisë apo edhe ndërprerje.

Siguria e ushqimit dhe e jetesës mund të jetë gjithashtu e tendosur nëse njerëzit humbasin të korrat ose bagëtinë për shkak të nxehtësisë ekstreme

Gjendjet e hipertermisë mund të klasifikohen dhe të renditen në pesë grupe: Sinkopa nga veprimi i të nxehtit, shtangimet nga të nxehtit, plogështia nga të nxehtit, goditja nga të nxehtit dhe diellosja.

Vazhdo të lexosh

Lajmet

Studimi global: Pothuajse 2000 fëmijë vdesin çdo ditë nga ndotja e ajrit

Publikuar

nga

Gati 2.000 fëmijë nën pesë vjeç vdesin çdo ditë nga ndotja e ajrit, që ka tejkaluar kushtet e këqija higjienike dhe mungesën e ujit të pastër, duke u bërë faktori i dytë më i madh i rrezikut shëndetësor për fëmijët e vegjël në mbarë botën.

Më shumë se 8 milionë vdekje, të fëmijëve dhe të rriturve, u shkaktuan nga ndotja e ajrit në vitin 2021, sipas një studimi të ri nga Instituti i Efekteve Shëndetësore (HEI).

Ajri i ndotur është tani vrasësi i dytë më i madh në nivel global, duke tejkaluar përdorimin e duhanit dhe i dyti vetëm pas presionit të lartë të gjakut, si një faktor rreziku për vdekje në popullatën e përgjithshme. Tek fëmijët nën pesë vjeç, ndotja e ajrit është e dyta pas kequshqyerjes si një faktor rreziku në vdekshmëri.

Raporti i sivjetshëm i gjendjes globale të ajrit , i publikuar në partneritet me Unicef, tregon gjithashtu se fëmijët në vendet e varfra po vuajnë disa nga ndikimet më të këqija, me shkallën e vdekjeve të lidhura me ndotjen e ajrit tek fëmijët nën pesë vjeç, 100 herë më i lartë në pjesën më të madhe të Afrikës sesa në vendet me të ardhura të larta.

Pallavi Pant, autori kryesor i raportit, vuri në dukje pabarazitë e mëdha që raporti ka zbuluar. “Pjesa e madhe e barrës mbahen nga fëmijët e vegjël, popullsia më e madhe dhe vendet me të ardhura të ulëta dhe të mesme”, tha ajo.

Grimcat e vogla të quajtura PM2.5 – që do të thotë se janë më të vogla se 2.5 mikrometra në diametër – janë fajtorë për më shumë se 90% të vdekjeve globale nga ndotja e ajrit, thuhet në raport. Grimcat PM2.5 mund të hyjnë në qarkullimin e gjakut dhe janë zbuluar se prekin organet në të gjithë trupin . Është zbuluar se ato lidhen jo vetëm me sëmundjet e mushkërive, por edhe me sëmundjet e zemrës, goditjen në tru, diabetin dhe abortin.

Kitty van der Heijden, zëvendësdrejtoresha ekzekutive e Unicef-it, tha: “Mosveprimi ynë po ka efekte të thella në gjeneratën e ardhshme, me ndikime në shëndetin dhe mirëqenien gjatë gjithë jetës. Urgjenca globale është e pamohueshme. Është e domosdoshme që qeveritë dhe bizneset t’i marrin në konsideratë këto vlerësime dhe të dhëna të disponueshme në nivel lokal dhe t’i përdorin ato për të informuar veprime kuptimplota, të përqendruara te fëmijët për të reduktuar ndotjen e ajrit dhe për të mbrojtur shëndetin e fëmijëve.”/UBTNews/

Vazhdo të lexosh

Të kërkuara