

Lajmet
Si ta luftoni inflamacionin kronik?
Inflamacioni kronik është shkaku kryesor i sëmundjeve dhe uljes së jetëgjatësisë.
Published
3 years agoon
By
UBT newsSipas eskpertëve 3 nga 5 njerëz në botë vdesin nga sëmundje që lidhen me inflamacionin kronik.
Inflamacioni kronik është shkaku kryesor i sëmundjeve dhe uljes së jetëgjatësisë pasi ndikon drejtpërdrejtë në shëndetin e zemrës, tek diabeti, artriti apo gjendje të tjera shëndetësore.
Problemet e vazhdueshme shëndetësore mund ta ndikojnë përditshmërinë tuaj pa kuptuar, ndaj duhet të merrni masat e nevojshme mbrojtëse.
Fatmirësisht ka shumë mënyra se si ju mund ta ndihmoni organizmin tuaj të jetë më i shëndetshëm çdo ditë.
Çfarë sugjerojnë ekspertët?
Sipas një raporti të publikuar nga Shkolla e Mjekësisë në Harvard ka disa hapa kryesorë që duhet të ndiqni për të mbajtur larg sëmundjet kronike.
Hapi 1: Ushqimet që mundin inflamacionin
Ekspertët e Harvardit sugjerojnë konsumimin e dietave anti inflamatore me bazë ushqimet sa më natyrale e të shëndetshme.
Këtu futen domatet, vaji i ullirit, perimet jeshile, arrorët, peshku dhe frutat e pasura me antioksidantë dhe vitaminë C siç janë luleshtrydhet, portokallët apo boronicat.
Hapi 2: Aktiviteti fizik
Një pjesë të madhe të kujdesit tuaj për veten dhe të përditshmërisë duhet ta zërë aktiviteti fizik.
Është shumë e nevojshme që trupi të jetë në lëvizje në mënyrë që të digjni kalori dhe të mbani nivelet e inflamacioni të ulura.
Ekspertët këshillojnë të merreni me ushtrime aerobike si vrapi, aerobia, kërcimi apo të tjera që e mbajnë të gjithë trupin në lëvizje.
Hapi 3: Menaxhoni peshën
Gjithnjë mbani nën kontroll kaloritë që merrni cdo ditë dhe mënyrën se si i merrni ato.
Mbipesha nuk është kurrë e shëndetshme dhe prodhon klikimate pro inflamatore për organizmin.
Hapi 4: Flini gjumë
Gjumi i parregullt jo vetëm që ju vjedh përqëndrimin, por e bën trupin tuaj më të brishtë ndaj inflamacionit kronik.
Hapi 5: Lini duhanin
Duhani është një nga zakonet më të këqija që ndikojnë direkt në ngritjen e niveleve të inflamacionit që në javët e para të konsumimit.
Prandaj ekspertët këshillojnë ta lini sa më parë.
Hapi 6: Largoni alkoolin
Kur vjen puna tek sëmundjet inflamatore alkooli mund të jetë miku ose armiku juaj.
Nëse konsumoni një gotë verë disa herë në javë kjo mund të ndihmojë organizmin në shumë forma, por tepria me alkoolin nuk është e këshillueshme.
Hapi 7: Mundni stresin
Stresi kronik është zanafilla e të gjithë inflamacionit që ndodh në trup.
Stresi i tepërt mund të çojë në probleme si artriti reumatoid, sëmundjet kardiovaskulare, depresioni dhe sëmundje të tjera inflamatore./AgroWeb.org
Lajmet
KQZ emëroi rreth 220 anëtarë të 38 Komisioneve Komunale të Zgjedhjeve
Published
21 minutes agoon
June 24, 2025By
UBTNews
Komisioni Qendror i Zgjedhjeve, në mbledhjen e mbajtur të martën, ka marrë vendim për emërimin e 216 anëtarëve të Komisioneve Komunale të Zgjedhjeve në 38 komunat e Republikës së Kosovës, të cilët përfaqësojnë subjekte të ndryshme politike.
Anëtari i KQZ-së, Arianit Elshani, bëri të ditur se të gjithë anëtarët kanë kaluar procedurat ligjore për këtë proces.
Sipas Ligjit Nr. 08/L-288 për Zgjedhjet e Përgjithshme, KKZ-të administrojnë zgjedhjet brenda komunës përkatëse, nën mbikëqyrjen ekskluzive dhe udhëzimet e KQZ-së, duke garantuar ligjshmëri, legjitimitet dhe efikasitet të procesit zgjedhor.
