Lajmet

Si ndikon moti i ftohtë në presionin e gjakut?

Published

1 year ago

January 31, 2025

UBT News

Me ardhjen e ditëve më të ftohta, shumë njerëz po pyesin si temperaturat e ulëta ndikojnë në shëndetin, e veçanërisht në presionin e gjakut.

I ftohti mund të shkaktojë rritje të presionit të gjakut, gjë që rrit rrezikun e sulmit në zemër dhe në tru. Lajmi i mirë është se ka hapa të thjeshtë që mund të ndërmerrni për të mbrojtur shëndetin e mbajtur presionin e gjakut të qëndrueshëm edhe gjatë muajve më të ftohtë.

Kur temperaturat bien, trupi përshtatet me ndryshimet për të ruajtur nxehtësinë. Kjo përfshin ngushtimin e enëve të gjakut, gjë që pengon qarkullimin e gjakut dhe rrit presionin e gjakut.

“Në dimër, shumë pacientë vërejnë një rritje të presionit të gjakut sepse i ftohti shkakton ngushtimin e enëve të gjakut, gjë që rrit rezistencën ndaj rrjedhjes së gjakut”, shpjegon mjeku Martin Thornton për Independent.

I ftohti stimulon lirimin e hormoneve të stresit, si adrenalina, që rrit presionin e gjakut e përshpejton rrahjet e zemrës. Ditët më të shkurtra dhe më pak dritë e ditës mund të ndikojnë gjithashtu në disponimin dhe nivelet e stresit, të cilat indirekt ndikojnë në presionin e gjakut.

“Në dimër, njerëzit lëvizin më pak, arrijnë më shpesh tek ushqimet me kalori të lartë dhe ushtrojnë më rrallë, gjë që mund të kontribuojë në presionin e lartë të gjakut”, shton Thornton.

Presioni i lartë i gjakut quhet “vrasësi i heshtur”, nuk shfaq simptoma të dukshme. Në disa raste shfaqen dhimbje koke të shpeshta, turbullim i shikimit dhe dhimbje gjoksi. Nëse vëreni ndonjë nga këto simptoma, sigurohuni që të konsultoheni me një mjek.

Si ta mbani presionin e gjakut të qëndrueshëm gjatë dimrit?

Qëndroni aktiv në ambiente të mbyllura – Aktiviteti i tepërt fizik gjatë të ftohtit ushtron tendosje shtesë në zemër. Në vend të kësaj, provoni ushtrime si joga ose Pilates, të cilat mund t’i bëni në shtëpi.

Matni rregullisht tensionin e gjakut – Nëse keni hipertension ose jeni në rrezik, monitorimi i rregullt parandalon komplikime serioze.

Hani siç duhet – Shmangni ushqimet e pasura me kripë dhe yndyra të ngopura e zgjidhni ushqime të balancuara që ndihmojnë në parandalimin e rritjes së presionit të gjakut.

Menaxhoni stresin – Teknikat e relaksimit, si meditimi ose ushtrimet e frymëmarrjes, mund të ndihmojnë në uljen e stresit, i cili ka një efekt pozitiv në presionin e gjakut.

Ngrohni ambientet – Mbajtja e ngrohtë e shtëpisë ndihmon qarkullimin e zvogëlon rrezikun e rritjes së presionit të gjakut. /UBT News/

Related Topics:stresi ushqime simptoma gjaku shikimi tensioni presioni frymemarrja ubt news rritja

Up Next

Komuna e Prishtinës ndan mirënjohje për familjet Pajaziti, Zejnullahu dhe Hoxha

Don't Miss

Arrinë në gjykatë të akuzuarit për vrasjen e Liridona Ademajt

Vendi

Votohet Qeveria Kurti me 66 vota pro

Published

3 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

4 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

6 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

7 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.