

Lifestyle
Si ta bëni shtëpinë të mbajë aromë të mirë në pak minuta?
Nëse doni që shtëpia juaj të mbajë gjithnjë erë të freskët natyre mund të provoni parfumët natyralë.
Published
4 years agoon
By
UBT newsTrajtimet me aroma të caktuara apo të quajturat ndryshe aromaterapi janë një mënyrë e mirë për të promovuar shëndet.
Ato ndihmojnë në çlirimin nga dhimbjet, qetësimin e nervave, ndihmojnë me gjumin e mirë dhe mund të luftojnë bakteret e këqija.
E megjithëse në këtë artikull nuk do të trajtojmë posaçërisht këto lloj trajtimesh, aromat e mirë përreth janë gjithnjë një hap drejt mirëqenies.
Nëse doni që shtëpia juaj të mbajë gjithnjë erë të freskët natyre mund të provoni parfumët natyralë.
Këto mund t’i përgatisni vetë në shtëpi në disa minuta e t’i shijoni përgjatë gjithë ditës, sidomos kur keni gatuar gjatë.
Ndiqni më poshtë një mënyrë interesante që ju ndihmon me pastrimin e ajrit në ambientet ku qëndroni.
Përbërësit
1 l ujë
1 portokall
128 gr boronica të kuqe
1 lugë gjelle fara karafili
2 degë të freskëta rozmarinë
1 lugë çaji ekstrakt vanilje
Përgatitja
Për të nisur me përgatitjen e kësaj rcete AgroWeb.org ju këshillon të prisni portokallin në feta të holla dhe ta shtoni në një tenxhere.
Po aty hidhni bornicat e kuqe, farat e karafilit, 2 degët e freskëta të rozmarinës dhe pak ekstrakt vanilje apo kanellë.
Sipas dëshirës tuaj mund të shtoni apo zëvendësoni edhe përbërës të tjera që ju gjenden në shtëpi.
Përshembull mund të përdorni edhe gjethe dafine, kanellë apo fruta të tjera të stinës siç janë mollët.
Në fund tek kjo përzierje shtoni përafërsisht edhe 1 litër ujë ose derisa tenxherja të mbushet plotësisht.
Vendoseni të ziejë dhe përzieni herë pas here që përbërësit të lëshojnë aromat e tyre.
Në vetëm pak minuta shtëpia juaj do të mbushet me aromë të freskët frutash.
Lëreni të ziejë në zjarr të avashtë derisa uji të avullojë dhe mund të shtoni përsëri./AgroWeb.org
Lifestyle
Pse fëmijët janë përzgjedhës në ushqim dhe si mund t’i ndihmojnë prindërit?
Published
23 hours agoon
October 21, 2025By
UBT News
Një asistente e terapisë profesionale ka ndarë një këshillë të thjeshtë, por shumë të vlefshme për prindërit e fëmijëve që janë përzgjedhës në ushqim: mos hiqni dorë nga ofrimi i ushqimeve të reja, edhe nëse fëmija i refuzon fillimisht.
Ajo thekson se është krejtësisht normale që fëmijët të refuzojnë shije të reja, por prindërit duhet të jenë të durueshëm dhe të vazhdojnë t’ua ofrojnë ato pa presion.
Sipas saj, një fëmijë mund të ketë nevojë të ekspozohet ndaj një ushqimi deri në 20 herë përpara se ta pranojë.
“Qëllimi nuk është që fëmija ta pëlqejë menjëherë, por të ndihet i sigurt pranë ushqimit të ri,” shpjegon ajo.
Si shembull, përmend një rast me rrushin, pasi ia ofroi fëmijës për 11 ditë rresht, ai fillimisht refuzon, por më vonë e pranoi dhe e pëlqeu.
Ekspertja këshillon që ushqimet e reja të jenë gjithmonë të pranishme në pjatë, pa dramatizim, pasi shijet ndryshojnë me kohën.
Nëse një fëmijë refuzon pothuajse çdo ushqim pavarësisht përpjekjeve, mund të bëhet fjalë për një çrregullim si ARFID apo vështirësi ndijimore – në këto raste, rekomandohet konsultimi me pediatrin. /A.Z/UBT News/
Lifestyle
Përfitimet e majasë së bukës për fytyrën, flokët dhe kopshtin
Published
5 days agoon