Lajmet
Krasniqi diskuton me përfaqësuesin norvegjez për dialogun me Serbinë
Published
1 hour agoon
June 24, 2025By
UBTnews
Kryetari i PDK-së, Memli Krasniqi ka pritur sot në takim Përfaqësuesin e Posaçëm të Norvegjisë për Ballkanin Perëndimor, Eirik Nestas Mathisen.
Krasniqi thotë se me Mathisen diskutoi mbi zhvillimet e fundit politike në Kosovë dhe rajon.
Poashtu, kreu i PDK-së bën të ditur se emisarit norvegjez ia shprehu qëndrimet e partisë për bllokadën politike dhe nevojën urgjente për një marrëveshje përfundimtare ndërmjet Kosovës dhe Serbisë, me njohjen reciproke në qendër të saj.
“Një rajon stabil dhe në paqe është parakusht për progresin e qëndrueshëm dhe për realizimin e aspiratave tona të përbashkëta si rajon për integrim të plotë në Bashkimin Evropian. PDK do të vazhdojë të jetë faktor konstruktiv dhe partner i besueshëm në rrugën euroatlantike të Kosovës”, shkroi Krasniqi në Facebook.
Lajmet
Nisin punimet për depon e re të barnave në Kosovë
Published
2 hours agoon
June 24, 2025By
UBTnews
Kryeministri në detyrë, Albin Kurti, bashkë me ministrin në detyrë të Shëndetësisë, Arben Vitia, kanë përuruar të martën fillimin e punimeve për depon e re të barnave në Kosovë.
Kjo depo u tha se do të jetë moderne dhe sipas standardeve ndërkombëtare, që do të mundësojë ruajtjen e barnave dhe shpërndarjen sa më të mirë të tyre në të gjitha spitalet.
Kryeministri në detyrë, Albin Kurti, tha se kostoja totale e këtij projekti do të jetë 1 milion e 770 mijë euro.
“Barnat në Kosovë janë mbajtur, se s’mund të them janë ruajtur, në ambiente të pasigurta, të papërshtatshme dhe me rrjedhje uji. Ky objekt në Fushë Kosovë, pranë KQZ-së, do të mundësojë që barnat të ruhen sipas standardeve të larta ndërkombëtare. Hapësira, e cila shihet se është nën kulm dhe me mure, por ende e parregulluar nga brenda, ka një sipërfaqe prej mbi dy mijë metra katrorë dhe do t’i shtohet një aneks prej 500 metrash katrorë”, tha ai.
Ndërkaq, ministri në detyrë, Arben Vitia, tha se ky projekt është ndër më të rëndësishmit për shëndetësinë kosovare, pasi ka të bëjë me ruajtjen e barnave – një faktor që ndikon drejtpërdrejt në cilësinë e shërbimeve për pacientët.
“Ky projekt është ndër më të rëndësishmit për shëndetësinë kosovare, pasi ka të bëjë me ruajtjen e barnave – që domosdoshmërish ndikon në cilësinë e shërbimeve për pacientët dhe qytetarët tanë. Për më shumë se 20 vjet, barnat janë ruajtur në ambiente aspak të përshtatshme për këtë qëllim. Ambienti aktual ka një sipërfaqe prej rreth një mijë metrash katrorë, e cila nuk është e përshtatshme për ruajtjen e barnave. Kjo depo e re do të jetë moderne; përveç kushteve teknike, do të instalohen edhe sisteme të ndryshme digjitale që do të mundësojnë menaxhimin dhe shpërndarjen sa më të mirë të barnave në spitalet dhe komunat e vendit”, tha Vitia.
Depoja e re do të ndërtohet në zonën industriale në Fushë Kosovë.
Lajmet
Kurti: Opozita po ma zgjatë mandatin, s’kemi marrëveshje për një gjë të tillë
Published
2 hours agoon
June 24, 2025By
UBTnews
Kryeministri në detyrë, Albin Kurti ka thënë se s’ka shpjegim racional për krizën politike në Kosovë. Ai duke kritikuar partitë që deri tani ishin në opozitë, tha se çdo opozitë demokratike në botë përpiqet t’ia shkurtojë mandatin qeverisë, përveç asaj në Kosovë.
Sipas Kurtit, dikush mund të mendojë se ka një marrëveshje politike që ata të qëndrojnë sa më gjatë në pushtet, por që nuk është e vërtet.
Kurti gjithashtu nënvizoi nevojën që partitë të tjera parlamentare të marrin pjesë në votim për konstituim të Kuvendit, derisa nënvizoi se kur të vjen koha për formim të qeverisë, LVV-ja si partia e parë në zgjedhje, do ta dëshmojë se i ka numrat.
“Unë kam hyrë në çerekun e dytë të vitit të pestë të mandatit të plotë. Çdo opozitë demokratike përpiqet që t’ia shkurtoj mandatin qeverisë, përveç opozitës kosovare që siç jeni dëshmitarë të gjithë po ia zgjatë mandatin qeverisë aktuale. Dikush edhe mund të mendoj se kemi marrëveshje. Ne si qeveri në detyrë kemi marrëveshje me opozitën aktuale që të qëndrojmë sa më gjatë në pushtet por kjo nuk është e vërtet. Unë nuk kam shpjegim racional për këtë sjellje nëpër të cilën po kalojnë institucionet e Kosovës në veçanti kuvendi ende po i themeluar pasi qeveria është në detyrë. Ne kemi më pak kompetenca por njësojë punë. Sa më herët që konstituojmë Kuvendin me votim të fshehtë aq më shpejt do të jemi te qeveria e re. Ndërkohë që s’ka qeveri të re Kurti III ka qeveri në detyrë, Kurti dy pikë pesë”, tha ai.
Kurti duke folur si liderë i LVV-së, tha se pasi të konstituohet Kuvendi, partitë tjera e kanë rastin të testojë atë nëse i ka votat për formim të qeverisë së re pas zgjedhjeve të 9 shkurtit.
“Kur të vjen puna e qeverisë që është përgjegjësi e subjektit fitues në mënyrë ekskluzive atëherë ne duhet ta dëshmojmë vetën. Kuvendin duhet ta bëjmë të gjithë bashkë. Kuvendin nuk e themelon subjekti fitues, pavarësisht sa vota i ke duhet të bëhemi bashkë që të themelojmë Kuvendin e kanë pasur të qartë qëllimin…Të kalojmë te 15 ditët kur duhet të themelohet qeveria me mua si mandatar, ku unë duhet të dëshmoj vetën dhe opozita të më testojë”, shtoi Kurti.
Sa i përket nevojës për arritjen e një marrëveshje politike, Kurti tha se ka bërë një gjë të tillë, mirëpo është refuzuar ashpër nga LDK-ja.
Ai tregoi edhe arsyen se pse nuk po flet para objektit të Kuvendit të Kosovës.
“Ofrova bisedime për koalicion qeveritar LDK-së. U refuzua shumë ashpër. Kur nuk duan marrëveshje për procedurë për themelim të Kuvendit dhe as marrëveshje politike për formim të qeverisë që është hapi i radhës, jo i pari atëherë çfarë të bëjë unë. Unë po e kryej obligimin tim duke mos munguar në asnjë vazhdim të seancës. Prej se kemi filluar me datën 15 prill mua më keni pasur aty çdo 48-orë. Unë po flas këtu dhe jo te Kuvendi pasi atje jam njëri nga 48 deputetët të subjektit fitues kaq, ndërkaq këtu si kryeministër në detyrë”, theksoi Kurti.
Këto komente Kurti i bëri pas vendosjes së gurë themelit për ndërtimin e një depo të Ministrisë së Shëndetësisë për ruajtjen e barnave.

KQZ emëroi rreth 220 anëtarë të 38 Komisioneve Komunale të Zgjedhjeve

Trump i bën thirrje Izraelit që mos ta sulmojë Iranin

OKB do të zhvendosë stafin nga Irani për shkak të shqetësimeve për sigurinë

Krasniqi diskuton me përfaqësuesin norvegjez për dialogun me Serbinë

Rutte: SHBA-ja është plotësisht e përkushtuar ndaj NATO-s

Nisin punimet për depon e re të barnave në Kosovë

Kurti: Opozita po ma zgjatë mandatin, s’kemi marrëveshje për një gjë të tillë

Ngjarjet sot në Kosovë

OEK: Pezullohet vendimi për daljen e bizneseve në treg të lirë të energjisë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore