Lajmet

Si po ndikon televizioni në pikëpamjet e rusëve rreth luftës në Ukrainë?

Televizioni i kontrolluar nga shteti nuk tregon pothuajse asnjë raport për bombardimet.

Published

4 years ago

on

Ndërsa policia në Rusi shtyp protestat kundër luftës që po shfaqen në të gjithë vendin, shumë qytetarë nuk e dinë plotësisht se çfarë po ndodh në Ukrainë.

Televizioni i kontrolluar nga shteti nuk tregon pothuajse asnjë raport për bombardimet dhe granatimet ruse në Kiev dhe qytete të tjera të Ukrainës. Në vend të kësaj, ai fokusohet tek të ashtuquajturit “nacionalistë” dhe “neo-fashistë” ukrainas.

Por të rinjtë rusë si Arina 25-vjeçare, e cila jeton në Moskë, nuk po shikojnë TV. Ajo është në internet, lexon blogje dhe dëgjon vlogger-ët. Edhe ajo e ka të vështirë të kuptojë pse po ndodh kjo luftë dhe çfarë do të thotë kjo për jetën e saj si një e re ruse.

“Është shumë e vështirë të parashikosh ndonjë gjë, sigurisht, situata është e tmerrshme”, tha Arina, e cila i kërkoi CNN të përdorte vetëm emrin e saj të parë për sigurinë e saj. Mes miqve të mi ka shumë ankth për të ardhmen, shumë frikë, sepse nuk e dimë si do të ndikojë tek ne.

Por nëna e Arinës e sheh atë krejtësisht ndryshe, duke besuar se lufta është një “masë e nevojshme” kundër kërcënimit perëndimor, tha Arina.

Arina dhe nëna e saj “patën një debat shumë të ashpër”, tha ajo. “Ne kemi burime shumë të ndryshme informacioni: unë mësoj gjithçka nga mediat e pavarura, të cilat kryesisht janë bllokuar prej kohësh në Rusi, dhe ajo shikon TV”.

Reagime të ndryshme

Ndërsa Arina dhe miqtë e saj ndjekin lajmet për Ukrainën në mediat sociale, rusët kanë pasur reagime kontradiktore, tha ajo.

“E para është, të gjithë thonë: “Po, duhet të kemi turp”. E dyta është: “Jo, të mos turpërohemi nga vetja dhe të mos i lidhim vetes vendime që nuk janë marrë nga ne”.

Por të dyja palët bien dakord për një gjë, thotë Arina: Ata duan që komuniteti ndërkombëtar të dijë “se njerëzit nuk janë presidenti i tyre dhe ne nuk e zgjodhëm këtë”./UBTNews/

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

18 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

19 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

20 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

22 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara