Lajmet

Si rrallë herë, Kina lejon shfaqjen e filmit “Avatar” në kinematë e vendit

Filmi do të dalë në Kinë në të njëjtën ditë me publikimin e tij global.

Published

4 years ago

November 26, 2022

UBT news

“Avatar: The Way of Water” është një nga filmat e paktë të huaj që ka akses në tregun kinez muajt e fundit.

Vazhdimi i shumëpritur i filmit “Avatar” të regjisorit James Cameron do të shfaqet në kinematë kineze më 16 dhjetor, ka thënë 20th Century Studios.

Filmi do të dalë në Kinë në të njëjtën ditë me publikimin e tij global.

Bëhet një nga filmat e paktë të huaj që ka akses në tregun kinez në muajt e fundit, krahas filmit më të fundit në ekskluzivitetin e Minions dhe Sony Pictures, “Where the Crawdads” Sing.

Filmat e huaj kanë luftuar prej kohësh për të fituar datat e publikimit në Kinën kontinentale për shkak të kuotave strikte të numrit të filmave ndërkombëtarë që lejohen të shfaqen dhe shumë prej tyre janë bllokuar për shkak të përmbajtjes që rregullatorët kinezë e konsiderojnë të pahijshme.

Megjithatë, për shkak të rritjes së personave të infektuar me Covid-19, njerëzit në shumë qytete anembanë vendit po përmbahen nga shkuarja në kinema./UBTNews/

Related Topics:"Avatar""Avatar: The Way of Water"

Up Next

Çfarë do të ndodhte nëse Toka do të ndalonte së rrotulluari?

Don't Miss

Alphabet do të pushojë nga puna rreth 10 mijë punonjës me performancë të dobët

Lajmet

Të dyshuar për dhunë ndaj familjarëve, disa persona arrestohen në Kosovë

Published

3 minutes ago

July 31, 2026

UBT News

Policia e Kosovës ka raportuar për disa raste të dhunës në familje gjatë 30 korrikut.

Në Fushë Kosovë, rreth orës 02:00, është arrestuar një person i dyshuar pasi dyshohet se ka sulmuar fizikisht vëllain e tij. Nuk raportohet për persona të lënduar, ndërsa me vendim të prokurorit i dyshuari është dërguar në mbajtje.

Në Prishtinë, rreth orës 21:30, është raportuar se pas një konflikti verbal me bashkëshortin, një grua është sulmuar fizikisht. I dyshuari, pas intervistimit në stacionin policor dhe me vendim të prokurorit, është liruar në procedurë të rregullt.

Ndërkaq, në Deçan, dy persona janë arrestuar nën dyshimin se kanë ushtruar dhunë në familje ndaj prindërve të tyre. Njëri nga viktimat ka pësuar lëndime të lehta trupore dhe ka pranuar tretman mjekësor. Me vendim të prokurorit, njëri nga të dyshuarit është dërguar në mbajtje, ndërsa tjetri është liruar në procedurë të rregullt./A.K/

Lajmet

Esmeralda Kazia shpallet “Cybersecurity Woman of the World 2026”, shqiptarja e parë që merr këtë çmim

Published

58 minutes ago

July 31, 2026

UBT News

Shqipëria ka shënuar një arritje të rëndësishme në fushën e sigurisë kibernetike, pasi Esmeralda Kazia është shpallur “Cybersecurity Woman of the World 2026”.

Kazia është shqiptarja e parë që fiton këtë titull prestigjioz, i cili vlerëson lidershipin, vizionin dhe kontributin në zhvillimin e sigurisë kibernetike në nivel ndërkombëtar.

Çmimi iu dorëzua gjatë ceremonisë së organizuar nga United Cybersecurity Alliance në Austri dhe Lihtenshtajn, ku morën pjesë përfaqësues të institucioneve shtetërore, organizatave ndërkombëtare, universiteteve, kompanive dhe ekspertë të sigurisë kibernetike nga më shumë se 30 vende.

Pas marrjes së çmimit, Kazia në një intervistë për transmetuesin publik austriak ORF theksoi rëndësinë e sigurisë kibernetike për mbrojtjen e institucioneve dhe besimit publik.

“Siguria kibernetike nuk ka të bëjë vetëm me mbrojtjen e teknologjisë, por me mbrojtjen e besimit”, u shpreh ajo.

Gjatë këtij edicioni janë zhvilluar edhe diskutime për mundësinë që ceremonia “Cybersecurity Woman of the World 2027” të organizohet në Shqipëri. Nëse realizohet, vendi pritet të mirëpresë ekspertë, institucione dhe përfaqësues ndërkombëtarë të fushës së sigurisë kibernetike.

Duke komentuar vlerësimin, Kazia tha se ky titull përfaqëson një përgjegjësi për të vazhduar punën në forcimin e sigurisë kibernetike dhe mbrojtjen e infrastrukturave kritike.

Esmeralda Kazia aktualisht është Drejtoreshë Ekzekutive e Teknologjisë për Teknologjinë Operacionale, Sistemet e Kontrollit Industrial dhe Automatizimin në Korporatën Elektroenergjetike Shqiptare (KESH). Më herët ajo ka udhëhequr operacionet kombëtare të monitorimit dhe reagimit ndaj incidenteve kibernetike në Autoritetin Kombëtar për Sigurinë Kibernetike.

Me mbi 13 vite përvojë në sigurinë kibernetike, transformimin digjital dhe mbrojtjen e infrastrukturave kritike, Kazia ka përfaqësuar Shqipërinë në forume ndërkombëtare si NATO, OSBE dhe iniciativa globale kundër sulmeve kibernetike. Ajo është gjithashtu pedagoge universitare dhe kërkuese shkencore, me fokus në inteligjencën artificiale dhe ekosistemet digjitale./Albinfo.ch//A.K/

Lajmet

Sean “Diddy” Combs do të lirohet nga burgu më herët, data caktohet për janar 2028

Published

60 minutes ago

July 31, 2026

UBT News

Reperi amerikan Sean “Diddy” Combs pritet të lirohet nga burgu më herët sesa ishte planifikuar fillimisht, pavarësisht një incidenti të fundit ku raportohet se u përfshi në një përleshje me një të burgosur tjetër.

Sipas të dhënave më të fundit të Byrosë Federale të Burgjeve, lirimi i Combs është caktuar për 24 janar 2028. Fillimisht, data e lirimit ishte parashikuar për maj të vitit 2028, por ajo është ndryshuar disa herë gjatë muajve të fundit.

Combs, 56 vjeç, u shpall i pafajshëm për akuzat më të rënda, përfshirë trafikimin e qenieve njerëzore dhe reketimin, por u dënua për organizim të prostitucionit.

Shkurtimi i dënimit lidhet me zbatimin e ligjit amerikan “FIRST STEP Act”, i cili u mundëson disa të dënuarve përfitime për lirime më të hershme.

Ndryshimi i fundit i datës së lirimit vjen vetëm një javë pasi reperi raportohet se u përfshi në një përleshje fizike me një të burgosur tjetër në burgun federal Fort Dix në New Jersey. Sipas raportimeve, konflikti nisi pas një përplasjeje verbale dhe më pas kaloi në përleshje fizike, derisa ndërhynë rojet e burgut.

Pas incidentit, Combs raportohet se është vendosur përkohësisht në izolim, megjithëse autoritetet e burgut nuk kanë konfirmuar detaje për ngjarjen.

Byroja Federale e Burgjeve ka deklaruar se, për arsye sigurie dhe privatësie, nuk komenton kushtet e qëndrimit të të burgosurve apo arsyet e ndryshimit të datave të lirimit./A.K/