October 17, 2025By
UBT News
Majaja e bukës është një përbërës i njohur për përdorimin e saj në përgatitjen e bukës apo picës, ku ndihmon në ngritjen e brumit dhe dhënien e strukturës së dëshiruar.
Por, kjo kërpudhë natyrale ka shumë përdorime të tjera të dobishme, që shkojnë përtej kuzhinës.
Në këtë artikull do të zbulojmë pesë mënyra alternative se si mund ta përdorni majanë e bukës në shtëpi, nga kujdesi për fytyrën e deri tek kopshtaria.
Pastron dhe rigjeneron fytyrën
E pasur me vitaminë B, antioksidantë, aminoacide dhe vitaminë E, që e bëjnë ideale për pastrimin dhe rigjenerimin e lëkurës. Përgatitja është e thjeshtë: Përzieni një lugë gjelle maja me ujë të ngrohtë, lëreni të pushojë për 30 minuta në ambient të ngrohtë. Aplikoni përzierjen në fytyrën e pastër dhe lëreni të veprojë për 20 minuta. Pasi të thahet, shpëlani me ujë e përdorni krem hidratues.
Shkëlqen dhe ushqen Flokët
Majaja e bukës është trajtim natyral i shkëlqyeshëm për flokët, falë përmbajtjes së vitaminës B8 e lëndëve ushqyese. Për ta përdorur: Shkrini një lugë gjelle maja në një gotë me ujë. Vendosni përzierjen në flokë të thatë, duke filluar nga skalpi. Lëreni të thahet për 30 minuta e lani me shampo si zakonisht.
Largon krimbat dhe insektet e padëshiruara nga bimët
Krimbat dhe insektet e vogla mund të jenë problem për kopshtarinë. Majaja e bukës është mënyrë natyrale për t’i larguar pa përdorur kimikate: Mbushni një kavanoz me dy lugë gjelle maja e shtoni ujë të vakët, pak sheqer e kripë. Vendosni në tokë pranë bimëve apo luleve. Insekte tërhiqen nga fermentimi e do të grumbullohen në kavanoz, duke lënë bimët të qeta.
Ushqen dhe përmirëson shëndetin e luleve
Një përzierje me majë buke, ujë e mjaltë ju ndihmon luleve të marrin proteinat e nevojshme e tërheqin insektet. Hidhni pak nga kjo përzierje në pjatat ku vendosen lulet. Kjo mënyrë ndihmon lulëzimin e shëndetshëm të kopshtit tuaj.
Përshpejton plehërimin e tokës
Majaja e bukës, si një kërpudhë me mikrorganizma të gjallë, ndihmon në përshpejtimin e dekompozimit të materialeve organike në tokë: Përzieni majanë me sheqer, kripë dhe ujë e hidhni përzierjen në tokë.
Kjo aktivizon proceset e plehërimit, duke ndihmuar bimët të marrin ushqimet e nevojshme më shpejt.
Përfundimisht, majaja e bukës është një burim natyral me shumë përdorime të ndryshme që mund t’ju ndihmojnë jo vetëm në kuzhinë, por edhe për kujdesin personal dhe kopshtarinë. /A.Z/UBT News/
Lifestyle
Sekreti i pastrimit të furrës: Uji me limon!
Published
5 days agoon
October 17, 2025By
UBT News
Ka shumë mundësi që e përdor shpesh në kuzhinë, por nuk e ke vënë re se me kalimin e kohës është bërë më e ndotur.
Po flasim për derën e furrës, e cila mbulohet me yndyrë dhe papastërti, aq sa mund të ndodhë që një ditë të mos mund të shikosh më përmes saj. Por mos u shqetëso! Nuk ke nevojë të blesh produkte të shtrenjta për pastrim.
Një limon i thjeshtë mund të bëjë mrekulli. Limonët kanë veti antibakteriale dhe pastruese, duke u konsideruar një “zbardhues natyral”.
Sipas uebfaqes Oven Clean: “Kur jeta të jep limonë, përdore për të pastruar furrën!”
Acidi citrik në limon vepron si pastrues natyral dhe i shton shkëlqim pajisjeve të kuzhinës.
Madje, me pak kripë mund të shmangësh përdorimin e shumë kimikateve të zakonshme.
Si të pastroni furrën me limon?
Mbush një enë që mund të futet në furrë me ujë.
Merr 1 ose 2 limonë (ose limeta), priti përgjysmë dhe shtrydhi lëngun në enë.
Vendose enën në furrë dhe mbylle derën.
Ndiz furrën dhe kur uji të fillojë të vlojë, fik furën pa hapur derën.
Lëre avullin të qarkullojë ndërsa furra ftohet.
Kjo metodë jo vetëm që pastron, por i jep furres një aromë të freskët dhe natyrale. /A.Z/UBT News/
Lifestyle
Si të zgjidhni ngjyrat e duhura për një gjumë të qetë?
Published
2 weeks agoon
October 6, 2025By
UBT News
Mënyra se si është e mobiluar dhoma e gjumit ka ndikim të madh në cilësinë e pushimit. Renditja e mobilieve, zgjedhja e materialeve dhe, mbi të gjitha, paleta e ngjyrave ndikojnë drejtpërdrejt në qetësinë e trupit dhe mendjes.
Ekspertët e dizajnit të brendshëm theksojnë se ngjyrat nuk janë thjesht element estetik, por kanë efekt psikologjik, duke formësuar disponimin dhe ndjenjën e rehatisë në hapësirë.
Ngjyrat që duhen shmangur
Sipas Kate Duffy, eksperte e arredimit të brendshëm, hapi i parë është të mendoni për atmosferën që doni të krijoni. Për një dhomë që nxit relaksim, duhet të shmangni tonet e ftohta dhe sterile, që krijojnë ndjesi distancimi apo ftohtësie emocionale.
Gri ose e bardha me nëntona të ftohtë mund të japin ndjesinë e sterilitetit ose të trishtimit. Në vend të tyre, rekomandohen tone të ngrohta, neutrale ose tokësore, që sjellin rehati dhe natyralitet.
Ngjyrat e ndezura, si e verdha intensive, jeshile e gjallë ose rozë e fortë, mund t’i japin energji dhomës, por nëse dominojnë, mund të shkaktojnë nervozizëm dhe vështirësi në relaksim. Përdorini vetëm në detaje: jastëkë dekorativë, perde ose tablo.
E kuqja, edhe pse lidhet me pasionin, rrit energjinë e pengon gjumin. Ajo nxit dhe oreksin, ndaj nuk është e përshtatshme për dhoma gjumi.
Si të neutralizoni ngjyrat e papërshtatshme?
Nëse muret janë lyer me ngjyra të papërshtatshme, efekti zbutet: Me mobilie të mëdha që mbulojnë sipërfaqe dominuese, me piktura, tablo ose pasqyra që krijojnë ekuilibër vizual. Me ndriçim të ngrohtë dhe të butë, që ndryshon perceptimin e ngjyrës dhe e bën më qetësuese
Ngjyrat që nxisin gjumin e mirë
Ekspertët rekomandojnë: Kaltra e butë, që qetëson mendjen e krijon ndjesi sigurie. Bezha dhe tonet rërorë, që sjellin ngrohtësi dhe stabilitet
Livanda, vjollca e hapur dhe jeshilja ulliri, për një atmosferë të balancuar dhe natyrale. Për një prekje romantike, rozë e zbehtë ose nuanca pudre, delikate dhe të balancuara.
Zgjedhja e ngjyrave të duhura mund të transformojë dhomën e gjumit në një hapësirë relaksuese dhe të qetë, që favorizon pushimin e mirë dhe rifreskimin e trupit dhe mendjes. /A.Z/UBT News/

Ia vodhi babait mbi 24 mijë euro, arrestohet 34-vjeçari në Shtime

Rekord i ri, 43 gola në një natë në Champions League

Dy të vrarë me armë zjarri në Durrës

Britania e Madhe nikoqire e Samitit të Procesit të Berlinit për vendet e Ballkanit Perëndimor

Villarreal-Barcelona nuk do luhet në Miami

Skëndërbeu luan në Europë, por me të rinjtë

Basha: Do të ishte antikushtetuese nëse nuk do t’i jepja mundësinë Rashiqit për nënkryetar

Ari bie nga nivelet e tij më të larta

Rënie dramatike e pensioneve invalidore në Kosovë, 26.8% më pak përfitues
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës