

Lifestyle
Si ta negocioni pagën e parë kur nuk keni ende përvojë pune?
Published
4 years agoon
By
UBT newsVetëm një numër i vogël i personave që sapo kanë diplomuar janë të gatshëm që ta negociojnë pagën e tyre. Sipas CNBC, punëdhënësit thonë që ata në shumicën e rasteve kanë aq hapësirë për ta rritur ofertën e tyre të parë të pagës 5 deri në 10 për qind.
Mirëpo edhe ata të cilët sapo janë diplomuar, apo ata që nuk kanë pasur më parë ndonjë përvojë pune, duhet ta kërkojnë me besim të plotë pagën të cilën e meritojnë. Sepse në fund të fundit, ata nuk e rrezikojnë ofertën e punës, nëse e negociojnë pagën e tyre.
Hulumtoni
Përveç përdorimit të faqeve për të mësuar më shumë rreth pagës mesatare në industri të ndryshme (p.sh., Rroga.com), është mirë që të pyeten edhe miqtë, mentorët dhe kolegët e tyre si burime për përcaktimin e pagës.
Sigurisht që nuk mund t’i pyesni të tjerët se sa është paga e tyre, mirëpo pyetja duhet të jetë më e përgjithshme, për shembull, “Sa është paga për pozitën e agjentit të shitjes?”. Pasi të keni marrë mendime të ndryshme rreth vlerave për pozitën në të cilën po aplikoni, atëherë merreni mesin e të gjitha vlerave të përmendura!
Shikoni përtej pagës
Nuk mjafton të jeni të përqendruar vetëm në shifrën e pagës që iu ofrohet. Punonjësit të cilët kanë përvojë të punës e dinë se sa të rëndësishme janë disa përfitime të tjera si kursimet e pensionit, koha dhe përfitime të tjera që ofrohen.
Mos i nënvlerësoni përvojat tuaja të së kaluarës
Asnjë punonjës nuk pret që dikush i cili sapo ka dalë nga universiteti, të ketë shumë vite përvojë pune profesionale. Ata janë në kërkim të punonjësve të cilët kanë një numër të aftësive dhe njohurive. Për këtë është e rëndësishme që të këta kandidatë të mos e nënvlerësojnë veten dhe atë që kanë bërë më parë.
Nëse keni bërë praktikë ose keni përvojë në punë vullnetare, atëherë duhet patjetër t’i përmendni ato. Në çdo dokument të aplikimit dhe në intervistë jini sa më specifikë rreth aftësive që i keni përfituar nga këto përvoja!
Mos e merrni si personale
Përpara takimit me intervistuesit sugjerohet që ta praktikoni qasje tuaj përpara pasqyrës, ose me ndonjë mik apo familjarë në mënyrë që të jeni më të pajisur me bisedën. Gjatë bisedës mos u përqendroni në shqetësimet financiare që keni, në vend të kësaj do të jetë më mira ta bëni atë në aspektet profesionale që ju bëjnë të vleni për pagën që kërkoni!
Kur shkoni në një kompani, ngritja dhe shpërblimi bazohen në atë që negocioni, kështu që fillimi është shumë i rëndësishëm. Mund të mos i keni pesë vjet përvojë pune, por mund të keni shumëçka që mund t’i sillni kompanisë.
You may like
Lifestyle
4 mënyra të lehta për t’i dhënë jetë flokëve të dëmtuar
Published
4 hours agoon
October 23, 2025By
UBT News
Thënia se flokët janë gjysma e bukurisë është bërë fakt i njohur. Kujdesi për ta zë një pjesë të rëndësishme të ditës dhe të shpenzimeve për shumicën e njerëzve.
Për disa, eksperimentimi me stile të ndryshme është mënyra për të pasur pamje tërheqëse, ndërsa për të tjerët, ruajtja e flokëve natyralë dhe të shëndetshëm është një sfidë e përditshme.
Pavarësisht preferencave, të gjithë kërkojnë një gjë të përbashkët: flokë të shëndetshëm. Flokët e dëmtuar, të thatë, me maja dyshe apo të djegur janë problematikë e të pakëndshëm. Për ta parandaluar këtë, zgjidhja më e mirë është përdorimi i metodave natyrale dhe të buta.
Më poshtë janë katër mënyra të thjeshta për të rikthyer shkëlqimin dhe shëndetin flokëve, të cilat mund t’i provoni në shtëpi.
1. Maskë me kos dhe vaj ulliri: Ky trajtim është ideal për flokët e thatë, të dëmtuar nga boja apo tharësja. Ai i hidraton menjëherë.
Përbërësit:
60 ml kos
1 lugë gjelle vaj ulliri
Udhëzimet:
Përzieni mirë përbërësit. Aplikoni maskën në pjesën e majave të flokëve e lëreni të veprojë 10-15 minuta. Lani flokët me ujë dhe shampo si zakonisht. Përsëritni trajtimin 1-2 herë në javë për rezultate të dukshme.
2. Maskë me vezë dhe mjaltë: Mjalti dhe veza janë të pasura me proteina dhe aminoacide që parandalojnë këputjen e flokëve dhe minimizojnë majat dyshe.
Përbërësit:
1 të verdhë veze
1 lugë çaji mjaltë
Udhëzimet:
Përzieni përbërësit dhe aplikojeni tek majat e flokëve. Lëreni maskën të thahet për dy orë. Lani flokët me ujë dhe shampo si zakonisht.
3. Maskë me vaj kokosi: Vaji i kokosit është një hidratues natyral i shkëlqyer për flokët.
Përbërësit:
60 ml vaj kokosi
Udhëzimet:
Ngrohni vajin për disa sekonda në mikrovalë ose shkrijeni në duar. Lyeni majat e flokëve dhe lëreni të veprojë gjatë gjithë natës. Mëngjesin tjetër, lani flokët si zakonisht.
Përdoreni edhe pas dushit, duke aplikuar pak vaj tek majat për efekt zbutës, por kujdes mos te teproni që të mos yndyrosen flokët.
4. Maskë me erëza dhe uthull molle: Uthulla i jep flokëve shkëlqim dhe i zbut majat dyshe.
Përbërësit:
250 ml ujë
Disa gjethe nenexhik, sherebelë dhe rozmarinë
2 lugë gjelle uthull molle
Udhëzimet:
Vendosni ujin dhe erëzat në zjarr mesatar dhe lëreni të ziejnë 10 minuta. Pasi të ftohet, kullojeni dhe shtoni uthullën e mollës. Lyeni pjesën problematike të flokëve ose majat e tyre gjatë dushit, pas larjes me shampo. Mbani maskën për 1 minutë e shpëlajeni me ujë të bollshëm.
Këto metoda natyrale do t’ju ndihmojnë të keni flokë më të shëndetshëm, të hidratuar dhe me shkëlqim pa u dëmtuar. /A.Z/UBT News/
Lifestyle
Rituali ideal i përgatitjes së lëkurës në moshë për një grim të qëndrueshëm
Published
1 day agoon
October 22, 2025By
UBT News
Përgatitja e lëkurës është çelësi për një grim të përsosur, sidomos kur koha kalon dhe lëkura ndryshon.
Formulat e lehta dhe produktet e synuara ndikojnë në qëndrueshmërinë dhe freskinë e grimit tuaj, duke e bërë më të lëmuar dhe natyral.
Një lëkurë e pastër dhe e shëndetshme është baza e çdo rutine grimi, pa marrë parasysh moshën. Me kalimin e viteve, rutina para aplikimit duhet të përshtatet për të ruajtur rezultatin e dëshiruar.
Përgatitja e duhur mund të bëjë ndryshimin mes një grim natyral, të përditshëm, dhe një pamjeje glamuroze për raste speciale.
Pse është e rëndësishme përgatitja e lëkurës?
Hapi i parë përcakton nëse grimi do të duket i freskët dhe i qëndrueshëm. Lëkura e hidratuar redukton dukshmërinë e rrudhave e pengon grumbullimin e produktit, përdorimi i produkteve të përshtatura me shenjat e plakjes ndihmon në mbushje, zbutje dhe mbrojtje të lëkurës.
Produktet që duhen shmangur
Pilingjet e ashpra dhe eksfoliantët fizikë që irritojnë lëkurën dhe shtojnë teksturë të panevojshme.
Kremrat e rëndë nën pudër që mund të shkaktojnë rrëshqitje të produktit.
Primerët që mbushin poret ose ato matifikues, sepse mund të theksojnë strukturën e lëkurës në moshë.
Produktet që duhen përdorur
Rituali bazë përfshin pastrim, piling të butë, hidratim dhe mbrojtje SPF.
Për lëkurën në moshë, rekomandohet përdorimi i produkteve të synuara:
Pastrues dhe piling të butë për një sipërfaqe të pastër.
Produktet me antioksidantë për ndriçim dhe mbrojtje nga radikalet e lira.
Serumet me acid hialuronik ose peptide për hidratim dhe mbushje të lëkurës.
Produkte me ceramide, peptide ose niacinamide për ushqim dhe lëmuar të lëkurës.
Qëllimi është që lëkura të jetë e ushqyer dhe gati për grim. Aplikimi shtresë mbi shtresë i formulave të lehta siguron përthithje të mirë dhe pamje natyrale. Kujdesi për zonën nën sy me krem antirrudhë është i domosdoshëm për të shmangur grumbullimin e grimit në vijat e vogla. /A.Z/UBT News/
Lifestyle
Miqësia, çelësi për lumturi! Takimet me shokët ulin ndjeshëm trishtimin
Published
1 day agoon
October 22, 2025By
UBT News
Një studim i kryer nga Universiteti i Oksfordit ka zbuluar se socializimi me miqtë, sidomos në mjedise relaksuese si “natat me shokët”, ka një efekt të rëndësishëm pozitiv mbi mirëqenien emocionale të meshkujve.
Ky kërkim nxjerr në pah se takimet e rregullta me miqtë e ngushtë ndikojnë në uljen e ndjenjave të trishtimit dhe vetmisë deri në 45%, duke përmirësuar ndjeshëm humorin dhe shëndetin mendor.
Sipas studiuesve, përfitimet nuk lidhen me konsumin e alkoolit, siç mund të mendohet shpesh, por me ndërveprimet sociale, të qeshurat dhe lidhjen e thellë që krijohet gjatë kohës së kaluar me shokët.
Këto momente aktivizojnë sistemin e shpërblimit në tru, duke çliruar endorfina, hormonin e lumturisë dhe duke ulur nivelet e hormoneve të stresit.
Studimi tregon se meshkujt që kalojnë më shumë kohë në biseda argëtuese me miqtë, përjetojnë më pak stres e ndihen më pak të vetmuar.
Ky zbulim vlen për të theksuar rëndësinë e mbajtjes së lidhjeve sociale për mirëqenien emocionale dhe për të luftuar ndikimet negative të stresit dhe trishtimit.
Ekspertët rekomandojnë që, përtej rutinës së përditshme, të gjejmë kohë për takime me njerëzit që na bëjnë të ndihemi mirë, pasi këto momente sociale janë një mbështetje e fuqishme për shëndetin mendor.
Nuk është pijet që bëjnë diferencën, por lidhja dhe bashkëbisedimi i vërtetë. /A.Z/UBT News/
Lifestyle
Rreziqet e fshehura në shtëpinë tuaj, 5 produkte të zakonshme
Published
2 days agoon
October 21, 2025By
UBT News
Shumë prej produkteve që përdorim përditë në shtëpitë tona, me qëllimin për t’i mbajtur ato të pastra dhe me aromë të mirë, në fakt mund të përbëjnë rrezik serioz për shëndetin.
Nga produktet e higjienës personale, te ato për freskimin e ajrit apo për pastrimin, shumë prej tyre përmbajnë substanca toksike dhe potencialisht kancerogjene.
Shampot, shpesh përmbajnë përbërës si parabene, ngjyra sintetike dhe aromatizues artificialë, që ndikojnë në sistemin hormonal dhe të shkaktojnë irritime të lëkurës. Edhe produktet që reklamohen si “natyrale” nuk janë të sigurta, ndaj leximi i etiketave mbetet thelbësor.
Qirinjtë aromatik dhe sprejtë e ajrit janë burime të mundshme kimikatesh të dëmshme. Edhe pse krijojnë një atmosferë të këndshme, lëshojnë substanca të rrezikshme që ndikojnë në sistemin respirator, shkaktojnë alergji, edhe probleme serioze shëndetësore.
Edhe produktet që përdoren për aktivitetet artistike, si ngjitësit dhe ngjyrat, duhen përdorur me kujdes të madh, sidomos në prani të fëmijëve, pasi përmbajnë tretës kimikë që mund të dëmtojnë veshkat apo sistemin nervor.
Së fundi, pesticidet, të përdorura gjerësisht në shumë shtëpi për eliminimin e insekteve, janë ndër më të rrezikshmet, pasi përmbajnë neurotoksina të cilat lidhen me probleme neurologjike afatgjata, përfshirë sëmundjen e Parkinsonit.
Zgjidhja? Zëvendësoni sa më shumë produkte me alternativa natyrale e të certifikuara si të sigurta për shëndetin. /A.Z/UBT News/

Rektori Hajrizi mori pjesë në Konferencën CIGRE Kosova mbi “Formësimin e fuqisë punëtore të së ardhmes: Perspektiva e universitetit mbi tregun e punës”

Studim i përbashkët UBT – Universiteti i Mynhenit publikohet në revistë ndërkombëtare shkencore

UBT organizon ligjëratë ndërkombëtare dhe hap Panairin e Materialeve në Arkitekturë dhe Konstruksione

Brigitte Bardot reagon ndaj raportimeve të rreme për vdekjen e saj

Kina dhe ShBA do zhvillojnë bisedime në Malajzi

Britani e Madhe: Arrestohen tre të dyshuar për ndihmë ndaj shërbimit rus të inteligjencës

Përfundon rinumërimi i 16 kutive të votimit nga 12 vendvotime

Studimi: Njerëzit inteligjentë vuajnë më shumë nga dhimbjet e kokës!

Thierry Henry kritikon Juventusin
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës